الفرقان
{{يَا أَيُّهَا الَّذِينَ آمَنُوا إِن تَتَّقُوا اللَّهَ يَجْعَل لَّكُمْ فُرْقَانًا }} ((الأنفال:29))
فإذا اتقى العبد ربه وذلك باتباع أوامره واجتناب نواهيه وترك الشبهات مخافة الوقوع في المحرمات ، وشحن قلبه بالنية الخالصة ، وجوارحه بالأعمال الصالحة ، وتحفظ من شوائب الشرك الخفي والظاهر بمراعاة غير الله في الأعمال ، والركون إلى الدنيا بالعفة عن المال ، جعل الله في قلبه فرقانا يفرق به بين الحق و الباطل

ماما عملت كيكه اسمها كيكة البطاطا
اول مره اشوف الشيء ده في حياتي الحقيقه و اول مره اسمع عنه
بس كانت من الروعه لدرجة اني اكلت الصينيه كلللللللللللللها وحدي (علي فترات طبعا )
في سابقة فجع لم تحدث لي منذ ان كنت طفل بشع
طبعا نصيبي في الحياه من الكربوهيدراتس بعد الكيكه دي اتضاعف تقريبا
بس فعلا روعه متتوصفش

زمان كان الفيس مستحوذ علي معظم وقتي في النت
دلوقتي سكايبي مفتوح عندي معظم الوقت تقريبا مش بيتقفل
و وسعت دايرة صحابي و vocie confrences و عيشه جميله الحقيقه
كويس اني قررت انا و صحابي ننتقل لسكايبي بشكل كامل

اما الخطيب بذات نفسه يقوم يصلي ركعتين بعد اذان الجمعه الاول
ساعتها لازم تعرف انه مفيش فايده

الحقيقه مش من عادتي اتكلم عن مدونه تانيه او اعلق علي شيء بس لفت انتباهي جدا اني مدونة الاخت عصفورة الجنه وصلت ل 260 مشاركه في زمن قياسي جدا (شهر واحد بس)
ما شاء الله اكتر من نص مشاركات مدونتي علي مدار سنه و 8 شهور
ياريت لو تقللي المعدل حتي يتسني لنا رؤية كل ما تكتبي و في النهاية لكي الحريه في كتابة ما تشائين طبعا