ميني أوريو و الشوكليت التشيز كيك ,,
جبت لكم طريقه للميني اوريو تشيز كيك ,,, رووووعه الصراااحه وسهله جدا وطعمها غريب لإضافة عصير الليمون ,, وهذي الطريقه انا جبتها من موقع اجنبي ,, تمتاز الطرق فيه بالسهوله والغرابه نوعا ما ,, مثل مابتلاحظون الحين ,, خلكم معاي ,,,
• ندهن القوالب بالزبدة
• 
نطحن البسكويت ونضع عليه 7 م ط زبدة وربع ك سكر بني ,,ونخلط باليد وبعدين نضعه في القوالب مع الضغط على البسكويت ,, وندخله للفريزر ,, الى ان ننتهي من إعداد الكريمة ,,
نحضر 1 م ط جيلاتين باودر مذاب في ربع كوب ماء حار ,, ونتركها في حمام ماي حار الى ان ننتهي من خلط الكريمه ,, لأن اذا تركناها بدون حمام ماي حار بيبرد الجلاتين وبيخرب علينا ,,, وهذي الخطوه سوييها في البداية ,, بس حطيها في حمام ماي دافي مثل ماقلت قبل ,,
نضع في الخلاط ( علبة جبنة فيلادلفيا + 1 دريم ويب + 1 قشطة + ثلثين ك سكر + نص م ص ملح + 2 م ط عصير ليمون ) ونخلط المكونات الى ان تصبح مثل الكريمة الخفيفه ,,
جوكليت ال minstrels ,,اللي هنا للتزيين ,, بس حطيته قبل بالخطأ ,,
نخلط الويبينج كريم بالخلاط اليدوي ( كوبين وربع ) تقريبا مقدار العلبه المتوسطه للويبينج ,, مدة 2 – 3 دقايق ,, بتشوفين الكريمة تضاعف حجمها ,,
نجيب الحين الكريمه اللي خلطناها في الخلاط ونصبها على الويبينج كريم ,, ونخلط بخفه ونعوووومه ,, خخخخخ
الحين نصب الجلاتين على الكريمه ونخلط بهدوء الى ان يختفي مقدار الجلاتين,, مقدار الجلاتين لازم يكون ذايب واختفت حبات الجلاتين ,, وأحسن لج صبيه من خلال مصفاة ,, حتى تتأكدين من هالشي ,,,
الحين نجهز ربع كوب بسكويت اوريو مكسر صغير + ربع كوب شوكليت مذاب على حمام ماء حار ,, أي نوع تبغين ,, لأن بنقسم الخليط لقسمين ,, خليط بنحط معاه اوريو ,, والقسم الثاني بنحط معاه شوكليت ذايب ,, وهالشكل بيكون عندنا نوعين من الميني تشيز كيك ,, مثل الصورة
لما نضيف الجوكليت هنا ,, نخلط بحركه دائريه وبهدوء ,, لأن نبي الخليط يصير رخامي ,,
هنا انتهينا من المقدرا وحطينا كريمة التشيز كيك في القوالب ... وبعدين ندخله الفريزر لمدة ليله كامله ,, حتى يصير آيس كريم ,,,
وهذي انواع البسكويت والجوكليت اللي استخدمته للتزيين
وهذي قطع مو للي بترد اول وحده ,, لا ,, للي بتنفذ الطبق أول وحده ,,, هههههههه
أدري هلكتكم بالصور ,,, بس الصراااحه استمتعت وانا أصور ,,, ردودكم ياحلوااات ,,, تنسيني تعب تنسيق الصور ,, مو اعداد الطبق ,, بعد تقولون طريقه صعبه ,, ترى الطريقه سهله جدا وتستحق التجربه ,,,
لا أحلل ولا أبيح نقل مواضيعي خارج ليلاس ,, دون اذن مني ...
21-06-11, 10:04 PM
ميني أوريو والجوكليت تشيز كيك ,, قمة الجمال والروعه ..
جديد مواضيع قسم الحلويات
العرض الشجري
