لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القسم العام > الحوار الجاد
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الحوار الجاد الحوار الجاد


الفارق بين قصص افلامنا و قصص افلامهم ....

الســـــ عليكم ـــــلام مراااااحب يا قرصونات يا حلوات شوفوا انا النهاردة جايبلكم موضوع خفيف شوية قاصد اننا نستعرض فيه عيوب قصص كتابنا اللي بتتحول لافلام و الفارق بينا

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 15-11-11, 03:43 PM   المشاركة رقم: 1
المعلومات
الكاتب:
اللقب:
عضو راقي
الشبح

البيانات
التسجيل: Oct 2010
العضوية: 199692
المشاركات: 3,471
الجنس ذكر
معدل التقييم: romantico triste عضو ذو تقييم عاليromantico triste عضو ذو تقييم عاليromantico triste عضو ذو تقييم عاليromantico triste عضو ذو تقييم عاليromantico triste عضو ذو تقييم عاليromantico triste عضو ذو تقييم عاليromantico triste عضو ذو تقييم عالي
نقاط التقييم: 871

االدولة
البلدEgypt
 
مدونتي

 

الإتصالات
الحالة:
romantico triste غير متواجد حالياً
وسائل الإتصال:

المنتدى : الحوار الجاد
افتراضي الفارق بين قصص افلامنا و قصص افلامهم ....

 

الســـــ عليكم ـــــلام

مراااااحب يا قرصونات يا حلوات

شوفوا انا النهاردة جايبلكم موضوع خفيف شوية قاصد اننا نستعرض فيه عيوب قصص كتابنا اللي بتتحول لافلام و الفارق بينا و بين قصص الافلام الامريكية و قصص الافلام الهندية

انا لاهظلم كتابنا و لا هظلم كتاب امريكا و الهند اللي بيمثلوا الرائعتين هوليود و بوليود ( مش احنا بنمثل ايه بصراحة لسه )

بس كل اللي عاوزوا منكم تعارضوا كلامي او تؤيدوه

يالا جاهزين ؟! ...... نبدأ :

1) في قصة الفيلم المصري : البوليس بييجي بعد ما القاتل بيقتل البطل .
*) في قصة الفيلم الهندي : البوليس بييجي قبل ما القاتل يبقى قاتل اصلا .
*) في قصة الفيلم الامريكي : البوليس مبيجيش اصلا ..... البطل بيقوم بالواجب و بيخلص العملية .

2) في قصة الفيلم المصري : البطلة بتطلع بتحب اخو البطل ومش مصارحاه .
*) في قصة الفيلم الامريكي : البطلة بتحب البطل بس متجوزه اخوه .
*) في قصة الفيلم الهندي : البطلة بتطلع اخت البطل و اخوه .

3) في قصة الفيلم المصري : البطلة بتتجوز و بعدين بتخلف .
*) في قصة الفيلم الهندي : البطلة بتخلف و بعدين تتجوز .
*) في قصة الفيلم الامريكي : البطلة بتخلف من البطل بس مش بتتجوزه .

4) في قصة الفيلم المصري : لازم تلاقي عشوائيات حتى لو القصة ملهاش علاقة بالعشوائيات .
*) في قصة الفيلم الامريكي : لازم تلاقي لقطات عري حتى لو الفيلم عن الحرب اللي مفيهوش ستات خالص .
*) في قصة الفيلم الهندي : لازم تلاقي حاجة مش منطقية حتى لو الفيلم ممكن يبقى منطقي .... وبنعديها .

5) في قصة الفيلم المصري : البطل بيصاب برصاصتين و لا حاجة و في الاخر بيبقى قوي و شجاع و ينقذ الناس .
*) في قصة الفيلم الامريكي : البطل بيصاب بغيبوبة سنتين و لا حاجة و في الاخر بيصحصح و ينقذ الناس .
*) في الفيلم الهندي : البطل بيصاب برصاصتين و غيبوبة سنتين و قنبلة وكسر في الجمجمة و ازمة قلبية و دور ديزونتاريا وبعدين بيصحصح و يرجع احسن من الاول و يبقى زي الفل و ينقذ الناس .

6) في قصة الفيلم المصري : الرقص و الغنا و الاسفاف بيكون سبب احيانا لنجاح الفيلم .
*) في قصة الفيلم الامريكي : اللقطات الاباحية قد تكون سببا لنجاح الفيلم .
*) في قصة الفيلم الهندي : الرقص و الغنا و قليل من اللقطات الاباحية قد تكون سببا لنجاح الفيلم .

7) في قصة الفيلم المصري : ممكن نسمع الجملة دى " بحبك يا الهام ...... بحبك يا منصور ..... بموت فيكي يا الهام ..... بعشقك يا منصور ...... مقدرش استغنى عنك يا الهام ...... حياتي بعدك ضلمه يا منصور ...... تتجوزيني يا الهام .... خلينا اخوات احسن يا منصور " ........ بأمانه ياجماعة يقطع الهام على منصور .
*) في قصة الفيلم الامريكي : قد نسمع الجملة دي " احبك يا جون ...... و انا كذلك اماندا ....... لنتزوج يا جون ....... انا لست مستعد لفكرة الزواج الان يا اماندا ........ اذن نربي ابننا و ابنتنا و الواد التالت الاول وبعدين نشوف حوار الزواج ده يا جون ..... يسلم فمك يا احلى اماندا " ....... شفتوش و النبي .
*) في قصة الفيلم الهندي : قد نسمع الجملة دي " احبك يا بيتا ...... احبك يا شانكر ....... انت كالمطر الندي ...... و انتي كالشمس الدافئة ........ لا اتحمل العيش بدونك ....... وانا يوم فراقك يوم موتي ...... فلنتزوج يا بيتا ....... هنطلع اخر الفيلم اخوات و مش هينفع ....... اه صح يبقى نحب في بعض و خلاص " ........ و نعم الاخوات .



انا بقول كفاية كده مقارنات
انا مش عاوز اظلم كل قصص العالم
فيه طفرات بسيطة فى الافلام المصري
و فيه افلام كتير اوي امريكية رااااائعة

و فيه تحف هندية زي ( ماي نيم از خان ) مثلا تحفففففففة

لكن للاسف قصصنا كلها بقت نمط واحد و متشابهة

هل يا ترى صعب دلوقتي تطوير في قصة الفيلم المصري دلوقتي ؟

و لا هنفضل نبص للكتف العاري او الرقصة الصحيحة لجذب المشاهد ...... هل يا ترى هيفضل ( شارع الهرم ) احسن من ( الفاجومى ) ؟

هل هنفضل نكتب لنفسنا بس و لا لازم نصحصح اللى حوالينا

انا بقول كفاية النفاق المصري ...... و الخداع الامريكي ...... و المبالغات الهندية

انا مصري و بحب مصر و نفسي قصصها تكون مشرفة ...... مش جزء بسيط
اسف لو حد زعل مني بس دا رأيي و لازم تحترموه


شكرا يا احلى قرصونات
^_^

 
 

 

عرض البوم صور romantico triste   رد مع اقتباس

قديم 15-11-11, 04:41 PM   المشاركة رقم: 2
المعلومات
الكاتب:
اللقب:
رحيق الكلمات
☺بَـسْمَة لَـيْلَاس ☺


البيانات
التسجيل: Sep 2007
العضوية: 42045
المشاركات: 13,792
الجنس أنثى
معدل التقييم: ~ Amoَrat Nَajed ~ عضو ماسي~ Amoَrat Nَajed ~ عضو ماسي~ Amoَrat Nَajed ~ عضو ماسي~ Amoَrat Nَajed ~ عضو ماسي~ Amoَrat Nَajed ~ عضو ماسي~ Amoَrat Nَajed ~ عضو ماسي~ Amoَrat Nَajed ~ عضو ماسي~ Amoَrat Nَajed ~ عضو ماسي~ Amoَrat Nَajed ~ عضو ماسي~ Amoَrat Nَajed ~ عضو ماسي~ Amoَrat Nَajed ~ عضو ماسي
نقاط التقييم: 9489

االدولة
البلدSaudiArabia
 
مدونتي

 

الإتصالات
الحالة:
~ Amoَrat Nَajed ~ غير متواجد حالياً
وسائل الإتصال:

كاتب الموضوع : romantico triste المنتدى : الحوار الجاد
افتراضي

 

عوبد أهلا بيك

والله ضحكتني خالص وإنت صادق بجد وفعلا في كل حاجة بالنسبة للأمريكي والمصري <<فيسي اللي مايتابع بوليود

بس لإحقاق الحق أنا شفت فيلم ماي نيم إز خان وبصراحة من أروع الأفلام برغم إنه فيه مبالغات هو كمان لكنه راااااااااااااااااااااااااااااائع وزوجي يقول إنه الممثل أبدع بالدور تبع التوحد والمتوحدين يتصرفوا بهذا الشكل تماما

شفت كمان فيلم هندي كان زي فكرة من سيربح المليون راااااااااائع برضوا ماأفتكر إش إسمه بصراحة لكن البقية من الأفلام اللي شفتها أول تماما زي ماوصفتها

لكن لو رجعنا برضوا للواقع إحنا تعودنا على هالمبالغات وصرنا لما يخلص الفيلم بنحس إنه شفنا نفس الأسلوب ونفس الفيلم من قبل لأنه في كل فيلم أمريكي البطل ينقذ العالم والبطلة بتتعرى وبيظهر مشاهد العري بأفلام الخيال والحرب ..الخ مما ذكرته فوق

ونفس الشيء بيصير بالأفلام المصرية مع إني شفت أفلام رااائعة بصراحة لكن قليلة مثل فيلم الجزيرة أعتقد كذا كان إسمه وفيلم ثاني أولاد العم مع إني ماني عارفة إش علاقة الإسم بأحداث الفيلم ..اللي هو تبع إسرائيل ومصر وفي فيلم الفرح برضوا مع إني مافهمت إش المغزى من الفيلم غير عند آآخر مشهد بكل الفيلم وبلحظتها فقط حسيت إنه يستاهل أما أفلام محمد هنيدي وبصراحة بحب أشوفها أما أغلب الجديد من الأفلام فهو زي ماذكرت فوق تماما وأغلبها ومع كل إحترامي للسينما المصرية بتبقى سقاطة وقلة أدب

أنا بأيدك تماما برغبتنا بنمط وأفلام جديدة بحيث نفخر بأفلامنا وبروعتها ومع ذلك تحترم واقعنا العربي و ديننا الإسلامي أو حتى عاداتنا وتقاليدنا بالنسبة لغير المسلمين كمان أعتقد إنه هم بيكرهوا الإنحلال وماإلى ذلك

أعتذر لو جرحت بالكلام لأنه نفسي أشوف أفلام عربية أقدرها في النهاية تماما زي ماقدرت الكم فيلم اللي ذكرتهم فوق

تحياتي عوبد

 
 

 

عرض البوم صور ~ Amoَrat Nَajed ~   رد مع اقتباس
قديم 15-11-11, 05:41 PM   المشاركة رقم: 3
المعلومات
الكاتب:
اللقب:
اسرة المشاعر
المركز الاول مسابقة القصة القصيرة


البيانات
التسجيل: Mar 2009
العضوية: 140895
المشاركات: 4,956
الجنس أنثى
معدل التقييم: سلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميع
نقاط التقييم: 11719

االدولة
البلدEgypt
 
مدونتي

 

الإتصالات
الحالة:
سلافه الشرقاوي غير متواجد حالياً
وسائل الإتصال:

كاتب الموضوع : romantico triste المنتدى : الحوار الجاد
Congrats

 
دعوه لزيارة موضوعي

عبد الله
مش عارفة اصئفلك ولا ايه
موضوعك بيتهيئلي يتحط في قسم الحوار الجاد
بس ما علينا
المقارنة فطستني من الضحك
والكحة مسكتني وكنت حاموت بالفعل

بس لن انكر مضايقتي
مش منك طبعا من موضوع شارع الهرم ده
اصلا انا نفسي يقفلوا شركة الانتاج دي ويخلصونا منها ومن قرفها
بجد بقت حاجة تيت يعني
وكأن مصر خلاص بقت انتاج للراقصات وبس
وده طبعا مش حقيقي


اما موضوع الافلام الامريكي والافلام الهندية
طبعا الافلام الامريكي بقى الموضوع صعب بصراحة
لدرجة اني في وقت من الاوقات عزفت عن الفرجة
الا لو الفيلم فكرة جديدة و انتاج كويس
او فيلم تاريخي


الافلام الهندية انا بحبها بصراحة وخصوصا الافلام الجديدة
يعني متنكرش يا عوبد انهم تطورا جامد في الصناعه بغض النظر عن الرقص وموضوع انهم يطلعوا اخوات في الاخر ده
هههههههههههههه
برضه بقى في تطور في اسلوب التصوير والصوت والاخراج وتحس ان الصناعة كلها تطورت
وطبعا مع التطور بقوا يحبوا يقلدوا الافلام الامريكاني وبقوا يقصوا التقاليد الهندية فبقيت احس اني بتفرج على فيلم تمثيل هندي اخراج امريكي
طبعا ماي نام از خان ده تحفه فنيه ماشية على الارض
الفيلم حلو جدا وشاروخان ادى دور المتوحيدين كانه واحد فعلا عنده توحد
برضه الفيلم اللي قالت عليه بيبو حلو جدا جدا
يعني في افلام عبقرية بيعملوها منقدرش نغفل عن ذكرها

نيجي بقى للمصيبة المصري اللي قاعده فوق روسنا
للاسف ولا عرفنا نقلد الامريكاني و لا الهندي
يعني ولا عرفنا نعلى بجودة الافلام الامريكاني ولا عرفنا نعلى بصناعة الافلام زي الهنود
بالعكس بقينا نهبط كمان بقصة الفيلم وندخل العري عشان الناس اللي عندها كبت تجري على السينما تدخل الفيلم
بس في افلام حلوة برضه
يعني فيلم الفاجومي اللي قلت عليه انا سمعت انه كويس
انا مشفتوش على فكرة
اما فيلم ولاد العم فانا حبيته رغم ان اخره مش منطقي بالنسبة الي انا هو حلو ، يعني نهاية متفائلة وانا بحب النهايات دي


وبالنسبة لاسمه يا بيبو
اليهود عموما بيقولوا انهم ولاد عم المصريين وده يرجع لتاريخ طويل نبقى نتكلم فيه بعد كده
اهي حاجة مستفزة واتعودنا عليها
بس برضه انا مع افلام حلمي ومحدش يقدر ينكر انه بيعلى بالافلام الكوميدية وبيشتغل في نوع من الكوميديا الراقية
لدرجة ان افلامه بتنافس افلام الزعيم على الايرادات ( بغض النظر على نوعيه افلام الزعيم يعني )
هتقول انها افلام كوميديا بس حلمي مبيتسندش على كوميديا الافيه
انما يستند على كوميديا الموقف نفسه
وبعدين ايه اللي انا عاوزة من فيلم كوميدي ادخل اضحك فيه واطلع بدروس مستفاده كمان
يعني انا كنت بعيط وانا بتفرج على عسل اسود وبضحك في نفس الوقت
المهم انا طولت عليك اكتر من اللازم
انا مش ضد رايك بالعكس انا معاه
ده انا نفسي يلموا الافلام الي مش بتعكس الواقع المصري
ويحرقوها ويقفلوا شركات الانتاج اللي قايمة على المسخرة
ونبدا عهد جديد مع الثورة
طبعا اشك في ان ده هيحصل
بس بتمنى كما اتمنى ان مصر كلها تتغير للاحسن
برضه مش عاوزة نغفل عن افلام حلوة اتعملت في نفس الفترة
تحياتي يا عبقري

 
 

 

عرض البوم صور سلافه الشرقاوي   رد مع اقتباس
قديم 15-11-11, 05:56 PM   المشاركة رقم: 4
المعلومات
الكاتب:
اللقب:
اسرة المشاعر
المركز الاول مسابقة القصة القصيرة


البيانات
التسجيل: Mar 2009
العضوية: 140895
المشاركات: 4,956
الجنس أنثى
معدل التقييم: سلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميعسلافه الشرقاوي عضو مشهور للجميع
نقاط التقييم: 11719

االدولة
البلدEgypt
 
مدونتي

 

الإتصالات
الحالة:
سلافه الشرقاوي غير متواجد حالياً
وسائل الإتصال:

كاتب الموضوع : romantico triste المنتدى : الحوار الجاد
افتراضي

 
دعوه لزيارة موضوعي

مداخلة بسيطة يا عبد الله بس
ليه متكلمتش عن الغزو التركي
ولا عشان الافلام عجيبة ومش بنفهمها
بس المسلسلات ما شاء الله
بقت مالية القنوات المصرية والسعودية والكويتية
وكل ما اقلب التلفزيون الاقي مسلسل تركي طالع في وشي
وكاننا عايشين في تركيا
بس التراكوة ما شاء الله عليهم اتعلموا يتكلموا سوري
هههههههههه
الدبلجة مخليه الناس عايشه معاهم لدرجة ان في ناس فاهمه ان دي اللغة بالفعل وان اسمائهم كده بجد
المهم عاوزة اعرف رايك في الموضوع ده
تحياتي مرة تانية

 
 

 

عرض البوم صور سلافه الشرقاوي   رد مع اقتباس
قديم 15-11-11, 10:57 PM   المشاركة رقم: 5
المعلومات
الكاتب:
dew
اللقب:
قطر الندى



البيانات
التسجيل: Jul 2007
العضوية: 32556
المشاركات: 8,358
الجنس أنثى
معدل التقييم: dew عضو ماسيdew عضو ماسيdew عضو ماسيdew عضو ماسيdew عضو ماسيdew عضو ماسيdew عضو ماسيdew عضو ماسيdew عضو ماسيdew عضو ماسيdew عضو ماسي
نقاط التقييم: 5602

االدولة
البلدSaudiArabia
 
مدونتي

 

الإتصالات
الحالة:
dew غير متواجد حالياً
وسائل الإتصال:

كاتب الموضوع : romantico triste المنتدى : الحوار الجاد
افتراضي

 

موضوع جميل ويمكن لي مداخلة بسيطة استحملوني بقى ههههههههههههه

انا ما راح أقول ان بوليوود او هوليوود في قمة الروعة أو شي لكن راح نكون واقعيين وحقانيين ..

انا بالنسبة لي ماقد شفت في حياتي أفلام مصرية أو عربية ..بسبب السخافة والتفاهة اللي في القصص ..ممكن يكون في هأفلام حلوة لكن بصراحة انا ماقد شفت واحد حتى أحكم ..

أجي للأفلام الهندية والأمريكية ..اللي بصراحة هي اختصاصي ههههههههه

الأفلام الأمريكية مهما كان فيها من مشاهد عري وإباحية لكن فيه بعض الأفلام اللي إلى الآن خالدة ..والعري هذا في طبيعتهم وعاداتهم ..وفيه أفلام كمان مافيها عري وإباحية كثير ...أذكر منها أفلام أنا للآن أعيد وأزيد فيها وأنصح الكل إنه يشوفها ...
GOOD WILL HUNTING
LEGENDS OF THE FALL
troy
the shawshank redemption
forrest gump
a beautiful mind
blood diamond
brave heart
غريفين وفينيكس ..وثلاثية بورن ..وثلاثية العراب
وكثييييييييييييير كمان ولو أقول من هنا راح أتعب لكن بجد هذي الأفلام أثرت فيني بشكل لايتصور ..ومهما كان فيها مشاهد عري وأشياء ما تدخل العقل لكن فيه مشاهد تبقى في العقل ..مثل مشهد البحيرة في good will hunting يالله في منتهى الروعة وبعض الاحيان أدخل مخصوص علشان أشوف اللقطة هذي هي واللقطة اللي بكى فيها مات دايمون ..بجد تمثيل ولاأروع ..وكمان في القلب الشجاع مشهد لما روبرت دي بروس خان ويليام والاس واكتشف ويليام هذا ..التعابير على وجه ميل غيبسون لما شاف روبرت ..في كل مرة انا أشوف هذيك اللقطة أحس اني راح أبكي .. يعني بصراحة يبقى تمثيل الامريكان في التوب .
.نأتي بعدها للصناعة السينمائية الهندية
صحيح ان فيه بعض الأفلام اللي تغث الواحد وتخلي الواحد يكره عيشته من الصواريخ اللي فيها ههههه لكن في الآونة الاخيرة ومن نهاية التسعينات فيه أفلام جميلة ..والدليل ان الأفلام الهندية انتعشت واشتهرت في الدول ..
بالنسبة لي ..أفلام شاروخ لا يعلى عليها وأفضلها كلها وممكن أشوفها مليون مرة ..
ديفداس وفير زارا ..وكال هونا هو ..وماي نيم از خان ..طبعا ماي نيم از خان ..في منتهى الروعة وأعارض امورة لما قالت انه فيه شيء مبالغ فيه ..بالعكس كل شي واقعي وحقيقي وانا عندي شخص توحدي ..فكل شي موجود بالفيلم صحيح .. وهو مو توحد بقدر ما هو المرض اللي فيه متلازمة دون ..ماراح أدخل في تفاصيل لكن الأغاني اللي فيه بجد أثرت فيني وخصوصا أغنية noor e khoda لو شفتوا الترجمة للأغنية راح تعرفون ايش أتكلم وان شاء الله أقدر اني ألقى الاغنية مترجمة حتى تشوفوها حتى للي مايسمع أغاني ممكن يشوف الترجمة ..
مسألة الأغاني والرقص صحيح ممكن تزيد نسبة نجاح الفيلم لكن هي كمان من عاداتهم وتقاليدهم فعلشان كذا مايخلو أي فيلم منها ..بالنسبة لي صرت أفضل الأغاني الهندية على أغاني العرب الهابطة .. لان الهنود فيها فن راقي جدا ..رووعة فعلا ... كمان عندي حوارات لازالت في عقلي من ديفداس ..لما راح ديف إلى بارو قبل ما يجي موكب زفافها ..لقطة قوية جدا ولما راح لشاندراموكي وهو ثمل لفراق بارو لما تزوجت ..بجد راااائع ..
فيرزارا عاد هذا ماعليه كلام ..وأنصح الكل انهم يشوفونه .. هذاك الفيلم كل اللقطات حلوة .. وخصوصا لقطة المحطة والأغاني بجد بجد رااااائعة
اما عاد التركية ..ز>_< انا بجد مو عارفة كيف الناس يحبونها وخصوصا الدبلجة البايخة هذي والمشكلة الحين انهم طالعين لنا في دبلجة الأفلام الهندية والأمريكية ..صاروا الهنود يتكلمون خليجي والأمريكان لبناني ..

اوه حسيت اني كثرت كلام هههههههههههههه سوري لكن الموضوع حلو كثير

عوافي شبح ^_^

 
 

 

عرض البوم صور dew   رد مع اقتباس
إضافة رد

مواقع النشر (المفضلة)

الكلمات الدلالية (Tags)
...., الفارق, افلامهم, افلامنا
facebook



جديد مواضيع قسم الحوار الجاد
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:22 PM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال  | شات قلب 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية