السلام عليييييكم

لولي...رغم اني مش اول مرة اقرا الجزء دا... بجد يستاهل

هو فعلا فصل دسم وملياااااااااان احداث قوية تخلي الواحد فعلا مش لاحق ياخد نفسه

كان نفسي تكوني معانا من لحظة نزول البارت عشان تتابعي بنفسك ردود الافعال... وعموما كلنا في انتظارك

نيجي للتعليق

نبتدي منين الحكاية؟؟؟؟

ممممم نمنم وليلى
ايمو ضحكتني على حكاية الاسم. اصلا عندنا بودي دا حصري على عبد الله. أما عبد الرحمن فهو نمنم او حماااااااان... فنمنم احلى اكيد
ليلى مش بس قلبته اربع ايام نسي فيها النوم...دي كمان قلبته قدام خالد وكان منظره وحش جداً
اما حركتها الهبلة وهي فاكراه حيخطفها.... بجد ضحكتني
لا وبيقول لها بكل جرأة عقبالي وعقبالك... افهمي يا بجرة على رأي الكبير..ناجص يجول لك يا بيييبيي
وبعدين حركة المسجات كمان...واين اشيائي تاني هههههههه, طيب لاحظتي تشابه بين كلامه وكلام امير...افهمي بأه ولا حتى خلي خيالك يشطح لبعيد
ادي اخرة ضيق الافق :(

نقطة بقى يا استاذ نمنم... يعني حضرتك رايح تمثل انك سواااك غلبااان بتشتغل عشان تجيب لقمة عيشك، ولابس نظارة بولس؟؟( نظارة ابن اختي الضابط بولس فخمنت يعني ، وبعدين شكلها توكيل لكل ضباط الداخلية)

لا وكمان هدومك توكيلات...يعني مش كفاية ان سيادتك يا باشا ليك هيبة ونظارة بولس...كملتها بالهدوم الماركات...طبيعي خالد يكشفك بقى

بس حركة خالد معاه في الجنينة حلوة جدا... مش عارفة ليه حساهم حيبقوا اصحاب بجد


ننتقل للقنبلة التانية، او حسب الترتيب القنبلة الاولى اصلا في الفصل.... سيادة المستشار
مش عارفة اتعاطف مع مين... معاه ولا مع ماجدة، ولا هما الاتنين يستاهلوا الضرب
يعني هي عجبته بس مكانتش تنفع لطموحه العالي، ولما اخوه اتجوزها سابها تسيطر عليه ووقف يتفرج، لا وانسحب من حياتهم واكتفى بإنه يتجوز سليلة الحسب والنسب اللي حتساعده يوصل لهدفه
وبعدين لما اخوه مات فكر يتجوز ارملة اخوه بزلة لسان مفاجئة، ولما رفضت استغل سلطته ونفوذه من موقعه في القضاء
بجد ايا كانت غايته، الوسيلة معجبتنيش... يعني اه عاوز تكفر عن خطأك في التخلي عن اخوك الصغير، بس مش انك تحرم بنته من امها
كان ممكن تاخدها عندك وتفضل البنت برضه على علاقة بأمها وتعرف اخواتها طول السنين دي، او حتى تعرفها ان اخوها بيسأل عنها عشان البنت تحاول تعمل علاقة طبيعية مع اقرب الناس ليها
بجد اللي عملته في السنين دي كلها ينم عن أنانية بالغة ممكن تدمر صورتك في عيون بنت اخوك اللي معرفتش غيرك أب ليها
ماجدة بقى....اكيد هي كانت صغيرة السن برضه...يعني بالكتير 27 سنة. ارملة حلوة وحياتها انتهت في سن ناس كتير لسة ما بداتش حياتها فيه...فطبيعي تدور على تامين لحياتها مع زوج مبسوط ومتريش...حقها مقلناش حاجة... بس التمن كان التخلي عن بنتها ودا ذنب مش سهل تسامحها عليه


مين كمان؟؟؟
خالد ومنال
ايوة يا ست منال خانوم... بعبعي وطلعي المستخبي
شفتي انك ظالمة الراجل وخالد ملوش علاقة بموت باسم؟ شكل السر قرب ينكشف وتعرفي انك ظالماه يا ظالمة

نيجي للقنبلة التالتة....هنااااادي يا خااااااااال

يخرب بيت التييييييييييييييييت
يعني الموضوع وصل جواز يا معلم...اكيد هو دا اللي كنت عاوز تقوله لياسمين في المرسم وهي قالت لك بعدين...انا قلت لك من الاول خلص واعترف بكل اللي وراك
واضح ان فيه نقاط مشتركة كتير بين هنادي وياسمين...الجمال وقوة الشخصية ويمكن التحرر بما ان لكنة هنادي فرنسية، يعني تربية خواجات
وطبعا هنادي معجبتش جدك اللي شكله عمدة شديد وفكرني بجبروت الكبير أوي...بس على أغلس
ياترى جدك حيطير ياسمين كمان بقى ولا اييييييييه؟؟؟

محاولتك لنفش ريشك يا هشام مش عارفة حتأدي لإيه... انت طلبت ياسمين بالعند فيهم عشان بتفكرك بهنادي، وأحرجت امك عشان ليلى تركب مع ياسمين، وتحديت جدك كمان...ياترى حتفضل متمرد للنهاية؟؟؟ وياترى دور هنادي حيبقى ايه


القنبلة الاقوى والاجمد واللي انا شايفاها قنبلة عنقودية وصاروخ سام موجه أرض جو
ديدو وجاسي

صراحة.... تستاهل يا ديدو القلم اللي طرقع في ودانك ووجعلي وداني انا شخصيا

طبعا تمثيلك في البداية اقنع الهبلة ياسمين انك مش بتحبها وانك حتى مكنتش متخيل ان ييجي يوم وتلاقي حد يعبرها، ودا اللي خلاها ما تلاحظش القهر اللي كان في عنيك
وجه هشام يغيظك زيادة ويقول لك معايا الاصل
تصرفك بعد ما رجعت الجاليري تاني مرة كان جريء جداً، بس متوقع من واحد زيك، ودا اللي اجدتي في توضيحه يا لولي لما قلتي إنه عبر بالطريقة اللي يعرفها، واللي فعلا قدرت تهدم حصونها وتعرفه ولو للحظه انها بتبادله المشاعر
الجون الحقيقي كان في رد فعلها هي
يعني القلم على وشهه وحالة الهياج وهي بتحدفه مرة بفازة ومرة بالمج كان طبيعي جداً وعجبني اوي لانه فعلا يستاهله... كان دايما محسسها انها لا يمكن ترقى لمستوى الحبيبة بينما هو دايب فيها حتى النخاع
الاكتشاف نفسه كان صدمة بالنسبة لها، لانه جه في وقت هي متخيلة فيه ان ربنا بعت لها هشام من السما عشان يعوضها ويرجع لها الثقة في نفسها وإنها انثى مرغوب فيها مش محطوطة عالرف
ومن هنا كان انهيارها بعد ما ضربته في الجاليري وانهيارها تاني مع ليلى...احساسها انها يمكن اتسرعت او انها خسرت الحب اللي كانت عايشة بيه في توقيت غلط
بس برضه هي لو مكانتش اتخطبت عمره ما كان حيحس بيها ولا يعبر لها عن اللي جواه...ودا لان ناس كتير ما بتحيش بقيمة اللي معاها غير لما تخاف يضيع
العناد والكبرياء اللي بيحرك ياسمين ووليد في المشهد الاخير اكيد حيبقاله دور في المشاهد الجاية لان اكيد الاتنين حيحاولوا يغيظوا بعض...بس العبرة بالنهاية


لولي

بجد استمتعت معاكي اوي بالفصل دا
والوردة دي اقل تقدير

ربنا يطمنكم

مساء الخير يا صبايا
كيف حالكم
اتمنى تكونوا جميعا بخير
مشكورات يا غاليات
على الدعوات الحلوة اللي صدرت منكن ليا
تسلموا عليها
انا بطمنكم الحمد لله الامور بقت بخير
زكل شئ تمام

هوووووووووووومي
تسلمي يا حلوة على تعبك وتنزيلك للبارت النهاردة
الف شكر يا غالية

اتمنى البارت يعجبكم
ويبقى على اد المستوى وحسن ظنكم
سلام
في حفظ الرحمن

والله ما باااقي الا شووووي وهعييييط
من امس الصفحه 63مو راااضيه
تفتح معي مووو داااريه ايش السبب هل العيييب من عندي
ولا من المنتدي بلييييز احد يفييييدني
راااح اموووت من القهر نفسي اشوووف ايييش عمللللت ياااسمييين مع وليييد

سوووري suze ما قدرت ارد عليكي ع الخااص
عشاان مشاااركااتي لسى ما وصللت 50
اللي مش راااضيه تفتح صفحه 63 لمن افتحها تجييني
صفحه 62
مشكووووره اختي ع اهتمااامك