هاااي
أنا جبت لكم فيلم انا بحبه جداااا

A Walk To Remember


الفيلم من بطولة ماندي مور وشاين ويست
*******_*******
قصة الفيلم
بيبدأ الفيلم بمجموعة طلاب في الثانوية بيعملوا مقلب في واحد زميلهم ولكن المقلب بيؤدي الي اصابة هذا الولد ويتم القبض علي واحد من مجموعة الطلبة اللي عملت المقلب وهو لاندون باركر
وكعقاب له من المدرسة يجب أن يشترك في عدد من نشاطات المدرسة زي مسرحية المدرسة وتعليم لأطفال ذوي الذكاء المحدود
وفي المسرحية بيقابل جايمي واللي هي ابنة القسيس وملتزمة جدا وطيبة جداااا
في البداية بيحاول يستغلها عشان تساعده في التمثيل وبعدين بيقع في حبها
أكتر كلمة عجبتني في الفيلم لما طلب مساعدتها وهي قالت له انا هأساعدك لكن بشرط ( انك لا تقع بحبي)
بيضحك وبيقولها أكيد طبعا
بعد كده بتطور علاقتهم وبتقول له علي قائمة هي عملتها عن أشياء تخطط لعملها قبل ما تصبح في الثامنة عشرة
وهو بيساعدها بتحقيقي معظم ما في القائمة
وكان فيه جزء جميل أوي
انها عملت مهمة في القائمة انها تبقي في مكانين في وقت واحد
لاندون وضع رباط علي عينيها وركبوا السيارة وبعدين وقف في نصف الطريق وجعلها تقف علي خط يفصل بين ولايتين بحيث ان بقي لها قدم في ولاية وقدم في ولاية اخري
وبعدين لما قال لها انه بيحبها لم ترد وقال لها ما هتقولي شيء قالت له( أنا قلت لك لا تقع بحبي)
وتقول له انها مصابة بسرطان لا علاج له
وانها في المراحل الأخيرة
في البداية بينهار وبعدين بيفكر انه لا يقدر يبعد عنها في آخر أيامها وبيتزوجوا
وبعدين فجأة ينتقل الفيلم للمستقبل ولاندون بيزور والد جايمي ويتكلموا عليها ويقول انه لسه بيزو قبرها كل عام حتي بعد كل هذا الوقت
وبيقول انه حزين لأن جايمي ما قالت له ايه هي المهمة الأولي في القايمة وانه ما قدر يحققها لها
فقال له والدها ان المهمة الأولي انها تري معجزة ووان لاندون كان المعجزة لما تغير من شاب مستهتر وأناني الي رجل طيب كريم وفضل انه يسعدها في آخر أيامها رغم انه أزاد في صعوبة الفراق
*******_*******
أنا عادة ما بحب أي فيلم فيه موت بس الفيلم ده هو الاستثناء الوحيد
لأن بحس ان السعادة فيه أكتر من الحزن