كاتب الموضوع :
عبير قائد
المنتدى :
سلاسل روائع عبق الرومانسية
السلام عليكم ورحمة الله وبركاته
صباح الخير يا دكتورة عبير
بصي انا باخد نفس طووووووووووووووووووويل
عشان اهدى
اولا خايفة اتكلم معاكي بطبيعتي تزعلي
عشان انا اقسملك انك لو وحدة من القريبين اوي مني كنت قعدت عليكي بطتتك دلوقتي
يا لهوي ويخرابي ويانهار ازرق منيل بكحلي
الطم يا اخونا يقولوا الولية اتجننت
تعالي احكي معاكي شوية قبل ما اعلق على البارت
معلش استحمليني شوية يعني
على راي عادل امام شوية يعني
مشكورة ياستو هانم
اولا انا كانت حالتي تصعب على الكافر يوم راس السنة
ليه باى النت كان زفت الزفت
وسجدت شكر لله اني عرفت انزل البارتات بتاعتي
وبعدين اول ما النت اتصلح دخلت اشوف الاحتفالية الرائعة اللي فاتتني
فلقيت روبي راده على سيادتك
قلت ادخل اشوف الرد
استوقفتني كلمتها ان عم يوسف يستاهل الحرق زي عم نور
مكملتش الرد وجريت اقرا البارت وانا حاطة ايدي على قلبي
وبقول اه يا خرابي منك يا بيرو
الظاهر ان فيسك الحباب شادد حيله علينا في راس السنة
المهم قريت البارت وتنحت
تنحت
تنحت
تنحت
متخافيش معلقتش ولاحاجة
بس فعلا ده كان حالي ومحتالي
طبعا لن انكر السعادة الفظيعة وانا بطير مع العاصفير وعلى عش الحب وطير يا حمام انا وشادية ورشدي اباظة
احم سوري انا وهمس ويوسف الشهري
يستحق دلوقتي يتقاله يوسف الشهري بعد ما التزم وباى مؤدب وبيصلي وعال العال
كده تمام افنذم
وبعدين موت والدة عنان
خلاص كتر خير الدنيا وكلنا منها واليها
رفض عنان لرائد وظهور اغتت اخواته ابن عمها رافت
ده اسم ده تقابل بيه ربنا
استغفر الله العظيم
وبعدين المنيل على عينه وسام
ايه الهباب ده ياابني انت في حد يعمل كده
انت اهبل يا بني ولا شكلك كده
ليال ايه وبتاع ايه
بيرو سيبي فيسك الحباب عليه ده يستحق يتربى من اول وجديد
وبعدين حسيت اني باخد على قفايا من نهاية البارت
وده سبب التتنيح
انتي عارفة انا فريت الحتة دي كام مرة
انا قلت لنفسي ان اكيد النظارة عاوزة تتصلح او الكشف عاوز يتجدد
بس مصيبة زي دي لا ده بجد وحق وجقيقي انا مش بيتهيئلي
ولو مش خايفة ان حكومتي تقوم وتنيل عيشتي كنت رقعت بالصوت الحياني
وكنست السيدة زينب عليكي
ليه كده !!!!!!!!!!!!!!!!!!
تعالي يا بيرو قربي يا قمرة
متخافيش هكلمك كلمة راس
قوليلي همس دي اخدت منك البونبوني بتاعك وانتي صغيرة
يعني ضايقتك زعلتك
اصل كده مفيش بقايا يا روحي
البنت ادمرت تدميرا هائلا يا قلبي
بقت اشلاء يا عزيزتي
يعني مش عارفة اقولك ايه الصراحة
نيجي للجد باى
طبعا اللي فوق ده كله هزار وكوميديا سوداء من اثر الزلزال اللي في الرواية
ارجو انك متزعليش مني
ولو اتضايقي من اي حاجة استعملي حقوقك الاشرافية واحذفي الرد
بس بجد
الفصل رااااااااااااااااااااااااااااائع يا بيرو
ابدااااااااااااااااع يا قلبي
بجد يا خربيت شياطينك انتي ملكيش حل
وانا مستمتعة جدا بابداعك ومش ندمانه ولو ثانية واحدة اني بتابع معاكي الرواية
واوعي اوعي يا بيرو تغيري اي كلمة او فكرة في الرواية ارضاء لينا
لا انا عاوزة اشوف راسك دي حتودينا لفين
ده ميمنعش طبعا
اني هنضم للاعتصام واقوم عليكي البلد واقف في وش المدافع الثقيلة وانظم جبهة داخليه ضدك واعمل رابطة مشجعي همس ضد الطغيان والجبروت
بس كل ده ليس له علاقة باني بستمتع بالابداع
يسلم ايدينك يا بيرو
يا دكتورة يا جميلة
كل عام وانتي بخير
وينعاد عليكي بالصحة والعافية
وان شاء الله سنة جديدة سعيدة عليكي
واتمنى ان يكون الراجل ابو همس ده اتجنن او لسع وبيخرف
او اي شئ اه وامنيتي للعام الجديد برضه ان عم يوسف ده يتخطف من قبل كائنات فاضائية ويهاجر للمريخ
اوعي تزعلي من اي كلمه في اللي فات
واكيد منتظرة في الطابور لارى مزيدا من الابداع
الخميس القادم
وسوري على الرغي اللي صدعلك راسك
خدي بنادول واستحمليني
مووووووووووووووووووووة
في حفظ الرحمن يا قلبي
|
01-01-12, 11:18 PM
جديد مواضيع قسم سلاسل روائع عبق الرومانسية
العرض العادي
