كاتب الموضوع :
شبيهة القمر
المنتدى :
الحوار الجاد
يسعد صباحكم جميعاً
هلا والله بالنوري
أي والله من حيث أنك طلعتينا من جحورنا فأنتي ماقصرتي صراحه العنوان يشدّ 
الله يسعدك موضوعك حلووو وبأبثرك بالقرق فيه
شوفي ياطويلة العمر
من الناحيه العمريه : أنا بتكلم عن مجتمع بنوتاتنا وخاصه عندنا تقريبا من تدخل أول ثانوي يعني عمرها 16
الغالبيه يكونون سابقين عمرهم وتحسين أنك سعيده وأنتي تآخذين وتعطين معهم يعني أعتقد أن هذا اقل عمر تكون صديقه جداً لي
أمّا أكبر فما تفرق عندي تكون اكبر مني بكثير عادي جداً
من الناحيه الماديه : مو هي المقياس ابدا ..
من الناحيه الأجتماعيه : نوري التبست علي هالناحيه يعني تقصدين حالة الصديقه الأجتماعيه ؟
ولا تقبل المجتمع للصداقه ؟؟
عادي حتى لو اشرحهم كلهم
حالة الصديقه اجتماعيا : طبعا إذا كانت مطلقه مثلا الله يعينها على مجتمعها لأنه من جد تعاني وأقرب الناس يتخلون عنها خصوصا إذا صارت صغيرة بالعمر وخصوصاً صديقاتها وهذا الشي شفته بعيني وشلون يتحاشون التعامل معها وكأنها بتخطف ازواجهم والمسكينه هي بحالها
وهذا طبعا غلط وللأسف حاصل بمجتمعنا إلا من رحم الله..
أمّا
إذا كان قصدك بتقبّل المجتمع : فأنا اشوف أن المجتمع متقبل عمق العلاقه بين الأصدقاء لدرجه كبيره الحمدلله ..
نجي للثقافيه: وهذي صراحه هي المقياس الوحيد اللي تحدد صداقاتي ماأقدر اتنازل عنها ابدا ابدا لأنه عنصر مهم
ابسط مثال على اهميته لو ينفتح موضوع ونتناقش فيه كلّ واحد
بيتكلم من منظوره الشخصي وهنا يايكون أحلى نقاش أو يكون
افشل نقاش ويوصل لدرجة العقم
طبعا يندرج تحت الناحيه الثقافيه بالنسبه لي اشياء كثير منها طريقة تفكير الشخص بالنسبه لتفكيري مستوى الفاظه واشياء كثيره ماتحضرني والله
والثقافه مهيب ذكاء خارق قد ماهي المام بالأشياء ..
بس أقدر أقول أنها اهم ناحيه بالنسبه لي ..
الله يعطيك العافيه حبيبتي  واسمحيلنا على الأطاله...
|
22-09-11, 12:44 AM
جديد مواضيع قسم الحوار الجاد
العرض الشجري
