[QUOTE=Aw7;3231105]السلام عليكم..
يسعدلي مساآآكم / صباآآحكم حبايبي ..
ي هبهه انآآ معك بخصوص ماهر بحب الشخصيهه اللي هيك كتير
حمش س السيد ههههههه ...
للمعلومهه الانسان العصبي اكثر انسان حنون وحبيب ...
صح انو شوي شوي مو كتير غلطان .. بس البي مايرضى عليه ..



بسسسسسسسسسسسسسسس
استنوووووووووو
ياسلمي لي الحلووووووووووووووووووووووووووووين
مووووووووواه موووووووووووووووواه
شوفو الناس الحسسسسسساسه الجميله الحلووووه
موووووووووواه مووووووووووووووووواه
يا لبي ئلبي علي الحلااااااوه يا نااااااااس
ودي احلي تحيه واحلي زفه من سيد الرجاله ماهر باااااااااشا
:real_madrid 1: :234d d::1245456688zobj918 45:tf dl:



بسسسسسسسسسسسس يكفي المره دي هو دا الكلام التماااااااااااااااااااااااااااام
نورتي يا حوا وان شاء الله اول عضوه في فريق الا ماااهر هههههههههههه لا تزعلووووووونه

طيوف لولا فرحتي ب حوا كنت ناقششششتك تاني لكن ااجل المناقشه لبكره عشان انا فرحانه دلوئت واخاف الحمر يجو يطردوني من الروايه
خخخخخخخخخخ
فبقولك
صح كلامك عن ماهر لكن هو دا الممتع بقراءة شخصيته انه ورغم كل البرود والقسوه اللي يظهرها الا ان داخله بركان سينفجر قريبااااااااا
و ما دامت ضمضم قالت اغلي ولادي هااااااااااااا
ف انا اثق بحكمها
بتعرفي باختلاف الشخصيه والمواقف والتصرفا الا انه بيفكرني ب ياسر
ب بعض العيون
اتمني له فقط نهايه مختلفه

صباح الخيرات ......بارت فعلا استنزف الكثير من المشاعر ....اهنيك ياعسل جد جد ابدعتي وصلت لنا حالة الهيجان الي بالجموح وقايد وكأن هالمشاعر تنبع من داخلنا مع كل حرف نقراه ........ ماشاء الله النقاشات القيمة اعطت نكهة مميزة للردود وكل الاراء ماعليها كلام ابد لان كل قارئة تناقش من صميم واقع عايشة فيه او سامعة الكثير عنه

نجي اول شي للبارت والي صار فيه من احداث

جموح وقايد

انا اشوف الاثنين غلطانين والاثنين دفعو الثمن من اعمارهم الي مستحيل ترجع .....لذلك مو من حق الجموح تجي تطالب بعقاب على شي كانت شريكة فيه بالنص

لو الجموح صريحة مع نفسها بس وسألت حالها قبل هالسنين لما اختارت الشهادة على اتمام الزواج الي كان قريب هل كانت فعلا من داخلها تفضل الشهادة وعادي ينتهي قايد من حياتها للابد ويتزوج غيرها ...اتحداها وانا قد التحدي اذا قالت اي مقتنعة وراضية .......هي ماخطت هالخطوة الا بسبب الي يوصلها عن مشاعر قايد لها وهي حطت ببالها انو دامه يحبها خلاص يثبت لها هالحب وينتظرها وسافرت ولا اهتمت مع اني اعتقد انها يوم تسافر كانت مخلصة الماجستير وبتكمل الدكتوراه يعني مو صغيرة ابد وحدة واعية وناضجة وقد قراراتها

قايد حجرها وهي مااحتجت ومتأكدة انو هالشي ارضى غرورها وزاد ثقتها بنفسها انها مسيطرة على قايد ودامه طالب قربها خلاص مجبور ينتظرها الين هي تحدد متى بتكون مستعدة تفرغ نفسها للزواج مو مهم عدد السنين الي بينتظرها ولا مهم الطعنة والوجع الي بقلبه ........كل هذا ماكلفت على نفسها الجموح مع تصفية الحسابات تضيفها ضمن قائمتها ليش تحاسب غيرها على غلطه ضدها بينما ماحاسبت عمرها ولا فكرت حتى

الصورة الي تحت وسادتها متأكدة انها كانت رفيقتها في السفر ومااحتفظت فيها الا تواسي نفسها على فراقه ومليون بالمية لو سافرت وقايد كان ردة فعله الصمت ابد ماابدى اي ردة فعل غير انها ماتتحمل وبتقعد تهوجس والخوف ليل ونهار بياكلها انو يرتبط بغيرها هي تبغيه وتبغي شهادتها ومااختارت حل وسط تتزوجه وتشرط مثل ماشرطت على العمارة بأنها تكمل دراستها ومايمنعها من الوظيفة لو بغت تتوظف ...........كثير بنات دونو هالشروط بعقد الزواج ومافيها شي .... او تممت الملكة وتفاهمت معاه على تأجيل الزواج الين تحقق حلمها وهو ماراح يمنعها لانو يحبها منها كسبت شهادتها من الخارج ومنها ماكسرته وعملت لمشاعره اعتبار

بس هي تعودت انو الكل يقول عنها عنيدة وانها تسوي الي براسها عجبتها هالصفة متوقعة كل الرجال بيتحملو هالبجاحة الي فيها اصلا لو تزوجت غير قايد وهي على نفس جموحها ترفض طاعة الزوج الي متزوجته نهايتها الطلاق مافي رجال يرضى تقوده مرة الرجال يبغي انثى بكل ماتعنيه الكلمة من معنى يعني مو شكل خارجي بس مو وحدة عنيدة طويلة لسان ووقحة وتمشي رايها على زوجها مثل ماكانت ممشيتها على ابوها واخوانها

لو قايد سوى مثلها وحط كرامته ورد اعتباره بالمقدمة مثلها بينتظر بدون زواج الين رجوعها وبيروح يخطب غيرها وبيخليها تحظر زواجه على غيرها وهي مالها حق تفتح فمها هذاك الوقت لانو بتكون هي الي فضت الخطبة قبل وهو مارجع طرى موضوعها ........صحيح بتكابر وبتوافق على غيره بس مابتنجح حياتها وهي تشوف بديلتها وعياله من غيرها ..

اما انها تعتبر بيع العمارة مصدر رزقه هي الي بتعوض سنينها الي راحت غلطانة واصلا الي قلب حالة الجموح مو حركات قايد لانها ماتقل عنه وقاحة وقوة لا هي الي هزها كلمته انو لو بعد ماتبيع عمارته تركها سنين زيادة او طلقها هالشي قهرها لانها عارفة انو يقدر يسويها

يعني شمتوقعة منه يسمع دعاويها وشماتتها وغدرها فيه ويجلس يترجاها وبس يتغزل فيها سبق واعترف بحبه وهيمانه فيها ...وهي ابد معمية جموح ثانية مو نفس جموح الي بالجامعة المثقفة الرزينة الي تتفاهم مع طالباتها بأسلوب ذكي وراقي

ماقلنا لها افتحي دراعك لقايد وانبسطي لا نقول لها تزوجي وافرحي بفترة جهازك وزفافك مثل كل بنت تمر بهالمرحلة واستخدمي عقاب اخر لقايد يوجعه وهو انك ماتظهري له اي مشاعر مجرد انثى باردة جامدة حتى الكلام يكون قليل ماتتجاوب مع غزله ولا تبرد قلبه بكلمة تريحه بدون اللجوء للكلام الي مايناسب ثقافتها ولا تربيتها ....راح توجعه كثير بهالطريقة لانو بعد هالسنين بيكون منتظر حياة تروي سنينه الجافة لكنه بينصدم بالعطش حتى مع وجود الماء

اما العمارة اذاها كبير عليك وعلى العيلة كلها وانتي تقولي تبغي زوج وعيال من قايد كيف تصير هالحياة والزوج مطعون من الزوجة اي سعادة واي حياة تتوقعها ...
مو حل ابد الي تفكر فيه وعسى هالحمى الي فيها تهجدها فترة طويلة وترجع لها عقلها وتكون سبب لايجاد مخرج يغير مسار تفكير الجموح ....لانو قايد مو عجزان عن ترجيع العمارة وهي الي بتولع

وبعدين بمجرد دخولها بيت زوجها شرعا مايجوز لها تعاند وتغضب زوجها ولا تطول لسانها عليه بدون وجه حق ...لو نام غضبان عليها مافي الا ذنوب تنزل عليها حتى الحين وهي ببيت ابوها استفزازها لقايد اذا نام غضبان عليها تلعنها الملايكة لانها شرعا زوجته ......يالله المثقفة ام الشهادة العالية وين ثقافتها الدينية ترضي نفسها ولا ربها اولى لها


ماهر والدانة

والله انك ياماهر غرقان بحب وعشق دانة ومو قادر تفارقها ولا تبعدها عنك يومين بس باتت بعيد عن حضنك وعاملتك ببرود انقلب حالك لانك ماتستغني لا عن حضنها ولا عن غزلها فيك اجل ايدك تنمل من نومتها عليها والحين متمسك فيها غصب تنام عليها ........اي اجل يبغي لك بعد فترة من هالمعاملة والحرمان بعدين بتحس على دمك مثلك مثل الجموح ابيه وميته فيه بس اكابر واقول ماابيه ولا اهتويه
تلاحق على عمرك بس لانو دانة خلاص قربت تنفجر وساعتها لابيفيدك المكابر ولا التغزل .....ويالله عاد بعدين متأكدة انت واختك بينكسر راسكم وبتقعدو تلاحقو قايد واخته وتدورو رضاهم

الثريا وحاتم

منتظرة لحظة مايربطهم رابط شرعي وبعدين يكونو تحت سقف واحد مع اني متأكدة انو الثريا بتخربها بس ماعليه بتكون بداية رد اعتبارها وبداية مداواة جروحها

اما حاتم ينتظر طلعة قايد على نار علشان يتمم فرحته .......بصراحة خفت من تفكير حاتم بسبب العباية وخفت يخرب حياته الي لسى ماابتدت بس في نقطة هنا وهي انو اتمنى مهما صار في المستقبل بين قايد وجموح مايأثر على حياة ماهر ودانة وحاتم والثريا اذا كل ماقالت جميح حاجة لبو رغباتها مثل ماعودوها بتجيب لهم مشاكل بتوصل لحياتهم الخاصة مو كل ماقالت هذيك حاجة فزعو لها لا لانو الجموح من ردة فعلها بالانتقام عرفنا انها ماسحة دمار علاقات اخوانها مع حريمهم من راسها يعني مابيهمها تأثر وتخرب حياة اخوانها بسببها

ابو طلال

ونعم الصديق ربي يعوض عليه بالحرمة الي تسر خاطره ويجتمع مع عياله ببيت واحد حسيت من تعامله وتدقبقه بحركات اميرة انو متشفق على قرب عياله ان شاء الله اذا تزوج هذيك من قهرها ترمي عياله عليه على اساس تخرب حياته بس بيكون هالشي لصالح الابو والعيال

شينة الحلايا

هذي شفيها الحسودة داخلة بيت الناس ومنخمدة ببيتهم ومتنعمة من خيرهم وهي تناظرهم على ازواجهم بالاول على ماهر ودانة وقهرها من تعامل دانة مع ماهر وهي ماتدري عن الي ورى الابواب ولا عن حياتهم شي
والحين حاسدة الثريا وهي الي ميتة قهر وتتمنى تكون مكانها ....
انا اقول ماراح تطول ببيت قايد لانو تصرفاتها ماحد ملزوم يتحملها ووصايف مابتعدي لها اي تدخل او اي تصرف بحرية بالبيت جالسة تسرح وتمرح بالبيت والثريا قالتها صريحة الي كان يربطها فيهم قبل مات وشبع موت والحين ملزومين بس بأميرة وهي مالها اي صفة عندهم وفعلا بيجي يوم بتنطرد لبيت اخوانها

قايد مابيقعد عندها باقي عمره بالشقة وراه زواج وقريب ......وهي وحدة عديمة ذوق تبغي تجلس تفوشر بالبيت على كيفها ...... لا ومابتقصر من اللقافة والمشاكل ومابتحترم صاحبة البيت وصايف وهي عارفة لو خيرت قايد بين جلوسها وبين امه بتكون امه مع انو خذلها قبل وهي مابان بعينها


الزين

والله هالبنت على رجتها بس عند اللزوم قدعة اتمنى لها شطحات مع الي ماتتسمى عديمة الذوق وهي حارقة اعصابها ومستفزتها اعتقد بتبرد قلبي فيها


في انتظارك يالغلا

من بداية الرواية تناقشنا في قضية التحجير ورفضنا التام لها بأي شكل من الاشكال لانو يهضم حق البنت في اختيار شريك حياتها يعني لما يجيها اي خاطب مايكون لها اي راي فيه مع انو هي الي بتعيش هالحياة وهالشي يعنيها بالدرجة الاولى .........غير كذا التحجير لاهو من الشرع ولا هو من الدين عادة ابتكروها البشر بدون الرجوع لراي الشرع فيها وللاسف لو كان في حكم قوي يحرم هالعادة يمكن ماتدمرت حياة الكثيرات ...

التحجير مو بس فرض شريك الحياة على البنت بدون الرجوع لها ولا انو ممكن يضيع سنين طويلة من عمرها ويحرمها حقوق كثيرة لا في قضايا اعظم تبين مظلومية البنت من هالظلم الي يفرض عليها

ممكن هالي يحجرها يكون غير متكافئ من نواحي كثيرة للبنت بس لانو الاب والاخوان مايبغون صورتهم تهتز في مجالس الرجاجيل ولا بنات يكونو متعلمات يتزوجون من اشخاص حتى اسمه مايعرف يكتبه ...او بسبب التحجير يزوجو البنت لمعاق عقلي بحجة انو هي بنت عمه ووبتتحمله وانو اهله يبون العوض بعياله الي بيجون سليمين وصارت كثير بواقعنا ماهمهم هالبنت الي تتزوج واحد اقل حقوقها مايلبيها لها ماتلاقي شريك عمرها بوقت حاجتها لصدر تبكي وتشكي عليه لو بتروح تشتري غرض شخصي مايكون هو الي يوديها وعاد شوف مين يتبرع لها مرضت الفجر ولا واحد من عيالها لازم الكل يدري عنها وهي تنذل وتطلب احد يوديها واشياء كثيرة والي يقهر لما ابوها وعمامها يعوضوها بالفلوس والذهب الي ماادري بأيش بينفعها ولا بينفع عيالها

ولا البنت عمرها صغير والي بيتزوجها عمره اضعاف عمرها وين يتفهمها ويراعيها وهو يبغيها مثل عقله واذا غلطت بدل مايعلمها يعذبها بالطق هو ويمكن حتى امه وخواته
ولا الي يحجر عليها لولده بمجلس مليان رجال وولده سكير عربيد عاطل لاشهادة ولا صلاة ولا عبادة عارف انو مستحيل احد بيزوجه فيقوم يحجر على بنت اخوه قليل من الاباء الي يرفضون لانو الولد لادين ولا اخلاق والبعض لا مايبغي صورته تهتز ولا يخسر اخوه والضحية هالبنت

وغيرها وغيرها من هالبلاوي الي شي شفناه وشي سمعناه .........الله المعين بس


اما بالنسبة للجموح وقايد وتحجيره هي مااعترضت على التحجير اصلا لا هي اعتراضها على انو كسر ثقتها انو بمجرد رجوعها بيجيها قايد بلهفة ويجدد الخطبة ويحدد العرس ولو صارت مليون بالمية الجموح بتطلع لها حجة وعذر تأجله الين ترضي غرورها لانو من حقها هي تترك غيرها ينتظر سنين دون مراعاة لمشاعره

بينما هي تعيش نفس اللحظات طبعا لا هي الجموح غير عن البشر هي الي تمشي الغير على رايها مو هي الي تمشي ورى احد ولا بشور احد

بالنسبة للعمارة ولو كنت بمكان الجموح .......انا لوكنت مكانها وفعلا مجروحة مابرضى بعمارة ولا بفلوس ولا اي شي مادي شبينفعني الشئ المادي بيرجع عمري ولا بيسكت الناس ولا بيعوض الليالي الي بكيت فيها مقهورة وانا انتظر ولا بيعوض الليالي وانا ماسكة الصورة واطلبه يجي يتمم هالموضوع ........اصلا اذا انا ابغي انتقم ابغي يكون الانتقام بحلم هو انتظر سنين علشان يحققه وهالحلم الزواج والحب والسعادة ماراح اقدم له هالاشياء على طبق من ذهب اخليه ينتظر ويتحسر وانا عايشة ببيت الزوجية وامارس حياتي عادي ولا همي فرحته ...

اذوقه من نفس كاس الحسرة وانتظار كلمة تغير مصيري وحياتي ......يعني هو بيتمم الزواج بس انا مااخليه يكون مثل الزواج الي كان بباله ومتوقعه ..

اما اخذ العمارة وابيعها وتجيني مشاكل بتعطل باقي سنين عمري الباقية مابكون استفدت شي .....ليش ابعده عني وهو صار قريب ابغي زوج وعيال وحياة مستقرة مااسوي شي كفيل يهدم حياتي والكل راح يعرف بالي سويته وبطيح من عيون الكل حتى من عيون نفسي راح الوم نفسي واحتقرها ....لاني كنت غير عقلانية بتصرفي لبست شخصية ماهي شخصيتي وتصرفت تصرف مايرضيني

وحتى لو بعتها مابتكون ردة فعل قايد مثل ماخططت ساعتها بكون بس تعبت عمري وخططت وهالتخطيط عقاب ثاني لنفسي وضياع لحياة كنت احلم فيها وصارت حياة جافة بلا طعم بلا حب بلا ثقة الكل نظرته تصغرني بعد ماكنت بالشهادة معتزة بنظرة الفخر والاعجاب من الكل اليوم دانة وماهر عرفو ويمكن تكون مواجهة بين دانة والجموح وتخسر طرف من بنات عمها ونظرة احتقار بعد ماكانت نظرة احترام وبعدين حاتم والثريا الين توصل لكايد وحتى زميلاتها وطالباتها مو الاخبار الشينة تنتشر بسرعة البرق

شفادتني العمارة ولا الانتقام الي مااجيده واترك اللعب والانتقام الي انا ملكة فيه وهو انتقام المشاعر وحرق القلوب