كاتب الموضوع :
Rehana
المنتدى :
الروايات الرومانسية المترجمة
رد: 32 - ذكريات مظلمة - آندي جري - ترجمة Rehana ( الفصل الرابع )
الفصل رومانتيكى خالص ومؤثر جدا وقصير جدا جدا جدا يعنى مالحقتش استطعم الفصل وياريته كان طويل حبتين
بس كان فصل مذهل وكريستاينو من الواضح عنده ماضى محبط جدا ومن الصعب ان الطفل يتأقلم مع انه دايما متوقع منه الفشل فى كل الامور الى بيفعلها وده أكيد ترك أثر على كريستيانو وبتسائل دلوقتى ردة فعله اما يعرف عن طفله وايه الكلام الى هيدور بينه وبين كيت لما يعرف ولو تذكر بعد الليلة دى فى الكوخ ممكن يقول ايه لكيت ياترى ممكن يتهمها ان هى السبب فى الحادث الى أصابه رغم انى أتوقع أن عودة ذاكرته هتاخذ وقت أطول من كده بكتير وانه هيعرف عن ابنه قبل رجوع ذاكرته وانه هيقع فى حب كيت والمرة الماضية كانت البداية أما دلوقتى فهيتابعوا الى المفروض كان يحصل بعد السباق الى كان سبب فى حادثته .. وحساسية كريستاينو اتجاه كيت من ناحية موت اخيها وابيها يمكن فعلا ده كان سبب حادثته انه كان خايف على كيت وما كانش عايز يفقدها وذكرياته معاها طغت على رؤيته وقت السباق وده أدى لحدوث الحادث وفقدانه الذاكرة .. الرواية شكلها بدات شرارة النار بتاعتها تحمى وقريب جدا هتولع اكيد وممكن تشتعل كمان هههههههههههههه وياسلام على ذوقك فى الروايات رائع وترجمتك الأروع بجد جناااااااااااااااان .. تسلم ايديكى ريحانة ويا ريت ما تتأخريش عليا فى الفصل لحسان انا ببقى منتظراه وطوليه شوية عشان الحق اشبع منه ولو عايزة تطويله شويتين ما عنديش مانع برده ههههههههههه ..
|