في بارت اليو بترجع شخصيات تناسيناها وله ارتباط كبير بالبارتات الجايه
ارجاء عدم طمر السطوررررررر
البارت الرابع والستون
في فرنسا
عند سوزان
وقفت سيارتها عند الفله شافت وائل طالع نزلت من سيارتها
وقربت من وائل وبستغراب / للحين نايم
وائل بجديه / راحت علي نومه وبعدين ليه ما صحيتيني قبل لا تطلعين
سوزان وهي تفتح باب بيتها التفتت لوائل وبجديه / اطلع لشغلك وعطهم اخلاء طرف
قرب منها وائل ودخل وراها وبستغراب / اخلاء طرف ليش
سوزان بابتسامه / انت طلبت مني اتوسط لك نتوظف سواء
وائل بجديه / قلت بنسافر لسعوديه ونتوظف هناك
سوزان بابتسامه خبيثه / وهذا الي اقصده
وائل بفرح / بنسافر بهسرعه
دخلت وجلست على الكنب ووائل جلس مقابلها وبجديه /
لكن بدال لا نسافر ونشتغل بالسعوديه بنسافر ونشتغل في دبي
وائل بعصبيه / وزجة ناصر شلون بوصل لها
سوزان بجديه / ما قدرت ارفض الشغل بدبي براتب ما كنت احلم فيه واذا على الحقيره كله ساعه ونوصل لها
وائل بلهفه / ما عندك اخبار عنها
سوزان بحقد / كل حركاتها عندي اخر اخبرها انها بالرياض و مستقره بفلة ناصر
وائل بستغراب / بعمرك ماجيتي السعوديه شلون توصل لك اخبارها
سوزان بعصبيه / مو كل شي لازم تعرفه المطلوب منك تخلص اوراقك وبعد سبوع بنستلم الوظيفه
وقف وائل وبجديه / اللحين طالع وبالليل نتقابل
سوزان بسخريه / ما تلاحظ انك مستقر عندي ومطنش شقتك
وائل وهو يمشي وبابتسامه / وبدبي بسكن معك
سوزان بعصبيه / مستحيل نسكن مع بعض مو ناقصين شوشره وبعدين هناك دوله مسلمه والي نسوي يعتبر جريمه
وائل بضيقه / افهم من كلامك ان هناك مافي بنات ولا صياعه
سوزان بعصبيه / اذا هامك البنات اجلس هنا
وائل بابتسامه / بصوم فتره عن البنات لاني بفطر على احسنهم
سوزان بعصبيه وغيره / اطلع
وائل بابتسامه / افهمها غيره
وقفت سوزان / بدخل اريح وانت خلص شغلك
طلعت فوق ووائل طلع
دخلت غرفتها وداخلها حقد / اخيرا قرب انتقامي منك وبتدفعين ثمن رفعت يدك علي
عند شوق
وصلت لبيت امها شافت مها طالعة قربت منها تبيها تساعدها بزواج امها من عمها متاكده ان خالتها تقدر تخلي امها توافق على هالزواج
شوق بضيقه / اجي وتروحين
مها بابتسامه / طالعه اشتري للبيت اغراض وامك تركتها تاخذ شور
شوق برجاء / خالتي ابي عونك بموضوع
مها بجديه / اذا قدرت من عيوني
شوق بجديه / بتقدرين ان شاء الله والموضوع ما يصلح نقوله على الواقف
مها بجديه / ندخل عند امك ولا نتكلم في بيتي
شوق بضيقه / في بيتك احسن
فتحت مها الباب دخلت ودخلت وراها شوق
فسخت شوق عباتها وتقدمتها مها
ودخلت الصاله وجلست على اقرب كنبه
مها بقلق / اجلسي اكلتي قلبي
شوق نزلت نقابها وجلست مقابل مها وبجديه / الموضوع مهم ولازم يصير
مها بقلق / وش هالموضوع الي جايبك على الصبح
شوق بجديه / عمي خطب امي
قاطعتها مها بصدمه / أي عم فيهم
شوق بجديه / اكيد عمي تركي
مها بسخريه / ما قالك عمك المغرور ان امك رفعت عليه قضيه وبدال لا يحضر قال بيحلها سلمي هذا الحل لسلمي عند عمك يخطب امك
قولي وش ناوي عليه عمك بزواجه من امك
نزلت دموع شوق / تعبت والله تعبت اغلا شخصين عندي يكرهون بعض لازم يتزوجون ونفتك من هالمشاكل
مها تاثرت بدموع شوق القويه ومتاكده انها تعاني
مها بحنان / صدقيني يا شوق زواج امك من عمك بيزيد المشاكل عمك بينتقم من امك لانها وقفت بوجهه وغرور عمك يرفض هالشي
شوق بصوت باكي / عمي يكره ويحب امي
مها بسخريه / يكره امك وهذا اكيد لكن شلون يحبها
شوق بجديه / عمي يكره امنا زوجة اخوه والسبب كلام ابوي الغلط عنها
وحكمت ربك خلته يشوف صورة امي ويضنها صديقتي ويعشقها
وبصوت حزن / تتوقعين العاشق بينتقم من معشوقته
مها تذكرت ذاك اليوم لما شافت تركي واقف مقابل نوف بوضع غلط عمرها مانست نظرات الحب الي شافتها بعيونه
مها بتتاكد / وانتي شلون عرفتي انه يحبها يمكن مجرد اعجاب بشكل
شوق تنهدت بالم / عمي مو عمي الاولي امي صارت نقطت ضعفه شفت وجعه وحرقته بعيوني
مها بجديه / تقدرين تقولين هالكلام لامك ليش جايتني
شوق بصوت مبحوح / امي تسمع منك اقنيعها تتزوج عمي وقولي لها ان زواجها من عمي على ورق استجابة لوصية ابوي
مها بعصبيه / ترضينها لامك تكون على الهامش
شوق بثقة / ياخالتي ياحبيبتي عمي لا درى ان امي الحبيبه الي عذبته مستحيل يخليها على الهامش انتي ما شفتي فرحته يوم قلت ان نوف زوجها مات
مها بجديه / انا متاكده من حب عمك لامك ومتاكده من كره امك لعمك
شوق برجاء / تكفييييييييييين خالتي حاولي معي نقنعها عمي الوحيد الي بيعرف قيمتها وبينسيها العذاب الي شافته من ابوي
مها بصدق / والله لو ما شفت الحب بعيون عمك كان ما سعيت بموضوع مثل هذا
يله انروح لها اكيد الحين مروقه
وقفت شوق وحطت نقابها وطلعت مع مها فتحت الباب الفاصل ودخلت
عند نوف
سمعت صوت خطوات شافت مها داخله
نوف بابتسامه / ما مداك تطلعين علشان ترجعين
مها بابتسامه / كنت طالعه ورجعتني بنتك
شوق دخلت لصاله طالعتها نوف بزعل / اخيرا جيتي تشوفين امك
قربت من امها وباستها على راسها وبضيقه / من اخر مره وصاير علي حظر تجول ومابي ازودها معهم
نزلت مها عباتها وجلست وحطتها جنبها
وشوق رمت عباتها وغطاها على الكنب
نوف بحقد / هانت كلها ايام وانتم عندي والي فيه خير يفتح فمه
شوق وعيونها على امه وبارتباك / يمه عمي خطبك وانا واخواني موافقيييين
نوف طالعت بمها / ههههههههههههههههه مو قايله لك ان هالتركي يخطط لكبير لما درى اني بكسب القضيه قال اتزوجها وبياخذكم وبياخذ املاكه وفوقها املاك ابوك بيقلبها علي بدال مافلسه بيفلسني لكن بعيد عنه يصير الي في باله
شوق بعصبيه / عمي مستحيل يفكر هالتفكير الوسخ وبعدين نسيتي وصيت ابوي
نوف بعصبيه وحقد / والي يسمعك يقول هامتني وصية ابوك ولا مهتمه بتنفيذها
شوق باصرار / يمه لازم توافقين على عمي نبي نخلص من المشاكل
نوف بعصبيه وحقد / قلتها لك قبل واقولها لك الحين لو عمك اخر رجال مستحيل اتزوجه
شوق طالعت بمها تطلبها المساعده
مها بجديه / نوف انا شفت حب تركي بعيوني وانتي بحاجه لرجال
نوف بسخريه / اشوفكم متفقات وجايت عندي حطوها بروسكم زواج بعد ضاحي مستحيل اتزوج
وطالعت بمها وبحرقه / وانتي اكثر وحده تعرفين السبب وجايه تقولين تزوجي تركي
مها بحزن / علشان هالسبب اقول لك تزوجي تركي
شوق بجديه / يمه عمي يحبك مستحيل ياذيك لتزوجته
قاطعتها نوف وبعصبيه وكره / عمك نسخه لبوك ومستحيل ارجع لعذابي بعد ماربي ريحني
شوق بصراخ / يمه افهمي عمي يحبببببببببببببببك وميت عليك انتي روحه ومستحيل ياذيك
نوف بعصبيه وبصراخ / اذا يحبني انااااااااا اكرهه ولو الموت بيدي ارسلته له وافتكيت منه
شوق بعصبيه / يمه غصب طيب بتتزوجين عمي وياليت بطيب يكون احسن
نوف تنتفض من العصبيه ووجها انقلب احمر من كلام بنتها بصراخ وبعصبيه / وريني شلون بتغصبيني على عمك يا بنت ناصر
وقفت شوق واخذت عباتها ولبستها على السريع وقبل لاتطلع التفتت لامها والدموع مغرقه وجها وبصوت باكي / سامحيني على الي بسويه
وطلعت ما انتظرت رد امها
نوف بعصبيه وبصراخ / الي غصبني وباعني ماااااااااااااااااااااااات ومستحيل تنعاد البيعه لو حياتي الثمن
قربت منها مها وحضنت نوف تهديها ونوف تنتفض من العصبيه بحضن صديقتها
مها بحنان / استهدي برحمان واهدي ليصير فيك شي
نوف بعصبيه ودموعها على وجها / سمعتي اش قالت بتغصبني على عمها بتلوي يدي علشان اوافق لكن مستحييييييييييييل
وبصوت محروق / تبي ترجع ناصر لحياتي وانا ما صدقت افتك منه
مها جلستها وبهدوء / محد بجابرك على شي ما تبينه وكلام شوق من حبها لعمها وقهرها
نوف بحرقه / وانتي الصادقه قسو قلبها علي وسحبوها لهم
مها بجديه وبحب / لو العالم كله تركوك بتلقيني جنبك و مستحيل اسمح لاحد يجبرك على شي انتي رافضته
جلست نوف و بضيقه / شوق لحطت شي براسها بيصير وما تفكر بالعواقب
مها بتغير الموضوع وبابتسامه / ترى بنتك اشغلتني عن مشواري ياليت تجهزين فطور ماكلت شي من بعد عشاي
نوف بحرقه / موجعني قلبي على شوق وقهوره انها طلعت ودمعتها على خدها لو طلبها غير هالطلب نفذته لها
مها بجديه / فكري بنفسك وخلي شوق عنك بتحس بغلطتها وتجيك تعتذر
عند مروان
دخل البيت استقبله ابوه بعصبيه
ابو مروان بعصبيه / اخيرا جيت البيت
مروان بقسوه / تراني ما لي خلق لمحاضرتك اجلها لبعدين
ابو مروان بحرقه / كبرت ومعاد ينفع معك الكلام
مروان بعصبيه / والمطلوب
ابو مروان بقهر / تراني تعبت من كثر ماتاجل سفرتنا لو اقوى اسافر لحالي كان سافرت ومانتظرت منتك علي
مروان بتصريفه / هاليومين
ابو مروان بعصبيه / هذا الي اسمعه منك
مروان بعصبيه / قلت يومين وبنسافر خلاص
طنشه ابوه وطلع برا البيت ومروان مقهور من اخته الي مطنشه موضوعه فتح باب غرفتها بعصبيه
عند سلوى
كانت منسدحه وتهاني نايمه انرعبت من فتحت الباب وخافت من عصبية اخوها
مروان بعصبيه / لمتى مطنشه موضوعي
سلوى بخوف / أي موضوع
مروان بعصبيه / لا تتغيبين علي
اليوم كل شي يصير ولا بتعرفين وش بسوي لك
سلوى بخوف / البنت مرت بظروف والحين ساكنه بالرياض
مروان بعصبيه / ياغبيه ليش ماقلتي من زمان انها بالرياض وانتي تدرين ان الشايب غاثني بيسافر الرياض وانا ماجله علشان صديقتك
سلوى بخوف / ماجت فرصه علشان اقولك
مروان بعصبيه / جهزو اغراضكم الليله بنسافر وبكره تنفذين الي ابيه
سلوى بضيقه / البنت امها مريضه وخوانها ميتين
مروان بقسوه / لو عيلتها كلهم ميتين الي ابيه بتسوينه تفهمين
سلوى بخوف / فاهمه
مروان بعصبيه / خلني اطلع لشايب اقول له عن سفرنا
طلع مروان وسلوى سمحت لدموعها تنزل
تهاني كانت صاحيه وتسمع لكنها متظاهره بالنوم
عند مروان
نزل ماشاف ابوه طلع برا البيت شافه بسيارته قرب من ابوه
مروان بجديه / الليله بنسافر
ابو مروان بجديه / قول لامك تجهز اغراض تكفينا يومين
مروان بقسوة / قلت لهم وحاول تطلع بدري علشان يمدينا نسافر
ابو مروان بجديه / بحط خبر عند صاحب البقاله اني بغيب سبوع والعصر بستذن منه
مروان بجديه / اجل العصر بنمشي
حرك ابو مروان سيارته ومروان دخل البيت ودخل غرفته واخذ شنطه كبيره وصار يرمي فيها ملابسه وحط تحت الملابس الممنوعات الي يصيد فيها البنات
عند سميه
من دخلت بيتها ودموعها ما نشفت متاثره كثير على الحالة الي وصلت لها صديقتها سمعت صوت الجرس طلبت من الشغاله تفتحه
رفعت راسها شافت اخوها واقف المستغرب من شكلها قرب منها ماجد والخوف مرسوم على وجهه / وش فيه
سميه زادت بكي
ماجد بجديه / صديقتك فيها شي
سميه بصوت باكي / صديقتي حالتها ما تطمن
ماجد بهدوء / وش الجديد في حالتها
سميه بصوت باكي / صحت وطلعت لبيتها
ماجد قرب من اخته وجلس على الكنبه و بستغراب / مدامها صحت ليش كل هالبكي المفروض تفرحين
سميه بصوت باكي وبحرقه / الدكتور يقول نفسيتها تعبانه ولو ما تعالجت نفسي يمكن تنجن
ماجد بتنهيده / الي صار لها يجنن الرياجيل شلون بصديقتك
زاد بكي سميه وبصوت باكي / ودي اروح لها ووقف جنبها لكني مستحيه من اهلها
ماجد بجديه / الصديق مايدور أي عذر علشان يوقف مع صديقه واهلها بيرحبون بوجودك
سميه بصوت باكي / الحين اكيد انها تعبانه وبكره بجيها
ماجد بجديه / حاولي اطلعينها من احزانها ولا تجيبين لها سيره عن الي صار يمكن يكون هذا علاجها
سميه بصوت باكي / بيوم طلوعها من الحداد تصحى
ماجد بتاثر / الله يجبر مصابها ويعوضها خير عن الي فقدتهم
سميه / اميييييييين
ماجد كان جاي بيفاتح اخته بموضوع سيف لكنه يشوف الوقت مو مناسب وقرر ياجله ليوم ثاني
وقف / جيت بتطمن عليك وبرجع للبنات
سميه بزعل / ليش مصر تسكن بيتك تعال وسكن انت والبنات عندي
ماجد بحزن / خليني على راحتي والبنات لشتقتي لهم تعالي شوفيهم واذا بغيتيهم ينامون عندك خذيهم لكن انهم يستقرون عندك هذا مرفوض
سميه بجديه / تراني سجلت البنات بمدرستي وميار بنفس الحضانه الي بمدرستنا
ماجد بحزن / ماقصرتي
سميه بجديه / مابقى شي عن الدراسه باخذهم اخر الاسبوع علشان نشتري الي ناقصهم
ماجد بجديه / مايحتاج تستاذنين اخذيهم ولا تخلين عليهم قاصر
سميه / ان شاء الله
طلع ماجد واخته رجعت له احزانه بدايتها بمعانات صديقتها وبنهايه وضع بناته الي متاكد انهم محتاجات امهم
وسميه دخلت غرفتها وتمددت على سريرها وتفكيرها عند صديقتها وهي بتفكيرها نامت
عند مساعد
من بعد الي صار بينه وبين زوجته وهو متجنبها صاير يطلع الصباح بدري قبل لا تصحى ويرجع الليل متاخر وتكون نايمه
عند لطيفه
مقهوره من مساعد ومن تجنبه لها ومصره تقابله وتحط حل لقلقها بسبب تاخر تركي
قررت تنتظره لين يجي لو تبقى بدون نوم
كانت جالسه بالغرفة الي ينام فيها زوجها جلست على فراشه المبسوط سمعت صوت فتح الباب .
عند مساعد
دخل البيت تعبان وبيغمى عليه من النوم دخل المجلس استغرب من النور الشغال
نزل غترته ولتفت شاف لطيفه جالسه وعيونها عليه طالعها بنظرات مستغربه
مساعد بتعب وحزن / اذا جايه بمشاكلك يا ليت تفكيني بنام
لطيفه بعصبيه / وينه ضيفك يا مساعد قال بيجي بعد اسبوع وللحين ماجاء
مساعد بحرقه / يا جعله ما يجي ويرحمني من
الفضيحه الي بتسوينها
لطيفه بصوت باكي / والي كسرتوه شلون بيتصلح
مساعد بعبره واختناق / عمر الي انكسر ما يتصلح
وطالعها بعيون كلها دموع / واذا تصلح بصير مشوووه
صارت تبكي بشهاق قرب منها وهو من زمان ممنوع من الاقتراب جلس جنبها
مساعد بحنان / لنا سنه وفوقها كم شهر وللحين ما ستسلمتي
وكمل بحرقه / والله العظيم غلطان وندمان ومحروق قلبي على بنتي اكثر منك بكثير خوفها مني يذبحني
وبصوت مكسور / يا لغاليه ربي غفور رحيم وانتي مالك نيه تغفرين لي
لطيفه برجاء باكي / تكفى يا مساعد اتصل عليه وخليه يجي يتمم الزواج خلنا نطلع من القبر الي مدفنوين فيه
خلنا نقدر انطالع بالناس وروسنا مرفوعه ابي اخونك يعرفون طهارة بنتك وان امها وابوه عرفو يربونها
مساعد سمح لدموعه تنزل وبصوت باكي / شالفايده وبنتك معاد فيها عقل وصارت خطر على الناس حتى الي بيتزوجها معرض حياته للخطر
لطيفه بعصبيه وقهر / بنتي مو مجنونه لتم كل شي بنقد نعرضها على دكتور نفسي وبتتعالج وبترجع مثل اول واحسن
مساعد بحرقه / يا لغاليه لا تعشمين نفسك بالمستحيل بنتك انتهت
وبصوت مخنوق / وانا بيدي انهيتها
لطيفه رصت على يد مساعد وبرجاء / يرحم ابوك وامك اتصل عليه وقوله يرجع وبندفع له كل الي نملك ويتزوج بنتنا
وقف مساعد وبعصبيه / ماله رقم عندي وياليت تفارقيني
وقفت لطيفه ومشت من قدامه وما يسمع الا صوت بكاها وشهقاتها
عند مساعد
كلام لطيفه طير النوم من عيونه وصار البيت يخنقه
طلع برا و يمشي بالظلام لين استقر عن مكان الغنم وسمع لنفسه يبكي بحرقه والم
وبصراخ / متتتتتتتتتتتى ترحميني يالطيفه خليتين اهج من البيت واستذنب بنفسي من كثر الشغل
ورفع راسه لسماء وبدعاء صادق وبصوت باكي / اللهم انك كريم عفو تحب العفو فعفو عني
اللهم انك كريم عفوا تحب العفو فعفو عني
وصار ينتفض من البكي وبشاهق / يااااااااارب اذا كان زواج نوره من هالغريب خير لها يارب تقدمه و اذا كان زواجها منه شر واذى يارب تصرفه
عند لطيفه
دخلت غرفتها ورمت نفسها على السرير وصارت تبكي بحرقه تدري انها زودتها على مساعد متاكده انه الي فيه اضعاف الي فيها لان كل الي صار بيده لكن الي تسويه غصب عنها
عند شوق
دخلت البيت ودموعها على خدها كارهه الي بتسويه
عند تركي
كان بيطلع وتصادف مع شوق عند باب الصاله شاف دموعها
مسكها بيدها وعيونه عليها وبحنان / ليش كل هالدموع وش صار لك
شوق جلست على العتبه وبصوت باكي وبصراخ / امي رفضتتتتتتتتتتك وتقول لو انك اخر رجال مستحيل تتزوجه عيشتونا بمشاكل كبرتنا فوق عمرنا احبببببببك ياعمي واحببببببب امي وابيكم تحبون بعض
وبحرقه / ليش ما تفكرون فينا انت مجبور على امي وامي رافضتك
تركي ملتزم الصمت يبيها تفضي الكبت الي داخلها
طالعته شوق وبحرقه / ادري انك تحبها وحب امي بيذبحك ويوم المنى تتزوجها لكن امي وش يفهمها
ما حب يجادل شوق وهو يشوفها منهاره وادخله بركان بسبب رفضها له
ماهتم بتهمتها انه يحب امها وهو متاكد انها اكره مخلوق على وجه الارض
تركي وهو يكتم عصبيته / شوق قلتها قبل تركي ما يرفض وامك لرفضتني ما تلوميني بالي بسويه فيها
وقفت شوق وبحرقه / بتتزوجها حتى لو رفضتك
تركي ركز بكلامها وبجديه / شلون
قالت لعمها الي ناويه عليه وتركي طاير من الفرح و الفكرة جت من بنتها وبهالفكره بيحطمها اكثررررررر وبيسهل انتقامه منها
بعد ما خلصت كلامها انرسمت ابتسامه حقد على وجه تركي / اجل بكره كل شي يتم
شوق بضيقه / الفحوصات الصباح و النتائج يبي لها كم يوم
تركي بحماس / بتطلع بلحضتها والمغرب بيتم كل شي والملكه بتكون في بيتي
شوق رجاء / عمي اترجااااااااك تحط امي بعيونك ترى امي جوهره ما تقدر بثمن وصارت نصيبك
لا تسود كل الصفحات عندها حاول تكون لك كم صفحه بيضه تشفع لك عندها
بدموع وبحرقه / امي بتنجرح من تصرفي لكن انت داويها وخلها تقول شوق اختارت لي الزين تكففففففففي ياعمي لا تخليني اندم اني زوجتك لامي
تركي بيصرف الموضوع / ركان طلع من شغله
شوق بضيقه / مدري عنه
تركي بجديه / بطلع اشوفه وانتي يكفيك زعل من جدتك ادخلي واستسمحي منها وهي بترضى
شوق بحرقه / ان شاء الله
طلع تركي من البيت
عند شوق
دخلت الصاله ماشافت جدتها وسالت الشغاله قالت انها طالعه للمشغل طلعت فوق مالها خلق احد يشوفها دخلت غرفة جدتها ورمت عباتها وانسدحت على السرير وصارت تبكي
شوق بصوت باكي / سامحيني يمه انتي الي حديتني على الي بسويه رضيتي في ابوي الي يكرهك ودخلته حياتك وجبتي منه عيال ورافضه عمي الي يحبك و حبك كسره ومستحيل اسمح بهشي
كنت اشوفه يتعذب قدامي وما تدخلت لانك متزوجه لكن الحين لا
ااااااااااااااااااااه يمه ليش تستقبلين حب عمي بهالقسوه وتقولين فيه كلام ماينقال
تذكرت اخوها سالم لازم يدري عن الي بتسويه وجوده ضروري علشان يتم كل شي
رفعت جواله واتصلت على اخوها
عند سالم
كان نايم في غرفته في بيت ابوه سمع جواله شاف رقم شوق رفعه
سالم بصوت كله نوم / وش عندك يالمزعجه
شوق بصوت باكي / سالم تعالي للبيت وطلع لي بغرفة جدتي
سالم طار النوم من عينه / شوق وش صاير عندكم ليش تبكي
شوق بصوت باكي / تعال وبتفهم وياليت ماتقول لامي انك جاي عندي
سالم بستغراب / ليش ماتبين امي تدري اني بجيك
شوق بطفش / اوووووووووف من اسئلتك تعال وبفهمك كل شي
سالم وقف / يله مع السلامه
دخل الحمام غسل وجه فتح دولابه اخذ له ملابس لبس على السريع طلع من غرفته نزل
سمع صوت امه مع خالته مها بغرفة الحريم طلع من البيت
وصل لبيت جدته فتح بالمفتاح الي معه دخل البيت وطلع فوق ودخل غرفة جدته
انصدم من وجه شوق المنفوخ من كثر البكي قرب منها وبخوف / ليش تبكين
شوق بجديه / اجلس بقول لك الي عندي وجودك بهالموضوع ضروري
جلس سالم على طرف السرير / خوفتيني
قالت شوق كل الي ناويه عليه لسالم الي انفجر من العصبيه
سالم بعصبيه / مجنونه مستحيل اطيعك على تدمير امي
شوق بعصبيه / تشك في حبي لامي
سالم بعصبيه / بعد كلامك اشك
شوق بصوت باكي / والله العظيم احبها والي اسويه من مصلحتهم الاثنين ولا انتي مبسوط من الكره الي بينهم
وكملت وعيونها على وجه اخوها / سالم ابوي قبل لا يموت كتب وصيه لعمي انه يتزوج امي وخرب علينا زواجها من الشايب
وماضنتي يا سالم بترتاح ووصية ابوي ما تنفذت
سالم بحرقه / انتي واعيه للكلام الي تقولينه بفكرتك هذي يكون زواجها باطل تفهمين وش معناة باطل
شوق بجديه / اصلن ابوي شارط بالوصيه ان زواج عمي لامي على ورق
سالم بعصبيه / انتي تفهمين شلون على ورق يعني الوحيد الي بيتعذب هو عمك الي تقولين انك تحبينه
قاطعته شوق و بعصبيه / فكني من كل الكلام الي تقوله وانت بكره بتصير ولي امر امي وبتمم كل شي
سالم بحزن / تبين امي تنصدم فينا وتضن إنا مثل اخوها ورامينها لعمي
شوق بهدوء / سالم يا حبيبي بقولك شغله واحلفك ما تقول لاحد
سالم ركز بنظراته على اخته ومتلهف على الكلام الي بتقوله
كملت / عمي شاف صورة امي ويضنها صديقتي ومن بعدها وحالته مقلوبه حب وعشق امي من صوره ويوم ملكتي شافها بالصدفه وطاح من طوله تعرف وش معناة ان عمك القوي يطيح من طوله لما شاف امي
سالم طالع باخته وبصدمه / متاكده انك تتكلمين عن عمي تركي
شوق بجديه / والله عمي يعشق امي وهذا الي خلاني اقربهم من بعض
سالم بستغراب / ليش ماريحتي عمي وقلتي له ان صاحبت الصوره امي
شوق تنهدت / حلفت اني ما قول واخليه يكشف هالشي بنفسه ويعرف منهي نوف ويتاكد من ظلم ابوي لها
وطالبتك لا تقوله
سالم بجديه / مايمديني اقوله كلها ايام وبسافر اكمل دراستي ومابي اسافر وامي زعلانه علي
شوق بجديه / امي مالها الا الي يرضيها امي محتاجه لزوج يحبها ويعوضها عن سنين العذاب الي شافتها من ابوي وانا متاكده ان عمي هو الي بينسيها
سالم بجديه / واذا عمك صار مثل ابوي وعذب امي
شوق بثقة / مثل ما زوجناهم نطلقهم
سالم بجديه / امي تدري ان عمي خطبها
شوق بقهر / ورافضته بدون ماتفكر وهي الي اجبرتني على الي بسويه
سالم بضيقه / ومتى بيتصير الملكة
شوق بجديه / بكره المغرب بتصير امي زوجة لعمي
سالم بضيقه / انتي المسئوله عن كل الي صار عند امي
شوق بجديه / لا تشيل هم اهم شي تنفذ دورك باتقان والباقي علي
سالم بضيقه / الله يعين
شوق بجديه / اخبار امي
سالم بضيقه / وانا طالع سمعت صوت خالتي مها عندها
شوق بمزح / الموضوع خلص ياليت تضف وجهك بنام
سالم وقف وبضيقه / بتنامين بعد ماطيرتي النوم من عيني مالي وجه ارجع البيت واشوف امي يمكن لشفتها اهون
شوق بجديه / اجل لاتشوفها الا بكره بالليل
سالم بضيقه / بطلع لثامر
شوق بتحذير / لتقول لثامر بعدين يقول لخالتي وتصير سالفه
طلع مارد عليها وداخله مقهور من تنفيذ الي طالبته
كلها ايام وبيرجع لفرنسا وبيكمل دراسته وامه بتبقى بدون رجال صحيح اخوه تركي موجود لكن مازال بزر شوق صادقه امه بحاجة لرجال ومافيه افضل من عمه
عند شوق
بعد موافقت سالم حست بشوي راحه رجعت تنسدح على سريره وتفكيرها في بكره
عند تركي
طلع وداخله يضحك بسخريه على كلام شوق وتوصياتها
ماتدري انه ماوافق انه يتزوج امها الا علشان يقهرها ويحرق قلبها مثل ماحرقت قلبه اولها بموت ناصر وثانيها بحبسها له واخذها لتنازل غصب عنه وكملتها برفعها القضيه عليه
لو يحرقها ماكفاااااااااه
لا ارادي عينه جت على بيت مها / ااااااااااااه ياترى انتي هنا ولا رجعتي مشتتتتتتتتتتاق وذبحني شوقي
وين اراضيك ياحبيبت تركي ماتتخيلين فرحتي بموت زوجك الحين مسموح افكر فيك واحبك وباذن الله تكونين نصيبي لكن شلون اعرف اذا انتي هنا ولا سافرتي
شوق ماقدر اسئلها وهي فرحانه بزواجي من الصايعه امها وبابتسامه / خليني اخلص من زواجاتي واتفرغ لموضوعنا
كلهم ما ابيهم ومجبور عليهم والله ما ملك قلبي وروحي غيرك
صحاه من افكاره صوت السياره شاف ركان يوقف سيارته عند بيتهم
وشاف صقر طالع من بيتهم
قرب من سيارة ركان وبابتسامه / طالع بدري
ركان ينزل ويقفل باب سيارته / ما عندي شي مهم قلت اطلع ارتاح وباليل عندي استلام
قرب منهم صقر وبمزح / الحبايب متجمعين
ركان وهو يمشي وتركي يمشي معه / انت بشر عنك
صقر تنهد / الحمد لله ام وليد طلعت والحين في بيتنا
تركي بجديه / الحمد لله وشلونها الحين
صقر بحرقه / الله يكون بعونها
ركان بتاثر / الله يصبرهاااا
فتح ركان بيته ودخل تركي وصقر وجلسو بالمجلس
تركي وعيونه على ركان / اليوم ملكتي على ام سالم
كان المفتاح بيد ركان ومن الصدمه طاح
صقر بابتسامه / والله وعرفت تختااااااااار شكلها هبلت فيك ام سالم
ركان بعصبيه / وش ناوي عليه ياتركي
تركي ببرود / هذا وصية ناصر ولولا ابوك كان من زمان صايره زوجتي
ركان بعصبيه / قول هالكلام لغير قول وش ناوي عليه ياتركي
تركي بابتسامه سخريه / تصدق اني احبها وبموت اذا ما تزوجتها
صقر بجديه / الظاهر انك شفتها وتغيرت علومك
تركي بصوت مايسمعه الا صقر / يمكن لو شفتها كانت مدفونه
صقر بسخريه / وانت الصادق انت المدفون
ركان بعصبيه / تكلمو بصوت عالي خلو المساسر للحريم
تركي ببرود / ماله داعي العصبيه
وبقرف / المفروض تباركون لي
صقر بجديه / مبروك منك المال ومنها العيال
تركي حس بقرف وفي نفسه / منها المال والا العيال حامض على بوزها هذي من لمسه تحمل
صقر بجديه / ملكتك جت بوقتها على الاقل نطلع من الحزن الي عشناه
ركان بتهديد / والله يا تركي لجتني تشتكي منك ما تلوم الا نفسك
تركي بسخريه / ما ضنتي انك ولي امرها علشان تقول هالكلام الي كان يربطك فيها ابوك والحين الله يرحمه
ركان وقف بعصبيه / ثمن كلامك يا تركي وانا معاهدها ان الي يرشها بالماء اكون حارقه
صقر بجديه / استهدو بالرحمن
وقف تركي بعصبيه / قول لصديقك الي مخلي حرمه بوسطنا
صقر بجديه / تركي لتخلي زواجك من ام سالم انتقام اول من بيحترق انت ام سالم ماتستاهل الي شافته بدنياها كفايه عط نفسك فرصه تتقرب منها وصدقني بتحبها وبتعشقها ام سالم حلم لك رجال وحمد ربك لصارت نصيبك
تركي بعصبيه / وانتي على أي اساس تقول هالكلام الي يسمعك يقول انك شايفعها وتعرفها
صقر بارتباك / وش يعرفني فيها هذا كلام امي وخواتي
لنا لقاء قريب باذن الله
اختكم نسايم نجد
02-03-12, 02:17 PM
:ونااااسه بكره الزواج بس حاسه انه مارح يشوفها الا في زواج اميره <<بينجلط هع
لكن مو مهم بوكره كل شي يعدل
جديد مواضيع قسم الارشيف
العرض العادي
