جت صقيقتي هتوونه

من غير قصور بالباقين ليلاس ماله نكهة بدونهاااا هي وبنووو

الله يعين الحين بتشوف روحهااا علينا

اليوم كلمت جدتي ياحبي له بس

وذكرتني بشي وقالت لي ....ورجعت حليمه لعادته القديمه

قلت الحين منهي حليمه الي كل يوم تشبيهن عليه قالت لي قصه مدري كذب ولا صدق >>>شطحات حايل

ان حليمه هي زوجة حاتم الطائي وكانت بخيله عكس حاتم الكريم وكان فيه اعتقاد ان كل ماكثرت السمن بالاكل

طال عمرك واشتهرت بطبخها الزين

الي حصل ان مات ولدها فالظاهر شافت ان السمن ماينفع فرجعت تقلل السمن فقالوا الناس هالمثل فيها

صدق كذب الله واعلم

صباح الخير صباح الفوضى صباااح الاجاااازات

سهر وسهر حوسة نوم لخبطة نظااام

فيني طبع الساعه البيلوجيه حقتي ماتتغير ابد اجازه رمضان دوام زي بعض

وقت قومتي واحد ممكن على اخر الاجازه اصحى متاخره نص ساعه لو سهرت

بس جد طفش لحالي لي ثلاث ساعات ونص صاحيه من سته وماعندهم نيه يصحون

بقى اسبوع ويرجع الدوام والنظام بكل شي حتى الاكل ملخبط الاهم جارتي العجوز

تعزمني اليوم الاحد اروح معها تخيلوا لوين للكنيسه فيها مناقشه عن رفع المسيح او نزوله مافهمت عليها بالضبط

وجايبه لي بيض شوكليت زي شم النسيم بمصر الي ببداية الربيع .....

عندهاا اصرار عجيب اي مناسبه دينيه عندهم الا تهديني وتواصلني وكثير تقول لي خلي عيالك يجون مع احفادي

عارفه ان اكره ماتشوف المسلمين بس هي لها نشاطات في الكنيسه وتحاول تبشر وعلى كثر ماصديتها ما تراجعت

غرررريبه والاغرب ان احيانا يجيها بريد او طرود هدايا وما تكون في البيت تطلب من الرجال يجيبها بيتي مع ان الجهه الثانيه بريطانيين

مسيحين زيهاا بس متأكده ان اغراضها لا يمكن احد يلمسها او تنفتح قمة التناقض تثق فينا وتبينا نعجب بدينها

ابد ما اكلمها عن الاسلام ماهو تهاون بس فيه بشر تحس الكلام معهم ضايع ....

بنتي قبل فتره جايه معصبه ليه وش فيك قالت ان المعلمه بحصة الديانات يوم تكلمت عن الاسلام فيه ولد قال اسلام ارهاب

اسلام قتل واننا قعدنا تناقش وخاصه فيه ولد باكستاني بريطاني مسلم المهم عددهم ثلاث مسلمين على عشرين بين مسيحي

ويهودي وملحدين اتفقوا على كرههم للاسلام قلت الحين دوركم المفروض تعطون صوره حلوه للاسلام انتم الحين سفراء الاسلام

بنتي ريوم قالت ماما تصدقين معلمة المكتبه يوم شافتنا ندور مكان نصلي فيه قالت هذا الركن لكم دايم لو تبون تجيبونةسجادات وتتركونها

بعطينكم خزنه. فهمتها احترمتم دينكم احترموكم حست انكم تطبقون الدين بعيد عننا يعني مقتنعين ماهو تبعيه لنا اعجب هالكلام ولدي

مع انه صغير بكرا جاني قال ماما اليوم سوينا شي غريب قلت ايش قال بوقت الاكل قلت للمسلمين وش رايكم نصلي الظهر جماعه

وتجمعوا يمكن 11او12 بين سعودي وكويتي وتركي وباكستاني واخترنا اكبرنا واحسنا صوت الامام. يقول ماما قعدوا يصورونا

ونادوا المعلمين وناقشوهم وماشالله عليه سعيد قال الحين اليهودي مره غلطتوا وحطيتوا بالباستا هام وش صار اعتذر له الطباخ رسمي

قدامنا طيب وش الغلط بصلاتنا اذينا احد اجبرنا احد وبعد مناقشات سمحوا لهم بس بصالة الالعاب الداخليه ولحالهم خاااافوا

ان الطلاب يبدون يسألون ويستفسرون. ويعرفون الاسلام الصحيح بعيد عن كذبهم .....


هذرة طفشااانه

الله يخليهم لي لو ازعجوني

..............

ودي امسك كل كتب التربيه الحديته وخرابيط الفلسفه والسكولوجيه. والولوجيه والهذر الفاضي

علشان مايتعقدون عيالنا على قولتهم. ولا يصابون بالنكسات والازمات والاكتئاب

حناااا يجينا الضغط والسكر وصداااع

قرار صااارم. ماااااضرنا الكبت والقمع والرفض وكل وسائل التربيه الديكتاتوريه بنظرهم


بس يااارب اصمل وماتراجع

.........مدري أناااا صرت ماقدر اتفاهم مع الناس

.....................او ان الناس مااااعاد يفهموني

الشاااهد ان ماعدت احب اجتمع مع الناس

رضاهم صعب ومالي خلق المجاملات والتمثيل

عسا بس ماجاني مرض االتوحد على كبر