كاتب الموضوع :
the mon
المنتدى :
الارشيف
رد: اكون او لا اكون \ بقلمي
البارت الثامن
ابتسمت بتعب وانا منسدحه على السرير وجنبي علياء نسولف عن اليوم وكيف كان حلو
بس فجاءة فزت من جنبي بخوف وهي تسمع جوالها يرن باغنيه رابح صقر انت مؤلم
قامت بسرعه وهي تجري جهة جوالها وانا
اراقب الرعب والضيق اللي انرسم على وجهها .. ردت وقالت بألم وتعب : هلا مهند
ركزت سمعي معها وانا احاول اعرف ولو شي من اللي بينهم يمكن اقدر اساعدها
علياء بضيق شديد واضح : اليوم كان عندنا ضيوف .. وكنت شوي مشغوله معاهم .. ادري بس طبيعي اني اكون معاهم .. طيب خلاص انا اسفه
اتاملتها لما سكتت وصوته طالع من الجوال بس مو واضح ايش يقول وهي مغمضه عينها بالمم ودمعتها نزلت
وتشد على شفايفها بقوة حسيتها بتقطعها .. انقهرت .. ايش الشي اللي ممكن يقوله لاختي
ما حبيت اتدخل في الوقت هذا انا الى الان مو عارفه الوضع بالضبط وايش اللي بينهم
واختي اعرفها سلبيه وضعيفه وطيبه .. بس اللي واضح انو الوضع متأزم بينهم
حسيت بطعون وشب قلبي وانا اشوفها متألمه بسببه
بس وعد والله يا مهند لو انك ظايم اختي محد بيوقف في وجهك غيري انا وبس
اعطيتها ظهري ما ابغاها تنحرج مني
اخذت جوالي وانا اتأمله وعدد المكالمات المهول فيه .. 110 انصدمت
ايش جاه اليوم على هالاتصالات المجنونه
طنشته ما راح افكر بما انه مستحيل احل هاللغز غير لما اعرف هالشخص وما راح اعرفه غير
لما اكلمه
وهالشي لو السما انطبقت على الارض ماراح يسير .. ولقيت رساله وحده بس .. كنت بفتحها بس
سمعت صوت شي اتكسر وصوت علياء تبكي
اتجاهلت الجوال تماما ورحت لها بسرعه وانا اشوف وضعها
.. قربت منها وهي متكورة على نفسها وجوالها مكسور على السراميك .
وصوت انينها .. نزلت لها وضميتها
سألتها بوجع وخوف عليها : شبلاك شاللي جاك ؟؟
رمت نفسها في حضني وانهارت تبكي بانين وهي تردد تعبت .. مسحت على ظهرها وشعرها وجلست اهديها
ولما هديت شويا .. بعدتها عني وناظرت عيونها وسالتها : وش اللي صاير بينك وبين مهند
ناظرتني بنظرة ماقدرت افسرها .. بس اللي واثقه منه ان اختي متوجعه وبقوة
قالتلي بصوت احسه جاي من بعيد
علياء : تصدقين مدري
تأملتها باستغراب من كلامها : كيف ما تدرين .. اللي اشوفه انه ما يعاملك مثل ما الزوج يعامل زوجته واللي اشوفه ان الحزن من يوم عرفتيه ملازمك .. هو شيسوي فيك بالضبط
قامت من مكانها وقالتلي بتعب : الموضوع طويل .. وانا ما فيني اتكلم .. بروح ارتاح
مسكتها بسرعه وانا مصممه اعرف شاللي بينهم اليوم : لا ماراح تروحين مكان .. شاللي حاصل بينكم ؟؟
ناظرتني والتعب واضح عليها .. وبجد حنيت عليها ورحمتها
تركت يدها وقلت : بخليك اليوم لان واضح انك تعبانه بس بكرا بيكون لنا جلسه مطوله وبعرف يعني بعرف
ابتسمت من غير لا تقول شي وخرجت من الغرفه .. اتاملتها لين طلعت من الغرفه
وقفلت البلكونه واتوجهت للحمام واخذت دش سريع ودافي
ورميت نفسي على السرير ورحت في نومه عميقه جدا جدا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
دخلت بيتي بهدوء وانا ادعي ما تكون هالعجوز صاحيه .. مافيني اسمع شي يخرب مزاجي .. دخلت غرفتي
وقفلت الباب .. وانا اتنهد بارتياح .. اخذت شور واندسيت في سريري وانا ابتسم مبسوطه من اللي سويته اليوم ..
وبموت من الفرح لو الولد طلع نذل وخبيث .. صراحه ما اتوقع في شي في هالدنيا ممكن يونسني مثل هالشي ..
وانا ماراح ارتاح غير لما اسويه .. لازم اكسر غرورها ونفسها واكسرها قدام كل اللي يحبونها .. وتسير واسوء
مني .. والمواعض اللي تصدع راسي فيهم بتروح وانا بقدر اشمت فيها واسكتها .. ياه متى يجي هاليوم اللي تكون
فيه مكسوره .. مدري متى الكره في قلبي للبنت هذي انوجد بس اللي اعرفه اني من زمان وانا اكرهها واكره
غرورها قوتها .. كيف كل شي تبيه يكون موجود في ثواني .. كيف تقدر تسوي كل اللي تبيه وكيف تحرك الكل
على كيفها وهم يموتون فيها وعليها .. وانا ما عندي ولا ربع اللي عندها .. مافيها شي زايد عني عشان يكون
عندها كل هذا .. وانا بهدم كل شي وبخلي مستواها انزل من بكثير .. بس هالشي اللي سويته مو كفايه .. ممم ابغى
اشوفها مذلوله بس كيف .. وفجاءة ابتسمت بخبث وفكرة طرت علي ما اتوقع بيكون فيه احلى منها .. بس احتاج
مساعده خالد في هالموضوع .. وضحكت بوناسه وخبث .. واكيد بيساعدني
ــــــــــــــــــــــــــــــــــــــــــــــــــ ــــــــــــــ
مبهور انا مبهور .. لا اله الا الله .. شالجمال هذا .. هذي مستحيل تكون بشر .. هذي حوريه .. ياسبحان من خلقها
.. جمالها غريب .. ما توقعت تكون كذا .. اتوقعت انها حلوه .. بس هذي اتعدت هالكلمه بكثيررررر .. كلمة
جميله ما توصفها .. ابد ما توصفها .. هذا وشكلها مبهذل كيف لو انها كاشخه .. اشهد ان لا اله الا الله .. ببساطه
جمالها اخرسني .. سرحت في ملامحها وانا احفظها واتأملها بنهم .. قبل لو كان في احتمال واحد في الميه اتركها
لوحدها بس بعد اللي شوفته لو قالوا لي موتي واتركها اختار الموت .. كنت اشوف ايمان اختى حلوه وجميله ..
فعلا هي كذا بس ما كنت اشوف في احد ممكن يكون احلى منها .. وانا لفيت وشوفت .. بس هذي لو لفيت العالم
مليون مره مستحيل يكون فيه احلى منها .. اتصلت عليها وكسرت جوالها ومازالت جامده .. ارسلت لها رساله
اتوقع انها بتحركها وبتخليها ترد .. بس صدمتني مافي ولا نص رد .. ظليت استنى قلت يمكن مو عند جوالها
ومشغولة بما ان على كلام خويتها انها عندهم .. وانتظرت وانتظرت بس التعب غلبني وانا وراي دوام بكرا ..
ومن غير لا احس رحت في نومه واخر شي شوفته صورتها
ــــــــــــــــــــــــــــــــــــــــــــــــــ ــــــــــــــــــــــــــــــ
جالس في الصاله مع اهلي .. واغلي من جواتي .. متعلمه تطنشني ولا ترد علي .. ولا بكل وقاحة الدنيا تقول لي
عندنا ضيوف .. لو هي عندي كان عطيتها كفين .. انا بنت اللذين تبدي علي الضيوف وتطنشني .. وانا محذرها
من هالشي .. هذا لو كان صدق عندهم ضيوف .. احس اني اغلي بجد بجد اغلي .. من يوم ارتبطت فيها انحرمت
الراحه وانحرمت الفرحه وانحرمت من كل شي .. طول وقتي في خوف وقلق وقهرر وغبن .. افكر وافكر وافكر
.. لا انا اللي قادر اطلق ببساطه وكرامتي ورجولتي هانتها واتجاهلتها .. وغير كذا خالي وجدي شقولهم وانا
مطلق بنتهم وانا حتى ما دخلت عليها .. والكل عارف اني انا اللي مختارها بنفسي .. بس للاسف اختياري خاطئ
.. ودي اروح اقول لخالي عن سواد وجهها وارمي عليها يمين الطلاق واخليه يتصرف معاها .. بس ولا حل من
هذي اقدر اسويه .. انا لو ما ربتيها بنفسي .. ولا ماكرهتها حياتها .. وما خليتها تعرف ان انا ينحسب لي مليون
حساب ماراح ارتاح .. ولو ما خليتها تشيل قناع البراءة وتطلع وجهها الثاني ماراح ارتاح .. ولما يسير هالشي
برميها ورايا رميه الكلاب .. ولاراح اهتم لشي واللي بيجي ويسألني بقولهم عن سواد وجهها ولا علي في احد
..ماراح اتحمل شي عشان خواطرهم .. وخصوصا وحده حقيره مثلها .. لكن ان ما سنعتها ما اكون مهند
رفعت عيني لمازن اللي جالس برزانه وثقل وسرحان وعقله في مكان ثاني .. وانا واثق ان عقله عندها هي ..
ادري فيه يحبها .. ادري انه مو بس يحبها الا يعشقها .. ابتسمت باسى على حاله .. وانا خايف عليه منها .. اذا
علياء اللي الكل شايفها مسكينه طلع منها كل هذا .. اجل كيف باختها اللي معروف عنها قوة الشخصيه وقوة الباس
.. ايش يطلع منها .. ما اقول غير عزي لحالك يا اخوي .. بس ماراح اخليك ترتبط فيها لو كان هالشي اخر شي
اسويه .. ماراح اخليك تجني على حالك مثلي .. اذا انا انحرقت حي ولا لقيت السعاده .. ماراح اخليك تخوض
تجربه كذا وقلبك بنحرق منها .. وما اقول غير الله يعوضك خير يا خال .. الله يعوضك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
الشوق ذابحني .. ايه والله ذابحني .. محتاج اشوفها .. واهدي قلبي واشواقه شوي .. هالفتره لا ليلي ليل ولا
نهاري نهار .. تفكيري كله فيها .. حتى شغلي مو قادر اركز فيه .. عيونها تطاردني .. ابتسامتها .. وشعرها ..
كل شي فيها .. من يوم شوفتها وشوفت كيف كبرت وكيف سارت ماعاد قادر اشيلها من بالي لحظة .. لدرجه
قمت احلم فيها واناديها .. ما اتوقعت اني احب في يوم بالشكل هذا بس .. هذي البنت استثانئية بكل شي .. الله
يجعلها من نصيبي .. ويكتبني من نصيبها .. ويالله ان قلبها يتعلق فيني مثل ما قلبي بتعلق فيها .. بس متضايق من
شي ولا انا اللي بقادر اني اغيره .. تبي تشتغل في الشركه .. واللي يصدم ان الكل موافق .. ومكتبها يجهزونه ...
وهي بعد اللي مختارته وابتسمت بحب لبا هي وذوقها المميز مثلها .. بس بجد متضايق .. بس مرتاح ان
الموضوع واقف بسبب موضوع عبدالله الله يهديه ياررب .. زعلت من قلبي على الرجال الي مات وعلى اهله ..
وعسى ربي يصبرهم ويسلم ولدنا .. انا عبدالله مكانته غير عندي بس الله يهديه هو شوي متهور وانا شكلي بركز
انتباهي عليه هالفتره لان ماعنده اخوان وهو ماله غيرنا سند له .. وغير انه اخوها .. نفضت راسي .. خلاص
يابنت الناس اطلعي من راسي شوي بس .. وناظرت مهند اللي كان يتأملني بطريقه غريبه .. تجاهلت هالشي
والتفت لتلفزيون احاول ابعدها عن تفكيري باي شكل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
فتحت عيني على صوت اذان الفجر ابتسمت براحه .. من زمان عن مكه وعن الحرم .. ناظرت الساعه وقومت
بسرعه وانا اقوم ولدي عبدالله عشان نلحق ننزل نصلي الفجر .. بمجرد ما صحيته قام .. ابتسمت عليه ادري
حاس بتأنيب الضمير .. بس لزوم اشد عليه اكثر لاجل يتوب .. ويعقل .. كان ودي انه ينسجن له كم يوم .. حتى
يتوب بجد .. مستحيل اسامحه بسهولة .. لبست ثوبي بعد ما توضيت وانتظرته وطلع لي ونزلنا وصلينا الفجر ..
قلت له بامر يقرا قران ويستغفر ويتصدق عن روح الرجال اللي مات .. وانا افكر في كلام الرجال اللي قاله ما
انكر اني ارتحت ان مو ولدي اللي كان سبب موته وانما الولد هو اللي كان يبي يموت .. الله يهديه ويغفرله يارب
... لما رحنا عزينا استقبلنا الابو واللي يريحني ان عياله ما يدرون اساسا بشي وهو طردهم كلهم من المجلس ..
وخليت عبدالله ولدي يعتذر منه ويطيح على رجوله .. والرجال طلع طيب وموجوع على ولده .. كان مصر
يعرف تفاضيل الحادث وقالها عبدالله له .. وبعدها مسكني على جنب وتكلم معي ووضحي لي كل شي وما انكر
اني انصدمت .. وانوجعت لحال الرجال .. الله يعينه ويساعده ويرحم ولده ويغفرله .. وعذرته وخرجت من عنده
وانا مرتاح ان ولدي مسموح منهم ومافي احد شايل عليه .. بس وجعي علي الرجال ما يهدا .. ابتسمت وانا احس
بجوالي يهز في جيبي .. اخذته وابتسامتي زادت لما شفت اسمها على الشاشه .. بس ما حبيت ارد وانا في الحرم
.. اكلمها بعدين .. هالبنت ماخذه قلبي والله كل عيالي ما يجون بغغلاها بقلبي .. ياهي تلعب فيني لعب .. بس والله
اني مبسوط .. الله يعيني عليها اكيد تبي تعرف شاللي حصل بالضبط وخصوصا ان مو مار عليها اللي حاصل
ومصره ان في شي غريب في الموضوع وهي فعلا صادقه ..مالي غير اني اقولها واوصيها على اخوها .. رغم
صغر سنها بس انا اعتمد عليها كليا .. لانها عن مليون حرمه والف رجال ..الله يخليها ويحفظها لي ويسعدها في حياتها .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ندمان وكلمت ندم ما توفي اللي احسه .. مخنوق مخنوق .. احس بالموت .. مو قادر اسامح نفسي .. احلم في
الرجال ليل ونهار .. ماعدت ارتاح لا في نوم ولا في شي .. اتخيله وهو مغرق بدمه .. وكيف رحت وتركته .. ما
ادري شاللي جاني .. بس الخوف لعب فيني .. الخوف خلاني اتصرف بالشكل هذا .. والله اني انام واقوم على
منظره وهو مغرق في دمه .. احسه يلاحقني وين ما رحت .. كله من عمار هو اللي يومها .. قال تعالي .. ليتني
ما رحت .. بس هم استفزوني وقالوا خليك رجال .. وخلك من الخوف .. انا طول عمري هادي والغلط ما ادل
دربه .. بس لعبوا في راسي .. والشيطان شاطر .. وفي لحظة طيش وتهور .. سمعت لهم .. وبدفع ثمن هاللحظة
لي اخر يوم في عمري .. كل ما اتذكر كيف دخلنا بيت الرجال وعيون اخوانه المستغربين .. وعيون ابوه اللي
الحزن والهم واضح فيها .. احس بالم ماعمري جربته .. وطعم علقم بحلقي .. حمدت ربي الف مره ان الرجال
تنازل .. بس تنبيهاته لابوي وجعت قلبي .. كيف يعلم ابوي كيف يربيني .. كرهت نفسي الف مره كيف اني خليت
ابوي في هالموقف .. وكيف اني صغرته .. ليتني مت ولا سار هالشي .. ولا خليت ابوي في الموقف هذا ولا
ذقت هالوجع اللي يدمي قلبي .. وعسى ربي يساعدني ارضي ابوي ويجبراهل الميت ويعيني على نفسي ..
مستعجل على الرجعه للبيت .. ودي ارجع وارمي نفسي في حضن امي واطلع اللي في خاطري ..
وودي افضفض لمنى .. واخليها تهديني .. هالبنت لها قدرة عجيبه .. تخليك تحس بامان وسكينه ..
محتاج لها .. ولحنانها .. ابتسمت وانا اتذكر كيف تنأبني على اني خبيت عليها شي من الموضوع ..
وقالت هذي اخر مره اساعدك .. بس ادري قلبها طيب ولو جيتها ما بتخليني .. انتبهت لابوي اللي يأشرلي
ومشيت له راجعين للفندق .. نرتاح لوقت صلاة الظهر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
صحيت من نومي وانا احس بضيق يكتمني .. حلمت فيه .. حلمت بصديق عمرري .. وجعي عليه ذابحني ..
احس اني مغبون .. وربي مغبون .. احس اني بحلم بفوق منه في أي لحظة .. وبتصل عليه وبيرد علي يهديني
ويصبرني على اللي يسير وياي ... هلت دموعي وانا امسح على صدري ابي الضيقه هذي تروح .. رغم ان
الراحه مفارقتني من سنين لدرجه اني نسيت كيف شعورها .. تذكرت حلمي فيه .. وانه جالس على الارض
ويضرب على صدره .. ويقول لا تحزن لا تضيق ولا تجزع من امر ربي .. وبعدها يبكي .. انهرت وانا ابكي
بصوت مخنوق .. يواسيني حتى وهو ميت .. وبكاه في الحلم وجعني .. وطرت علي ايام سفره للمغرب وغيرها
من اماكن وانوجع قلبي .. وفزيت من مكاني ملسوع .. واحس الضيقه زادت كثير .. وبسرعه دخلت للحمام
تحممت وانا احاول اطرد افكاري وانا اقول لا مو احمد اللي يفعل هالامور .. وانا احس قفص صدري يضيق
ويضيق على قلبي .. طلعت وصليت ودعيت ربي ان يرحمه ويغفرله .. ومدري ليه تخيلت شكله وهو مغرق
بدمه فجاءة نط لي .. ونسيت الحلم وركزت على الصورة اللي طلعت في بالي .. لازم افهم السالفه من ابو احمد ..
وقومت بسرعه لجوالي واتصلت عليه وانا حالف الا اعرف كل شي اليوم .. جاني صوته اللي باين الحزن فيه
للان وغمضت عيني بالم .. وين رحت وتركتنا يا احمد شوف ابوك كيف حزنه ذابحه عليك .. وانا اللي لا ليلي
ليل ولا نهاري نهار ..والقهر ياكلني عليك .. غمضت عيني بالم وانا ارد عليه بوجع : سلام عليكم ياعمي
رد بهدوء ونبرة الجزن بصوته : وعليكم السلام ياولدي يا هلا ويامرحبا بريحه الغالي شديت على عيني وانا
امسح على صدري وقلت بقوة وبسرعه : داخلن على الله ثم عليك يا عمي .. ارجاك ما تردني
حسيت فيه وهو يرد علي بحميه ورجوله : وصلت يامحمد وصلت .. وجاك ما طلبت وانا ابو احمد
ابتسمت وقلتله بتساؤل: تكفى يا عم قولي كيف مات احمد بالتفصيل ؟؟
حسيته انصدم سكت فتره وبعدها قال بالم : والله لو انك موب جايني بهالشكل كان مارديت عليك .. واسترسل بالم
كان رايح للسعوديه .. قال انه بياخذ عمره ثم يقابلكك .. وبعد روحته باربع ايام وحنا نحاول نتصل فيه ولا يرد
علينا .. الخوف دخل قلبي وما عرفت شاللي لازم اسويه .. لين جاني اتصال خامس يوم عرفت فيه انو لازم
اكون بالسعوديه لان ولدي احمد مسوي حادث وطمنوني .. رحت لسعوديه وانا ادعي ربي يحفظه .. وما
بلغت احد ماكان ودي اخرع احد .. وبالم ورحت وشفته وهو جثه .. وانهار يبكي وانا مكور يديني واضغط عليها
بقوة .. كمل وبوجع اكبر .. كان قاطع من يومها ولدي مات من اربع ايام وانا ما دريت .. قالوا لي انه كان في
مكان مقطوع مافيه سيارات لانه يعتبر مخطط سكني جديد .. سيارته واقفه على جنب .. وجثته على الارض
احد داعسه بسيارته وشارد .. وماوصلو له الاسعاف الا بعد ساعات من وفاته ..ما يدرون منهو اللي صدمه
بس انا لما جيت قفلت المحظر وتنازلت
حسيت الدم اللي بجسمي فاررر وانا احس اني مصدوم كاني تو الخبر واصلني .. وقلت بقهرر متشبع فيني :
ليه ياعمي ليه .. ليه تنازلت .. ليه ما اخذت بثار ولدك .. انت ما تدري احمد وش مكانته .. ليه تنازلت عن دمه
وبتخليه يروح هدر .. واللي كانو السبب يعيشون حياتهم براحه وهو تحت التراب
قال بنبرة غريبه : الله يرحمه .. وانا ادرى ان هذا انسب شي وانا عمك
قلت بالم احس يقطعني كان خناجر تنغرس فيني : ياعمي حرمونا احمد .. خلونا نفقده ونذوق وجع فراقه بكونا دم
على فراقه لنا .. اخذوه مننا .. تكفي لا تتنازل عن حق احمد .. وصرخت بجنون .. كان المفروض هو وسطنا
الان .. بس هم حرمونا منه حرمونا
قالي بعصبيه واضحه : لا تعترض يامحمد وتجزع .. استغفر ربه هذا يومه .. وهذا كان سبب وان ما مات
بالحادث كان بيموت لان هذا يومه .. وردد بنبره غريبه .. ومحد يدري يمكن رحمه له اللي سار .. ادعي له
بالرحمه ولا تجزع .
قلت بالم وانا بروده ذابحني : اللهم لا اعتراص .. لا اعتراض يارب .. الله يرحمك يا احمد الله يرحمك ..
والله يهديك ياعمي كانك وشبيت بضلوعي نار ما تهدا غير لما اخذ بثاره .. وقلت بحقد .. والله لا اسوي كل شي
لاجل اخذ بجقه وثاره .. واعذب اللي كان السبب واذوقه وجيعة الفقد الف مره
قال بصرامه : انا ابوه ومحد يحبه كثري .. والحق عندي وتنازلت .. وانت اقضب ارضك واترك هالامور
وتعوذ من ابليس لا تخليه يعميك
وسكر بوجهي .. وانا ارعد من قهررري ... احس بنارر شابه بوسط جوفي ما تنطفي .. اه يامن يمسكني السبب
بموتك غير اعزره تعزير .. كود اشفي غليلي منه .. يالله ياجبار ساعدني .. ساعدني مالي غيرك ارجاه .. يارب
مسحت على صدري وعيوني تلمع بحقد .. باخذ بثار احمد باخذ بثاره .. وان ابوه تنازل انا باخذه بطريقتي
بس اعرف مين بالاول ولكل حادث حديث .. ناظرت ساعتي ورفعت جوالي .. وطرت في بالي بملامحها
الاسطوريه .. وجمالها اللي اسرني وذبحني وبسرعه دخلت للاستديو وانا افتح الفيديو واشوف المقطع اللي
ترقص فيه .. وقلبي يذوب عليها وعلى جمالها .. ما ادري شاللي جاني.. عمري ماكنت كذا ولا لي بالحركات
هذي والحين بعد ما شيبت سويتها.. اتوسعت ابتسامتي .. على قولهم بعد ما شاب وده الكتاب .. وانا الحين اجري
مثل المجنون وراها ومستعد اسوي أي شي بس اكلمها .. ابتسمت وقفلت المقطع واتجهت لصور
وشفت ابتسامتها اللي تهبل .. ومن غير شعور مني طرت علي امي .. استغربت من نفسي .. بس ما فكرت كثير
يا انا يا انتي يا بنت ابوك .. وانا قبل ما اشوفك ومو قادر اخليك بحالك .. وكيف انا شفتك .. لو اخذو روحي
ماتركتك .. طلعت لرقمها واتصلت عليها .. وكالعاده مافي جواب .. احترت وش اسوي معها .. وطرت علي
فكره وبسرعه اتصلت على ريناد ابيها ترد وانا ادعي انها ترضى تساعدني
انتهى
والوعد بكره ان شاء الله .. لكم ودي
|
22-01-13, 05:01 PM
جديد مواضيع قسم الارشيف
العرض العادي
