كاتب الموضوع :
عبير قائد
المنتدى :
سلاسل روائع عبق الرومانسية
صباح النور على البنور .. مرحبا بيرو يا سكر وحشتينى انت و ماتادورك و جاردينيتك هههههه
ايه الحلاوه دى يا بيرو لك حق تقولى عليه المنيل لانى متاكده انه تعبك جدااااااااا عشان يطلع بالجمال ده
عارفه بيعجبنى قوى لما تتكلمى عن جاردى بصيغة المعرف و تقولى عليها الجاردينيا .. حلوة جدا بشعر انها زهره شذيه كما هى حقا و بحب الوصف ده عليها
بيرو البنت فانيسا دى مش ناويه تجيبها لبر و عايزة اعادة تربيه .. لازم تأدبيها و تخليها تلم لسانها شوية احسن انا خلاص على اخرى منها .. ازاى تكلم الجاردينيا بالوقاحه دى و لا فيه اى احترام كمان لاخوها الكبير ..دى لازم تاكل علقه تتعلم فيها الادب .. ههههههه بنات اخر زمن
فكرة الخلط بين العائلتين برضه عامله شغل جامد و شخصية فاطمة حلوة قوى و اعتقد ان هيكون لها دور فى التخفيف عن جاردى او صديقتها يعنى شىء مثل هذا خصوصا وسط الجفاف الاسرى الى حواليها .. اغرب عيله شفتها حاسه انهم من كتر كره بعضهم كل واحد كره نفسه بالمره
شخصيته فاطمة مرحه و جذابة و بتعمل جو حلو حتى انها اخرجت جيزيل من حزنها و لو مؤقتا
اه يا طونيو لماذا هذه المعامله الغريبه من الكل .. كلما قرب من احدهم نفسه تنكسر .. قلبى وجعنى عليه
يا دى النيله .. البنت مقدرتش تشوف الحزن فى عينيك تقوم انت تفزعها بالشكل ده .. يا خرابى منك لكنه معذور واضح ان علاقته مع عائلته حساسه جدا و بتمر بمنحنيات خطر و هو مش متحمل اى تدخل خارجى
فابيانو اللغز .. ( انظروا من احضر لنا هذه المرة ... ) هو كان فيه مرات قبل كده .. اه بس لو تريحينى انا اكيده انه الماتادور كان متزوج من قبل
ههههه هى العيله دى كلها عجيبه كده ؟ الله يكون بعونك يا بيرو اعتقد ان الكتابه عن شخصيات معقدة بالطريقه دى بيكون صعب جدا و بيستنزف الكاتب
مشهد طونيو و فابيو كان جبار .. ايه كمية الكره و الالم الى فى الاثنين دى كلها .. هو ايه الى حصل ؟ ايه هى الكارثه هموت يا ناس شخصيه فابيو عايزه اكرها انما مش قادره حاسه ان جواه شجن و مجروح جرح كبير .. محتاره فيه هو جانى و لا مجنى عليه ؟؟
بيرو تعبتى فى الفصل ده .. صح ؟ جمعتى معلومات عن مصارعة الثيران و وصفتيها بروعه .. ما انا كنت هناك و شفت المصارعه بعينى و توقف قلبى كلما لوح طونيو بالقماش الاحمر .. يااااه ما هذا الجد ؟؟؟!!! ده راجل مستحيل كيف طاوعه قلبه يرمى حفيده المراهق فى الخطر بالشكل ده و كل ده عشان ايه يعنى ؟ كلما اتذكر المنظر يقشعر بدنى
انتصر طونيو المراهق و لكن بنى من انتصاره اسوار بينه و بين رفيق طفولته و بدأ حقد كبير فى نفس فابيو .. فى اعتقادى انه هيكون فيه تنافس بينهم فى كل شىء من هنا و رايح و فابيو هيحاول يسلب طونيو اى شىء عزيز عليه .. اعتقد ان الموضوع فيه خيانه لو كان طونيو متزوج من قبل .. و فابيو ما زال ينفذ مخططه و واضح انه سلبه محبه اقرب الناس اليه و منهم جدته و اخته .. و فانيسا بالذات بيحاول التقرب اليها اكثر و يحل محل طونيو
علاج للصداع و لا كان يحلم بيه عمره .. عشان تعرف بس ان بيرو مش حارماك من حاجه .. اه يا رجلين جاردى الخدلانين .. انما كله يهون فى سبيل النومه الحلوه و الرائحه المسكيه
ايه يا بت الفستان الحلو ده .. اوه و لا السلسله .. تحفه يا بنت الايه .. يلا عايزين شكر بنكهة الجاردينا
لا لا .. تؤ تؤ .. احنا قلنا شكر بس مش نلغى الحفله هى هيصه و لا ايه .. يلا يا بت قدامى على تحت
اوف منك يا فابيو .. لو كان شافك المتادور كان مسح بيك رخام الصاله .. عندك حق يا جاردى اكرهيه .. انا كمان اتضايقت منه و كلام جيزيل معاه مش مريح ابدا .. انما محير يا ترى وراه ايه .
بعد الكلام الخبيث الى قاله فابيو يا خوفى يبدأ طونيو يشك فى الجاردينيا و يرمى عليها ذنب واحده ثانيه
نام يا سيدى على الكنبه لما نشوف اخرتها .. و انت يا بت يلا نامى .. بس يا قلبها خليها تنام و بطل زن على ودانها
بيرو مفيش غير كلمه واحده ............................. انت عبقريه بكل المقاييس
بانتظار الاعاصير القادمه .. دمتى بكل الحب و الود
|
27-04-11, 10:48 AM
جديد مواضيع قسم سلاسل روائع عبق الرومانسية
العرض العادي
