(موضوع حصري) دورة إحتراف الرسم - الصفحة 6 - الفنون الجميلة وابداعات الاعضاء

17-05-12, 06:19 PM

المشاركة رقم: 26

المعلومات
الكاتب:	إحسآس الورد
اللقب:	عضو راقي

البيانات
التسجيل:	Aug 2011
العضوية:	228460
المشاركات:	4,150
الجنس	أنثى
معدل التقييم:
نقاط التقييم:	3596

االدولة

مدونتي

الإتصالات
الحالة:
وسائل الإتصال:

كاتب الموضوع : Metvirus المنتدى : الفنون الجميلة وابداعات الاعضاء

لا لا صعب
انا شفت دورة المبتدئين
اخليني فيها احسن
هرسم الاول الدب والبطة
وبعدين نبقى نشووف الباقي
ههههه

17-05-12, 07:32 PM

المشاركة رقم: 27

المعلومات
الكاتب:	جمره لم تحترق
اللقب:	فريق تصميم الروايات فريق كتابة الروايات الرومانسية

البيانات
التسجيل:	Jul 2009
العضوية:	148124
المشاركات:	1,563
الجنس	أنثى
معدل التقييم:
نقاط التقييم:	2331

االدولة

مدونتي

الإتصالات
الحالة:
وسائل الإتصال:

كاتب الموضوع : Metvirus المنتدى : الفنون الجميلة وابداعات الاعضاء

عمل رائع جداً جداً جداً ومجهود
يستحق الثناء اخي الكريم مع إن هذا لن يفيك حقك
دروس قيمه لذا ( عليك بتثبيت الموضوع ) ليكون مرجع لنا
وليأخذ موضوعك حقة في المتابعة
طبعاً فتحت نفسي للرسم وبما إن لقيت دروس
تصحح من خطواتي في الرسم راح اعمل بعض التجارب

عندي سؤال الرسمة الي بعنوان 20 دقيقة هذه رسمتك
لأن حقيقة سحرتني ومين ما كان راسمها فهو متمكن وموهوب فلو ممكن
أعرف إذا لك أو لا

ايه عندي طلب صغنوووووووووون بليز بليز
لو ممكن تصغير حجم الصور الكبيرة عشان نتمكن من رؤية الصورة كامله
وغير كده ألف شكر وألف عافية وتقيمي أكيد ممتاز لهذا الموضوع
بالتوفيق اخي

17-05-12, 08:23 PM

المشاركة رقم: 28

المعلومات
الكاتب:	Metvirus
اللقب:	أبو رقية

البيانات
التسجيل:	Jan 2008
العضوية:	62516
المشاركات:	4,334
الجنس	ذكر
معدل التقييم:
نقاط التقييم:	5362

االدولة

مدونتي

الإتصالات
الحالة:
وسائل الإتصال:

كاتب الموضوع : Metvirus المنتدى : الفنون الجميلة وابداعات الاعضاء

اقتباس :- المشاركة الأصلية كتبت بواسطة إحسآس الورد
لا لا صعب انا شفت دورة المبتدئين اخليني فيها احسن هرسم الاول الدب والبطة وبعدين نبقى نشووف الباقي ههههه

ههههههههههههههههه
هقول ايه بس .. إحساس ورد فعلا :)
بعدين والله مش صعب ولا حاجة
أقولك على سر .. عارفة ليه بدأت رسوم المبتدئين بخطوات رسم الحيوانات .. عشان كانت أكتر حاجة بتعقدني وانا صغير .. وبابا هو الي علمني موضوع الخطوات ده .. عايز اقولك لغاية النهاردة بارسم الدب والبطة والكلب وغيرهم بالخطوات بتاعت بابا .. ماتقوليش لحد
صدقيني لو حابة الحكاية مش هتطول معاكي

احساس الورد
نورتي الدنيا والله

17-05-12, 08:38 PM

المشاركة رقم: 29

المعلومات
الكاتب:	Metvirus
اللقب:	أبو رقية

البيانات
التسجيل:	Jan 2008
العضوية:	62516
المشاركات:	4,334
الجنس	ذكر
معدل التقييم:
نقاط التقييم:	5362

االدولة

مدونتي

الإتصالات
الحالة:
وسائل الإتصال:

كاتب الموضوع : Metvirus المنتدى : الفنون الجميلة وابداعات الاعضاء

اقتباس :- المشاركة الأصلية كتبت بواسطة جمره لم تحترق
عمل رائع جداً جداً جداً ومجهود يستحق الثناء اخي الكريم مع إن هذا لن يفيك حقك دروس قيمه لذا ( عليك بتثبيت الموضوع ) ليكون مرجع لنا وليأخذ موضوعك حقة في المتابعة طبعاً فتحت نفسي للرسم وبما إن لقيت دروس تصحح من خطواتي في الرسم راح اعمل بعض التجارب عندي سؤال الرسمة الي بعنوان 20 دقيقة هذه رسمتك لأن حقيقة سحرتني ومين ما كان راسمها فهو متمكن وموهوب فلو ممكن أعرف إذا لك أو لا ايه عندي طلب صغنوووووووووون بليز بليز لو ممكن تصغير حجم الصور الكبيرة عشان نتمكن من رؤية الصورة كامله وغير كده ألف شكر وألف عافية وتقيمي أكيد ممتاز لهذا الموضوع بالتوفيق اخي

مرة تانية .. مش عارف أرد أقول ايه
شياكة وورقي متناهي .. نادرا ما نجده في يومنا الحالي .. غير من فنان راقي
يعني شكرا أكيد مش هتكفي :)
تقييم ووجود أكتر من مذهل .. مش عارف
جمرة لم تحترق
الرائعة

اه
الموضوع كنت أكيد هثبته لو كان فيه تفاعل .. واظن كده ميه ميه :) صح
كويس انك نفسك اتفتحت للرسم ده من حظنا طبعا .. لأني متأكد ان صاحب الأسلوب ده لو بيرسم بمزاج هيقعدنا ف بيوتنا :)
ورسمة 20 دقيقة أخدت مني 20 دقيقة بالفحم .. كان أسلوب اتمرنا عليه مرة زماااااان اسمه جرافيتي الفحم الي هو بنعمل تظليل للغامق بس ونسيب الباقي أبيض .. افتكرنه وتخيلت عينين حلوين وبس :)
مبسوط اوي انها عجبتك .. إن شاء الله الي جاي يعجبك أكتر

والصور إن شاء الله النهاردة أصغرها وأرفعها تاني .. ومتشكر جدا جدا جدا جدا

تحياتي ومودتي واحترامي

18-05-12, 07:14 AM

المشاركة رقم: 30

المعلومات
الكاتب:	Metvirus
اللقب:	أبو رقية

البيانات
التسجيل:	Jan 2008
العضوية:	62516
المشاركات:	4,334
الجنس	ذكر
معدل التقييم:
نقاط التقييم:	5362

االدولة

مدونتي

الإتصالات
الحالة:
وسائل الإتصال:

كاتب الموضوع : Metvirus المنتدى : الفنون الجميلة وابداعات الاعضاء

تمرين 2 .. تابع الظل والنور

صباح الفل
صباح الورد لأحلى أعضاء في الدنيا

كيفك انت .. الأسطورة .. فيروز
http://www.youtube.com/watch?v=rAk-SIFmwus

ايه رايكو في البورتريه الرائع الي ع الفيديو .. بارسمو على فكره .. اظبط الاسكانر وارفعه اوكي

درس النهاردة
تكملة لموضوع الطبيعة الصامتة بتاع امبارح

سهل جدا
هنجيب عنصرين المرة دي أو تلاتة بالكتير
مش أد بعض في المقاس خلينا نقول مثلا تفاحة وكباية وإزازه .. ليه الـ 3 عناصر دول بالذات ؟
أولا لأنهم أشكال مجسمة مختلفة في الأطوال والخامات .. وشكل تجسيمهم
أول حاجة .. أرتب العناصر دول بحيث يديني شكل منظم ,, مش ضروري يكون مترتب .. بس ليهم إحساس المكان الي هو ايه ؟؟
الي هو علاقة الكتلة بالفراغ
وده أمر جدا مهم بالرسم
إني أحاول أخلي في نوع من الترابط او الهارموني بين العناصر المرسومة وبين فراغ الرسم المحيط
ده بيدي انطباع أحلى ..
تاني حاجة .. أحاول اني أخلي في نوع من العلاقة بين الأطوال وأحاول أركز وانا بانقل الآوت لاين اني أخد بالي من العلاقات دي .. يعني مثلا ماينفعش تكون الكاسه أطول م البراد .. أو ان التفاحة أعرض من السلة .. الخ
خلاص رتبت العناصر وعيني ارتاحت للترتيب .. أبدا انقل .. مهم جدا .. اني اعمل برواز خارجي بالمسطرة او بإيدي يبعد لو 1سم عن حافة الصفحة .. واعمل برواز داخلي بايدي خفييييييييييييف جدا يبعد عن البرواز الأول حوالي 3سم عشان يحصر الرسمة جوا محيط منتصف الصفحة .. وم النقط المهم جدا طبعا نظافة الصفحة من الرصاص الي بيعملو ايدي .. ممكن أحط ورقة أو كلينيكس تحت أيديا !
اآوت لاين زي ماتفقنا هيكون خفيف جدا .. عشان أقدر أعيده مرة واتنين وتلاتة لغاية ما أوصل للخط الي أرضى عنه ويكون أقرب شيء للواقع .. وما أبدأش أشتغل إلا لما أوصل للمرحلة دي ..
خلاص خلصنا الآوت لاين ؟ .. لسه طبعا !
أبدأ منين
ده مهم
اتخيل أولا خط في شكل مستوى أفقي الي هو أرضية الصفحة
ولو العناصر على ترابيزة .. أرسم الترابيزة الأول .. وابين آخرها من أولها
وبعدين أرسم العناصر .. باني أحط خط وهمي يقسم كل الأشكال السيمترية نصفين ممكن أستخدم القلم في القياس اليمين من الشمال
وابدأ أرسم نصفها الأول الشمال وبعدين أنسخه بالضبط ع اليمين

بعدين أمسح كل الخطوط التوضيحية بعد ما أكون وصلت للشكل المقارب الأخير ودي مش هنوصلها قلنا غير بعد تالت أو رابع محاولة من المسح والإعادة م الأول .. مع مراعاة في المرحلة دي اني أبين اي شكل ورا التاني عشان في أكيد جزئية هتكون في المنطقة العمياء بالنسبالي

المرحلة الي جايه هنا
اني اعرف إن العناصر الموجودة كلها مش لون واحد ولا خامة واحدة ولا ملمس واحد .. بس انا معايا قلم بيطلع درجات لون واحد !! الخيال يشتغل هنا على طول ويعرف ان التفاحة لونها أحمر داكن قريب للنبيتي .. أو فاتحة خضرا مثلا أو صفرا .. ف كل الحالات هتبقى أغمق من الكوباية الشفافة .. والزجاجة هنا ممكن تكون شفافة أو زيتي بس ازاز ف الآخر كخامة " وده درس لسه ما وصلنالوش "
المهم في تطبيق الظل والنور هنا اني هعرف أخلي التدريج في كل شكل فيهم متفاوت من حيث درجة الإضائة أو الغمقان .. وبعدين لو في تفاصيل في كل عنصر أحددها في المرحلة دي عشان أبين مكانها

مرحلة التون
ودي قلنا قبل كده بندي درجة لونية واحدة لأغلب المناطق الفاتحة للصورة .. وباعتبرها الجزء المضيء .. وبالمرة أحدد اتجاه للإضائة .. ونخليه المرة دي من ع الشمال
التفاحة .. شكل كروي .. مش اسطواني زي الكباية والزجاجة .. الكورة ف تظليلها النور بيقع على جزء فيها بيعمل سبوت لايت .. وكل ما ابعد عنها في كل الاتجاهات النور بيقل .. اما الأشكال الاسطواني بيجي بشكل سطحي مستطيلي شوية مش شبوت ..

خلينا نتخيل ان الإزازة دي لونها زيتي .. اوكي والكوباية شفافة .. والتفاح أحمر فاتح .. ماشي
في الترتيب الي في الشكل التفاحة الي ع الشمال أقرب واحدة للنور .. يبقى لازم تكون أكتر واحدة فاتحة .. بس بنفس قاعدة الظل منور ع الشمال ومظلم ع اليمين .. تمام
وان في تأثير لمعان هعمله بالجومة ع الزجاج مش موجود ع التقاحة طبعا !

طبعا عارفين اننا هنستخدم سن القلم في التحديد وجنب القلم في التظليل .. مش محتاج أفكركوا
وأفتكر ان خطوط القلم مهم جدا ما تبانش .. واني أخفي الآوت لاين جوا الظل من الناحيتين الفاتحة والغامقة .. وان شكل فوهة الزجاجة باعتبرو شكل اسطواني مجسم في حد ذاته يعني بروزه لبره ده .. يتبع نفس القاعدة .. وان الزنكوفة الصغيرة الي طالعه م التفاحة برضو شكل اسطواني يتبع نفس قاعددة الظل ..
في الآخر كل شكل من دول بيرمي ظل ع الأرض وظل ع الي جنبه ده مافيهوش تدريج كلو تون واحد غامق جدا او نسبيا على حسب نوع الإضائة في المكان

ودي نماذج من رسومات مختلفة الدقة للطبيعة الصامتة او still life

فيديو
طبيعة صامتة
جامد جدا
لأحلى ليلاسيين
http://www.youtube.com/watch?v=bKKff0TXJR0