صبآح ومسآء ,, القرامه والسنع ,,(
و الأبتهآج وأي شيء ترغبون حدوثه ..()
,,,
عقب ذيك المقلوبه , مآسيرت مآولهتوا علي ,,
يعني مآعجبتكم مقلوبتي ,,!!
ترآي حآطه فيهآ كل خضآر البيت اللي مآيحب الكوسه بيلقى بطآط ,,
واللي مآيحب البطآط بيلقى كوسه , يعني حآطه لك بديل خخخ ..()
أنآ بنتن تحب السلطآت بعيداً عن الأكل الدسم , وعلى ذكر الدسم ,,
البنت تشكي على رفيقتهآ بالمدرسه ,,
_والله يآنوره أمس مآذقت ألا سلطه مآأشتهي أي شي ,,
ترد عليهآ رفيقتهآ بحمآس وضآيق صدرهآ عليهآ ..
_لييييه يآآحرام بس سلطه خآفي الله بنفسك كوولي معآهآ شي دسم ,,
_ والله مسويه رجيم مآ أبي أسمن ,,
ونروح نشوف سلطتهآ نلاقي كل الثلاجه فيهآآآ هههههههههه ويقآلهآ مسويه رجيم ..
وعلى ذكر الرجيم لمحوا لي نآس أني سمنآنه وقلت أبسوي رجيم أبتآع صآحبتنآ خخخخ
سلطه وفيهآ مآ أصك على روحي ههههههه أضحك على نفسي ,,,() وسلكوا لي
ودي أحط الصور اللي مصورتهآ بس جوآلي عيآ لايرسل للاب ,,
,()
يالله حبآيبي نبتدي بالسلطه اللي أعشقهآآ ..
ولو أني قد حطيتهآ قبل بس شآسوي أحبهآ
يعني لازرتكم حطوهآ لي ,,()
(1)
مكرونه صغآر مسلوقه ,,
خيآر , طمآط , ذرة , بليلة , فآصوليآ حمراء ,
وزيتون أخضر مبشور
تحطينهآ مع بعض كليآتهآ ^^ وصرت منآل العالم ^^
والصوص ,,
زبادي , ليمون , زيت زيتون , ملح , ذرة فلفل أسود
ورجيم الهنآء خخخخ ()
(2)
هذي ذقتهآ مره عند خآلتي يمآل الجنه يوم أنآ صغيره
وللحين طعمهآ فـ بآلي , أحيآن لاجينآ نزورهم تسويهآ عشآني
تدري أني أحبهآ من يدينهآ ,,
بطآطس مسلوقة مقطعه مكعبات صغار , بيض مسلوق ويقطع مكعبات , خيار , طمآط ,
جزر على حسب الرغبه مبشور , أو مسلوق نص أستوآ مكعبات ,
والصوص ,
مآيونيز , وزبآدي , وليمون وملح وخل وفلفل أسود , والمقدآر على حسب رغبتك ,,()
(3)
سلطة مآمي ,,
مآيضبطهآ غير أمي سويتهآ كذآ مره بس مآتصير زيهآ ,,
مكعبآت بآذنجآن مقليه , ومكعبآت بطآطس مقليه , ومكعبآت أصغر قرع , ومكعبآت أصغر كوسه ,,
زهره مقليه , ملفوق بآرد , وخيار مخلل بآرد , وجزر مبشور , تجمعينهآ بصحن تقديم ,,
وتحطين عليهآ الصوص ,,
_جبن سايل , قشطه , ليمون , ملح , خل , وتجملينهآ بالبقدونس ,,()
لذيييذه وهي بآآآآآرده ..()
ويمآآآل العآفية ,,_
(4)
هذي السلطه تعجبني حييل ^^ أتخيلكم تقولون بخآطركم , أنتي وش اللي مآتعجبتس ههههه ()
لاهذي أحبهآ عشآن مآيضبطهآ غيري خخخ هآآكم
,,
جرجير , خس , بقدونس , بصل أبيض , بطآطس مقلي مكعبات صغار,
وبآذنجآن مقلي برضه مكعبآت , طمآط وخيآر
الصوص , ليمون وزيت زيتون وملح وخل بس ()
وعيشوا اللذه ,,()
بالهنآء والصحه ,,
(5)
ملفوف وجزر , يبشرون ,,
والصوص ,
زبآدي , سكر, مآيونيز ,,
وبالهنآء والعآفيه
(6)
ملفوف ابيض ,
ملفوف امريكي (البنفسج) ^^ هو كذآ نسيت أسمه
جزر , خس أمريكي ,
خيآر طويلة , وزيتون أخضر ,
نعنآع جآف ,,
الصوص ,,
زبآدي شوي , ليمون , ملح , وتجمل بالزعتر أو السمآق ,,()
وعوووآآفي ,,
(7)
الشبس الأمريكي القديم ,, أبو الأعوآد الصغيره كذآ نسمية حنآ
جزر وملفوف , مبشورآت ,,
وزهره , يخلطون مع بعض ,,
والصوص ,,
مآيونيز شوي وزبآدي , وبآربكي الصفراء شوي , وملح وليمون كثير وزيت يتون ,,
وبالهنآء ,,
(8)
مكرونه ألوآن مسلوقه , خس , جزر مبشور , خيآر , بليلة , زيتون أسود مبشور ,
والصوص ,,
زبآدي , خل , ملح , ليمون , فلفل أسود , ثوم مفروم
وتقدم بآآرده ..()
(9)
نرجع لمقلوبتي ههههههه ,,
السلطه هذي مآ أسويهآ غالباً الا معهآ ومعروووفه ,,()
خيآر مقطع طوآل صغيره , ويخلط بزبآدي ,,
الصوص ,
خل ,ونعنآع جآف , وملح وليمون ,,
تهووووس مع الرز الدسم ..
(10)
قطعوا أنفسكم , وخلووني آكلكم ,,
وبالهنآء والصحه علي ,,()
في الغآلب مآفي جديد , غير أني ولهت علييكم وحبيت أقدم لو شي بسيط ,,
()
أختكم _( تركيبة _ قهوه !
08-12-12, 10:14 PM
طرالي أتسنع
رد: طرالي أتسنع
جديد مواضيع قسم المقبلات والسلطات
العرض العادي
