❝شخصيتك في سطور❞





ما سلبياتك؟وما ايجابياتك؟.
السلبية : هى انى عصبية جدا لما حد بيعصبنى رغم انى ساعات بلاحظ أن عصبيتى بتبقى فى البيت دايما اما بره البيت ببقى هادية ونادرا لما حاجة بتعصبنى ولما بكون متضايقة او مخنوقة لو حد جه جمبى أحيانا بضايقه هو كمان عشان كده بقولهم دايما مافيش حد ييجى جمبى وانا مضايقة واحيانا بيبقى عندى لامبالاة غريبة فى تصرفاتى مش اتجاه الأشخاص عموما من حولى بس اتجاه الأشياء الى بتحصل ساعات والى مش بتريحنى او بتعجبنى .. أانا بس بتجاهلها او بمررها وبسيبها تعدى .. حاجة تانية بحب اضرب اصحابى دايما هههههههه بس طبعا على سبيل المزح او الهزار وأثناء الكلام والاغاظة ومش عارفة دى سلبية ولا ايجابية بس هم بيتعصبوا من الموضوع ده ويقوليلى " دعاء بطلى ضرب " هههههههههه خصوصا لما بضربهم بورق الشجر او برش عليهم مياه.

الايجابية : اعتقد انى انسانة متساهلة جدا فى معظم الامور ومابحبش اكبر المواضيع على الفاضى وبتكلم بس فى الحاجة الى تستحق الكلام اما الى ما تستحقش فبتجاهلها وحاجة تانية انا متسامحة وبنسى بسرعة يعنى لو تخانقت مع حد من اصحابى أو اخواتى تانى يوم بيبقى عادى جدا وبكلم ولا كان أى حاجة حصلت امبارح بس طبعا بيبقى فيه كلام بسيط الى هو انا آسفة الموضوع كان تافه ومايستحقش الخناق وحاجات زى دى .. انا الحمدلله مش بالعادى اكون انسانة قلوقة جدا اتجاه معظم الاشياء الى بتحصل فى حياتى ولكن بقول انها هتمر وكل حاجة هتبقى بخير .

ما الشيء المميز في شخصيتك؟؟
زى ما قلت انا مش انسانة قلوقة وما بحملش هم الأمورالى بتحصل عكس ماانا متوقعة اوى
واعتقد أنى بتأقلم كويس جدا مع مختلف الشخصيات من حولى يعنى كل صديقة لىّ لها شخصية مختلفة وانا متفقة مع كل واحدة منهم والحمدلله وهم دايما بيقولى عنى متفائلة ههههههههههه بسس مش عارفة من ايه الحقيقة واان بلاحظ دايما الحاجات الجميلة من حولى سواء كان منظر فى السماء او شجرة ورد أو غروب الشمس او حاجة كده وبلفت نظر الى حولى ليها .

صفات الرجل التي تعجبك وصفات المرأة التي تعجبك؟
الرجل : اكيد اخلاقه أولا وعقله ثانيا او العكس وأسلوب كلامه ولبسه وطريقة تفكيره وتعامله مع الامور من حوليه واكيد لازم يكون عنده عقل متفتح وبيحب القراءة ههههههههه .
المراة : برده اخلاقها وعقلها ولبسها ونظرتها للأمور من حوليها واتزانها ومش عارفة حاجة تانى .



ما اول شيء يلفت نظرك بالمرأة\الرجل؟
المرأة : عقلها وتصرفاها .. لأن عقلها هيعرفك عليها وعلى اخلاقها وشخصيتها
الرجل : نظرته وبعدها عقله .. لأن نظرته هتعرفك برده على شخصه بطريقة ما اذا كان شخص محترم ولا مش محترم .



هل انت شخص مسامح او لا تسامح بسهولة وتنتقم؟
أنا متسااااااااااااااااااااامحة جدا غير بقى لما احب انشف دماغى ههههههههه بنتقم بهزار

ما هي اهدافك بالحياة ؟؟
رضا ربنا أولا وبعدين حياة سليمة وهادية بتطلعات معقولة


ما الشيء الذي لا تستغني عنه بحياتك؟
أصدقائى وعائلتى وكل الأاشخاص المقربين منى والى حياتى مش هتبقى حياة من غيرهم .

حكمة او مثل او مقولة تؤمن بها؟.
خير الكلام ماقل ودل

متى نراك غاضب؟..ومتى نراك فرحان..؟؟
غاضب: لما حد يعاندنى فى حاجة بقولها وانا عارفة انه هو غلطان وانا صح ويفضل برده يعاندنى الحقيقة بغضب ساعتها جدا ولما حد يمد ايده على حاجة تخصنى من غير استئذان ولما حد يتطفل على امورى الخاصة خصوصا حد من اخواتى ولما اقول حاجة لحد والحاجة دى اكون باتمنه عليها وييجى تانى يوم يرميها فى وجهى بجد بتعفرت ساعتها ههههههههههه .
فرحان : فى الغالب لما أكون مع اصحابى دايما ببقى فرحانة ولما اخرج من البيت ببقى فرحانة برده ههههههههه ولما اقرا رواية على النت ببقى فى عالم تانى خالص وبعد ما تخلص ببقى فرحانة .ولما اغيظ فى ماما ههههههه وهى تغيظ فىّ الوضع مله بيبقى كوميدى على الاخر .

اوصف نفسك بثلاث كلمات؟؟
حالمة .. هادية مع شوية عصبية زايدة .. متفهمة حبتين

اذا تضايقت اين تذهب؟ ولمن تشكي؟
فووووووووووووق السطح او على السلم او بقفل الغرفة علىّ وفى العادة بشكى لأمى أو لبنات عماتى والى هم فى سنى بس واحدة اكبر بشهرين والتانية انا اكبر منها باربع شهور أو لاحد أصدقائى او لجدتى ههههههههههه .

احكي لنا نبذة صغيرة عن شخصيتك خارج النت؟
نبذة مين ده انا حكتلكم قصة حياتى فى الأسئلة الى فاتت .. فى العادة بنام وبصحى وبساعد ماما فى البيت ساعات وبخرج احيانا بس مش كتير وبتخانق مع اخواتى اذا لزم الامر وبساعدهم فى حاجة فى دروسهم بما انى انا الكبيرة لو مش فهمنها وزى ماقلت عصبية جدا لما حد بيعصبنى ودايما اصدقائى بيقولوا انى شخصية قيادية وعدا عن ذلك بيتوتية ومرحة جدا وبتفاهم مع اصدقائى كويس جدا ومع عائلتى كلها برده بشكل كويس والحاياة وردى بس مع شوية مشاكل واحباطات هههههههههه بس كله بيعدى وبعد الثانوية العامة خلاص الجو ربيع

كيف تقضي يومك العادي؟
يا نهاااااااااااااارى ما انا لسه قايلة دلوقتى .. خلاااااااص بنام وبفتح النت والفيس وبساعد ماما ساعات فى تنظيف الشقة او عمل الأكل او غسل المواعين وبخرج كتير وخصوصا مع بنات عماتى أو هم بييجوا يزورنا وبكتب كتير من الوقت ومعظمه بتخيل قصص فى دماغى وبقرأ روايات كتير وكنت دايما برسم بنات بس الكلام ده كان قبل اخر سنة فى الثانوى وبعدها بطلت وبتخانق مع اخواتى هههههه وبطل على التليفزيون ساعات وطبعا بصلى فى كل ده هههههههه وايه مافيش حاجة تانى على ما اعتقد .. ىه صحيح وساعات بقرء كتاب او مقطع من كتاب .

ماهي نقطة ضعفك؟
خيايلية جدا وحالمة بس برده متزنة وعندى حس من الواقعية

ماهي نقطة قوتك؟
لا مبالتى باغلبية الامور احيانا بتكون نقطة قوتى ومش بحب السياسة ههههههههههههه

ما الحلم الذي تطمح اليه منذ صغرى؟
مافيش حلم معين بس دايما كنت بتخيل نفسى أستاذة وبلعب الدور رغم ان المدرسة بجد متعسة بس دايما بتخيل نفسى أستاذة رااائعة والطلاب بيحبوها وبيستنوا حصتها بتمنى ده يحصل فى الحقيقة بس هنشوف يمكن بدل الاستاذة فى المدرسة يبقى معيدة فى الكلية ولاحاجة .

ضع لنا صورة تؤثر في نفسك؟
الفجر بعشق وقت الفجر ولما الشمس تشرق بس الى بحبه فعلا قبل ما تشرق لما يكون الجو لسه ابيض ومغيم حبة والناس بتبقى لسه نايمة بيبقى فيه سكون وهدوء ورائحة الهواء بتبقى راااااااااااائعة حاجة كده ترد الروح بتحسى بالسلام بجد هواء الصبح منعش جدا .

جميلة يا دودو
ربنا يسعدك ويوفقك في حياتك يا عسل
سررنا بالتعرف عليك.

Sent from Mobile using Tapatalk

تشرفت فيج يا تلميذتي المجتهده [emoji8][emoji8][emoji8][emoji8]


أرسلت بواسطة iPad بإستخدام Tapatalk

عسولة دودو الله يحفظك و يحفظ لك أسرتك و كل اللى بتحبيهم

شكرااااااااااااااااااا صبايا وانا سعيدة لأنى تورطت معاكم فى الموضوع ده وفى المنتدى ده بجد حبيتكم كلكم