كاتب الموضوع :
شبيهة امي
المنتدى :
القصص المكتمله من وحي قلم الاعضاء
رد: آلا ليت الزمان يعود
5
دخل عليها وهي نايمه مغتاظ منها ومن ولدها
:قومي يالله بلا تمثيل
-قامت قيامتك يا شين الحلايا
فتحت عيونها مفزوعه منه ومن صوته
وقالت بحده:ماني قايمه
واطلع لا يشوفك ياسر ثم تصير مشاكل
-احلا قمرا
مسكها من كتفها وسحبها بملابسها
وانفلت المغذي اللي بيدها ودمها سال
وهي صامده واثقه ان ربي بياخذ لها حقها منه
والله جاب لها الظهر اللي بيحميها منه
دفته بيدينها مع صدره وقالت بقووه
: قلت لك اطلع برا خلاص خلاااص انتهينا
سنيين وانت مستعبدني
-الا ليش ؟؟؟؟؟؟؟؟؟
ويش خلاه يستعبدك؟
يعني لو انه شاف عودك يابس كان ممكن يسوي الي سواه
نعم.... عاطفة الام
خوفها على جنينها و أمها الي تظن انها مادتن رجليها لقبرها و تبي تسترها خلى عودها طري يلفه مثل مايبي
واليوم ربي عتقني برجوع ولدي
لا بارك الله فيك وعيشةً عشتها وياك
يتنفس بقووه من الغضب وعيونه جاحظه عدم تصديق : اقطعي واخسي ألبسي عباتس
وامشي معي
و هجم عليها بياخذها معه
ومسكها مع شعرها بيجبرها
:والله تقاويتي علي يا قمرا وجا حبيب قلبس
جا اللي قفلتي القلب عليه
-عاد تصدقون رحمته!!
أي والله رحمته
يعني رجال طول بعرض ومدير مدرسة –والا؟ تقل فهمت كذا؟- ويدري أن مرته ماتحبه بس تهابه و تنتظر جنازته عشان ترتاح منه
وش توقعون يسوي!!-فيس التعذير قام يشتغل معي-
دخل عليهم ياسر وسمع اخر كلام خلف
: ايه جييت
وخر يدك عساها للكسر
قمرا شافت ياسر تلاشت كل قواها واغمى عليها وطاحت مثل الخرقه
ركظ لها ياسر واكييد الجبان خلف هرب
-عدم المواجهه
ماتبي تشوف ولدها يتعدى على شيبات زوجها
ولا تبي تفكر أن زوجها يضرب ولدها و لحيته ماليتن وجهه
تجمعن الممرضات وبدو بإنعاش قمرا
اللي هبط عند الضغط والسكر
.
.
.
.
طول الليل وهو معاها وعت عليه قبل الفجر
: ياسر حبيبي
وقرب منها وحطت كفها على خده
: ابوي انت انا طيبه
كانت نظراته لها قلق خوف
مسك كفها وباسه
قمرا ودموعها تسيل : ياسر انا اخاف عليك
من خلف اوعدني اوعدني ما توسخ يدك فيه
بهدوووء وثقه : لا تقلقين يمه ارتاحي انا ياسر غييير ياسر زمان ربتني الدنيا وخلف له من يأدبه
-يعني الدنيا تربيتها ازين من دلالك ياقمر!! –فيس التحريش-
انتي نامي هالحين
قمرا : ابي اقووم اصلي اللي فاتني
ياسر ساعد امه وتطمن عليها
وطلع منها بعد ما حلفت عليه يروح يرتاح
بعد ساعه خلالها قدم بلاغ عن خلف وتهجمه على امه
واتجه لابوعليان
:انا ياعمي بعد ما شفت حال امي
ما اقدر ابد احشمه انا بلغت الشرطه
ابو عليان حاس بغضب ياسر فما حب يناقشه الان
يعدىن ويتناقشو ن ويحاولون ينهون هذاالاشكال
باقل شوشره
-واخرتها تنازلوا
:طيب يا ولدي وامك شلونها الحين
ياسر يمسح وجهه بإرهاق
:والله ياعم تحس تعبها نفسي من شافته
-تقل سمعني؟!!
انتكست والدكتور بعد اليوم قالي ان السكر انخفض
انا افضل حل اقعد معاها لين تطلع
انا خليتها دقايق ورجعت لقيتها هي و الخسيس
وهو بعدها هرب مثل الفار
-ماهرب...
راح وخزى الشيطان والا وش تبيه يسوي يطارحك بالاسياب!!-ماسكتن معي الدفاع عن هالخايس-
ابو عليان : استرح الحين امك اكيد نايمه
وانا باخذ لها عليا اخليها تجلس
-ياقليبي ياهلعلياء
مانبتت لها جنحان بعد؟؟؟؟؟؟؟؟؟؟
معاها لين ترتاح
ياسر محتاج للراحه فعلا
-وهي ياحول؟!!
واقتراح ابو عليان ناسبه جدا
-أكيد مطقها مو راسه
: طيب يا عمي بس بالله قل لها لا تزحزح من عندها اخاف بعد يعيدها
والحين انا استأذن بروح للبيت انام
-طيب قله يتشكر منها مقدما!! والله من قلها!!
*****
"
اليوم السبت
وعادة السبت يكون يوم ثقيل دراسيا
جدول مليان وبنات مقفلات مخهن
عقب اجازة نهاية الاسبوع
وللحين تعب زواج عليان بعظامي
رجعت للبيت ما اشوف منتهيه ابي انام
-عسى ماجاك انتظارات اعرفهن هالمعلمات يغطسن بالنومه يوم السبت!!
غيرت ورحت لامي
لقيت العرسان جالسين عندها
ناظرني عليان وقال : غدينا امي
حبيت راس امي وبعدها انسدحت جنبها
ورفعت يدي للريم : مرحبا يا عروستنا
الريم : مراحب
اجيب لس غداس هنا تتغدين
-عروس والا خدامه ذي!!
عليا : طيب بس استعجلي تكفيين
!!!!!!
كذا عندكم حريم الاخوان!!
لاني حاسه اني بنام على نفسي
معليش ريومه انتي خلاص صرتي
من اهل البيت تعينيين وتعاونيين
-هذا الي يقطع الظهر
بالخدمة راعية بيت و الابالاسرار ......!!
الريم بإبتسامه حلووه : دقايق واحلى غدا عندس
-اصبري ياعليا توها عروس ترسم عليه
اشو ماعندي اخوان صغار ابلش بحريمهم!!
.
.
.
.
غفت عيني وبحضن امي الدافي
دقايق الا ابوي هزني بهدوء
عليا ....عليـــــــــــــا
قومي يا عيني
-مالت على العين الي ماتجي الا للحوايج
بصوت كسلان ناعس : هلا ابوي وجلست
ويالله افتح عيوني
بعد نص ساعه بنروح لخالتس قمرا
بترافقين معاها
فتحت عين والثانيه مقفله من النعاس
: ابويه طيب خلها بعد ساعه اكون نمت شوي
قالي ابوي : بعد نص ساعه وبالطريق اقولس السالفه
-قال نص يعني نص
وش يبي ينفعك الدقائق الباقية ماغير تحوسين نومتك بالليل كان ماعندكم ذبايح بعد
قمت بتثاقل احس يالله ارفع رجولي عن الارض
ورحت للمطبخ وسويت لي قهوة تركي
تصحصحني شوي
واخذت فنجالي معي وطلعت لغرفتي
وشربت قهوتي و تروشت
ابي انفض النوم عني كأني صحييت شوي
لبست قميص بارد مشطت شعري أي كلام وربطته عشان ما يضايقني
اخذت معي كتابين يسلوني لو زهقت
-ودفتر التحضير؟ والا تشرين تحاضير جاهزة
ودخل علي عليان : عليا أبوي تحت ينتظرس
لبست عباتي ونزلت لابوي وركبنا السياره
وعلمني ابوي عن خالتي وزوجها واللي صار معاها
غصبن عني تنرفزت " يعني ياسر نايم
-شفتي هالرجاجيل ياملا القطيعه!!
وانا مانمت وصلت لخالتي ولقيتها
منسدحه على جنبها الايمن وتسبح
فرحت فيني مرره
-اكيد تبي تفرح ..شين ببلاش ربحه بين
************
عليان تصدق شغالتكم ذي ماهي طبيعيه
عليان بإهتمام وتوتر: لييه وش قالت لس؟
الريم : ما قالت شي بس تخطف من الشغل ابي اغرف لعليا خطفت الصحن مني
-ماتأجرونها علي؟
احس انها ودها تضربني بالصحن
عليان :انتبهي منها تراها ماهي صاحيه
الله يكفينا شرها
الريم :اميين بس احس انك متخوف منها كثير
عليان : انا ماكان ودي اتكلم بس شكلي لابد انبهس منها
هي كم مره حاولت تتحرش فيني
بس الحمد لله من فضل ربي علي اني اصدها
المشكله اني دايم جاف معاها وتعاملي
معاها في اضيق الحدود
الريم منذهله من كلام عليان : طيب ليه سكت عنها ليه ما قلت لعمي والا لعليا
عليان : اممم انتي شايفه حال عليا كل شي فوق راسها وهذي تساعدها وكان وقت تجهيزاتنا للزواج خفت يزيد الضغط على عليا وهي مسكينه تحب كل شي كامل وتمام
-وهذا الي دمر العمالة علينا نصبر على الشين عشان عزايمكم و خرابيطكم لين راحت بيوتنا و عيالنا سلح!!
ا لريم :طيب هذي مالها قعده بعد كذا لازم تسفرونها
-روحيها و ابلشي بشغلها .... اهيء اهيء اهيء .. مثلي!!
عليان بإبتسامه رضا : غيرانه علي
تبسمت الريم : تلومني بالله اكيييد اغار عليك يا قلبي و الله يستر منها هالوسخه
عليان بحب : الله يخليس لي يا روحي وابشري خلال اسبوع ان شالله اسفرها
-طيب هات بديل قبل ماتورط عليا شكلها هالريم مالها جلاده على الشغل!!
**********
عادل تعال يا ابوي خذ هالحافظه وديها لبيت جدك
:يمه انا مواعد عبد الله واخاف اتأخر
منيره بصرامه : عادل انا قلت وانت تنفذ يالله
امش قدامي ولبست عباتها بتروح معاه
واخذت بنتها الصغيره حصه معاها
-ياملحك يامنور و انت مشخصة على الولد
وحصيصة ام قصيصة ذي جبتيها بعد المرحومة اختك؟!
نزل امه وتوجه لبيت عمه
دخل للمجلس بدون لا يتنحنح
كانت نسرين ترتب المجلس
قال بأسف بعد ماصد عنها :اووه اسف نسيرين
-الله اكبر عليكم ياهالجذاعين ... تقل مانعرف سواليفكم!!
نسرين مثل الصارووخ مرت من جنبه طالعه
-اشوى الي ماطلعت مع الدريشة .. شكلهم مركبين شبك حرامي!
شافها عبد الله وكفخها على راسها
: ليييييه رايحه للمجلس
-تلعب ام الجيران!!
دفته بقوه : وجع عورتني وبعدين انت اللي قايل لي نظفيه
راح عبد الله عند عادل
كفخه عادل على راسه
: ليييييه تظرب نسرين كم مره اقولك
ما تمد يدك عليها
عبد الله : يااخي اختي اصفقها متى ما بغيت
-لا ياشيخ!! يامال الكسامير
عادل : اسمع عبد الله والله لو ادري انك ضاربها لا وريك شغلك لا تمد يدك على نسرين سمعت
عبد الله: طيب فلقتنا يا شيخ يالله بنتأخر على الشباب
وطلعو متجهين لملعب الحاره في مباره مهمه
-اهم شي المبارة واذا كبرتوا شوي يجي البالوت
***********
واقفه تسمع حوار عادل وعبدالله و
مبتسمه وممتنه لعادل اهتمامه
تحب هالاهتمام وتنتظره منه
من هي صغيره تحس ان تعامل عادل واهتمامه غيرررر بس مافسرته غير اهتمام اخ بأخته
تنهدت من اعماق القلب
ورجعت تكمل تنظيف المجلس بإبتسامه
-هالحين يبي يصير المجلس يلق –عاد ماتشوفين ايدي وهي تشر ‘لا ليش كل ماقلنا يلق رفعنا ايدنا تقل بيرق؟؟؟؟؟؟؟؟؟؟؟؟؟؟؟-
*******
ايووه ألوووه
فينك يا بندر ما تصلتش عليا بألك اسبوعين
بندر : مشغول يا سعديه وهذاني الحين اتصلت
كيف الست الحجه ؟
سعديه بفرحه: كويسه الحمد لله الاسبوع
اللي فات خرجت من المستشفى
بندر : الحمد لله على سلامتها
سعديه : بندر انا اخويا حجز لي على
الاسبوع القاي يوم الخميس متنساش
بندر : طيب على خير توصلين بالسلامه
سعديه : مش عايز حاقه اقيبهالك
بندر : شكرا وسلمي على الحجه واخوانك
سعديه : لا اله الا الله
بندر :محمد رسول الله
قفل التلفون وسعديه لا زالت تمسك فيها بحب
:يا لهوووي على تألك يا بندر يا لهوووي
يا لهوي على رنة صوتك
اخوها الصغيرر حازم من خلفها
:تي رررارراااااااا هو انتي يابت بتحبيه
سعديه بإبتسامه خجوله : امااال ايه بحبه او ي مش جوزي
-وعمى!!
مامداها المرة تموت تنط و تعرس!!
اجل وش قصتك مع عليون؟؟؟؟؟
صدقك عيون زايغه
*************
قمت على صلاه المغرب
ورحت بعد الصلاه لامي
دقيت الباب ومحد رد علي
فتحت الباب بهدووء
لقيت امي جالسه بسريرها
وفي سواد على الكرسي بجنبها
امي تبسمت لي وحطت يدها على فمها : اشششششششش
واشرت على الكرسي
وهمست : اششش عليا نايمه
همست لامي وا نا مبتسم : خوش مرافقه
بلاك ماداومت بثانوية بنات يوم السبت
ردت امي بهمس: مسكينه لها ساعه بالضبط سويت نفسي نايمه عشان تنام من جتني وهي تقاوم النعاس
تبسمت لملامح امي المبتسمه
ناظرت عليا متغطيه بالكامل بالسواد وممتكومه بطريقه تضحك على الكرسي
قلت لامي : ذي شلون نايمه صحيها خليني اوديها
قمرا : طيب اطلع اخاف تنفزع لا شافتك
فجأه قعدت عليا بعد ما سمعت صوت رجال بالغرفه وبدت تستر نفسها كأنها خايفه تكون منكشفه
ثواني استوعبت من هو
وبسرعه قامت وتوجهت للحمام
"ضحكت على حركاتها
وامي تنهرني
قلت لامي : انا انتظر برى
نادتني امي قبل لا اطلع :
ياسروش سويت عساك مسكت وصاتي
وما تهاوشت مع خلف
تبسمت لامي وقلت : افى يمه وعدتس انا
انا بس بأدبه من دون ما اوصخ يدي فيه
انا بلغت الشرطه
وهم مسكوه و بينهون السالفه لا تخافين يمه
ابيس ترتاحين تماما ولا تفكرين نهائيا
بذا الشخص
وطلعت من الغرفه
قمرا : عليا يا عليا تعالي ياسر طلع ماهو فيه
بحذر انفتح الباب وطلعت عليا
وبصوت ناعس : خالتي انا بطلع اتصل
على ابوي يجي يا خذني
خلاص جا ياسر يجلس معتس
قمرا بزعل : عليا والله ما تطلعين
اصلا هذا هو التلفون جنبي
بس ما ابيس تتعبين ابو عليان
عليا : بكلم عليان اجل
قمرا : ولا حتى عليان هذا ياسر هنا يوديس
طارت عيون عليا بحده : لا خلاص شكرا انتظر ابوي يجي مثل ما وعدني
ضحكت قمرا بخفه: هههه علامس خفتي
تراه في النهايه خطيبس ومملك عليس
عليا : خالتي تراس غاليه عندي وما ابي تزعلين مني
تكفين خلاص ما احب اتكلم في هذا الموضوع
قمرا : وانتي بعد غاليه عندي
تكفين لا تنهين حلم يا ما تمنيته
-لو بيدي أنا طرت و طلعتها من بيناتكم ياوحوش!!
كلكم قاعدين تنهشون بعواطفها
تغطت عليا تداري دموعها
وجلست بكرسي طرف الغرفه
وعم الصمت القاتل
محد بيفهمني انا ما اطيقه ما أطيقه
والجميع يبوون يتممون اتفاق
ما دريت عنه ولا وافقت عليه
-شوفي عاد الكلام الي يجمد على الشارب
انت مو ماتبينه .. انت مقهورة انك مادريتي اصلن وبعدين لو انه جايتك بالغنرة يابوي و العوارض –اممممممممح- من الآخر كان تركتي شيبانك و ثانوين وراحوا سلح
فخلينا حنا فاهمين بعض وعلى قولتهم دافنينه سوا
.
.
.
.
كان عمري 16 سنه جالسه اذاكر وامي وابوي يسولفون قمت اجيب دفتري من المكتب حقي واسمع ابوي يقول لامي
انه ندمان على ملكة عليا وياسر
اول ما كنت متأكده من اللي سمعته
بعدها بفتره اسمع نفس الكلام امي
تقوله لخواتي حصه ومنيره
سألت امي وش السالفه
وما توقعت ان امي بتعطيني الصراحه
قالت لي انتي وياسر متزوجين
قعدت اضحك اضحك لين دمعت
وتحولت ضحكاتي بكاء
وصرخت : ياسر الكلب اللي ياما ظربني
بسبب ومن دون سبب
شلووون من دون علمي
توافقوون شلوون بأي حق
وانا ويني ليه ما حد بلغني
اخر من يعلم انا!!
وجتني بعدها كآبه وامتنعت عن الكلام فتره
بس ابوي بحنانه هو وامي
قدرو يرجعوووني للوضع الطبيعي
-كالعادة دربوك بالحكي!!
بس ياويله يا سواد ليله اللي ييجيب اسمه عندي
-لو سعديه معانا كان قالت
مأدرش على الحمار ضرب البردعه!
********
فايزه
مخنوقه احس اني اختنق مافي هوا
وامي تخنقني وملامحها جاااده
وابوي واقف بعيد عني بس نظرته كأنه راضي
ابي اتنفس ابي ارتاح
فجأه دخلت علي اختي فوزه الله يرحمها
ومن دون كلام فكت يدين امي من رقبتي
وسحبتني من يدي وهي تبتسم لي ابتسامه هاديه
وحطت كفي بكف زوجها
وهو تمسك فيني بقوه
بسم الله الرحمن الرحيم
بسم الله الرحمن الرحيم
تتنفس بفزع وصدرها يهبط ويرتفع بخووووف
نفثت عن يساري ثلاث وقمت توضيت وصليت الوتر
-وش تفسيره .. خيرا يكون و شرا يزول و الصلاة على الرسول
يمكن العرس مايتم!!
ودعيت من كل قلبي
ياااااارب يااارب انت اعلم بحاجتي
وانت اعلم بالخير لي يااارب تهيديني للقرار السليم
ياااارب تنهي لي حيرتي
شهقت بدعواتي ودموعي احرقت اجفاني
******
خاله علامس من البارح ما شفناس
تظاهرت بالنوم
زعلانه من نفسي كيف سمحت له يستفزني
كيييف
وتذكرت فايزه بعد وزادت ضيقتي
اليوم جت ونفسيتها جدا تعبانه
وقالت لي عن قرارها
-انت تريد و انا اريد و الله يفعل مايريد
نسرين لازالت بغرفتي و جلست على سريري عليا علووووش
قووومي طفشانه وجايه استانس معس
من تحت اللحاف قلت لها خلاص جهزي القهوه
وناديني اكون انتعشت شوي
بعد ربع ساعه انتعشت من ترويشه سريعه اشتقت لامي حبيبتي
-عسى مايجيك برد من كثرة هالتروش
لبست بلوزه ورديه منقطه باسود مع تنوره سودا
ورفعت شعري بشكل عفوي
نزلت وبالي مع فايزه اكييد انها بلغت امها بقرارها
دخلت ومثل عاااادتي توجهت لثلاجة غرفة امي الصغيره
ابي اخذ ادويتها
وكان بالغرفه ابوي وعليان واحد ثالث بس منزل راسه
بس استوعبت منهو هربت من الغرفه
وقمت اناقز من الفشيله
طلع وراي عليان
قلت له بعصبيه : لييييه ما نبهتي؟؟؟
لييييه ماحد علمني ان عند امي احد غريب ؟
عليان بهمس:كنت بعلمس ب ابوي قالي لا زوجها مافيها شي
عليا بغضب : ماهو زوجي ماااااهو زوجي سمعت
وتوجهت للمطبخ وانا متنرفزه عل الاخيير
ونسرين سكتت خافت مني
قلت لها شين الحلايا عند امي
سكتت بعد
قلت لها: كنت تدرين وماعلمتيني
نسرين:دريت ياخالتي بس جدي قالي اقعدي بالمطبخ ولا تطلعين
بالصاله رجال وانحبست وماقدرت اوصل لس
-ينخاف منه ابو عليان ذا!!
قعدت افكر ابوي الله يسامحه يبيني ارضى بالامر الواقع
معناه قريب بيقولي روحي معاه لبيته
انكتم نفسي من التفكير وهالنقطه ذي بالذات
-ما اظن تاصل لهالحد الا ان تبيزعت الريم و صارت محلك؟!!
********
يالله ياعم اسمح لي
ونزلت لخالتي وحبيت راسها
وهربت من الغرفه ابي اطلع ابي محد يشوووف دمعتي
هذي خالتي اللي كلها صحه وشباب يصير فيها كل ذا
يارب يامحي العظام وهي رميم ان ترد عافية خالتي لها يارب ياارب وتغافلتني دمعه
ركبت سيارتي متوجه للمستشفى
امي مستعجله تبي تطلع منها وانا بعد ابي
اجلس مع امي في بيتنا مثل اول
ناظرت في المرايه اشوف اللي وراي وتذكرت عليا
البارح امي حلفت عليها واصرت اني اوصلها
ويالله وافقت
قلت خليني اسلم عليها مسوي نفسي راعي واجب
بس هي سفهتني وما ردت علي
-مستحيه يالاثول
بصراحه انقهرت منها
مشيت قبلها في الممرات ودخلت المصعد
بس هي رفضت تدخل
بدون عقل او تفكير سحبتها من يدها اللي مو باين منها اطراف اصابعها
وقفل الباب بسرعه
شهقت: يا كلب شيل يدك عني
وظربتني بشنطتها على كتفي
عورتني حديدة الشنطه
سحبت منها الشنطه بقووه
وقلت بهدووء شديد وانا ضاغط على ظروسي
: طول عمرس ويدس طويله
هالمره بس بعديها مره ثانيه ما اضمن لس وش بيصير
-هذا وهي خطبه و منقطعه اجل لو تبيت اخذها للبيت ويش يبي يصير؟؟؟؟؟؟
عليا ونظراتها بتخترق نظراته : مامن مره ثانيه سمعت
وابيك تطلقني وخلنا ننتهي من هالمهزله
فتح المصعد وطلعت من دون كلام وهي تلحقني
واضح جدا انها بتنفجر من الزعل من مشيتها
مشيت لين وصلت سيارتي وفتحتها ودخلت
وهي فتحت الباب الخلفي وجلست
وصفقت الباب بقوه
تغاضيت عنها
-الا صدق وش قصت الشباب مايحبون صفقت الباب بقوة –سؤال بريء-
مشيت وانا احاول اكوون هادي ناظرت في المرايه شفتها وشفت عيونها جميله جدا مكحوله من ربي
صف رمشها سبحان اللي خلقها
عدلت بجلستي وتنحنحت
: غطي عيونس لا عاد تفتحين نقابس لكل من هب ودب
-وش عقبه!!
عليا ألتفت للشباك وطنشتني ولا كأني اكلمها
قلت بنرفزه : سامعتني
ردت بعصبيه : سق وانت ساكت ومالك دخل
ضحكت ابي انرفزها : محد له دخل الا انا زوجس ولا قلت شي يتنفذ سامعه
يالله اشوف غطي عيونس
سفهتني للمره الثانيه
-ياشين الفشيله!!
وقفت السياره بقووه خلتها تظرب في المقعد اللي امامها
-جت ام العناد
قالت : وجع ان شالله انتبه
التفت عليها وحطيت عيني بعينها : تغطي لا انزل اغطيس
بنفسي
استمرت بالتطنيش
فتحت الباب بنزل
وعليا بسرعه غطت عيونها خافت يتجرأ ويسويها
رجعت لمقعدي وانا اضحك : صدق من قال ناس ما تجي الا بالعين الحمرا
-لا والله الا انت الي ما طلعت رجولتك الا من التطنيش
الا ماتهقى يا ولد قمرا أن سبب خلاف امك و زوحها شبه من هالتطنيش!!
اسمع حلطمه منها
قلت : هااه وش تقولين
عليا : امش وانت منخرس ترا طولتها وهي قصيره وصلني للبيت بسرعه
مدري وش جاني ضحكت : هالحين انتي قد هذا الكلام
انا ينقالي انخرس
ردت عليا بحده :وينقال لك اعظم بس انا محترمه نفسي
ورجاء ما ابي اتكلم
ياسر بتهكم : واضح محترمه نفسس
وسكت واحس الطريق طال اول ما نزلنا قابلنا عمي ابو عليان وهي نزلت مثل الصاروخ
قلت له امي حلفت عليها اني ارجعها للبيت
تبسم عمي : جزاك الله خير وما جبت الا حلالك
-يرسم هالشويب على بعيد
استأذنت من عمي ورجعت لامي
***********
جالسه تستمع لإذاعة القران وعيونها على وشك تسكر
بس سمعت باب البيت يتسكر بقوه
دخل احمد بقووه ومعصب : يمه ابي فلوس
قالت له وين هالغيبه لك الحين اسبوع
رد بحده وهو يتنافض: سمعتيني يا غبيه ابي فلوووس فلووس
تدحرجت دمعتها ورجعت جلست تسمع الراديو وقالت مافي فلوس
راح للمطبخ تسمع صوت قربعه
رجع بعد دقايق ومعاه الزراديه
واقبل عليها ومسك يده بعنف يحاول يقص اسوارتها
اللي ماسكه على يدها وهي تسحب يدها وهو مثبتها بين ركبه
-يالله تعافيه ولا تبلانا
:حرام عليك فكني ولا تاخذها
اخر شي قعد لي من ذهبي كله خربطته على مزاجك
-طيب وش الي وصله للمزاج هذا؟
صرخ فيها وشد يدها اكثر وقص الاسواره بعنف
واخذها وهرب برى البيت
وترك امه تبكي قهر وقل حيله
-لك الله يا ام احمد..
الحين يا ام رنا احمد ذا اخو الريم؟
*********************
دخلت امي علي : وينتس اليوم ما قعدتي معنا
فايزه تجلس وتسحب معها اللحاف وتتغطى فيه
: يمه انا موافقه خلاص
ابتسمت امها وبنفس الوقت دمعت عينها
: وربي اللي خلقني ما تندمين يا بنتي
دام ارضيتيني ربي بيرضييتس
-تجي ان شاء الله من الله وتنحل
وضمت فاييزه وتركتها بعد ما حست بحرارتها وذبولها
:ياربي سترك علامس يا بنتي مصخنه
فايزه : يمه برداانه زيديني لحاف
وابي اناااااام
ام فايزه خافت على بنتها
لاااا قومي قوومي اوديس للمستشفى
وبصعوبه بالغه وبعد عدة محاولات قدرت تقومها وتلبسها عباتها
اخذهم ابو فايز وكانت تعاني من حمى شديده
حطو لها مغذي ومسكن وخافض للحراره
ورحعو للبيت
-ما عطوك اجازة؟!
وقبل لا تطلع غرفتها : يمه يبه انا موافقه على سند
بس بشرط ما ابي أي حفله ولا حتى عزيمه
وطلعت غرفتها وتركت اهلها مبسوطين بقرارها
-تبيها عزاء والا ..........
عاد مادريت بالسادس الا الحين!!!!
|
08-11-12, 07:23 PM
جديد مواضيع قسم القصص المكتمله من وحي قلم الاعضاء
العرض العادي
