كاتب الموضوع :
شبيهة امي
المنتدى :
القصص المكتمله من وحي قلم الاعضاء
يسلمو ام رنو على البارت الحلو .......... اووه السالفة فيها توزيع نجوم عسى بس نلحق لنا على نجمة والله قمر كله واحد المهم نخمن شي صحيح ويطلع لنا نجمة من ام رنو
نجي للبارت واحداثه ........... الحمد لله انو زهرة اصرت على رايها وتركت الشايب العايب مع اني احسه ماتأثر داك الزود وماعرفنا شمسوي مع البطة هدهد الي اخذتها فرصة وطلعت حقارتها ونجاستها ورايحة تناظر الرجال
بس قهرتني بسكوتها وماخبرت ام ناصر الصدق اجل شستفادت من ترك بيتها كيف بتتغير حياتها وترجع بيتها بشروطها ؟؟؟ ان شاء الله حل ام ناصر يرجع الحق لزهرة ويحرق قلب بنت ابليس ويكون تأديب لها
اما شرفوه جات الي بتخليها تلتهي بعمرها لما تعرف بسوايا شايبها مع الصايعة المتصابية الي اخذها مااخس من الاولى الا الثانية مهما كان ماله حق ابو خالد يضرب ولده علشان العجوز الي اخذها لو فيهلا خير ماتصرفت بوقاحة حتى لو هي زوجة ابوه ..........
يعني هذا اولها يضرب ولده الوحيد علشان حرمة لاراحت ولا جات يعني بأقل حركة ممكن فريزا تقلب مخ ناصر على عياله دامه سواها وضرب خالد
اما فريزا حسبي الله عليها هذي بداية الغيث ونويصر ماقدر يطلع مراجله على شريفة طلعها بولده وينه يوم يظلم زهرة ويرميها هالرمية الله لايوفقه هو مستانس مع الصايعة الي ماخذها وزهرة متعذبة بسببه هو وشرفوه
اتمنى خالد يخبر امه ويخليها تجي على اول طائرة منها تلتهي بالهواش وتنكد على نويصر ومنها زهرة ترتاح من شرها وبنشوف ابو المراجل شبيسوي ساعتها
ام حسين كفو والله الله جابك يابنت الاجواد عليك في الحية الرقطاء الي مفكرة بحركاتها كل رجال بيناظر فيها ليتها وقفت عند الباب وسمعت بأذونها راي فيصل
مااعتقد انو فيصل من الرجال الي يهمهم الجمال الخارجي وهو شايف قبحها وعدم سترها وماراح يكسر غرورها الا كلمة ماتتوقعها من فيصل لو تكرر تصرفها الي بيكون اوقح من هذا وبتوقف مع فيصل بكل وقاحة وبيغسل شراعها وبيعرفها قدرها زين وبتعرف انو جمالها ولا شي بالنسبة لاخلاقها
اجل حاطة عينها على فيصل من سنين ومفكرة بتقربها لام فيصل بتكسبها مادرت انو ام فيصل فاهمتها صح وهي الي بتوقفها عند حدها اذا لزم الامر
يجي خالها الي صدقها يشوف تتهم الناس ببلاويها الي مسويتها بكل حقارة ولسى الي جاي اعظم الين تجور عليها دنيتها وتكسرها زين هي وشرفوه
ام رنو في انتظار البارت القادم على احر من الجمر
|