أول شي أحب أشكر أم رنا على هالدعوه ,, والمقدمة الحلوة ,, وان شاء الله تعجبكم سفرتي الشعبيه اللي حبيت انها تكون من صميم التراث القطري ,, حتى تتعرفون على أكلاتنا القطريه ,,
1- متى أول مره طبختي ؟
ما أذكر ,,, بس كانت لي تجربه في رمضان ,, يوم كنت بالمتوسط ,, وسويت فطور لزميلتي في المدرسه وأرسلته لها ,, وأتذكر انو أعجب الكل ,,
2- أول طبخه طبختيها ؟
أعتقد البيض المقلي ,, خخخخخخخخخ
3- أول طبخه نجحتي فيها وممن تعلمتيها ؟
المجبوس ,, وتعلمتها من امي الله يرحمها ,,,
4- كتاب طبخ دائما ترجعين له ؟
كتاب السفره الخليجه ( أفنان الزياني ) وكتاب خفايف ( مريم عبدالله ) كتابين روووعه
5- متى تجهزين الغدا ومكوناته من الليل أو في وقت الطبخ؟
اذا عزيمه أحب أجهز قبلها بوقت ,, أما اذا غدانا اليومي ,, في نفس الوقت ,,
6 – هل تستمتعين بالطبخ وتحبينه وألا تحسينه واجب ثقيل ؟
أحبه والحمد لله وأستمتع فيه ,, مع أن بعض الأحيان أحسه ثقيل علي بحكم عملي ,, لكن لما أدخل المطبخ وأندمج ,, خلاص ماحس بالوقت ,,,
7- تحرصين على تزيين أطباقك وإلا بالبركه ؟
اذا كنت رايقه زينت ,, والا بالبركه ,, لكن اذا فيه ضيوف ,, لا ,, لازم أزين الأطباق ,,
8 طبخه تتقنينها وكل ما عملتيها لازم اللي ذاقها يسألك عطيني المقادير وطبعها تحطين لنا الطبخه بمقاديرها
اللقيمات ,, مع اني تعبت وايد لي أتقنتها ,, لكن مع الإصرار حققت هالحلم ,, ههههههه ,, فيس يناظر لطوفه
ومقاديرها ,, 2كوب طحين رقم 1+ 2كوب طحين رقم 2+ 2م ك خميرة فوريه + 3ونص كوب لبن خاثر ويكون بحرارة الغرفه + قليل من ماي الورد منقوع فيه نص م ص زعفران وشوية هيل ,, نضع المقادير جميعها في زبديه ,, وتخلط بالمضرب اليدوي حتى تتجانس المقادير ,, نغطيها ,, نتركها في مكان دافئ مدة ساعتين ,, وتحمر بالطريقه المعروفه وعلى نار هاديه ,, ونتركها تتحمر ويصير لونها ذهبي من جميع الجهات ,,لأن اذا كانت النار عاليه ,, راح تتحمر بسرعه ,,ومو من جميع الجهات ولما تحطينها في القطر بتصير لينه ,, وغير مقرمشه ,,
وهذي اللقيمات ,,
9_ أداه في المطبخ لا تستغنين عنها ؟ وإذا كان بالإمكان صوره لو من النت ؟
الأداة اللي تقشر الخضروات وهي من الستيل ,, مع إن جميع الأدوات هااااامه جدا في المطبخ ,,, وهذي صورتها ,,,
10- شيف أو طباخ تحبين تشوفينه يطبخ ؟
أفنان الزياني ,, طبخها روعه ,, منال العالم والشيف أسامه ,, أحب آخذ أفكار منهم ,,,
وأخيرا تخيلي أننا موجودين عندك ومدي لنا سفره من صنع يدك
عاااد هنا أنتي وكرمك وياليت تكون بالصور والطريقة
عند الاستطاعة ؟
طبعا ما نبي كلفه حنا خوات ,,
على كثر ماأسعدني دعوة الغاليه أم رنا ,, على كثر ماكنت أتمنى انو فعلا هالدعوه انا اللي موجهتها لكم وتكونون فعلا في ضيافتي وفي بيتي ,, لكن ....
المهم اسمحوا لي اني انتهز هالفرصه حتى أعرفكم على أطباقنا الشعبيه القطريه ,, لأنو أحس مو الكل يعرفها ,, وهالفرصه جاتني ألحين ,, وأتمنى انكم تستمتعون فيها وتنال أعجابكم يارب ,,,
ياهلا والله ويامرحبا فيكم ,, وياليتها حقيقه ,, تفضلوا سموا ,, حياكم الله ,, أقلطوا ,, وسامحونا على القصور ,, هذي مب كرامتكم ,,,
تفضلوا بردوا على قلوبكم ,, أكيد تعبانين من المشوار ,, عصير الفراولة مع المنعش ,, مسويته لكم بنتي,,,
حليب الزنجبيل بالقرفه ,,,
شاي حليب كرك ( الغني عن التعريف )
وهذي أطباقنا الشعبية القطرية أولها ,,,
[الهريس
url=http://www.anagulf.com/]
[/url]
[الثريد
url=http://www.anagulf.com/]
[/url]
المضروبة ,, هذي سويتها لكم مخصوص ,, وهي عبارة عن حبوب القمح الجروش ,, وتسوين لها مرق دجاج أو لحم ,, وتضيفينه للمرق ,, وتتركينها تطبخ من ثلاث الى أربع ساعات ,, لكنها رووووعه ,,
ومحبوب الملايين (( مجبوس الهامور ))
محمر السمك (( وفيه ناس يسمونه البرنيوش ,, وهو عباره عن سكر يحمر مثل الكراميل ,,وتضيفين له ماي ,, ثم الرز ,, ويقدم مع صالونة السمج المطفي ,, واااو روووعه ,, وهو معشوق الرجال ,, وايد يحبونه ,,
مجبوس الدجاج ,,,
وهذي حلوياتنا القطرية ,,,
الساقو ,,,
الخنفروش ,, وهو عباره عن طحين الرز مع هيل وزعفران وسكر وحليب ,, وااااايد حلو ..
والخبيص ,, وهو طحين أو سميد ,,يشفشف ويضاف له السكر والهيل والزعفران ,,
البلاليط ,, هذي أكلتنا على الفطور يوم الجمعة ,, وأحافظ انا على هالشي عشان عيالنع يعرفوت أكلات أهلنا القديمة ,, ويحافظون عليها هم بعد ,, والحمد لله نجحت في هالشي ,, لأنهم تعودوا عليه ,, ويومنا مميز بها الطبق التراثي ,,,
البثيث ,,وهذا طحين مشفشف ,, وبعدين تضيفين له التمر والهيل مع السمن البلدي ,, أكله قديمه جدا ,, وحلوه جدا ,,
والرنكينه ,, هذي مو قطريه ,, لكن الحين وايد ناس يسونها ,, خصوصا موسم الرطب ,, وهي عبارة عن رطب مستوي بس مو لين وايد ,, وتحطين مكان النوى جوز ,, وتغطينها بالطحين المشفشف مع سمن بلدي ,, وترشينها بالهيل والفستق ,,
[حلى الشعيرية بالسميد,, وهذا الصراحه مو شعبي ,, لكني وايد أحبه ,, خدامة أختي هنديه وعلمتنا اياه ,, ويصلح للشتا ,,,
url=http://www.gulfup.com/]
[/url]
وان شاء الله تعالى تكون سفرتي أعجبتكم ,, مع اني كنت أبي أحط لكم الصور من عندي ,, وأنا اللي أكون مسويتها ,, لكن أنا هالأيام انشغلت مع ولدي ,, عشان أزمة الربو ,, ادعو له خواتي ,,لكن مع ذلك في طبخات سويتها لكم مخصوص ,, وحطيت لكم صورها لكن الباقي من النت ,,وسامحونا على القصور ,,,
هاااااااه ,, ان شاء الله أعجبتكم سفرتنا القطرية ؟؟ 
وأخيرا كثر الله خيرك واكل طعامكم الأبرار وصلت عليكم الملائكة وذكركم الله فيمن عنده
12-03-11, 12:16 PM
جديد مواضيع قسم ركن المطبخ
العرض العادي
