غريبة هي الأيام ..
سرقتنا .. تسرقنا و تسرق منا ..

سرقتني أيامي من ليلاس .. من رواياته و أزقته و حاراته و من جموعٍ أحببتها و من كلماتٍ عشقتها ..
لكنني أنتمي هنا .. أعشق هذا المكان الصافي .. !!

أتمنى أن يكون مروري دوما في بالِ أحبتي هنا بدعوة خالصة ..
أحبكم في الله ..

حماكم ربي و رعاكم و جعل بيتكم كما ليلاس .. دافئا صافيا هادئا و محباً !!
:)

..
ربما أعود .. و ربما تطول غيبتي .. و ربما لا أدري .. !

الحمدلله دوما و أبداً .. ! :)


..
فسحة أمل نقية .. كنقاء أرواحكم ..
^_^

- يا امي موجوعة !!
- شو بيكي يا بنتي !!!!!؟
- خايفة افقد روحها !! خايفة افقد ارضي اكتر !! خايفة يضيع اهلي اكتر !! خايفة نتشتت اكتر و اكتر .. !! يا امي ارضي عم ترووح .. اخواني الشباب عم يروحو واحد ورا التااااني .. اخواني الصغار بعدهم بعمر الطفولة صغاااار عم يروحوا لربهم .. يا اميييي و اااخ يا امي شو وجع قلبي كبييير ..
- روقي يا بنتي .. وجع قلوبنا نحنا اكبر .. هدوول ولادنا اللي عم يروحوا .. !! لاا تخاافي .. إلنا رب العزة و الكرامة مقوينا و مقوي قلوبنا .. معنا بكل لحظة .. حامينا و بإسمه رافعين رايتنا ..
- يا امي .. خايفة دير ياسين ترجع تنعاد مرة تااانية !!
- لااا يا بنتي .. اهل غزة كلهم عزة و قوة .. هدووول رجااالك يا فلسطين .. رجالك اللي للإستشهاد و فدا الوطن انخلقوا .. الحااامي من عاالي سماه يحماهم و ينصرهم .. على كل معتدي و محتل و ظالم ..

الحمدلله إلك ياا رب

..

ربي يعدي هالأيام على أهلنا بغزة بخيير و ينجيهم من المحتل الآآثم و يكون معهم ..
كل دعوة عم تطلع من قلوبكم بتوصلهم ..
نحنا معكم يا أهل غزة ..

في القلب أوجاعٌ كبيرة لها ربٌ أكبر ..

ربي كن معيناً لأهلنا في القطاع ..

وقت طويييييل .. !!

المشاغل كثيرة .. رمضان جاء و غادر كسرعة البرق .. ما كدنا نقول مرحبا حتى ودعنا ..
العيد كان تعيساً .. صامداً امام اي شيء !! لم أدري كيف نحتفل ... و بالواقع فعلا لم نستطع الاحتفال ..
القلوب تعيسة .. و العقول مشغولة بالأوضاع ..
..
لا أدري لكن القلب يتحمل الحزن مع الفرح في حالة متزامنة ..
فرحة بدخول فرد جديد للعائلة و حزينة لمآل البلاد ..
..
أستطيع رسم الحزن و البهجة مرة واحد ..
بعدها أتأمل خيراً بربي و أترك اموري للمولى و انطلق ..
---

اشتياقي لليلاس و اهله كبير جدا ..
اتمنى ان استطيع اللحاق بالمراكب التي فاتتني .. غدا او بعدها ..
----
ليلاس .. بيتي :)

لما ريحة الياسمين تندهلَك ..
لما توقف قدامي و انت مو عارف شو بيك و انا مو عارفة شو بني ..
بيناتنا حاجز .. اسمنتي .. حجر ..
متر .. مترين .. تلات امتار بيناتنا ..
لما هالحاجز هو المانع ما بيني و بينك !!
لما قلبي و قلبك يوقفو دقاتهم لأن الحاجز عم يمنعا !!
ما سمعت صوت شي !!
انتَ سمعت ؟؟
إيه ؟؟
شو هاد !! دم !!؟
من وين !!!
لَك وينــــك !!!!
وين روحك !! ما عم إسمعها !!
صرخة !
روح !
احتراق !
لا ألم !
قلبي .. دقاته .. توقفت عن الصراع ..
روحي صعدت لروحك .. فوق .. للسماء .. !

رصاصة صغيرة فرقت ما بيني و بينك و جمعت روحي و روحك .. من بين تلات امتار .. !!
دير بالك ع روحنا !