السلام عليكم ورحمة الله وبركاته


صباح الورد والفل والنرجس


ام رنــــــــــــا بصراحه تفاجأت بالاول ان عندك روايه الا وطلعو ثنتين

الله يعطيك العافيه والي فاجئني اكثر هو اسلوبك بالسرد والكتابه .....

خياااااااال رجعتينا لكم سنه وراء احس اني اشوف مسلسل بالابيض والاسود

وبعد شوي بيقلب ملون مع تقدم الاحداث و كبر سن الابطال وظهور اجيال ثانيه

فالف شكر لك على دعوتك لي لقراءة هالجمال



امممم مااعتقد باني في هالروايه بخالف التوقعات وبشذ وبحب احد اقشر

لاني دايما الي احبهم اساسا طيبين ومتطبعين بالشر اما هنا الشريين هما هدى وشريفه

وشكلها فريزا ... يعني كمان نسوان انسي احبهم شرهم ماصخ زيهم


نجي للابطال :

زهرة وابو ناصر : زهرة الله عوضها بهالشايب واسعدها و اعطاها الي فاقدته طول عمرها
بس عاد هو طبق المثل بالمقلوب ( يامن شرى له من حلاله عله )
وهو باع حلاله لها وجاب لنفسه البلى بالشكوك والهواجس والحين كملت بوجود العقربه هدى
وزهرة طيبه وبنت حلال بس عاد بتقدر تتواجه مع هدى وتغلبها بشرها ولا بتقضيها هم لما يموت الاخ
>>> ترى موت الرجال مالي دخل



ابو خالد وشريفه : يقولون " اتق شر الحليم اذا غضب " وانا اتوقع ان ناصر هو اسمه ناصر مو ؟؟؟
بيتزوج خالة شيري وانه كان يعرف اخبار البنت منها وان الحوار الي بينها وبين الشخص المجهول هو ابو خالد
وكلامها مع محمود عنه هو وانها خلاص بتوافق عليه طبعا هي بتوافق عليه بعد ماشافت انه مالها امل مع خالد
فالعوض ولا القطيعه كلهم عندهم فلوس خل تتكسب
اما شريفه هذي مابلعتها خير شر ويارب يتزوج عليها ويكسر خشمها بزوجته الجديدة عاد لو هي السوريه
ياويلها منها جمال ودلال وتؤبرني ابن عمي غير ينسى طوايفها كلهم

اما الجدة هي احلاهم كلهم خلها تخطط وتنفذ عالصامت والحق كله لها


ام امجد وعايلتها التحفه : الله يتمم عليهم مع اني حاسه ان توبة امجد ماراح تطول وبترجع لهم المشاكل من جديد


ابو فيصل وعايلته : ونعم التربيه ومبروك ماجاء هناء ومبروك لسلمى واكيد حتى رغم سفرهم ان حياتهم ماراح
تكون صافيه وبتعمها رياح المشاكل بس من منو >>لاني زوجت فريزا خلاص ههههههه


العله هدى : هذي الي مادري شلون بتتادب وهي هاجه من الرخمه زوجها وعيالها ومدبسه نفسها
عند زهرة ... بصراحه ياليت هالثور عبدالهادي يطلقها وتتزوج واحد جلف يادبها ويربيها من اول وجديد
والاكيد ان فوزيه مابتقصر فيها وبتقوم بينهم المعارك بس شلون وهي هاجه عنهم .....
فعلا فيه ناس ماتحب الا نفسها وانا ومن بعدي الطوفان وانت وضحتي هالفئه خير توضيح بهدى العله


عبدالهادي : ابي افهم هذا زي الي يرمي حاله من النار للبنزين ويولع اكثر صدق ثور وغبي


احمد : ههههههههههه مصر الاخ على كلمة خاله ومثبت عليها واتوقع انه بيتزوجها بعد موت خاله
وطبعا الارث بيلعب دوره بزواجهم من بعض خصوصا لادرت هدى بهالموضوع بتخاف يطلع الحلال لبرى
وبتصر عليه يتزوجها ....
مادري ليه عندي احساس انه بيشوفها قبل موت خاله وبينصدم منها انها صغيرة وجميله ومنها بيتعلق فيها


ام حسين : صحيح فيها طيبه بس ماتشفع لها ابدا وش هالتخلف الي عايشه فيه هاجه عن رجالها وبيتها
وعايشه ببيوت الناس تجمع اخبارهم لا ومن اول العصر خيييييير كأنها وكالة انباء متنقله
لا وطالعه نازله دعاء ببنت الناس طيب قومي عدلي حالك صلحي امورك عسى يرجع لك الغايب
لكن ابد ماتشوف الا غلط غيرها وهو اصلا مو غلط لانه طلع يدور راحته فين ...


يعطيك الف عافيه ام رنو ( الا صحيح انت طلعتي زيي شوشو خخخخخخ )
وبانتظار بارتك الجديد واعتبريني متابعه جديدة عندك