المنتدى :
العناية بالشعر
فن العنايه بالشعر مع أم ياسر
السلام عليكم ورحمة الله وبركاته ...
درسنا اليوم عن كيفية العنايه فالشعر ...
وراح ان شالله نتحدث عن انواع الشعر وكيفية الاهتمام في كل نوع ...
فالبدايه .. حطوا في بالكم ان الشعر محتاج
ع الاقل فاليوم تدليك بحركات
دائريه عكس عقارب الساعه حتى تنشطين
الدورة الدمويه في راسج وتنتعش مسامات
الشعر بشكل دوري ...
الشعر محتاج لزيوت وخلطات مفيدة له خاصة
للجاف والعادي ...
لاتمشطين شعرج وهو مبلل مثل ماذكرت المسامات في هالحاله تكون مفتوحه وراح يزيد
من تساقط الشعر ....سرحيه علي الاقل
باطراف اصابعج ولا جف مشطيه ...
صحة جسمج تنعكس بشكل كبير على صحة
شعرج ... اهتمي باكل الخضروات والفواكه
لان هالشي ينعكس على حيويه الشعر
ابتعدي كثر ماتقدرين عن القلق والتوتر ... مضاره لشعر كبيرة
لازم نسوي لشعر حمام زيت في الاسبوع مرة
وبعد ماسك خاص فيه ...
دايم التقصف اسبابه الرئيسيه الاستشوار
والصبغات فابتعدي عنهم كثر ماتقدرين ...
هالحين بناخذ كل نوع من انواع الشعر ونتكلم
فيه ...
نبدى بالشعر الجاف :
انتبهي في هالنوع من الشعر تستخدمين نوع مو مناسب له ... استخدمي نوع من الشامبو الي مخصص لشعر الجاف ...
لاتكثرين من غسله ابد ابد ... راح يزيد من جفافه حاولي ع الاقل تطول مدة غسيله ...
يعني يوم فالاسبوع كافي لهالنوع ...
الشعر الدهني :
انتبهي في هالنوعيه من الشعر بالاكل الي تاكلينه ... حتي ماتفرز فروة الراس،دهون
اكثر ... مثل التوابل والكاكاو ...
في هالنوعيه اشطفي شعرك بعد ماتغسلينه
في م خل مخفف ....
غسله يكون يومين او ثلاث فالاسبوع
الشعر العادي :
هالشعر محتاج له عنايه خاصه ... بتساألوني
ليش لانه يمكن مع الاهمال يتحول لشعر جاف
او دهني ...
الخلطات الخاصة بالشعر مجربه ومضمونه ....
والاستمرار عليها بتذهلكم النتايج بأذن الله ...
هذا ماسك روعه لشعر ...
2م سدر ...صفار بيضه..ملعقتين زبادي ..ملعقتين اصغر من الزبادي خميرة ..ملعقتين
عسل .. اي زيت تفضلينه .. واذا حصل موز حطيه ...اخلطيهم سوا وحطيه فالاسبوع مرة ... مدته خليه اطول مدة تقدرين عليها لان مفيد
جدا جدا .... كثير بنات مايستغنون عن هالماسك لا تترددين يكون الماسك الخاص
في شعرك
هذي خلطة تحتوي علي بروتينات والفيتامين
الي يساعد علي تقوية الشعر ...
بيضه وحدة ..ا ملعقه زيت خروع ..ا ملعقه زيت
ذرة ..ا ملعقه خل تفاح .. ا ملعقة جلسرين ..
فيتامين أ كبسوله
نخلط هالمكونات مع بعض ونحطها علي الشعر
ونلفها بكيسه المخصصه لشعر ولو ماعندج
فوطة دافيه تقوم بالواجب ...وتخلينها بس
عشر دقايق ..(فوايدها نعومة وكثافه وتقويه)
تبين لشعرك لمعه:
1/اشطفيه بخل التفاح كل بعد غسله ...
2/اخلطي بيضه مع ملعقتين مايونيز وحطيها
علي شعرح بالمدة الي تقدرين عليها بعدين اغسليه ....
تعانين من الشعر الخفيف بعطيك الحل :
اغلي حبات الحلبه وصفيها وبماؤها اغسلي شعرج ...وتبين ريحتها ماتبان وهذا السر للي يستعملون الحلبه وماتبان ريحتها ... اطلبي من العطار اعواد الحلبه واغليها مع الحلبه بتنقطع
ريحتها ....
2/نقعي ثلاث ملاعق حلبه مع زيت عافيه لعشر ايام بعدين استعمليها والشهادة لله واقسم لكم بالله شفت بعيني بنات كانوا يعانون من الشعر الخفيف وبعد هالخلطة ماشالله شفت شعورهن وذكرت الله ...
3/لايفوتكن زيت ارت .... للي تقدر عليه والاصلي يكون عليه ريشه مرسومة على العلبه .. كثافه ونعومه ...
تبين شعرج يطول ... اوصيج بالكثيرة ... تجربه شخصيه مني انا تطول الشعر بشكل رهيب ... طريقتها خوذي منها كم قطعه ونقعيها فالماي، نص ساعه بتلقينها صارت نفس الكريم وذابت
اهلطيها زين وابدي حطيها علي شعرج ... وغطيه زين بكيسه لانها تجف علي الشعر وبتضايقج ... خليها لساعه واغسليه ... استخدميها وقت ماتحبين وشوفي كيف بتطول شعرج ...
تعانين من الشعر المجعد وتبينه مفرود وناعم :
اطحني ترمس ونقعيه في ماي من الصباح وحتي
المسا واغسلي الشعر في مااءه ولا تجففينه
اتركيه للصبح ومع الاستمرار بأذن الله راح تشوفين شعرج مفرود لو كان مجعد ويضايقج
تعانين من التقصف :
اخلطي صفار بيضه وحدة مع 6ملاعق زبادي
وحطيهم علي الشعر وابدي دلكيه لمدة 4دقايق بعدين غطيه لربع ساعه واغسليه بعدها بماء فاتر ...
لا تستغنون عن زيت الزيتون للشعر ...فوائده
لاتعد ولا تحصي ع الاقل ادهني فيه شعرج بالليل ولا صحيتي اغسليه ...
هذي خلطة هنديه مجربه ميه فالميه ..
نعومه ولمعان وكثافه ...
1/زيت انوب لو ماعرفتيه اسألي عنه اي هندي يعرفه وهو زيت مسهور عندهم لون علبته خضرا ...زيت جوز الهند حتي لو برشوت ...زيت اللوز ..زيت خروع ..
اخلطي الزيوت بكميات مناسبه في طاسه .
وبهدوء حطي علي الشعر باطراف اصابعج
وابدي دلكي فيها الشعر لين يتشرب الزيت
كل الشعر ... بعدين لفي الشعر وثبتيه في بنس،
وغطيه بكيسه او كاب ولفيه في فوطه
دافيه ..حطوها في الليل وينغسل النهار اقل
شي 8 ساعات وان شالله شهر وانتم شايفين نتايجها ...
وبكذا ختمنا كل دورتنا في فن العنايه بالجسم والوجه والبشرة ... استمتعت بالاقامة وياكم
في بيتي الثاني وبين خواتي وبناتي ..
وزين ان الصدف اجمعتني فيكم ... ان شالله
اكون افدكم علي الي اقدر عليه
لا تحرموني من دعواتكم ...
اذا فيه مجال للاسئله بكون في انتظارها ...
لاني عارفه اني تاخرت عليكم ...
هالشي يرجع للمشرفات ويقولون لنا متى تنتهي وفي اي يوم
ام ياسر
|
01-07-12, 03:37 AM
جديد مواضيع قسم العناية بالشعر
العرض الشجري
