احس بسعادة

السعادة اللي تجمع الدموع في العين ويرفرف القلب لها

بعد شهر بقابل زميلات التطوع

في ملتقى ترفيهي بجدة من الجمعة لسبت واهم شيء انه قبال البحر ..

يالله قلبي بيعد الساعات عد مشتاقة وربي لهم وشايله هم فراقهم لثاني مرة

احس قلبي طير ويرفرف بجناحاته في عالي سماه

كانت 10 ايام جممميييييله

اشتقت وربي مررره اشتقت


https://www.youtube.com/watch?v=FgpDBTGyB60

رفعت يدها بملامحها العابسة ونظرتها الشديدة صوتها الحازم اللي يفتقر لحنان الانثى

: انتو في عسكرية ..

اصواتنا المكتومة حبالنا الصوتية اللي اصابها الشلل من كثر الصمت انفاسنا اللي مانخرجها الا بصعوبة اجسامنا المشدودة بجلسة وحدة من الصباح

مافي اي صوت الا بإذن الدكتورة .. محد يطالع الا في حدود قلمه وورقته وفيها

رفعت عينها علي وبطبيعتي الباردة ما اهتميت كانت نظراتي ثابته وواثقة

ابتسمت ابتسامة جانبية وهي تحط رجل على رجل وقلمها قريب من فمها ..

بعدته ووجهته للي جنبي وتقولها جاوبي انتي

كتمت ابتسامتي وانا استشف اسلوبها .. هي تدور لناس اللي مو واثقين في اجابتهم

وتزيدهم عدم ثقة .. اسلوب اللعب على الاعصاب

انتهى السيشن وصحباتي اللتفو حولي هيوول اعترفي انتي قارئة ع الدكتورة .؟

ليش ما تسألك ولا تحشّرك

سحبتني وحدة من البنات وهي تقولي مو قاهرني الا انها تطالعلك وتبتسم وماتسألك

لو مااعرفك كان قولت تقربلك ..

طالعت في اللي قدامي بسعادة اعشقه اعشق صوته وحجمه الكبير اللي يبين عظمت الخالق

اندماج الازرق مع اللون البرتقالي والشمس اللي شارفت على المغيب وقفت فوق السور

وانا اغمض عيني وافرد يدي واحاول استنشق اكبر قدر ممكن من الهوا تركت شعري يتحرر

وافكاري تتحرر وكل القيود .. نسيت العالم وافتكرت نفسي ..

غاب عقلي في غيبوبة جمال المكان والزمان حضنت نفسي ومارجعني للواقع الا صوت صحابتي

الهادئ لفيت لها وهي تفتح يدها وتضمني ..

رجعت قابلت رفيقات التطوع .. في اخر فعاليات الاكاديمية

ابتسمت بسعادة وانا اقولها رجعتلي روحي ..

جميله الحياة .. وجميلين الناس ^ـ^