الجزء اهـــــــــــداء الى اختي همسات وردة

أخيرا انتهى الزواج




الجزء السابع عشر

مشعل : علامك يبه


عبدالعزيز: ابد مافيني شئ بس وين عمتك راحت

مشعل : مافيك شئ وانت متلطم يبه احد صار له شئ

عبدالعزيز: مشعل راسي مصدع وماني فاضي لك

مشعل : يبه والله اقلقتني علمني يبه انا سندك

ومالك غيري ارمي حمولك علي وانا بعون الله شيالها

عبدالعزيز: خلاص بعلمك بس اول شئ خلنا نطلع من هنا مابي احد يسمعنا

مشعل : تامر ثواني اشغل سيارتي انت شكلك ماتقدر تسوق


عبدالعزيز: معك حق وشف امك خلها تدور احد يرجعها

البيت واذا سألت عنا قل طلعنا نوصل عمتك للفندق لا تنسى لحد

يحس

مشعل : خلاص تم

*************************************

هيا : نورة شفتي رجال عمتي

نورة : علامه ماشفت فيه شئ

هيا : مدري احسه ماكان طبيعي احد يدخل على حرمته ومايسلم عليها

نورة : عادي يابنت كل شئ جايز ان سمعت الرجال ليله الدخله يصير مو طبيعي ولاحد يشره

على تصرفاته

دانه : بنات شفتوا رجال عمتي



نورة & هيا بصوت واحد : وش فيه بعد

دانه : سم الله علي منكم مافيه شئ بس شفتوا

القمر اللي دخل معه

جعلها دخلة ماتنقطع يارب

هيا : من ياحظي

نورة : فيه غيره ولد العم بدر زمانه

هيا : بنات احس ان عمتي مها ماتطيق امي بس تجاملها غصب

نورة :من وين لك هالاحساس الحرمه انا

ماشفت منها اللي تقولين بالعكس عاديه جدا

دانه : لا وبعد حبوبه

هيا : انا مدري ليش قلت لكم

وحدة سلبيه والثانيه ماعليها شرهه



************************************



ام خالد : مبروك ياسعد جعلك مثل مازوجتها تزوج البنات



ابوخالد: الله يبارك فيك يامنيرة في حياتك ياأم خالد



ام خالد: وين ابومشعل ماهوب عندك في المجلس



ابوخالد: لاراح هو وولده

ام خالد: وين راحوا ام مشعل تقول ابطوا

وتسأل عنهم

ابوخالد : ليش هي هنا

ام خالد: ايه عندنا تقول ودوني لبيتي

ابوخالد: هالحين الساعة ثلاث الفجر خليها


تمرح وتعين خير وبكره بعد ما تفطر نوديها


ام خالد: عزمتها قبل تقولي بس عيت تقول اكيد

ابو مشعل فيه شئ والا ماخلاني

ابوخالد: اسمعي يامره انا الحين تعبان وهلكان

مزري من صجة الحريم

الرجال مافيه الا العافيه راح هو وولده

مشوار وتراهم معلميني وما عليهم خلاف ان شاء الله


يالله روحي يمها وعلميها

ام خالد: ابشر اللي تامر فيه



*************************************


مشعل : خير يبه وش اللي ضيق صدرك كذا

وانت قبلها كنت مستانس وماعليك أخلاف

عبدالعزيز: اول شئ دق على تلفون عمتك وعطني اياها

مشعل : تامر بس ليه

عبدالعزيز: مشعل سو اللي اقول ولاتزيد عليه

مشعل : ثواني بس

طلعت جوالي ودقيت على عمتي جوالها مغلق

مشعل : يبه جوالها مغلق وش اسوي

عبدالعزيز: دق على جوال اللي معها

مشعل : يبه من اللي معها

عبدالعزيز: وش يامشعل احيان احس انك منت بولدي

الثور رجالها ولاتقول ابوي يبيها قول انا ابيها

مشعل : يبه وش فيك شاب علينا صبر شوي




**************************************


الرجال موطبيعي من يوم ركبت معه وهو شاد وشكله مهوب صاحي

وكل شوي يحاول يكلم بتلفونه ومايلقى رد

وصلنا البيت صراحه شكله صدمني هذا البيت اللي بسكن فيه

انا شيهانه بنت خالد أسكن هنا

هذا حتى نزل بدون مايقولي انزلي معقول


رجال راكب سيارة كذا بيته يكون بالشكل هذا

نزلت وراه مجبرة والا اجلس بالسيارة طول الليل



ريوف : حيالله المعرس ماتقولي من هالناس اللي انت مناسبهم

مشرف: علامهم فيهم شئ ما عجبوا اخت طويل العمر

ريوف : مشرف تطنز حظرتك مدري وين راح

يودينا تفكيرك



************************************


دخلت على مشرف واخته وهم يتهاوشون

والمفارقه مو انا اللي ماأبي اسكن هنا

هذا اخته ماتبيني عندها

مشرف : خلاص اللي تبين ياريوف

صراحه صدمني تبين وانا وش ابي

تفجأت فيه يناديني هيه انتي انا انت

شيهانه بنت خالد انت وين صارت هذي

شيهانه : انا

مشرف : اجل انا يالله مشينا

نبي نروح لبيتي الثاني بيتي هذا


ساكنه فيه اختي وعيالها وزوجها المشلول

شيهانه : خلاص حاضر

حرام ظلمتها طلعت شايله حمل الله يكون بعونها

مشرف : الو من معي

مشعل : هلا النسيب الله حيه عمتي عندك ودي اكلمها

مشرف : هلا والله الله يحيك خلاص خلك معي ثواني

مشرف: خذي الجوال ولدك أخوك يبيك

شيهانه : الو

عبدالعزيز: ولاكلمة لايدري اللي جنبك اني انا اكلمك

شيهانه : هلا مشعل بغيت شئ احد صار له شئ

عبدالعزيز: اول شئ انت وين

شيهانه : الحين رايحين للبيت

عبدالعزيز: طيب تعرفين وين مكانه بالضبط كلمة وحده ايه والا لا

شيهانه : لا

عبدالعزيز: طيب اسمعي اللي بقوله لك يابنت خالد

شيهانه : خير عسى ماشر

عبدالعزيز: ولا كلمة علم افهميه زين ونفذيه


الكلب اللي جنبك لايلمسك لاني الصبح

باذبحه

خلصت المكالمه مع عبدالعزيز وانا على اعصابي


ليش قال كذا ليكون مدمن مخدرات والله شكيت فيه

وصلنا البيت وانا مادريت بس انتبهت يوم طفى السيارة

وش انا شكلي احلم هذي فله بس ليش موقفني

عند ملاحقها

مشرف : يالله انزلي وادخلي داخل وهذي المفاتيح انا بسوي مكالمه وجاي

شيهانه : أي مفاتيح

مشرف : مفاتيح ويش مثلا الفله مفاتيح الملحق

بيتك ياست الكل



**************************************


مشرف : الو مساعد

مساعد : هلا وجه النحس وش تبي

مشرف : مساعد عمي وشلونه

مساعد : وانت خليت فيها عم


مشرف : ليه صارله شئ

مساعد : تف منك انت وفالك طويل العمر مافيه ألا العافيه

مشرف : خله يكلمني بقوله شئ

مساعد : لايكلمك ولا شئ نفذ اللي قاله لك

مشرف : مساعد عمي تعبان تكفى قلي

مساعد : طويل العمر مسافر عمره لمكه قبل ساعة ومراح يرجع الا بعد اسبوع

مشرف : طيب وانت ليش منت معه

مساعد : ومن قال اني ماني معه انا معه


مشرف : طيب واتفاقنا

مساعد : هذا اللي هامك

مشرف : مساعد انت عارف اني سويت


كل هذا علشان ريوف المليون أبيه الها بعد ماموت

مساعد : تموت ماضنيت منت ميت لين تموتنا ناقصين عمر

مشرف : خلاص اسأله متى اخذ المليون

مساعد : بدون ماأسأله لاخذ الله أمانته




**************************************


حسنا : الو يبه

ابومحمد : هلا ام مشاري ليش داقه الحين

خلاص الفجر قرب يأذن

حسنا : يبه فواز للحين مارجع

ابومحمد: كلمي سكرتيرة وشوفي وش يقول

حسنا : مايرد يايبه سافهني

ابومحمد: لايهمك وانا ابوك فواز بسبع ارواح

كلها ساعة وتشوفينه فوق راسك

حسنا : يبه الوقت هذا مهوب وقت مزح

ابومحمد: يابوك انا مامزح بس وش اسوي

خلاص من اصبح افلح



*************************************



مشعل : يبه وش هالكلام اللي قلته لعمتي

حرام عليك روعتها


عبدالعزيز: وانت وش عليك اختي والا اختك

مشعل : لا يبه انت اليوم صاير لك شئ

علمني ماوعدتني تعلمني

عبدالعزيز: أخ يامشعل انا يلعب علي ويشمت

فيني اللي يسوى واللي مايسوى

مشعل: ماعاش يبه علمني من اللي


لعب عليك وانا اخلي دنياه اسود من الليل



عبدالعزيز: رجال عمتك استغفلني وخلاني


انا واخوي مانسوى وواحد مثل ابومحمد يضحك علينا

مشعل : علامك يبه والله مايخذ حقك الا انا

بس علمني وش سوى


عبدالعزيز: ماسوى شئ يامشعل

بس ماطلع يشتغل مثل ماسمعنا رجال عمتك

سواق

السلام عليكم و رحمة الله و بركاته

صباح الخير و الرضا من الرحمن

تسلم يمينك يا قمم بارت رائع

======================
(( شيهانة ))

الله يكون بعونها صعب إحساس المرأة لما تشوف الشخص اللي هو شريك

حياتها و اللي اختارته من بين الكل يعاملها بطريقة أقل من دونية و خصوصا

لوحدة مثل شيهانة معتزة بنفسها حيل ...

=======================
(( مشرف ))

هالإنسان من البداية مو نازلي من زور اللحين ما تحمد ربك متزوج شيهانة

على سن و رمح حتى لو عشان اتفاق بينك و بين معزبك يعني على الأقل

شوي أسلوب سنع الله لا يهينك ,, بس عجبني أنه خايف على اخته لدرجة

انه يتزوج عشان بس يوفر لها المليون اللي هي تبيه ...

=====================
(( فواز ))

اللي قاله مساعد أنه فواز رايح مكة يأخذ عمره أجل منوو اللي صابته

عدة جلطات مقولة مساعد يقول جذي كتمويه لمشرف أو صدق هو

ما فيه شيء ...

====================
(( عبدالعزيز ))

يامن يشوف وجهك يا أبو مشعل ,, طبعا الأنبير وصل عدة مليون و فوق

بس و الله انه ما يستحي على وجة داق على اخته بنصايف الليالي بس

عشان يقولها هالدرة المكنونة ,, هو صح معاه حق يعصب لانه مهما كان

هذا نسب و لازم الواحد يناسب من ثوبه و خصوصا لناس مثلهم حيل معتزين

بنفسهم ,, بس أتوقع أنه ما يقدر يسوي شيء لمشرف و راح يتدخل أحد يا

شيهانة أو فواز ...

=============

يعطيك العافية قمم بـ انتظار القادم



..
..
..

اووووف هذ1 عبد العزيز مأأيلـأععب ابد بيييذبحه مره وحددده

تدرٍِي عااد فهوود قأأأهرنِي ب قووووووه وفأأقععن مرأرتِي لـأنه ضرب مششرف وقأم عليه

وهو ألِي قأله تزوجهأ يعنِي هو مأله ذنب وأن كأن له فأيده من كل هذ1 وهو المليون لأخته بسس ولو

اسسلوبه معه وهو سكرتيره مسسسأععد يقهِر


وشششسسسمه اتوقع مأهو ذأبحه بيييموت قبل مأيخلص عليه عبدالعزيز لـأنه اصلن مريض .,

قمم البأرت مررره قصصصيره تكفى طوله يعنِي هو يوم وأحد ب ألـأسبوع ححأول تطوله لنأ

وشِي ثثأأانِي .,/<~ انا مقهوره =(

ععلقت ع البأرت ألمأضٍي ولـأرديت عععلِي مدري انا مااانتبهت <~ بس متأكده شفت ب الصصفحأت ردودك

ع ألكل ولادريت ع تعععليقِي>~~ فيس ينتظر الرد ^,^