شكرا جود .. موضوع بطل جميلتي ..
:
المفروض الام والاب والعائله عموما تكون مصدر امان لافراد الاسره من اطفال وشباب وفتيات
اكيد الابناء يتاثرون بما يحصل بين الوالدين وطريقه معامله كل طرف للاخر
:
الآبناء اللي تربوآ بجو كله هوشه ونجره وصراخ بتكون شخصياتهم مهزوزه انطوائيه وضعيفه او ربما العكس
عصبيه ومتسلطه ..
وتشوفون الشباب ببداية حياتهم الزوجيه تكثر عندهم الخلافات وربما تتطور وتوصل للانفصال
لان الزوج يبي يفرض نفسه واوامره مطااعه (مثل ابوه )
والزوجه ماتبي تكون ضعيفه وماتعرف حقوقها (مثل امهآ)
الشباب معذورين بصراحه..او مثل ماقال المثل ( مو جايبينه من بره ) يعني هم عاشو وتربوا بهاالجو اكيد بيأثر عليهم
اما سلبي او ايجابي.. واغلبهم للاسف لازمهم علاج نفسي

:

في كثير من الاسر للاسف يتخيلون الآب ( وحــــــــــــش) والآم > اعذروني < (خااادمه)
اكيد الاباء هم السبب ( يداك اوكتـــــــــآ وفوك نفخ)
الآب يحسب ان بطريقته بيفرض سيطرته واحترامه ع الجميـــــع والكل بيكون بخير وامان بهالطريقه
والام المسكينه تفتكر بكونها تمسح وتنظف وتطبخ وتسهر على راحه الجميع وتسمح للكل باصدار الاوامر
لتصبح مجرد آله لاكثر ولا اقل لتكسب ود ورضآ زوجها و المحافظه على صحه ونجاح الابناء
ممكن تتخيلون كيف بتكون الحياه في اسره مثل هذه..؟؟
البيت يعج بالحركه والفوضى وبمجرد اقتراب موعد رجعه الآب ,, يسود الصمت والنظاام .
وعند دخوله تستقبله الزوجه بطقوس الولاء ولطااعه وتقديم جميع وسائل الراحه وبالمقابل
وجه عبوس ولا كلمه حلوووه او (يعطيج العاافيه يام فلان ) شي يقهـــــــر
وياويلاها ويااسواد ليلهآ لو مره نست شي من هالطقوس او مرضت واحبت تدلل وترتاح بعض الوقت
بتنهان وتتشرشح مو بس قدام ابناءها !!! الا الجيران وكل اللي بالشارع بيتسمع
والادهى والـ آمــــــــر اللي يحمل زوجته مسؤليه مرض او فشل احد الابناء
والكثير من التصرفات الخاطئه تصدرمن الزوجين والمعاملات المشينه ربما نستغرب لو كانت بين عدوين !!!!

:

اما العائله اللي تنعكس فيها الادوار
الآم .. تخرج للعمل ومسؤله عن كل احتياجات الاسره
الخادمه .. تربي وتعتني بالاطفال
الاب .. اكل ومرعى وقلة صنعه !!!!!



بذمتكم تخيلوآ انفسكم احد ضيوف هالعائله ليومين فقط .. مو احد الابناء.. شنو شعوركم .. ؟؟؟
:

صديقه تشتكي من زوجها اذا جت تصحيه من نومه يقوم متنرفز ومعصب عليهاا
وينتهي الامر بهوشه او زفه محترمه
طبعا لاحظت فيها بعض ( الدفااشه) مثل مانقول
حبيت اقدم لها بعض التوجهات .. فقلت لها غيري طريقتج .. مثلا بوسيه على جبينه او خده بدل مااتهزينه هز
او تحنين فوق رااسه
والله كان ردها بالحرف /واذا ناايم بالصالة ؟؟ ياااويلي تبيني احب ابونآ قدام عيااالنآ
خخخخخ .. >>>والله لو مسووويه منكر خخخخخخ
وين المشكله لو اظهرتم القليل من العاطفه امام الابنااء؟؟
مثل مالهم نصيب بالمتابعة في اوقات النكد .. لازم يكون لهم نصيب اكبر بمتابعه الحنيه والحب
طبعا بحدود.. مو تنفلتووون قدام العيال خخخخخخ
الله يديم السعاده والرضا عليكم يارب

:
اعذروني عالاطاله .. لكن موضوع يمس اطفالنا فلذات اكبادنا ومصالحهم احس لازم اشاارك فيه
:
كل الود للمبدعه جود
واقوى شكر وعرفاان للغاليه حفيده للدعوة

















: