لاماار .. العواار مايكوون بوويضه ملقحه ..!
لاا تكوون جنيين بس ماابعد اكتمل نموه




جداناا الاولين يقولوون انه يعتدل وينموو
وينبض قلبه ويوولد طبيعي اذا ربي كتب


مدري هو صدق والا اسااطير الاولين خخخ

يا مساء الخير على ام وسن ومتابعاتها

ام وسونه كان الردود تجيب لنا مثل ها البارت لابالله ابشري كل شوي رد

اول شي مسألة العوار في وقتنا الحاضر ماعمري شفت بس

اعرف عجوز وشايب امي تقول هذولا امهاتهم

الشايب سبع سنين وهو عوار في بطن امه حتى ولدته

والعجوز اربع سنوات وولدتها امها

هم ماهم اخوان بس امهاتهم اقارب

العجيب با الموضوع ان امهاتهم طول فترة حملهم يتجدد وحامهم فيهم لحد ما نولدو

انا اتوقع انه حمل كذاب او زي ما يقولون الحريم الكبار سدد

وبعدها صار حمل عادي

ظافر ماله حق ابدآ ما يخاف الله هاجر الحرمه سنين ومنين

وجمد ورعانها في بطنها ""كنايه عن ان الحرمه الي مهيئه انها تحمل وتولدوزوجها يهجرفراشها


وزعل يوم كذبت ها الكذبه

انا ماني مع ام محمد ابدآ لكن ظافر هو الي حدها على ها الكذبه الذنب ذنبه

ويجي يعاقبها واخرتها طق سنه بساعه عسى يده للكسر

با العون ما تممت معروفك يوم قبلتها هديه من ابوها وصارت ام عيالك هذي ردت فعلك

والله انك ظالم ولا تستاهل يمد لك فنجال بمجالس الرجال

وانتي يا هيا يا عقيرب الطين تقرص ولا تبين ارتحتي عسى الله لايريحتس

وان شاء الله جايتس العقوبه

عقوبة ام محمد من شي الله واعلم سوته في ام فهيد

وانتي ان شاء الله وضحى السنعه توقع براستس وتمسح وجودتس مسح

ماعاد نبيها لمساعد نبيها لشيخ الانذال ظافر

ياغبني ياقهري منك يا ظافر

مساعد بنزوجه من بنات صويته عسى ما صويته ولا بناتها

خير يا صيته حاذفه البنت مع خلق الله

ياربي سترك من الجور خايفه ترجعين مع السواق

ولا خفتي ان قردتس تركب مع ولد خالتها وهو معه حرمته

ترى ابليس هو هو الي يوسوس لناس

السواق على الاقل انتن وش كثركن معه

كان لميتي بناتس واخذتي عبود ولد فياض بزعم انه رجال معاكن

ولا جبتي لخلق الله مشاكل انتي والمفضحه بنتس مليك

وش الي جد ياصيته طول عمركم والسووايق معكم

جت على ها المره غثيتن ترف على الفاضي

ترف والله ما الومها العقيرب الصفرا الثانيه معها

العقرب السودا هيا

وملاك العقرب الصفرا

من تحت لتحت طلعتها من طورها خير ترزز قدام طارق

.. حسيييييت نفسسي طفله حقوووده لا والله حقتس

والله انتس صبوره يوم ماذبحتيها

كان استعملتي نفس اسلوبها وقلتي

الحمدلله واثقه من عمري لو ما انا متأكده اني با اعجبه ويطير فيني ما وافقت عليه ترى محد طقني على يدي علشان اوافق

وهو محد حط سيف على رقبته وقاله خذ شيخة الغيد تروفه

البلا انتن سنين وطارق مقابلكن ما فكر فيكن

وش سويتن اختكن اخذت عزام ولا استمرت معه

تعرفين من هي حرمة عزام بعد اختس

وهزي لراستس بتهكم وقولي الله لايبلانا غصب تجيبون الكلام لنفسكم

اهم شي اقصري صوتك لا يسمعك طارق وامه وانتي تنغزين ملاك

تشوفين اذا ما طلعت من جلدها من القهر وبتصير الملامه عليها

خليتيها تثيرك والوقح طارق طول لسانه عليتس ويعاير

الي مثل طارق صعب انك تتنبئ بردت فعله

اخاف اقولتس روحي اقعدي عند اهلتس لين يتأدب

هذا مغرور وشايف نفسه مهما حبتس يبيعتس بدقيقه دق الله رقبته اناني

لأن ها الصنف من الرجال طبعهم كذا عندهم نرجسيه عجيبه

لو كنا دارين ان هذي سواياه كان قلنا لتس خوذي نواف هو كان شاريتس

بس وش نسوي فيتس انتي الي تبينه

تبين تعيشين معاه مالتس الا تسايرينه وتمشين بوجهه ومدح طيريه لسما

ولا تراددينه وقت زعله عليتس

لكن اذا هدا شوفي شغلتس خوذي حقتس منه

نجود الله يعينتس على الدعله الي اسمه فياض

بلاه من تبقق عيونه با القنوات والسفر با الحاله

زوجتس بداية مراهقه متأخره مع شوي زوغة عين من ربي خلقه

انتي عاد سوي عمرتس جاهله ماتدرين عن شي وسوي كل شي يبيه ويطلبه منتس واجرتس على الله واتركي عنتس العناد

مجبوره تسايرينه علشان وريعاتس

والا هو عسى الله يخلف عليتس اهم شي اسم رجال بكرت العايله ورعانتس ما يتنقلون من بيت لبيت

ليتس سمعتيه وهو يسولف على عمره

*هه من عقب لبناان ودلع بنات الريااض
آخذ هاالوضيييح اللي مااتعرف من غرضاان الحريم لو شي ...!


.. لو انهاا على مزاااجي كاان مايخاالف
آببر بحلف ابوووي واخذهاا
واقوول ابووي لزم علي واناا مااودي ..
سااعتهاا بيجي ابووي عذر ..


شفتي ماتاب لو لقى الافضل كان حذفتس محذاف ام حمد""ام حمد عجوز راحت ولا رجعت لهلها

وحلوفه مردوده عليه لاتصدقينه تسذووووووووووب

ابدعتي ام وسن في رسم شخصية طارق وفياض والتشابه الي بين الشخصيتين

فعلن الاثنين مالهم خاتمه

لدرجة اني خايفه انك تطلقين ترف من طارق والا تزوجينه عليها

هذا كل شي متوقع منه

ندى وعزام الله يخلف عليهم با الافضل

ياخوفي الي فيها غبن وقهر من شوفة طليقة عزام هوالي اثر عليها وخلاها تسلب

شوفت بنات صيته تقطع الضنى مابها شك وشلون لوكانت وحده منهن ماخذه رجلتس

غنادر وعزوز

غرقانين با العسل بس الخوف بعد شوي من قرص الدبابير ماهو النحل اذا اصرت غنادر على الدراسه

وعزوز عند عليها وش راح يصير ؟؟؟؟؟!!!!!!!

رياض تناقض مع شخصية فياض وهم اخوان سبحان الله

ديمه فاكهة الروايه واتوقع بيكون ثنائي رائع مع رياض

عند ثرثره وااااااااجده بس خليها لتعقيب ثاني

احس اني كتبت بارت ماهو رد


ابدعتي ام وسن

لقب اميرة الادب الروماااااااااانسي ما جا ابد من فراغ

با انتظارك متى مانزل البارت بس لاتطولين ابداعك مايخلي لصبر مكان

امتعتينا ببارت رائع امتعك الله بلباس الصحه والعافيه انتي ومن تحبين