وجون وجون وجوووووووووون
قفلة جامدة قوى يا لولي....تفوقتي على حاتم علي المرة دي


بصي نرجع للقفلة بعدين بس نشوف البارت الاول لإنه من الاول كدا مليان مفاجآت

نبتدي بمييييييييييين

العريس والعروسة؟؟؟
حركات الجنتلة حلوة قوي بس يا خوووووفي يا بدران
حلو تشتروا الشبكة لوحدكوا عشان لا امك ولا امها يتدخلوا...حساهم الحموات الفاتنات
بس ايه حكاية الجوازة القديمة دي يا اتش؟؟؟ احنا حنبتديها كدب ولا ايه؟؟؟
طب ليه مقلتش للغلبانة جاسي بخصوص الموضوع دا؟ ما تضيعش مكانتك بالكذب يا توتو عشان ما تشمتش ظاظا فيك ههههههه

بلال...الوجه الجديد
خمنت من البداية انه أخو ليلى، لكن الجوون بقى انه قريب سوزي برضه...دي ملعوبة الصراحة
سوزي يا بنتي كويس انك رجعتي للدراسة، وفتحي بقى واوعي تضيعي قريبك الحليوة دا...انتي طايلة شطارة وأصل وشركاااات؟ ييجي ايه ديدو الصعلوك قدامه بقى؟؟؟

خالد ومنال
ايه اللي بتنيليه دا يا شيخة؟؟ ماتعترفي وتخلصينا؟ يعني تقوليله بحبك وترجعي تعفريها بتراب...تراب ايه دا هباب بعيد عننا
المشكلة دلوقتي ان خالد هو اللي خد جنب وكرامته وجعته...وبصراحة معاه حق. اصلا راجل برنس مصري تركي بريطاني مشترك، احمدي ربنا انه بيحبك وإنه مستحمل غباوتك
بس صراحة انت كنت ناوي تجلطني بكلامك معاها وآل ايه مانتاش جيد مثله...عيب عليك يا بابا فيه بنات موجودة

واضح ان الغباوة حكر على المرأة مش عارفة ليه
تومي كمان غبية بتصرفاتها الطايشة... لا ومش عاجبها ان نمنم يغض البصر...قلة حيا
كمان رايحاله الغرفة تقوله انا معجبة بيك؟؟؟ هدوني عليها اعرفها الادب
وجايبالي اصحابها الامريكان كمان ونازلين رقص وحيفسدوا اخلاق نمنم وليلى.... لااااااااااا سكتنالك كتير

نمنم....والله وبقى فيه واحد ينافس خالد في الغلاسة ههههههههه
بس عجبتني علاقتهم...الاول حسيتها تحدي وبعدين لقيتها ممكن صداقة بين اتنين شباب مش لاقيين حد يصاحبوه وحاسيين ان الحريم متعقدة منهم

بس طلعت نحنوح يا نمنم...حركات وافتكريني وما تبكيش...مانتاش هين يا واد...خليت البت حتقع من طولها
وبما ان الغباء حصري عالبنات فواضح جدا ان ليلى من البنات دول لانها مفهمتش أي اشارة من الاشارات اللي رميتها قدامها...معلش استحمل
اكتر حاجة ضحكتني كلمة أين اشيائي...بس لو اعرف ايه اشياءك ههههههههه

اما يوم حفلة الشواء....حسيت بالدخان اللي طالع من ودانك وانت شايف خالد واحمد بيتغزلوا في ليلى وانت وائف زي المأطف هههههههه. لا وعفاريت الدنيا بتتنطط قدامك ماشي ماشي

ليلى...كل الثقة دي عشان امير قال لك بحبك وعايز اتجوزك؟؟؟ هي مفاجأة صحيح بس عاوزة رأيي؟؟؟ البعيد عن العين مش دايماً قريب من القلب...خليكي في النحنوح اللي واقع لودانه قدامك وغيران انك رفعتي ديل الفستان شوية هههههه

نيجي للقفلة الوااااو

ديدو....متخيلاك متنح ومش عارف تضحك ولا تبكي بدل الدموع دم وانت بتكتشف ان حبيبتك راحت منك للواد الملزق اللي مش نازل لك من زور
بص هو انت تستاهل عشان عمرك ما اخدت موقف ايجابي زي أي شخص محترم....بس منتظرة رد فعلك للي اكيد حيبقى وااااااااااااو برضه

نمنم
البت نفضت لك وشكلك وحشششششششششش يا نمنم... 4 ايام بحالهم
بص انا جاية اهدي النفوس بس لو مكانك اشدها من ايدها وارزعها في اقرب شجرة واديها قصيدتين لنزار في الوريد اخلص عليها هههههه
شيء طبيعي انها تحاول تتجنبك ما دمام الشعر بيندلق من بؤك كدا، فالبت خافت على نفسها من الفتنة عادي يعني
وشكلها جاية تعتذر عن الوظيفة عشان السواق بيعاكسها
لا متتخضش ولونك يهرب كدا....انا بخوفك بس
هي غالبا جاية تعزم اهل البيت على خطوبة جاسي
بس يا ترى يا هلترى انت معزوم؟ وياترى اصلا انت حتروح بعد القلبة دي؟؟؟

لولي.....في انتظار نتائج حاتم علي الاسبوع القادم
دمتي بحفظ الرحمن

ملحوظة....شكلي فعلا اتحسدت :((