منسوب حبك كل ليلـه فـ.. ازديـاد
يا خوفي انه يوصل لـ.. حد الجنون
ماهو مثل حـب وغـلا بـاق العبـاد
يا الله تعين القلـب وتْعيـن العيـون
آُثر الهوى لـ.. الروح مشروبٍ وزاد
وآثر الهوى مواهب وعلـم وفنـون
لاموني اللي فيهـم احسـاسٍ جمـاد
وشلون لاموني وهـم مايعشقـون ؟
عواذلي جهّـال حتـى فـ.. الـوداد
وبـ.. لذة العشق وهله مايشعـرون
لاصاروا يْعيشون فـي حالـة حـداد
قْلوبهـم مـن حبنـا فيهـا غبـون
واللي خلقك لـ.. غربة ايامـي بـلاد
اني احبـك فـوق مـالا يعقلـون !
واعشقْك لو طالـت مسافـات البعـاد
وابيـك والعشـره عليّـه ماتهـون
تعوّدت عيني علـى طـول السهـاد
وتعودت روحي تقاسمـك الشجـون
حتـى احاسيسـي ماتطلبـك السـداد
دامك على عمري يامحبوبـي تمـون
قلبك بياضٍ ماعرف معنـى السـواد
وعينك تغض الطرف / ماتعرف تخون
حوّلت كل احزان دنيايـه / رمـاد !
حنون في صدك وفي قربـك حنـون
ومادمت أنا جرح الزمن وأنت الضماد
خل الزمان يـزوّد طْعونـه طعـون !
انت الشعر وانت الفكر وانت المـداد
في غير حبي لك انا مالـي شـؤون
تبي الحقيقه عـاد والعلـم الوكـاد ؟
يازين حبك لو وصل حـد الجنـون !
17-02-11, 07:52 AM
انت الشعر وانت الفكر وانت المـداد
جديد مواضيع قسم الشعر والشعراء
العرض الشجري
