وعدنا بعد استرخا 10ايام بعيد عن المسعوليات والابو وكل ابو حاجه

الله يمسيك بالخير يازنجول الشمال التركي هالوقت غيم ومطر وحنا حر وشمس تميع روس الابل على قولة أميمتي جعلها للجنه


قطعه من الجنه مع الهدوء على كثر مالفيت مثل انس زنجول ماشفت تشرح الصدر اذا صدح صوت الاذان

حتى في راس الجبال مساجد

الريف افضل بكثير عن صخب اسطنبول. محدثتكم عاد تسنها عجيز ماداني الا زعاج

لفتو انتباهي اهل الارياف شعب شغيل نظيفين جدا جدا جدا احس ودي ابكي من نظافتهم. ماتشوفين الا مليات الاسره وقطع السجاد منشره على الكوخ هههههه ًً
يغسلون شوراعهم وسيارتهم دايم يغسلون اضحك عليهم قلت لو يجيهم عجنا بيطقهم وسواس قهري. هم وطبيعه وموسوسين وشلون لو جاهم عجنا



اه ياعجزهن تقطع قلبي على أميمتي جعلها للجنه وجداتي يوم كانو يتكلمون عن ايام الشقاء ماكنت اتخيلها الا لمى شفتها بعويناتي
يحصدن ويزرعن وحالتهم لله من تشرق الشمس وهم يبدون شغلهم الى ان تغيب.
وعجزهم ماشاء الله يطلعون الجبال تحسرت علينا ههععع

حتى بزرانهم يشتغلون.

مدري شعب جميل طيب بشوش


مير حزني شي واحد العرب دلو طريقها ومايحتاج اقول وش كثر العرب نظيفين هههع

اضحك اقول بعد سنتين تقلب زنجول وصخه واهلها يتكلمون عربي بيفسدون اخلاقهم ههههععععععع



ف عز الكلام سكت الكلام

هههههه الحمدالله يالنوري ان فيه احد يشاركني هالمشاعر



ف عز الكلام سكت الكلام

الذين يشاهدون محتوى الموضوع الآن : 2 ( الأعضاء 2 والزوار 0)
‏عذرا ياقلب, ‏شبيهة القمر+
يابختي وياكبر حظي النوري هنا. ايه يالنوري لاشفت زولك تطري على الايام الخوالي ويفز قلبي



ف عز الكلام سكت الكلام

ليلاس له مكانه بالقلب مالها منافس. وكل شخص مريت وتكلمت معه هنا له برضو مكانه عزيزه عندي. ليلاس وطن الاحبه

والا عضاء الاختفو الله يذكرهم بالخير. اذكر كان في لعبة ليلاس بعد خمسين عام وكنا نضحك منها لكن الحبايب معظمهم اختفى ماكمل سنتين.

على كثر الشخصيات الا مرت علي لكن ثنتين كانو قريبات جدا من قلبي وانقطعت اخبارهم ياربي يكونون بخير وين ماكانو. غسق. والله يسر ظروف ام فراس. مدري وش الدنيا بها


ونجلاء الريم ايه ياخريش فرضت حبها في قلبي طيب غصب. اخت واكثر من اخت وقفت معي كثير في عز شدتي. وانقطعت اخبارها عسى مانعها خير.

قلبي معك الله يسر ظروفك وين ماكنتي


فضفضة


تهيضت يوم شفت زول النوري في بيتي وذكرتني بالحبايب.
ف عز الكلام سكت الكلام

مسائك عشر ذي الحجه يابيتي

دائم اسمع عملك هو ونيسك في قبرك في بيت الوحده والظلمه كانت دائما أمي الله يغفر لها تكررها دائما اتاثر وقتها وانسى في مشاغل الحياه

اليوم صار موقف قدام عيوني. ذكرت كلام أمي

فعلن ونيسك هو عملك الصالح اذا وريت تحت التراب بيذكرونك اهلك ثم تشغلهم الحياه تبقى انت وعملك

الله يوفقنا الى العمل الصالح الذي يبلغنا رضاه والجنه

ف عز الكلام سكت الكلام