كاتب الموضوع :
نسايم نجد
المنتدى :
الارشيف
البارت الحادي والثمانون
عند نوف
شافت الفستان بيد نوره ابتسمت لها وقربت منها وبحنان / اعجبك
نوره حاولت تتصرف تصرفاتها المجنونه لكنها فشلت فوجود نوف يوترهاا ويفقدها السيطره على نفسهااا صارت تتجنب تناظرها لانها متاكده نظراتها بتفضخها لانها نست الجنون مقابل الانبهار ألي تشوفه فوق الخييييييال
نوف بحنان / حبيبيتي بتلبسينه ولا ادخل البسك
بققت عيونها من الصدمه مستحيل تسمح لغير امها تغير ملابسها وتكشف جسمهااا
مشت قدام نوف متناسيه الجنون دخلت الحمام مبتعده عن المغسله خايفه تشوف شكلها بدلت ملابسها عند الباب ابتسمت على الفستان الطويل يوصل للارض رفعته بيدها وطلعت وهي تحاول ترجع نوره المجنونه شافتها واقفه والابتسامه المدمره على فمها سرحت فيهاااااا
نوف واقفه تتاملها ابتسمت وهي تشوف فستانها شلون طويل ويبي له تقصير ارتفعت عيونها لشعرها المقصوص بشكل عشوائي وملامحها المختفيه من النحافه
قررت تاخذها لمشغل وتضبط لها قصة شعرها وبتهتم بتغذيتها متاكده اذا امتلت بتصير احلى
وبابتسامه في نفسهااا / لودرت عني مها وش بتسوي اكيد بترفض الي اسويه وبتنجن من استقبالي لطبينتي ههههههههه
وبحزن / مستحيل اسمح له يخليها نوف ثانيه وتصير مجرمه
نوره عيونها على نوف تتامله كل تفاصيل وجها المبهره تحلف بحياتها ماشافت ولا راح تشوف مثل هالجمال ا الخارق
شافتها تقرب منها
نوف شافت عيون نوره شاخصه فيها ضنتها خايفه منهااا
نوف بحنان / خايفه مني
نوره بدون ماتحس هزت راسها بالنفي
انتبهت لحركات نوره الطبيعيه الاقرب لطفوله اكثر من الجنون حمدت ربها داخلها انها مازالت هادئة وتتمنى تستمر على هدوئها لين يتعودون على بعض
سحبتها بهدوء وجلستها على السرير وبحنان / شكلك تعبانه
نوره قلبها فز مشتاقة لامها فحنان الانسانه الي قدامها ذكرها بامها الي ماتدري وش صار فيها بعد ما تركتهااا نزلت دموعهااا بحراره
نوف بحنان / مشتاقه لهلك
نوره حاولت تمنع نفسها تبكي لكن زاد بكاهااا
نوره ذكرتها بماضيها وغربتها وحتى الخوف تذكرته قربت من نوره وحضنتهااا بحب / لا تخافين حبيبتي انا معك
بصوت مبحوح / لا تخافين بتنامين معي بغرفتي
سحبت نفسها عن نوره ووقفت وسدحتهااا على السرير وهي انسدحت بالطرف الثاني عرضت نوف ظهرها بتفضي كل الضيقه والحزن الي داخلها لكن تفاجئت من اليد الحنونه الي تمسح على شعرهااا
وبحزن / الي مايخاف ربه يبيك تصيرين مجرمه وتذبحيني
نوره بققت عيونهااا مصدومه معقوله تكون هذي الانسانه الي الغريب كارهااا ويتمنى موتها والقهر انه متزوجهااا علشان تذبحهااا
طيب وش الشي العظيم الي سوته علشان يبيها تموت ويفتك منهااا معقوله جمالها وطيبتهااا ماشفعت لها عنده
كملت نوف بحزن موجع ودموعها بدت تنزل على خدها الناعم
/ مستحييييل اخليه يعيد فيك ماساتي وتصيرين مجرمه مثلي ويخلون منك نوف ثانيه تنام بكوابيس وتصحى بكوابيس والندم والقهر ذابحهااا
انفجعت اكثر وبنفسهااا / معقوووووووله تكون مجرمه ومن الي ذبحته اكيد الغريب يبني اذبحها علشان تندفن جريمتهم
كل حواسها مع نوف تنتظرها تكمل وتطفي فضولها لكن خاب املهااا وماصارت تسمع الا شهقاتهااا
نوف بهالحظه تذكر كل احداث الماضي بصمت حتى مع المجنونه ماتقدر تتكلم عنه يكفيها سالم الي قالت له جريمتها باردتها لكنها ما ستفادت شي وزين منه للحين ساكت متاكده مو علشانها علشان سمعت اخووه وهي بطقاق عندهم
نوره سمعت صوت بكاء نوف ومتاكده ان الي فيها شي عظيم وبنفسهاا / اوووووووف شكلي بنسى جنوني بهالعايله
عند تركي
طلع من بيت اخوه وركب سيارته تذكر شنطة نوره
نزل وفتحت الباب الخلفي واخذ الشنطه ورجع يطق الباب
بعد دقائق انفتح الباب شاف شوق واقفه قدامه وبعصبيه / اذا جاي بتاخذها ما ضنتي بتقدر صارت من املاك امي
وبابتسامة سخريه / وشكل وصاياك لها بتنقلب العكس
ببرود / وينها فيه
شوق بابتسامه تقهره / تصدق انها نايمه بحضن امي وصايره بينهم صداقه
توقعها بكلامها تغيضه مستحيل يصدق بهالدقائق صار الي تقوله عنده امل كبير انها تفكه منها
ابتسم بسخريه ومد لها الشنطه
/ خذي عطي لها وماوصيكم عليها
شوق بعصبية / اذا تهمك خذها عندك لاني ناويه عليهااا
ولو كان بكيفي كان بقت بالحوش لكن القلب الحنون ما رضت تخليها ودخلتها غرفتهاا
تركي بعصبيه وصراخ / شووووووووق
شوق بحزن / توقعت امي تطردها لانك جايبها لكن الغريب انها هاوشتني بسبتهااا وقالت انكم ما تخافون الله
تركي بسخريه وحقد / والله وانقلبت مطوعه وراعية مواعظ خليها تنصح نفسها تراني تركي كاشفها وفاهمها وعارف من أي نوع من الحريم خلها توفر مواعضها لنفسها يمكن تستفيد
شوق بجديه / اموت واعرف وش بينكم ليش بينكم كل هالكره والحقد ولي متاكده منه انك ماشفتها ولا ماكانت ذي علومك
وبابتسامة / عمي ادخل واحلف لك اذا دخلت منت بطالع وبتلعن الساعه الي ما دخلت البيت وشفتهااا
تركي ناظرها بعصبيه وحذف عليها الشنطه / خذي ملابسها
طلع بدون مايسمع ردهااااااا
ركب سيارته
وبتفكير / ليش كلن يمدح فيهااا ويتوقعوني اضعف قدامها
وبحقد / تخسى اضعف قدامها
كلامه مع شوق زاد من عصبيته ما يبي يرجع البيت ويقابل امه وتشب بينهم
وقف سيارته مقابل بيت ركان من بعد المستشفى ما شافه بيطمن عليه وينام عنده
عند ركان
متمدد بالمجلس وراسه ملفوف بالشاش ومقابله صقر
من بعد الي صار وصقر يستفزه بكلامه وتلميحاته
ركان بعصبيه / تراك صدعت راسي بهذرتك ومعاد احتمل منك حرف واحد
صقر بابتسامه / اعوذ بالله صاير كبريت الي بفهمه طول عمرك تقول لي كل شي بمداهماتك وش معنى هذي المداهمه ماتبي تقول
اكيد ان فيهاااااااا ان
ركان بعصبيه / قلت لك مداهمه مثل غيرها ونضربت فيها وهذا الي عندي صدقت صدقت ولا بكيفك
سمعو صوت الجرس
ركان بعصبيه / قوم افتح الباب يمكن يجي احد يفكني منك
صقر وقف / صاير صبي لك افتح البيبان واغير جروحك
ركان بعصبيه / محد جابرك تبقى عندي والي تسويه تطوع منك
صقر بعصبيه / اعوذ بالله صاير حريقه لازم اعرف وش حايسك علي
مشى من قدام صديقه الي انقلب بعد سالفته مع شوق وصار ما يتحمل و يعصب وخاطره ضيق
فتح باب الشارع وبابتسامه / حيالله المعرس زين انك حي قدامي
دخل تركي وسكر الباب وراه / ترى نفسي على طرف خشمي لاتزيدها واحط حرتي فيك
صقر / اعوذ بالله منكم مدري ليش متحملكم صاير ما ينقعد معكم هذاك معصب وانت تنافخ
تركي يدخل ويسكر الباب وراه / وشلونه خويك
صقر بعصبيه / خويك بعد المستشفى ما ينتحاكى صاير حريقه وكله معصب و مايتحمل مني حرف
تركي بستغراب / وش متغير عليه
صقر بجديه / من بعد المداهمه المشئومه وخويك منقلب
رفع حواجبه بصدمه / ماهي اول مداهمه له علشان تقلب حاله
صقر وهو يدخل عند باب المدخل / لي يومين بعرف سالفة هالمداهمه لكن مافي امل قلبي يقول ان فيه شي كبير مضايقه وخاشه عني حاولت بطرقي الملتويه اعرف لكن مافي امل
دخل المجلس وعيونه على ركان / السلام
وقف ركان / وعليكم السلام زين جيت تفكني من تحقيقات صقر
اخذو بعض بالاحضان ورجع ركان لمكانه وتركي جلس مقابله وعيونه تتامل صديقه وصقر واقف عند الباب متسند عليه
تركي بجديه / قول الي مضايقك ترانا نعين ونعاون
ركان بعصيه / لا اله الا الله قلت لكم مافيني شي
تركي بجديه / لا والله ان فيك شي وكبيررر
صقر دخل وبابتسامه / زوجه بنت اخوك يمكن تروح شياطينه
تركي بجديه / خويك عاجبه وضعه من ملك ما كلمنا عن العرس
ركان بعصبية / وانت فاضي لي من زواج لزواج وغيرك بحريقه
تركي بابتسامه / حاسدني على زواجاتي ماخذت الا العرجا والمنكسره
صقر بابتسامه / والله عندك الي تسوى كل الحريم لكنك مطنشهااا
تركي بسخريه / ومنهي ان شاء الله الي تسوى الحريم
ركان بعصبيه / الي من تزوجتها وانت هاجرها حتى ما كلفت على نفسك تدخل وتشوف وش متزوج
تركي بحقد / ما يحتاج اكلف نفسي واشوفهااا عجوز شهبا لهباااااااء
صقر تذكر شكل نوف وكلام تركي / هههههههههههههههه
تركي بعصبيه رفع حاجبه / وش يضحكك
صقر بابتسامه / اضحك من كلمة شهبا ولهباء والله لشفتها تضيع علومك
تركي وعيونه على صقر وبعصبيه / وانت وش يعرفك فيها لا يكون مخاويها
وقف صقر وبعصبيه / ثمن كلامك واحترم الي اسمها زوجتك واحترمني مو صقر الي يخاوي
وقف تركي مقابل لصقر وبعصبية / اذا منت مخاويها وش عرفك بزينهاااا
صقر بعصبية / الشرهه علي الي بفتح عيونك المقفله عن الملاك الي متزوجهااا لكنك منت بكفووو
تركي بحقد / عارف من تكون الي متزوجها مايحتاج تلمعها قدامي
ركان بعصبيه / شكل اخوك غاسل مخك على الاخر حتى ماعطيت نفسك فرصه تشوفها وتتاكد اذا كان كلام اخوك بمحله ولا كاذب عليكم
تركي بعصبيه / وصلت انكم تجرحون بالاموات وناصر لو قالي البحر اخضر صدقته الي مثل ناصر ما يكذب
صقر بسخريه / ناصر ما يكذب وكلنا كذابين
انا شفتها بعيوني والله انها تذذذذذذذبح ولو ما كانت زوجة ابو ركان كان تزوجتهااا لانها اخلاق وجمال
تركي بسخريه / وليش ماتزوجتها بعد مامات ابوه وفكيتني منها
صقر بسخريه / نسيت اني زوج اختك ولا تبيني اخذها عليها قبل لا اتزوجهاااا
ركان بعصبيه / فكوناااااااا من هالموضوع الي النقاش فيه عقيم
جلس تركي وجلس صقر وركان بجديه / ابي زواجي بعد اسبوعين
ناظره تركي وبصدمه / بعد سبوعين
صقر بابتسامه / انت يا بارد يا مستعجل خلك وسط
ركان بجديه / شوفت عينكم طايح ومعندي من يهتم فيني
صقر يمثل الزعل / يالنذل والي اسويه معك وش تسميه
ركان برجاء / محتاج زوجتي في بيتي طالبك يابو ياسر
تركي بجديه / البنت لازم تتجهز لزواجهااا وما ضنتي سبوعين تكفيهااا
ركان بجديه / ان شاء الله بيكفيهااا
صقر بجديه / والفندق علي هدية زواجكم
ناظره تركي بسخريه / وانت متى بتحدد عرسك ولا شطارتك تحجز لغيرك
صقر بضيقه / احنا للحين جروحنا ماطابت ومتى ماطابت بحجز في افخم فندق لعيون اخت تركي
تركي ماحب يتكلم بموضوع اخته الي للحين مجروح بسبته
ركان باصرار / وش قلت
تركي بجديه / لازم موافقتها واذا وافقت ماعندنا مانع هي زوجتك وتقدر تاخذها من الليله لكن البنت لازم تفرح
ركان بجديه / شاورها اذا وافقت بلغني علشان اخلص اموري
تركي بجديه / بشاورها اذا وافقت عجلنا الزواج واذا ارفضت الله يعينك تصبر
صقر بابتسامه / ماضنتي اته قادر يصبر ماشفته يومه طايح عند بيتها يبيهاا اتعالجه لكن جيته وخربت عليه
تركي بتعب / اليوم نومي عندكم مالي خلق ارجع للبيت
صقر بابتسامه / والله حالتك حاله متزوج ثنتين ومنت مستقررر
تركي بهيااااااام / لتزوجت الي ابيها منتم بشايفين وجهي وكل وقتي وحياتي لهاااا
ركان بسخريه / يمكنها في بيتك وانت معمي عنهااا
تركي بعصبيه / الله يشرفهااا عن العلل الي ماخذهم
صقرررررر بسخريه / دخيلك تركي لشفت ام سالم ابيك تصور نفسك ابي اشوف ردت فعلك بشوفتهااا
تركي بعصبيه وبقرف / ريح نفسك ماني بشايفهاااا
وقف صقر بهدوء / بطلع اجيب لنا عشاء وش مشتهين
تركي بتعب / انا مشتهي النوم اليوم كان متعب لي
ركان بجديه / مجنونتك جبتهااا ولا تركتها عند اهلهاااا
تركي ماحب يقول لركان انها عند ام سالم لانه بيستلم محاضره هو في غنى عنهاااا
تركي بعصبيه / مالك شغل بمجنونتي
صقر بسخريه / بروح اجيب عشاي واكيد ماجيكم الا متذابحين
طلع صقر
وتركي / وين بنام تراني معاد اقدر افتح عيوني
ركان بهدوء / كل غرف البتت فاضيه الغرفها الي تختارها نام فيهااا
تركي بجديه / مافيني اطلع فوق خلني انام تحت
ركان بجدية / اذا تعبان تمدد على الكنب بعد العشاء نام معي بالمجلس
تركي تمدد على الكنب وبتعب / مالي نفس للعشاء
ركان ناظر فيه شافه مقفل عيونه وقف وسكر النور وطلع بالصاله وتركي غط بنومه عميقه
عند ديماااا
لها يومين عند امهااا الي تجلس معها دقائق بعدها ترجع تنام وطول ماهي جالسه تكون سرحانه وحزينه قلبهااا محروق على امها ومحرق من فكرة زواجهااا
ارتاحت كثير لسمية وصارت بينهم سوالف كثيره واغلبها عن الجامعه وعن صديقاتهااا
متجنبه تضايقهااا بخطبة امهاااا
وسميه حست ديما قريبه منهااا ميولهم متشابهه برغم من فارق العمررر سميه تقدر تسحب الي قدامها لهاااا
طلبت من ماجد يجيب بناته عندهااالهدف في نفسهاااا تبي ديمااا تشوف بنات اخوها المحرومات من امهن ويحن قلبهااا عليهم وهذا الي صار
البنات لهم ربع ساعد جالسات مع عمتهم شافت امهاا طالعه من غرفتها واول ماشافت البنات ركضت واحضنت حنين بحب
شافت شلون امهااا تغيرت نفسيتها بشوفة هالبنت بدون ماتهتم بالباقيات
انعصر قلبهااا على حال امها شلون ادور بنتها بغيرهاااا
تكلمت بصوت واطي حزين / ليش امي متعلقه بهالبنت
سميه بحزن / دمدومه امك محتاجه لهالبنت والبنت وخواتها محتاجين لهااا
شفتيها شلون متعلقه فيهااا بري بامك ووافقي على زواجهاااا
وتطمني ماجد حنون وحنانه بيوصل لك
ديمااا بحزن / واخوك بيرضى ان بنت زوجته تسكن معهم
سميه بفرح / اكيد بيرضى وبيعاملك مثل بناته
ديما بحزن موجع / حتى لو رضى ماقدر اسكن عندهم
سميه حست بالحزن والضيقه والحيره بديمااا
وبحنان / دمدومه تراني ماني بانانيه علشان افضل اخوي وبناته عليك وعلى امك
امك جاها من الدنيا ماكفاهااا وقربها من هالبنات بيعالجهااا
اخوي مايبي زوجه كثر مايبيها ام لبناته وامك ماتبي زوج كثر ماتبي هالبنات
ديما بحزن / وانا ويني من حياتها بالبدايه تزوجت وتركتني والحين ماهي حاسه بوجودي من جيت لبيتك ماجلست معي
وبصوت باكي محروق / واذا تزوجت اخوك تتوقعين بتذكر ان لها بنت اسمها ديمااا
سميه بحزن / امك شفت وجعها وشوقه لك وانتي كنتي صادتهااا امك تحبك ومستحيل تفضل احد عليك
ديما وعيونها على امها الي جالسه وبحضنهاا حنين وبحزن / امي وافقة على اخوك
سميه بصدق / امك ماتبي من اخوي الا هالبنت
ديما بفرح / رفضته
سميه بجديه / للحين تفكر
ديما بحزن وحرقه / اذا وافقة عليه ماقدر ارفض لاني بحرق قلبها ويكفيها عقوقي لها كل هالسنين
سميه / الله يتممك بعقلك ويرزقك بالي يسعدك ويكون امك وابوك
ديما بضيقه / لا تدعين هالدعوه لانها مستحيل تصير
سميه / شوفيني الي رافضه الزواج طول هالسنين وفجئة رضيت اتزوج ومن واحد معقد يكره الحريم
ديما / تجلسين بدون زواج ابرك من هالمعقد
سميه / وافقت عليه علشانه صديق ماجد وترجاني اخذه وماحبيت ارد اخوي الي بعمره ماطلبني
ديما بصدمه / ماتوصل انه يطلبك ادمرين حياتك مع هالمعقد
سميه بابتسامه / مليت من الروتين وزواجي من هالمعقد فيه اكشن وبخاطري اصحح تفكيره الاعوج
ديما بابتسامة / اخاف بدال لا تصلحين تفكيره ينعوج تفكيرك
فرحت سميه لما شافت ابتسامتها بعد الحزن
وبابتسامه / الله يعطيني الصبر واقدر اتحمله لانه شايف الحريم صفر على الشمال
ديمااا بصدمه / اوووووف لهدرجة كارهنااا
سميه بابتسامه / لو بكيفه حط كل الحريم بحفره وشب فيناااا
ديماا / هههههه اجل انتبهي منه ليحطك بالفرن ويولع فيك
سميه بابتسامه وبمزح / يسويهااا شكلي بشيل الفرن من بيتي
ديما بابتسامه / يكون احسن
يوم السبت
اول يوم بالمدارس
عند نوف
قامت الفجر جهزت فطور لعيالها وبعده رجعت لغرفتها شافت نوره نايمه مستغربه انها مجنونه نظراتها وتعابير وجها تقول انها عاقله
هاليومين صارت ملازمه لنوره وماشافت منها الا الهدوء ونوره معتمده على نفسها تسبح وتغير ملابسها بنفسها رافضها ان نوف تغير لها
لاحظت خوفها وتفززها وهي نايمه وكم مره بللت سريرهاا متاكده ان صاير لها شي نفسي مسبب فقدانها لعقلها وتبولها الا ارداي
اليوم مشغوله مع ولدها عدنان بتاخذه للمدرسه بدري قبل لا يجون عمانه وياخذونه
دخلت غرفة عياله شالت عدنان بين ايدينهاااا ودخلته الحمام بعدها سبحته ولبسته ونزلت فيه تحت
دخلت المطبخ شافت عيالها يفطرون قربت منهم
نوف بجديه / اختكم ما نزلت
تركي يشرب حليبه وبجديه / لا وشكلها ماهي بمداومه
وقفت نوف وبعصبيه / على كيفهاااا ماداوم
طلعت فوق ودخلت غرفة شوق شافتها طالعها من الحمام بلبس البيت
نوف بعصبيه / شكلك منتي برايحه اليوم لشغلك
شوق ببرود / ايه
نوف بعصبيه / لا دواوم ولا جامعه وبعدين معك
شوق بجديه / نسيتي ان دوامنا فترة الصيف الصبح واليوم يبداء الدوام المسائي
نوف بجديه / عمتك بتروح لجامعتهااااا
شوق بسخريه / عمتي عذابها تغيب يوم
نوف بعصبيه / ياليتك مثلهااااا
شوق ببرود / والله انتم رافضين اروح لجده وادرس هناك وتبوني اغير تخصصي وهذا من المستحيلات
نوف بعصبيه / الي عقله براسه يعرف خلاصه
وطلعت مقهوره من بنتها نزلت ماشافت عيالها وخافت ان عدنان رايح معهم لكن ارتاحت وهي تشوفه يشرب حليبه
عند نايف
من قام الصباح وهو ضايق وماله خلق
عبدالله بجديه / وش فيك من اليوم على فراشك
نايف بضيقه / مدري حاس بضيقه بصدري
عبدالله بخوف / ليكون رجعت لك الحاله
نايف شاف الخوف بعيون صديقه / لا والحين قايم
ضغط على نفسه ولبس ثوبه وبداخله يتعوذ من هالضيقه
عيون صديقه تلحقه خايف عليه ركب السياره وعيونه على نايف / للحين تحس بالضيقه اذا تعبان وديتك المستشفى
بابتسامه يخفي فيها ضيقته الي تزيد / مافيني الا العافيه والحين احسن
حرك سيارته بعد ربع ساعه دخلين المدرسه
نايف راح لساحه يستقبل الطلاب الجدد وعبدالله جالس يراقبه خايف تنتكس حالته وهو بعيد عنه
عند نوف
طلعت من بيتها وماسكه ولدها شافت من بعيد سيارة تركي وشكله فيها وجنبه ولده
تحركت لداخل ماتبيه يشوفها سمعت صوت السياره يوقف عند بابها
ركضت ودخلت لحوش مها سمعت صوت الجرس وبداخلها تدعي ماتسمعه شوق او جاكلين ويفتحون له
عند تركي
واقف عند الباب يدق الجرس بياخذ ولد اخوه مع ولده للمدرسه لكنه مل وهو واقف رفع جواله واتصل على نوف
عند نوف
سمعت صوت جوالها شافت رقم تركي طنشته مالها خلق تنغث بكلامه على الصبح
عند تركي
صار يغلي من العصبيه متاكد انها شايفه رقمه ومطنشته
اتصل على شوق
شوق
كانت بالصاله تشرب عصير وتاكل سندويشه
سمعت صوت جوالها طلعته من جيب بجامتهااا
شافت رقم عمها وبزعل / هلا عمي
تركي بعصبيه / اخوك وينه انتظره عند الباب
شوق بجدية / مدري عنه نزلت ماشفته يمكن راح مع عمي سالم
تركي بعصبيه / وعمك سالم شلون ياخذه مايقول
شوق بجديه / وش دراني كلمه وساله
تركي بعصبيه / وامك ليش ما ترد على جوالهااا
شوق بقهر / ليش ترد عليك وهي متاكده انك بتسمعها كلام يغث
تركي بعصبيه / امك بعمرها ماهتمت فيكم وبتضيعكم حتى اخوك ماهتمت تتصل وتوصي عليه
شوق تعبت من كلام عمها بامهاااا / تطمن مدامنا عند امي ماحنا بضايعين وتاكد ان عدنان يهمها اكثر منك
عند نوف
صوته وصل لها وهي واقفه قريب من باب الشارع الخاص بفلة مها حقدت اكثر عليه وبنفسها / ماهموووووووني حسبي عليك كان دايم ظالمني
سمعت صوت سيارته يبعد طلعت وركبت جنب السايق وقالت اسم المدرسه الي فيها ولدها
وقف السواق عند مدرسه مستواها متوسط نزلت بثقه وبيدها ولدهااا
دخلت المدرسه والعيون المصدومه والمعجبه تلاحقها وقفت مقابل غرفه مكتوب على بابها الاداره طقت الباب بنعومه سمعت صوت رجولي خشن
دخلت بكل ثقه والصدمه مرسومه على الوجه الي قدامها قربت بهدوء وجلست وجلست ولدها بالكرسي المقابل
المدير صار يرمش بعيونه يتاكد من الملاك والهلاك الي قدامه وش جابها لمكتبه
المدير بارتباك / لو سمحتي انتي غلطانه هذي مدرسة عيال
نوف بابتسامتها الذباحه / ادري
المدير بلع ريقه وجسمه كله ينتفض خايف عليها منه ومن كل الي بالمدرسه وبرجفة بصوته / ومادامك تدرين وش جابك
نوف بثقه / جايبه ولدي لمدرسته وبتعرف على مدرسه
انتقلت عيونه لطفل / هذا ولدك
نوف بجديه / ايه
المدير بجديه / خلي الولد يطلع بالساحه ويتعرف على المعلم
نوف وقفت / بروح معه
وقف المدير وبفجعه / وين بتروحين اجلسي وبنجيب المدرس عندك يابنت الناس دخولك لمكتبي فيه مشكله لي ولمدرستي
جلست بهدوء / اجل خله يروح وياليت تنادي مدرسه
المدير وعيونه على عدنان / حبيبي روح الساحه بتشوف عيال يلعبون روح العب معهم
مشى عدنان بثقه لانه متعود على الروضه واكتسب منها الجرائه وعدم الخوف
وصل لساحه شاف عمه وبجنبه ياسر وقف تركي وقرب من عدنان / انت هنا من جابك
عدنان بطفولة / ماما
تركي بعصبيه / شلون تجيبك مع السواق ليش ما تصلت وقالت امرك
خاف عدنان من عصبية عمه وكان جاوبه السكوت
تركي انتبه انه خوفه وبهدوء / تعال اجلس جنب ولد عمك
جلس تركي وبداخله يدعي على امه شلون سمحت لنفسها تهمش وجوده وتتصرف من راسهااا بعمر ماحد تجاوز وجوده تجي هذي بوقاحه تتجاوزهم لو سالم الي موصله ماكانت هذي حالته
عند نوف
بعد ماطلع ولدها التفتت للمدير / لو سمحت وش اسم مدرسه
المدير وعيونه على الباب خايف احد يدخل عليه / نايف
نوف بجديه / ياليت تطلب منه يجي لمكتبك
رفع تلفون مكتبه واتصل على الوكيل / محمد قول لنايف يجي لمكتبي ضروري خلنا نخلص من البلوى الي عندي والمصيبه الي بتصير بسبتها
عند نايف
كان مع الطلاب الجدد ويوزع عليهم حلويات تفاجئ من الوكيل الي جاي ناحيته
الوكيل بجدية / المدير يبيك ضروري
رفع نايف حاجبه باستنكار / وش يبي
الوكيل بجديه / مدري
عبدالله قرب منهم وسمع كلامهم / ماتدري وش يبي فيه
الوكيل بجديه / الظاهر ان فيه مصيبه وبلوه تنظر خويك والله يستر عليه منهااا
عبدالله بقلق / انت قلت ماتدري ليش الحين تقول بلوه ومصيبه
الوكيل بجديه/ قالي خل نايف يجي لمكتبي ضروري خلنا نخلص من البلوى الي عندي والمصيبه الي بتصير بسبتها
عبدالله يطالع بصديقه / قابلت اليوم المدير
نايف بجدية / اكيد تدري اني ماقابلته طول وقتك مراقبني
عبدالله عيونه على الوكيل الي ماشي وتاركهم
عبدالله باصرار / بدخل معك مستحيل اتركك معه لحالكم
نايف يمشي بثقه / ماسويت شي علشان احتاج وجودك معي
عبدالله يمشي بجنب صديقه وبجديه / عيال الحرام ماتركو الطيبين بحالهم
لما قرب من غرفة المدير حس نفسه يختنق وتيبست رجوله انفجع عبدالله من حال صديقه الي بدا يختفي لونه
قرب من نايف وفتح ازرار ثوبه وبخوف / نايف وش فيك
نايف بصوت مخنوق / ريحة ابوي ياعبدالله ماني قادر اتحمل
عبدالله برعب / الله يهداك وش جاب ريحة ابوك لغرفة المدير
نايف بضعف / ماني قادر ادخل
عبدالله برجاء / ادخل الله يصلحك وترك عنك الوسوسه
نايف صار ياخذ نفس يبي يرجع له تنفسه الطبيعي
نايف باختناق / ادخل بدالي رجولي جمدت ماني قادر احركهم
عبدالله مايدري يترك صديقه او يدخل يشوف سالفة المدير
طالع بصديقه المتسند على الجدار ومقفل عيونه
طق الباب بهدوء ودخل شاف بنت جالسه متحجبه
قرب اكثر
عند نوف
عيونها على الباب شافت رجال داخل وواضح من ملامحه الخوف
وقفت وبجديه / انت استاذ اول
وقف عبدالله مفجوع من الشبه الكبير بينها وبين خويه المنهار برى عيونه تعلقت فيهاااا
والمدير تضايق من الي يشوفه وبعصبيه / عبدالله وينه نايف
عبدالله بصوت مرتجف مصدوم / برا تعبان ما يقدر يدخل
المدير بعصبيه / ناده خلنا انخلص قبل لا تجيب لنا مصيبه
عند نايف
على ضيقه واختناقه وبدون شعور منه لقى نفسه داخل الاداره
عند نوف
شافت نايف وحست بنغزه قويه بقلبهاااا شي بداخلها يناديه
عبدالله صارت عيونه تنتقل بين نوف ونايف ويحلف انهم توئم
والمدير دقق بالشبه الكبير بينهم ورجع يطالع بنوف المتجمده بمكانهاا والسبب مجهول
نايف شي بداخله يتمنى يحضن الواقفه قدامه بدون شعور صارت دموعه تنزل بحراره بدون ماينتبه صار واقف قدامها وكل واحد فيهم احاسيسه ومشاعره وكله متعلق بالواقف قدامه
نوف نزلت دموعها وصارت تشاهق والموجدين خافو من الوضع
المدير بشك / ناييييف تعرفهاااا
نايف بعالمها هي وهي بعالمه هو والباقي متلاشين عنهم
عبدالله لما شاف قرب صديقه من البنت خاف يتصرف بتهور قرب منه وسحبه وطلع فيه برا المدرسه وركبه سيارته وطلع فيه ونايف عايش بالا وعي
عند نوف
لما طلع كانت بتلحقه لكن شلون بتلحق رجال غريب لكن فيه شي قوي داخلها يبيه ويناديه انهارت على الكرسي تبكي بحرقه والمدير خاف من الوضع الي فيه
المدير بخوف ورجاء / يابنت الاجواد ارجعي لبيتك يارحم من جابك لا تجيبين لنفسك ولي المشاكل
وقفت وهي منهاااره معاد تحتمل تبقى اكثر طلعت ووشهقاتها تغطي المكان
طلعت ناسيه ولدها وعقلها وقلبها مع الشخص الي شافته ولثواني اختفى
وصلت لسيارة السواق وتسندت عليها وكملت نحيبها الي ماتدري عن سببه
عند تركي
بعد ماتطمن على ولده قرر يطلع لشركه ساعه ويرجع لولده
لما وصل لسيارته انفجع وهو يشوف حبيبته منهاره تبكي
مستحيل الي يشوفه يكون واقع معقوله هلوسته وعشقه لها يوصل فيه انها يشوفها بمدرسة عيال ابتسم على تفكيره وركب سيارته
عند نايف
بعد ما بتعد عن المدرسة بدا يرجع لوضعه الطبيعي التفت له عبدالله بضيقه / وش صار فيك بغيت تفضحنا مع البنت
نايف برجاء / تكفى عبدالله ابي اشوفها ابي اعرف من تكون
عبدالله بعصبيه / وش تبي في بنت الناس خلاها بحالهاا
وبتفكير / تصدق انها تشبهك
نايف قشعريره سرت بقلبه وانتقلت لجمسه وبصوت مبحوح / تشبهننننني
عبدالله بصدق / على قولة المصرين فوله وانقسمت نصين انت نص وهي النص الثاني
نايف ودموعه تنزل بحراره / والله احسها قريبه مني وكنت بضمهااااااا
عبدالله بابتسامه / كنت داري انك بتهبب علشان كذا سحبتك ولا كان صار فضيحه وعليها شهود
نايف برجاء موجع / طااااااالبك عبدالله ابيهااا
عبدالله بعصبيه / صدق انها مزيونه وزينها يخلي الاعمى يبصر لكنها مو لعبه تبيها واجيبهاا لك
نايف بصوت مبحوح / ماشفت ملامحها لكن فيه شي يربطني فيهااا ولازم اعرف من تكون
عبدالله بعصبيه / اشهد ان لا اله الا الله البنت شكلها من شافتك وهي منهاااره حالتكم ولا الحاله الي تصيب التوائم
نايف برجاء / رجعني للمدرسه اكيد انها هناك
عبد الله بعصبيه / خبل ارجعك المدرسه وهي فيها الظاهر انك ناوي تنفصل
لنا لقاء باذن الله الثلاثاء
احتمال يكون بالبارت الجاي مصيبة ديمااا المنتظررره
اختكم نسايم نجد
|
24-06-12, 02:39 AM
جديد مواضيع قسم الارشيف
العرض العادي
