السلام عليكم ورحمة الله وبركاته

مرحبا طاف ....

موهبة مميزة ..... قد مر علي اسمك قبل ذلك وتذكرته مع ذكر اسم ( يزيد بي الصوع ...) ...

اللهجة الاماراتية المحبوبة ....... واهل الامارات الكرام فاني اعيش بينهم منذ سنوات ..... ولم نشعر بينهم باي اختلاف ......

استمري فنحن معك .... وننتظر احداث الصراع بين خالد العاشق ..... ونيران الغافلة ...... وباقي الشخصيات التي ستساعد في تطور العلاقة بين خالد ونيران بشكل مباشر او غير مباشر ........


سلمت يداك ......... بالقرب معك .... لا تطولين ...........

اهلين اختي طاف قصه عن جد رائعه اعجبتي ونتمنى ان نرى فصل جديد من فصول الصراع بين خالد ونيران سلمتي يالشيخة

يسلمو اختى والله خالد شكله طيوب ونيران ناوياله بس اعتقد انه قدها وهنشوف شغل جامد بعد الزواج يسلمو مرؤه تانيه وفى انتظار الفصل الجديد وياريت يكونو اتجوزو عشان تحلو اكتر هههههههههههههه

لحًحدنٍ يحححآكيني ترى الخخآطر آقصآه ..
والدمع يَ قلب العنإ مآيططيبك ً ..
حتى لـِؤ آبكي وش ورى ـآ دمعي ومآه ..

ويلي على آدري ويش قلبي يبي بـك ..
تطططري علي وآلقلب مَ جججآه كفآه ..
غآيب لكـن ً غيبتك ً مَ تغغيبك ..

متععومس الخآطر ويَ قلب ً ويلآآآآآآ..
ولآ إنت ً ! يَ لآهي ولآ إدري ويش آلهإه ..
طفِ بوصصآلك مَ بقى منً لههيبك ً ..

يَ ححبك لقطع ً الموآصيل حبآه ..
قططعت ً قلبي منك ً لآ قطع ً صصيبك ..
وسويت ً في اللي سسوآتكً مَ سسوآه ..

وآتحملك مَ همممإ جرى وآرتضي بـك ً ..
يآذآبحي يَ صصبر ذآ القلب صصبرآه ..
ذبححته بكفك وهو ملتجي بـك ً ..

آتروح ؟ روح ً ودربك آلله يرعإه ..
لو آبغى آججيبك آعرف وششلون آجيبك
در في ثرى الدنيآ ومثلي مَ تلقآه ...

تبططي عظم مَ ششفت ً زولن ً يذبك ً ..
حظ الهوإ الي تعيش به بس حظظآه ..
لآنه الوحيد الي قدر يخخختلي بك ً ..

آدري عليك من ً الهوإ وآتححشآه ..
وآورف بك ً وآهيم بكً وآعتني بكً ..
لآنك سسحآوي والسسحى يكسر آجبآه ..

وشلون مآتبغى الهوآ يسستحي بكً ..
عيبي آححبك لو غرإمك معإنإه ..
وآنت الغغيآب الي بلآ ععذر عيبك ..

آضيق منً جفوإك وآججرهإ آآآآه ..
آخخآف منً غدر الزمإن يغدي بك ً ..
لو آنك تدري خآطري عقبك ً آيش جآه ..

يمكن تنوحً الليل وآتططر جيبك ً ..
آششره على الححب الي عططيتك يآآآه ..
ملعون حظ حط حبي نصصيبك ..
هملتني بينً الإمل والمحإتإه ..
مدري عدوك صرت ولآ حبيبك !




البآرت الرآبع ..


فقط ..
فقط أسبوع و ينتهــــي كل شي ..
أسبوع ..
وتزف أليه بفستآن آبيض ...
أسبوع و تشآركه حيآته ..
أسبوع وتكون معه في نفس المكآن .
في نفس المنزل ...
في نفس الغرفه ...
في نفس السرير ...
في نفس الغطآء ..

آغمضت اعينهآ بألم ..
و هيه ترى جميــــــع تلك الحقآئب موضبه ...

قبل 7 اشهـــــــر ..
كآنت مثل هذه الحقآئب عآئده بالكـــره من بيت سيف ..
و اليوم ..
مثل تلك الحقآئب ذآهبه بالكـــــره الى بيت خآلد ..

يآلهآ من دنيآ كريهه ..

انقطع التفكير عندمآ سمعت " الدقآق " على الباب ..
لتلتفت الى البآب و تأذن لهم بالدخول ..
و تدخل آختها " روضه " وفي يديهآ بعض مع " الكيآس "

روض بنعب : آآآآآآآآآآآآآآآآخ تعبت نيرآآآآن .. وينج انتي مآتتزهبين لعمـــــرج ... والله والله بلحظـــه آحس اني انا العروس مب انتي ..
نيران بشبه ابتسآمه معدومه : يامآ فآزعتج في زهابج ولا نسيتي ...
روضه : فازعتيني مب شليتي كل شي عنيه مثل مآ آنآ مسويه الحين .. والله حتـــــى ملابسج الدآخليه انا شريتهن لج ..
نيرآن : في ميزآن حسنآتج .

فرت روضه الكيآس على الكرفايه ..
وبدت تفج كيس كيس ..

روضه : شوووفي شريت لج 7 لوشنات من البودي شوب .. بيكفنج فالوقت الحآلي .. و خلاف انتي و خالد بتشترون غيرهن .. " وفجت الكيس الثآني " وشريت لج بعد 4 بيجآمآت شفتهن و عيبني بالاضافه للي شارتنهن لج قبل بيكـــفن و بيزيدن .. " وطلعت من بين البيجآمآت بيجآمه سودآ " هآآآي تخبلت عليهآ ... حتــــى خذتلي وحده شروآهآ .. ومسوين عليها تنزيلات بعد ... واممممممم ... هيه " وفجت الكيس الثالث وراوتها باللي فيه وهيه تبتسم " شرآآآآآآآآآآآج .. !!
نيرآن بملل : زين حلو ..
روضه : اقولج صخـــــي " سكتي " ... جد جد ترفعي معنوياتي بتفاعلج وياي ..
نيرآن : رويض انا لو فيه على حشرة السوق جان رحت بروحي .. كملــــي المشترى وحتــــى لو مآكآن عايبني بكل تبن و بلبسه عآدي ..
روضه : ييييييييييه ييييييييه .. مآقول غير مآلت عليج .. ( وفجت كيسه ثانيه ) خذت لج هالنعال .. جد جد روووعه .. وخذتلج ذي بعد ... كعبها عالي بس حلوه ... و خذتللج ذي تنفع حق يوم تيين بيت اهلي .. و تشوفين ذي ... حلاتها مب على سعــــرهآ .. جد جد وايد رخيصه بالنسبه لشكلهآ ... وخذت لج بعد جوتي وآحد ... مآ آحيدج تحبين الجواتي بس عيبني و مآرمت آخليه ... وخلصنآ من كل شي .. " وسكتت لفتـــــره " صح بعد المغــــربي مالج خلص ... بخطف عليه العصـــــر وبييبه هو و الكنآدير المخلصآت ..

ؤرمست صرآآآحه رويض وآيد ..
لين مآنقع راسي منهآ ..
وخلاف رغتها بيت ريلهآ ..

مآشآء الله رويض امورها ماشيه عال العال ..
عرررست و خذت ولد خالة امي .. اسمه سهيل ..
صح انهم مآ يآبوه عيال لن ذآ الوقت و صآر لهم معرسين 5 سنين .. بس شكلهم يحبون بعض وايد .. من جي متحملين حياتهم بدون عيال ... و ما شاء الله تشتغل فالبلديه .. و عندها الليسن .. و وين ماتبا تروح تروح ...


قمت من على الكرفايه وانا راسي نااقع من حشرت رويض ..
حدرت الحمآم الله يعزكــــم و توضيت و صليــــــت ونزلت تحت ..
وشفت حميد توه ياي من الدوآم .. و يالس يبدل جواتيه ..

: هلا حميد ...
حميد : هلااا العروس .. شو حآلج ..
نيران : تمام ... ما شاء الله معوّد بدري اليوم ...
حميد : هيه ترخصت وطلعت .. تعباااااان ماراقد امس عدل ...
نيران : جيه ..!! شوه ياك ...!!
حميد بمزح : حسيت انج بتفارقينـــآ وبيفضـــى البيت .. هههه ..

اكتفيت بآبتسآآآمه بآهته ..
وقفيت عنه ابيلس على الكنبه الثانيه ...

حميد : رويض يتكم ..!!
نيران : هيه .. توها من شوي رايحه ...
حميد : تراوتلي سيارتها فاول الحـاره ... عاد شوفي .. اباج يوم تروحين عند خلّود لايقص عليج و ايلسج فالبيت .. تعلمـــي السواقه و سوقي ... ترى ماشي ينفعج غير موترج ..
نيرآن : زين خير ...

تشتت بي الفكــــــر شوي ...
مدري ...!!
مدري اي وضع بنكون عليه انآ و خالد ...
وكيـــــــــف اصلآ بكون ويآه و انا ويآ سيف ...

عقلي عند سيف ...
قلبي عند سيف ...
كلـــي عند سيف ...

كيف .!!
كيف .!!

تنهدت تنهيده زآآآحت عني شوي من همّي ...
وترآخيت على ورآي ...
و انا آحس بالاسترخآء شوي ...

بس مسسسسرع مآراح الاسترخآء و انا اشوف حميد طآلع من غرفته و ويهه مختبص ومتشتت وملابسه متبهذله ...
مدري ليــــش شوفته جي قبضت لي قلبي ...
ومدري ليش لا ارديآ فكــــــري يروح عند الموت ..

همست له : شوه فيك ...!!
حميد : مافيني شي ...
صرخت عليه بصوت اعلى : حمييييييييييييييييييييييد شو مستوي ...!! حد مات ..!!
حميد : لا اله الا الله .. قلت لج ماشي .. ( وضرب يبهته ) سيري هاتيلي تيلفوني من الغرفه بسسسسرعه ...

نشيت و انا ريولي مب رايمات يشلني ..
اعرف .. اعرف ان شي مستوي ..
نظرآآآآآآت حميد ذي انا اخر مره شايفتنهن يوم متوفي عمي سيف هو وعياله ..
اكيد شي مستوي ...

ربعت يبت التيلفون و لقيته مقرب السياره عند الباب ...

مسكـــت ايده ويديني يتنافضن وعيوني متروسات دموع : حميد تراني اللي مات مابرده .. قووول شوه مستوي .. لاتوقف لي قلبي .. قووول ...

حميد يتنهد : خالد مسوي حادث ...

خف الخوف عنيه شوي ... الحمدالله ماحد مات ...

حميد يكمـــل : ان خبرتي حد ياويلج .. انا ماعرف عن وضعه .. مابا ابوي يعرف ويتعب ... فاهمه ...
هزيت راسي بتفهم ..
وماحسيت الا بالموتر وهو مختفــــي من جدآمي ...



بالضبط ...
بالضبط مثل يوم توفــــى عمي سيف هو وعياله ؟؟؟
مثل الخوف ...
مثل الموقف ...
مثل النظرات ...
مثل كل شي كل شي ...

حسيت بريولي مب رايمه تشلني ابد ابد ...
لدرجة اني يلست فالدعنه ..
يديني مب رايمه اثبتهن ...
يتنآفضن ...
ريولي اعصابهن مشدودآت ...

يآرب سترررك ..
يارب احمي كل صديق و قريب ..
ولا تراوينـــــآ فيهم مكــــروه ...

بغض النظــــر من آن هالشخص خآلد ..
يمكــــن انا مآ آدآنيه ..
بس في نآس غالي عليهم ..
وبغض النظـــر عن علاقتـــي فيه ..
بس جد مآتمـــنى لاي حد مكـــروه ..

شديت على يديني و انا امنع الرجفه ...
بس .. بس ...
احاولت اخفف رجفتهم و البروده اللي سيطـرة عليهن مارمت ..
لدرجـــــة اني حـــــتى دفنتهن فالبطحـآ " الحصآ الصغير " ..


ربع ساعه بالظبط ...
ورديت اتصل بـ حميد ...
لكـــــنه مارد علي ..

بدى الخوف يزيد عليه ...

خالد وايد غالي على ابوي ..
وايد وايد ..
وخص من بعد مآسوى عمي سيف حآدث على طريق السعوديه ..
و توفـــــى عمي سيف وحرمة عمي و كل اخوانه الصغار و الكبار ...

ميره بس لانها كانت معرسه ما تبعها القدر وياهم ..
و خالد لان ماكان رايح وياهم بسبب دوامه بعد ماتبعه القدر ويـآآآآآهم ..

في ذيج الفتـــــره جد جد عشنـــــآ مرحله صعبه وايد ...
كيف بنقدر نتعايش مع غايبهم ..
والمشكله انهم مب شخص واحد ..
6 اشخاص راحوا في دفعه وحده ..
كيف نمـــــلي الفراغ اللي تركوه ...

ابوي عاش صدمه كبيـــــره ...
ميـــــره انهـآآآآرت ...
خالد ماشفته و لا عرفت وضعه ..
بس من كلام حمييد كان في موقف لايعلى عليه ...

كيف بيعيش في بيت كـآن الاصوات تمليه ...
كيف بيعيش في بيت مافيه لا آنيس و لا ونيس ...

ومن وصل الجثمـآآآآن زآدت الصدمه اكبر ...
وعند الدفـــــــن رجع الكل منهــــــآر ...

آذكــــر ان العزآ كآن في بيتنآ ..
بسبب ان هنآك مآكآن حد يستقبل المعزيين ...
تجمعـــــت آمة لا اله الا الله كلهآ هنآ ..
لدرجــــــة ان الخيمه مآكفت ..
و فرشــــــوآ للنآس خآري ...

مبارك ... مي .. موزه .. راشد ... عمـي .. وحرمة عمي ..
توفوآ في حآدث أليم و شنيع .. على طريق السعوديه .. وهم رادين من العمــــره ...
الله يرحمهم يآرب ..

تنهدت ..
اختمت تنهيدتي صوت امآيه وهي تزقــــرني ...

روحت لهآ و حطيت الغدآ مع البشآكيــــر ...
وحآولت آكون طبيعيه جدآ جدآ ..
عشآن مآالفت النظــــر لـ أبوي ..
ويتعــــب ..

دخلوآ ابوي و آمي يقيلون شوي لن العصـــــر ..
و انا رجعت اتريآ اتصآل من حميد .. .

يآآآآرب ستـــــرك ..
يآرب ألطف فينآ يآرب ..

دقآيق وصآح تيلفوني ..
شفت رقم حميد ...

مدري اي رجفه يتنــــــي ..
لدرجـــــة آني مآرمت اضغط على زر الرد ..

جمعت قوتي ..
ورفعته لاذني ..

نيرآن : هلا .. ؟؟
حميد : شحآلج ..
نيران : تمآم .. طمنـــــي ؟؟
حميد : ابوي عرف ؟؟
نيران : لا .. خبرني شوه صحته ..؟؟
حميد : بقولج .. بس أن قلتــــــي للشوآب يآويلج ..

صخيت بخوف ..

حميد : عنده نزيييف دآخلي ...وكســـر في الحوض و ريله اليمين ... وحاليآ لين الحين فآقد الوعــــي ..

شهقت : هييييي كل ذآ ...!!
حميد : نيـــرآن ابوي مايحتاي يعرف ..
نيران : حميد آكيد بيكون بخير صح ...!!
حميد : ان شاء الله ..

سكــــر حميد عنــــّي ..
وبغض النظـــر ان هالشخص خالد ..

جد جد حز في خآطريه ..
حز في خآطريه ان وآحد من آهليه صاير بهالحآل ..

غمضت عيوني وآنآ آحاول اتخيـّل شكل خآلد ..
بس مسسررررررع مآهزيت راسي احآول آمنع الصوره تتشكل ..

لا ...
لا ..

مآبآ يصيبه مكروووه عشآن ابويه مآ آييه شي ..
يآرب ستــــرك ..
و
يآرب لطفـــــك ..

مرت الدقايق ..
و السآعآت ...

لـــــين صآر الليل ..

وبالاخص ونحن يالسين نتعشــــآ ...
دخل علينآ حميد ..
وويهه مبين عليه التعب ..
مدري ليش من شفه حسيت ان في شي بيصير الحين ...
في شي بيفجـــره حميد ..

حميد : الله حيهم ..
ابويه : هلا هلا ابويه .. وينك انته اليوم ما شفناك ..؟؟
حميد : موجود ابويه .. ما شاء الله تتعشون ؟؟

تميت اطآلع حميد و انا اباه بس يلتفت لي و يطمنــــي ..
ابآه بس يطالعني بلمحه بسيطه ...
آبآه بس يقولي ان خآلد بخير .. و مآ آحآتي الخبر اذا يا لابويه ..

حميد : ابوويه ..
آبويه : عونك .. ؟؟
حميد : خآلد ولد عمـي المرحوم مرقد فالمستشفـى ..؟؟
ابويه وهو ينزل اللقمه من آيده : اللهم اجعله خير .. شوه بلاه ؟؟؟
حميد : سوى حآدث اليوم الظـهر و هو رآجع من الدوآم ...
آبويه بخوف : وربك ماتعور ...؟؟
حميد يتنهد : تعور..

لا .. لا يآ حميد .. ليش تسوى جي بـ ابويه ..
ليـــــــــــــــــش تبآ تييب آخرته ..

حميد وهو يتآبع كلامه : عنده كســر فالحوض وفي ريله اليمين .. و كآن عنده نزيف .. بس الحمدالله سيطروآ عليه .. لكـــــن .. !! آممم .. من الظهر لين الحين و هو فاقد الوعــــي .. و الدكآتره يقولون آن مآنش خلال الـ 12 سآعه اللي جدآم بيكون وضعه حررج ..

لمحت الصدمه فيعيون ابوي ..
صدمه يمكـــــــــن آكبر من صدمته بأخوه و عياله ..
صدمـه ماتكتبها الحروف الابجديه ..
آمآيه : يالله برحمتك يارب ..

آبويه وهو يقوم : قوم ودني له ..
ميد : ابويه استهدى بالرحمـــن ... وين تبا تسير الحين .. السآعه قدها 11 الحين ... وحتى ان رحت مابيدخلونك .. حق شوه تروح و تتعب .. ان شاء الله الصباح ربآح .. ومن اصبح افلح .. منهآ الوقت مناسب و منها ان شاء الله خالد بيقوم بالسلامه ..
ابويه : ومنوآ يالس عنده هنآك .. لايكون مخلينه بروحه .. تراهم دخاترتنا والعثرتين بيهملون الريال ...
حميد : لا لا لاتحاتا .. هنآك نآصر مآمقصــــر ...
ابويه : ناصر نسيبه ؟؟؟
حميد : هيه ابويه .. وانته تراني ماباك تهتم و تحتشـــر .. الريال ان شاء الله بيصبح بخيــر .. و انا بنش الصبح و بشلك ..
ابويه : متأكد ان ناصر عنده ..
حميد : هيه نعم اني متآكد ..


رآح حميد عنــآ ...
ولمحت الحزن في عيون شوآبي ..
وبالاخص ابويه ..
الخوف مالي كل ويهه ..
وجنه مآتوقع هالشي ؟؟
وخآيف من آنه يفقد ولد آخوه مل مآفقد آخوه و عياله في غمضة عين ..
.
..


آغمض آعينه من قوة الاضاءه المسلطه عليه ..
فهو بالكـآد له قرابة اليوم لم يرى الضوء ..
فكيف له مشاهدته من بعد مآكآن غارقآ في الظلام ..

آصدر ونة خفيف ..
لتتبعآ عدة آلام جسميه ..
فقط .. مآيحتآجه الان هو المـآآآء ..
يريد حتــى لو رشفة مآء صغير جدآ جدآ ..
لعلها هذه الرشفه تبلل جسمه ويرجع الى صحته ..

آغمض عينآه قليلا ..
ليرجع الى غيبوووبته ..

وليرجع بعد فتــــــرى من الوقت .. ربمـآ تعدت السآعآت اللى فتح اعينه ..

شد عليهن بقوووه ..
فهو لا يريد مشآهدة الضوء ..
او بالاحـــــرى ..
لا يريد للضوء ان يتسلل الى عينــآه ..
..





نهآية البآرت ..
و لنآ لقآء قريب يتكرر في نفس اليوم من الاسبوع المقبل ..
وآعتذر لتأخيري في البآرت ..
لكــــن حمودي كآن مريض شوي ...

^ ^

اولا عودا حميدا ثانياً سلامات مايشوف شر حمودي ثالثا بالنسبة للجزء جزء حزين ماذا سيحدث لموعد الزواج هل سيؤجل ام سيجبرون نيران على الذهاب الى خالد بدون حفلة لتقوم برعايته سلمتي يالشيخة ننتظر الجزء الجديد بفارغ الصبر