احيان كتير بيكون في انسان مزعج او كثير المقالب او سخيف او بذيء
و يكون الكل متضايق منه
و بيحصل للشخص ده موقف يكسره يخليه يبقي مؤدب و هادي و مطيع
يمكن ساعتها بنستغرب من ادبه الغير إعتيادي
و بنقول لنفسنا إننا مشفقين عليه
مش هو ده فلان اللي نعرفه
طول عمره سخيف و رخم
بس خلاص فقد طعمه المعتاد
وقتها بنتمني رجوعه لحالته السابقه رغم انه كنا بنتضايق منها
و لو حصل و رجع لحالته السابقه
وقتها بنحس انه رجع لطعمه السابق و يمكن وقتها نفرحله رجوعه لحالته الطبيعيه
احيانا في ناس رغم اذاها بس انت كشخص بتشوف انه من المستحيل انك تشوفها علي نوعيه مختلفه و العجيب انك بتتضايق لو حصل و شوفته متغير حتي لو كان التغيير للأحسن
في ناس حلاوتها في سخافتها
و السؤال هنا
هل ده غلط منا اننا زعلنا لما لقيناه اتغير حتي لو كان ده احسن له
او إننا لازم نتقبل الحياه بحلوها و مرها لنه هكذا يجب ان تكون الحياه و ما يميز كل شخص هو اسلوبه

معرض الكتاب 2015

من حوالي 5 ايام بابا جابلي كروت صغيره قالي دي يا احمد تصاريح لدخول المعرض ليك و لصحابك

رديت باستغراب و قلت له دي التذكره بجنيه محتاجه تصريح دي

قالي خدها و بلاش قلة ادب

روحت اليوم المعرض و حمدت الله عالتصاريح اللي معي

زحمه رهيبه جدا و طوابير طويله و طوابير تفتيش

كل اللي وقفته خمس دقايق في طابور دخول و طابور تفتيش بسيط جدا

المعرض يمكن هذا العام إصدارات الكتاب قليله عن كل سنه

حسن الجندي برواية العائد يتربع علي قمة المبيعات

و الحقيقه حصلت مفاجأه غير متوقعه هذا المعرض

لقيت مكتبة جرير اخيرا اصدرت ترجمات جديده لأجاثا منها اشياء كانت ناقصه قسمي و لم تترجم من قبل و فرحت جدا جدا اني لقيتها

اول مره جرير تترجم جديد من 3 معارض يا الله اخييييييييرا لقيت شيء انشره لمتابعين قسمي

و قابلت مذيعة تلفزيون طلبت تصور معايا بس رفضت الحقيقه ههههههههههههههه


و لقيت مطاعم و مقاهي كثيره اول مره تيجي المعرض هذا العام
و كان في مسابقات و الفاءز له جايزه و ذهبت للمشاهده و كانت عن الامثال الشعبيه و اكتشفت و انا بتفرج اني مليش في المثال الشعبيه خالص ههههههههههههههههه
الخلاصه كان معرض لطيف و جميل و فيه اشياء كتير مفرحه

لما تلافي شباب في سن من 20 ل 25 بيوصف نفسه بالعجوز هذه مهزله حقيقيه
و الغريب انه بيكون بيتكلم بجديه و قاصد الكلام اللي بيقوله
حاسس بقرب نهايته و إنتهاء امله في الحياة
كل احلامه متدمره و ضايعه
فاقد الشهيه عالدنيا و يتمني الموت سريعا
هذه مشكله كبري المسئول فيها انظمتنا الحاكمه اللي دمروا الشباب تدمير عنيف و بشع و قتلوا طموحهم
لو الشباب اتدمر و وقع صدقوني لن يكون هناك غد باي شكل من الاشكال
و ستجدوا بعد 20 عام امراض مجتمعيه لا تتصوروها و بعد 50 عام قد تنقرض البشريه
رفقا بالشباب يا موتي الغد

اوقات مش بلاقي شيء اكتبه......بسكت
اوقات بشعر اني اللي هكتبه مفيد بس مش هيثير اهتمام اي عضو هنا ......بسكت
اوقات بشعر اني كلامي لو قولته هيكون حاد و قاسي .......بسكت
اوقات بشعر اني الكلام اللي هقوله شخصي اكثر من اللازم.......بسكت