السلام عليكم ورحمة الله

حياك الله ريووووووومة بين كتاب ليلاس المبدعين

ان شاء الله توصلين بهالرواية لبر الامان وتنضم لقائمة القصص المكتملة بدون توقفات وانقطاعات

كل التوفيق لك

زوزو

×

تتم تنزيل السآلفْه الثانيه


قراءة ممتعة للجميع

السآلفْه الثآنيه ..!





بالمدرسة
×




دعاء: طيب بس عجلي ..
خرجت شهد وسيده على الإدارة دقت البآب ودخلت: ابله ريوووم مرة تعبانه ..
م.عفاف: خير وش بهآااا ..
شهد وهي وشوي وتبكي: والله ابله تعبانه .. تبي أمهااا ..
م.عفاف: زين وخري أشووووف .. بعدت شهد عن الباب وراحت مع المديرة .. وصلت لدورة المياه ..
م.عفاف: ريم ..
ريم: اهـــــــئ ابي امي .. نادوا لي أمي .. وهي تشهق من الوجع والألم اللي ينهش ببطنها ..
م.عفاف: طيب طيب بس اظهري .. مايجوز تتكلمين وانت بالحماااااام ..
ريم: اهــــــــــئ مابي ابي امي .. ابي امي ..
م.عفاف: امشي ياشهد معي .. وهي تعطيها الجوال: دقي على امها ..




شهد: إن شاء الله ودقت على تلفون بيت خآلتها ..
وبعد دقآئق ردت عليها أم وليد: الوووو ..
شهد وهي تبكي وتسمح دموعها: هلا خالتي ..
أم وليد: شهد اسم الله عليتس .. علامتس تدقين ريم بها شي..
شهد: اي ممغوصه يآ خاله ..
أم وليد: زين يايمه الحين اجي اقعدي عندها ياشهيد ..
شهد: إن شاء الله خالتي بس لا تطولين ..
أم وليد: زين يمه جايتك بدرب الحين ..





قفلت من شهد وهي تقول أم وليد: وحسرتي على بنيتي وش بلاها الله يستر الله يستر .. وش سواه يا عواطف .. لبست عباتها وخرجت ومشت لبيت أختهآاا ..
دقت البآب فتحت لها البآب ..
أم فهد: هلا ياوخيتي حياتس ..
دخلت أم وليد: فهد موجود ..
توه نآزل تأخر على عمله شآف خآالته ووجههآ المخطوف: عسى ما شر يا خالة ..
أم وليد: بنتي ريم تعبانه وهي المدرسة توها شهد أختك علمتني .. وصليني لها يمه ..
فهد: ابشري يا خالتي ..
أم وليد: اعذريني ياوخيتي بس قليبي ما كألني على بنيتي ..
أم فهد: معذوره وأنا أختس طمنوني عليهآاا ...
فهد: إن شاء الله يمه ...





خرج فهد وخآلته وسيده على المدرسة .. نزل من سيآرته: السلام عليكم ..
ح. أبو سعد: وعليكم السلام آمر ياولدي ..
فهد: ما يأمر عليك عدو .. بس الله لا يهنيك افتح لي الباب ..
ح.أبو سعد: آمر بس قبل من تكون أنت ..
فهد: ولد خالة ريم ..
ح.أبو سعد: تفضل ياولدي وعذريني تعرف هذا شغلي .. وووو
قاطعه فهد: حصل كل خير .. خالتي ادخلي وأنا انتظرك بسيارتي ..
أم وليد: زين يمه .. ودخلت المدرسة قآبلتهآا الوكيلة نجاح: تفضلي يـ أم ريم ..
أم وليد: وينها بنيتي وش بلاها ..
و.نجاح: مابها إلا كل خير .. هي بالحمامات مارضت تفتح لنا الباب ..
ضربت على صدرها: وووووحسرتي على بنتي وحسرتي ..
م. عفاف: اذكري الله يا أم ريم .. انتي دخلي وإن شاء الله بتفتح لك الباب ..








دخلت أمي دورة المياه وهي تدق الباب: يمه ريم فتحي الباب ..
فتحت الباب ورميت نفسي عليها: آآآآآآآآآآه يمه ..
وهي تمسح شعري: اسم الله عليتس عين وماصلت على نبي .. وش اللي موجعتس ..
بعدت عن حضن امي: بطني يوجعني ..




شهد وهي تمسح دموعها: خالتي مابها شيء بس تتغلى عليك ..
ابتسمت لها بوجهي الاصفر: يمه ابي البيت ابي انام ..
أم وليد: زين يمه اكيد مابك شيء ..
ريم: لااا يمه بس مصدعه ابي سرير ..
شهد ضربتها على كتفها: دووبه فجعتيني عليك ..
حضنتها ريم: هههههه عاد لا اوصيك هبلي بـ الابلات ..
شهد وهي تغمز لها: لا توصين وبعدين هذا كله مقلب انتي ووجهك ..
ريم: لاااا بس الحلوه جاتني ..
شهد: الله يعينك .. انتبهي على نفسك ..
هزيت راسي ولبست عباتي بمساعدة امي .. وشنطتي مع شهد .. خرجت من المدرسة وركبت سيآرة .. وجلست ورجعت راسي على ورى ..
فهد: حمدلله على سلامة ..
ريم: الله يسلمك ..






فهد: ها خالتي اوصلها للمستشفى ..
ريم: لالا ما يحتاج ابي انام وووبس ..
فهد: خالتي ..
أم وليد: روح بيتي يافهد واعذرنا ياوليدي ضعينا وقتس ..
فهد: عادي خالتي ..






وصلنا البيت دخلت على طول على غرفتي وانسدحت وشوي وانا اتلوى من بطني .. آآآآآآآآآآآه يمه ..
أم وليد: ريم اسوي لك هردااا ..
ريم: لالالا مابي بس تعالي جنبي ..
جلست امي وحضنتها وقعدت تقرأ علي وماحسيت بنفسي إلا وأنا نايمه ..








بعد صلاة الظهر ..

×






وصلوا وليد وسلمان من الدوآم للبيت




سلمان: يمه وين الغدا ..
أم وليد: هذا هو قوم غسل قبل لا تأكل ..
وليد: انا بغير ملابسي ..
أم وليد: زين يمه ..




سلمان: يمه وين ريووووووم ..؟
أم وليد: نايمه ..







فز من مكانه وعلى سريع دخل غرفتي وهو واقف فوق راسي ويصآرخ: ريــــــــــــــــــــــــــــــــم ريـــــــــــــــــــــــــــم ..
ولكن أنا بنوم عميق ..
سلمان: ريــــــــــــــــــــــــــــــــــــــــــــــــ ـم في حريقه بالبيت .. يمه حرييييييييييييييييقه ..
صحيت على إزاعاج وانا افرك عيوني: حــريقه ..
ضحك سلمان على شكلي شعري مبهدل وطايح على وجهي وخدودي متولعه من الحر .. ضربته بالمخده: ضحكت من سرك اطلع برى وقفل النور ..
سلمااااااااان: قد هالحركه ..
ريم: سلمااااااااانوه مافيني حيل اتهاوش معك .. اخرج وقفل نور معك ..





سلمان عند وفتح ستارة وشباك .. وانا ياكرهي للنور ما اطيقه صرخت عليه: سلمـــــــــــــــــــــــان ..
سلمان: هههههههههههه قومي وليد يقولك تعالي تغدي يالله ياخيشة نووووم ..
قمت على حالي وقفلت شباك وستآرة ووقفت: مابي اتغدا ..
سلمان وهو يناظرني من فووووق: غريبه سحليه سآحبه على الغدا لالالالا في شيء صاير بدنيا وانا لا دراي ..
وانا عصبت: ما سحليه إلا وجهك انقلع عن وجهي ماني فايقه لك .. ورحت لسريري وتمددت وسحبت اللحاف وأنا ارتجف ..
سلمان: ريووووووووم وش فيك وليه كذا وجهك شاحب ..
وانا مغطيه وجهي بلحاف: مافيني شيء تكفى سلمان طفي نور واخرج ..
سلمان: طيب وووليد وش اقوله ..
ريم: قوله ريم مالها نفس .. تكفى سلمان اخرج ..
سلمان: طيب طيب خارج الله لالا يعوقني بشر ..






خرج سلمان من هنا ودق جوالي من هنا .. والله مفحالي اخذه بعدت لحاف عن وجهي وشفت الجوال ينور مديت يدي واخذته شفت المتصل بك " شهد "
رديت عليها: نعم ..
شهد: ينعم عليك .. ها كيفك الحين ..
وانا ارد بنفس خايسه: زفت ..
شهد: ريووووووم حياتي وش فيك صوتك متغير ..
ريم وانا امسح دموعي: مافيني شيء بس تعبانه شوي ..
شهد: سلامتك .. زين ترى اليوم بنتجمع ببيت جدتي ..
ريم: شهد لا جاء العصر لكل حادث حديث ..
شهد: اوكي على راحتك اوووكي اخليك الحين ..
ريم: مع سلامه ..
رميت الجوال وانا اغمض عيوني وبكيت وبكيت: آآآآآآآآآآآآآآآآآآه يايبه وينك عني اشتقت لك حيل حيل يايبه .. ونمت ودمعة يتيمة واضح على ملامح خدودي المتوجهة شرارة من الحر والقرف ..






وليد: وينها ريم ..
سلمان: نايمه حاولت اقومها بس ماتبي ..
وليد: خير وليه ماتبي ..
سلمان: تقول مالها نفس ..
وليد قام من مكانه ..
أم وليد: وين رايح يمه ..؟
وليد: طالع لها ..



سلمان: الله يستر بس ..








سمعت دقت الباب: سلمـــــــان قلت لك روووووووح مابي اتغدا ..
فتح الباب وليد: وليش ماتبين ..؟
مسحت دموعي: ووولــ ـــيد ..
وليد: ايه بشحمه ولحمه وش بلاك وليه وجهك اصفر .. انتي تعبانه ..
ريم: لالالا مافيني شيء بس مابي اتغدا مسويه دايت ..
وليد: وش لك بدايت وخرابيطه .. وبعدين ليه قاعده كذا بالحر ..
انخجلت وخدودي توردت: عاااادي طفشت من البرد ..
وليد: ريوووم صار لك شيء بالمدرسة ..
ريم: ها لالا ما صار شيء ..
وليد: زين براحتك .. يالله قومي تغدي ..
نزلت معه وجلست معهم .. سلمان يناظرني ويتطنز: تكفـــــى سلمان طفي نووور ..
طنشته و لا كأن سمعت شي غمضت عيوني ..






أم وليد بحنان: يمه ريم وش بك يمه ليه ما تأكلين ..
فتحت عيوني وناظرت امي: ولا شيء يمه بس مصدعه شوي بروح انام وقمت من مكاني قبل وليد ما يناديني دخلت غرفتي ورميت نفسي على سرير وتلحفت ..










بعد صلاة العشاء

×





قمت من مكاني ودخلت الحمام الله يكرمكم تروشت بمويه دافيه ولبست بلوزه زهري وعليه جكت عاري لونه سكري وتنورة سكريه .. وظفرت شعري وخليته على جنب وحطيت روج زهري ولبست حلق على شكل فيونكه ومرصع بالكرستآل وتحته لؤلؤ لونه سكري وسآعتي سكريه وختمتها بعطري جنفشي .. ولبست عباتي على راس وخرجت نزلت للصآالة




وشفت امي تقلب بالقنوات حضنتها من ورى: ازيك ياست الكل ..
أم وليد: هلا يمه لا حمدلله وجهك احسن من الظهر ..
ريم: لأني شفت القمر يمه ما انتي رايحه بيت جدتي ..
أم وليد: إلا يمه نادي وليد يوصلنا ..
ريم: زين يمه ..

رقيت بدرج ووصلت لغرفة أخوي دقيت الباب: ولـــــــيد ..
وليد: تفضلي ..





فتحت الباب ودخلت وشفته بثوبه الابيض وشمآغه الاحمر وهو يعطر صفرت بحمآس: الله صآير عريس اعترف على وين رايح ..
ابتسم وبان اسنانه لؤلؤيه: رايح لزواج صآحبي ..
ريم: ما شاء الله شكلك بتسرق الأنظار .. ضربني على راسي: آييييييييي .. وش رأيك ادور لك على العروس ..
وليد: مو وقته ..
ريم: إلا وقته ونص .. خايفه عليك وأنا خيتك ..
خرجني من غرفته: ياالله عن العياره عاد ..
ريم: زين بس امي تقول وصلنا لبيت جدتي ..
وليد: زين يالله امشي ..






نزلنا أنا وهو .. وامي تستقبله بالمخبره والعوووود .. وبخرت وليد وهي تقرأ عليه المعوذات ..
ريم: لنا الله ..
ابتسم وليد: يالله يمه مابي اتأخر على المعرس ..
أم وليد: يالله يمه .. عقبال ما اشوفك معرس ..
أنا: آمــــــــــــــــــــــــــــين .. الله يسمع منك ..
وليد ينآظرني
ريم: ههههههههههه يالله خلينا نروح قبل وليد لا يحرقني بنظرآته ..







خرجنا من البيت وبعد ربع ساعة وصلنا بيت جدتي ..
وليد سلم على جدتي وخلاتي وبعدها راح لزواج صآحبه .. أما أنا دخلت وسلمت على جدتي وعلى خلاتي ..








خالتي إلهام سبق تعريف

خالتي ريهام توأم خالتي إلهام

عندها شهد 18 السنة .. وفهد عمره 25 السنة
وسارة 19 السنة ..

خالي يزن مع عمي وسيم يدرسون بالخآرج وهم أصحاب الروح بالروح ..

خالي توفيق وعنده

محمد 26 السنة .. منصور 22 السنه وهو واخوي سلمان اصحاااب .. فاطمة 20 السنة ..







سلمت على بنات خلاتي ..

ريم: فطووم شيلي فصفصك عني ..
فاطمة: ابي اعرف في احد مايحب الفصفص ..
ريم: ايه أنا ما اطيقه ..
فاطمة: ماعندك سالفه .
ريم: اقول شهد وين شاهي خالتي ..
شهد: هذا هو قدامك ..
اخذت كاسه شاهي وصبيت وأنا اشرب ..
إلا وجدتي تقول: يمي ياريم كم عمرتس ..
استغربت منها: 18 ياجده .
جدتي: ما شاء الله ما شاء الله صرتي عروووس ..
ريم: ههههههههههههههه الله يسمع منك ..
ضربتني على راسي صرخت: انتوا وش فيكم على راسي ..
فاطمة: هههههه معجبين ..
ريم: لا ياشيخة .. وبعدين خلونا نتفرج على تيتاتنك في ناس يمدحوونه ..
شهد: والله صدقتي واخذت الريموت وحطت على قناة mbc2
ريم: اقول طفوا النور ..
شهد طفت نور ..
ريم: انا بروح اسوي فشار قبل مايبدأ الفيلم .. نادوني إذا جاء ..
فاطمة وسارة وشهد: اوكي ..






دخلت المطبخ وناديت شغالة جدتي تطلع لي المقادير .. خخخخخخخ الله والمقادير كلها علبه فوشار وزيت وملح وقدر خخخخخخ ..
اخذت القدر وشغلت البرتكآز وولعت عين البرتكآز وحطيت القدر وحطيت شوي زيت العآفيه خخخ وحطيت الفشار .. وشوي شوي لما نضج وصرت احركه وريحته تهبل وصرت احرك القدر كل بعد شوي .. وجبت صحن وحطيته وحطيت الملح ذقت منه: يمي يمي يهبل .. وفتحت ثلاجه وجبت علبه البيبسي ياني اموووت عليه مع مكعبات ثلج ..




نادوووني وقلت للشغالة جدتي: حليمه هايتي البيبسي والفشار معك ..
حليمه: تيب تيب رـيم .


جريت جري وجلست من بينهم: ووخرووا لي ..
سارة: الحين قلة الأماكن تجين هنا ..
ريم: ايوه عاجبني هالمكان ولا يكثر هرجك زحفي اشوووف .
طختني على راسي وقلت لها: ياعلك زواااااااااااااج ياسويرة يابنت فتحي ..
سارة: آمــــــــــــــــين ..
ريم: لا ااااااا عيب عيب يا ماما آمني بسرك مو علناً .. >> خخخخخ احلفي بس
سارة: لا يكثر بس ..
شهد: الله وصل الفشآآآر ..





وبدأ الفليم وأنا أناظر ومندمجه ومادريت إلا جدتي ببكورها واللي يقهر قفلت فيش التوصيلة .. وانطفى تلفزيووووون
ريم: لاااااااااااااااااااااااااااا ..










نهآية السآلفْه الثانيه من سوآلف ريم

إن شاء الله أنها عجبتكم












×

بقلمي:
سوآلف ريومه .!

ريومه

قريت السالفه الاولى والثانيه

مبدعة ماشاء الله

أسلوب رائع فريد

موهبه متميزة ويارب يتواصل الابداع

أكثر واكثر

حياك الله واحدة من الاف المميزون

في هذا المكان الرائد

فقط ابحثي بين الصفوف وجدي

مكانه تلقين بابداعك

يعطيك ألف عافيه
أ