السلام عليكم ورحمة الله

فيس متأخر وزعلان...عزاه الوحيد إنه عارف الاحداث من زمان وجاي يعلق بس

هو انا استخدمت الفيس دا قبل كدا ولا نسيت؟؟

طبعاً تتوالى الصدمات على دماغ خلودي لدرجة إن دماغه ورمت، وأنا معاه صراحة
يعني الواحد عمره ما يتوقع إن توأمه يبقى فيه كل العبر والبلاوي دي
عشان كدا حسيت إن سبب تعبه تاني يوم كان احساسه انه مستنفذ عصبياً ونفسيا..مش عارفة مستنفذ دي صح ولا غلط
بس اقصد ان المعلومات الصادمة اللي عرفها من نمنم خلت الصورة اوضح وأنيل بستميت نيلة
لا وكمان الزفت باسم كان واخد منال سلمة يوصل بيها لابوها...واطي واطي يعني
بجد خايفة شهر العسل بينه وبين منال ينتهي لما تعرف الحقيقة، لانها ممكن تقلب عليه وتقول جاتكوا ستاشر مصيبة عيلة نحس كلكم وتطبل على دماغ خلودي


الثنائي اتش...هنادي وهشام
ذكريات قديمة قدمتنا لبداياتهم سوا..حسيتها ليبرالية يسارية شيوعية من بتوع الرفيق لينين وشعرها كيرلي منكوش..فاكرة لما قلت لك التخيل دا؟ رغم انك قايلة شعرها ديل حصان<<< مش عارفة خيالي جراله ايه<< شكله متأثر بالايدي الخفية والعناصر المندسة
بس دا لا ينفي روعة الربط في المشهدين..فكرني بربط مشهد ياسين وأمه مع مشهد عمر ومذكرات امه..التاني برضه كان قمة في الروعة
الاخ هشام عايش الدور وعامل فيها زوج وراجل البيت الحمش...جايب اكل ولبس لابنه وليها، وبكل تناكة يقول لها جهزيلي اكل، واعمليلي قهوة...واخد راحته عالاخر
لا وكمان عاوز يبرطع في شوية راحة زيادة.... بس احسسسسسن فرحت فيك
عشان تعرف ان الحكاية مش سبهللة..خلي ريقك ينشف شوية عشان تتأدب وتعرف قيمتها

نمنم....بص صراحة انت زودتها وأنا من منطلق الاخوة يعني شايفة إن ليلى عاملالك دستيربانس وكونفيوجن وحاجات انجليزي كتير ورا بعض
فخوفاً على مستقبلك كضابط شرطة همام انا بقترح تقطع علاقتك بيها خاااااااااااااالص لحد النفوس ما تهدى كدا وتخلص مهمتك على خير وتحافظ على سلامة وأمن سيادة السفير واسرته، وبعدين ابقى ارجع شوف ليلى...هي حتروح فين يعني؟ مهي مرزوعة في بيت عمها...براااااافو يا نمنم انك سمعت الكلام..ادي الرجالة الشاطرة اللي عايزة مصلحتها

كدا تكسفني يا نمنم وتروح تندلق؟ يعني فيها ايه لما ليلى تقعد في اوضتها تعيط شوية؟ الدنيا اتقلبت؟ ترجع في كلامك وتروح لها بعد ما كنت قررت تتماسك؟
لا وتجيب لها ليمون كمان؟؟؟ وتشرب وراها يا مفتري؟ اعمل فيك ايه دلوقتي؟؟
ساعة ما شربت وراها الليمون افتكرت سيمون في لعبة الست وهي بتقول "حتجري ورايا يا سي حاااااساااان" فيرد عليها محمد صبحي "دا لو كلت الفخاااااار".
شكلك كان حيبقى خطير لو قرقشت ازاز الكباية يا نمنم...مش قادرة ابطل ضحك

حبة جد بقى؟؟
كويس اصرارك انها تروح لامها وتسمع منها لإن ما ينفعش تحكم على الموضوع من طرف واحد، وهي فعلا مش حتستحمل الندم اذا حصل لامها حاجة من غير ما تشوفها
في نفس الوقت هو بيحاول يعلمها فكرة عدم التسرع في الاحكام عشان تبقى تديله هو كمان عذره لما تعرف الحقيقة وإنه مش سواق، وإنه مش عبد الرحمن...بس يارب الغباء الحريمي اياه ميطلعش ساعتها

ديدو....انت عملت فيا ايه يا واد انت؟؟؟
مهو يا اما انا اللي كنت ظالماك يا اما عرق الامومة نأح عندي من ساعة ما شفتك مع انعام هانم
بجد الست دي رااااائعة وحبيتها جدا جدا جدااااا
حساها معين حنان لا ينضب..ازاي عروسة جديدة تفاجأ ان جوزها جايب لها ابنه من عشيقته ولا حتى مراته اللي هي ضرتها وتحبه وتحتويه بالشكل دا
معقول فيه انسانة تحب راجل لدرجة انها تحتضن ابنه وترعاه بالصورة دي لمجرد التشابه بينهم رغم انه مش ابنها ورغم انه ممكن يبقى بالنسبة لها برضه دليل حي متحرك على خيانة جوزها ليها، زي ما عاصم وماريا بيبصوله بالزبط وإنه بيفكرهم بماضيهم الزبالة
عشان كدا بجد تعاطفت مع ديدو في مشهده مع ابوه، ووجعني اوي انه طلع اوضته وهو كاتم دموعه

طبعا مشهد الفيلم قبل الكلام دا بس حبيت اقول المشهد الكئيب الاول، قبل المشهد الاكتر من رائع بتاعه مع اخواته
طبعا الفيلم المرعب مسألتكيش عليه لاني مش بحب الافلام دي
لكن الفيلم اللي ديدو شافه تحفففففففة وجه عالوجيعة

ايمان دي عسووووولة وحبيتها..بضم صوتي لبيرو وادعيلها بعريس حليوة محترم كدا..بس يعيداً عن نمنم..انا بحذر اهه..يا ليلى يا انا مفهوووم؟؟؟ فيس شراني ههههه
عجبني إلتزامها بالصلاة والحجاب، ومين عارف يمكن تبقى مفتاح هدايته، خصوصا لما خلته يبقى الامام ويصلي بيهم وأحمد انضم ليهم..بس اعمل حسابك يا ديدو الصلاة في المسجد بعد كدا وتبقى الشيخ وليد..ياختي على جمال امك وانت نصك طلياني كدا
ضحكت على فكرة وهو بيقول لابوه على مصيبته في الشغل، ويقول لابوه متحرشتش بيها انا بستها بس وبعدين نصحتها تبعد عني. فكرني بأحمد حلمي وهو بيقول متغرغرتش بيها ههههه
لوهلة تخيلت عاصم حيقول له بتريأه ياواد يا مؤمن... وبعدين قلت يمكن يقول له ألطم يقولوا الوزير اتجنن
بس طبعا جناب الوزير وبرستيجه لا يسمح بأي من الردين دول..فالرد بتاعك أوقع طبعا

وائل الخنيق...يعني مش ديدو بس اللي داير على حل شعره..حضرتك كمان بتاع نسوان
كويس ان احمد لحق نفسه واتجوز بدري بدل ما يبوظ زيكم
فعلا شكل الحكاية فيها بنت هي اللي قومت الولدين على بعض..بس ياترى مين اللي أكل حلاوة الرشيدي الميزان؟؟ قصدي هي مين البنت دي؟؟

هو انا كدا خلصت تعليق؟؟؟
باين معادش فيه حاجة

كلمة اخيرة لمنال وليلى..... بلاش التسرع في الاحكام.
منال انتي ظلمتي خالد مرة زمان...ربنا يستر ومتغلطيش نفس الغلطة تاني
وليلى...متظلميش امك واسمعيلها...وياوييييييلك لو تزعلي نمنم...انتي حرة. التليفون معايا وحعلقه منك وقد ازعر من انزر..انا بقول اهه


لولي...ربنا يتم لك على خير ويجيب عريس بنتي بالسلامة. انا بقول اهه عشان محدش يحجز قبلي

دمتم بحفظ الله