كاتب الموضوع :
حسن الخلق
المنتدى :
الارشيف
اقتباس :-
المشاركة الأصلية كتبت بواسطة romantico triste  |
يا بلادي انا فيكي عايش ليه كده من غير كيان
غيري ليه 2000 مكان و انا لسه مش لاقي مكان
ليه صراخك وسط خوفك كله متحول لسان
صوته بس صداه في وسط الصحرا غطا على صوت الاذان
انا نفسي يا بلدي مرة اعيش بعيد عن المجاري
مش واخدها في حضني و القى ابني جنبي دمه جاري
سم طعمك جوه حلقي و لسه طعم السم ساري
خايف ابكي و اقول بحبك تهمتي تبقى الجنان
اذا كنت عشان عيونك قمت هديت المظالم
و في ثواني لاقيت في سجنك اي حد غير اللي ظالم
ياللي شكل تراب ملامحك لسه مجهول المعالم
وصفي ليكي بكل حزني شخص مهزوز او جبان
طبعك انتي غريب يا ارضي لسه برضه واطيه راسك
طيب بذلك ده بترضي . . مش في دمعك ده خلاصك
اللي باس راسك يا بلدي يبقى ليه زي اللي داسك
و اللي على شرفك محافظ زيه زي حد خان
امي فيكي يا ارضي تايهة خايفة على عرض البنات
و التعالب فيكي جايه تنهش الماضي اللي فات
و القيم و الحب فيكي حاجة من وسط الحاجات
نفسي ابطل ابكي مرة بس يظهر دمعي هان
برضه هديلك تحية و ارفع الراية لفوق
و ابقى متعشم في قلبك نفسي من نومته يفوق
نفسي جو العتمه يمشي و القي جاي بعده الشروق
نفسي وصفك جوه عيني يبقى صورة للحنان
غربتي في مصر .... من اعمالي
|
عموو عبد الله
أثرت كلماتك فيا بشدة
وفي قلبي تأثيرها كان أكبرر
أبدعت كما عرفت يا "سيد القلم"
وده ردي عليك
حبك يا بلدي مش كلام
حبي ليكي من زمان
حب كان محتاج حنان
منك بس ملقيتوش
لوكان كلامنا ينهي الظلام
كنا قمنا من زمان
وتكلمنا من غير هوان
بس مفادش الكلام
ولما قمنا في الميدان
وافتكرنا الظلم هان
جت أيادي من الظلام
وخربت كل اللي كان
بلادنا مش راضية عن الخراب
بلدنا عايزة ترفعنا كمان
بس مش قادرة عشان
الأيادي اللي طلعت من الظلام
واحنا لازم نديها الأمان
لازم ننهي كل إيد عايزة الخراب
لازم ننهي كل حاجة ونبدأ من جديد
بس ي ترى امتى نقف مرة تانية زي وقفة الميدان
دموعنا نزلت في حب بلادي
دمائنا سالت من زمان
كنا عايزين بلادي
ترجع تقف زي زمان
الغلط مش عليكي يا بلادي
الغلط من قلبي اللي راضي
يسيبك للأيادي
اللي طلعت من الظلام
بس والله قريب
ده وعد مني ليكي
هرجع مرة تانية
أرفع راسك للأعالي
الغلط مش غلطك يا بلادي
الغلط علينا احنا
احنا اللي بدأنا واحنا اللي لازم ننهي
وقريب جدا هننهي كل الظلم
بلدنا عظيمة
وإن شااء الله مستقبلها أعظم
بس احنا نصبر
ونخلص في حبها
ونتفانى عشان رفعها
وكله يبقى تمااام
يا رب أسألك بأسمائك الحسنى التي سميت بها نفسك أن تجعل هذا بلدا آمنا مطمئنا وسائر بلااد المسلمين
يارب احمي بلادنا اجمعين
آآآمين
لكم تحياتي
|
10-02-12, 10:29 AM
جديد مواضيع قسم الارشيف
العرض العادي
