وسسسسسسسسسسسسسسسسسع...فيس بيفحط عشان يلحق أول رد


ألف ألف مبروك يا سولي مولد قصتك الجديدة اللي شكلها حتغطي ان شاء الله عالكل

شهادتي مجروحة وانا عارفة بس الفكرة والاحداث والغموض وكله كله مخليها شكل جديد فيه ساسبنس ورومانسية في نفس الوقت

رغم ان ديدو عياره فالت بس شكلي ححبه عشان روش زي يوسف

والاخ أمير الكاتب النحنوح شكله كيوت برضه
الاتنين بيحبوا بنتين وخايفين يصرحوا بمشاعرهم....ياختي هي الرجالة لسة بتتكسف؟؟؟ طمنتيني والله ههههه


ليلى وذكريات مؤلمة وحياة حالية برضه مؤلمة...عايشة في بيت عمها ومرات عمها مش طايقاها زي اللي بينهم تار بايت، او هو يمكن التار البايت بين السلايف كالمعتاد. وبرضه موضوع تخلي أمها عنها في صغرها وطول السنين دي. بس يا ترى ايه اللي يخلي امها عاوزاها دلوقتي؟ حاسة بالذنب مثلا وعاوزة تعوض بنتها قبل ما تموت، ولا ليها غرض تاني مخلي احسان تخاف عليها. بس فعلا ايه اللي يخليها تخاف من رجوع البنت لامها؟ مش معقول حتجوزها غصب عنها يعني.

ياسمين...تحررها غريب في اسرة الاب فيها ملتزم وشكله راجل كبير ومحترم، يعني تحرر في اللبس وممكن في العادات انها تصادق شاب سمعته اصلا طين..مغامرة كبيرة ارجو انها ما توديهاش سكة اللي يروح ما يرجعش
اما الاخ الملزق بتاع السينما....شكله منافس قوي للاخ ديدو


مين كمااااااااان؟؟؟
اه الرائد الهمام اللي فكرني ببطلي المفضل أدهم صبري...ربنا يحمي رجال الامن الشرفاء _وأولهم ابن اختي ههههههه_

زي ما قلت شكلنا داخلين على ساسبينس جامد..فاربطوا احزمة الامان المرة الجاية ياجماعة


مبروووووووووووك تاني يا سولي وفي انتظار الفصول القادمة

وبالتوفيق دايماً يااااااااااارب


دمت بحفظ الرحمن