السلام عليكم ورحمة الله وبركاته
كيف الحلو؟؟ عامل ايه ؟؟ان شاء الل تمام؟؟؟ وحشاني..فيسي المصري هههههههههههههه

بتعرفي ندى...لوغان شخصيته كتير كيوت.... الراجل هيمان وغرقان ف الحب لشوشته... ومش داري بالدنيا...ف بداية الفصل لما كنت بقرأ البسمة ما غادرتني ابدا.. افكار لوغان الهيمان...غزله لايف...شخصيته اللي انقلبت 180 درجة لما اعترف بحبه لايف...اصبح لوغان تاني... كانه رجع لايام مراهقته..حتى يعوض اللي فاته

وصفك لمشاعر لوغان قمة ف الابداع ..زانك توضحي مشاعر الرجل وبنفس الوقت ما تنقصه من رجولته..عن جد قمة ف الابداع...برافو عليكي

ايف واه من ايف مش ناوية تجيبها لبر ...حاسة بلوغان وحبه ..وبتكابر ومش بس هيك اعترف بحبه ..ونازل ع الطالع والنازل يتغزل فيكي..بنظارات ومن غير نظارات عاجباه...وبالبدلة الزرقاء الرسمية عاجباه...وبالجينز والكاجوال عاجباه...خربطتي كيانه وكيانك..وبردو عاجباه...وجيالي تفتكري بيلي ..حرام عليكي..انا قلت راح بيلي ف خبر كان...بس شو نعمل هيك بدها ندى..(وينك ندى .. بيني وبينك لو اعترفت بحبها للوغان وسمعت كلامي كان خلصت الرواية من زمان..خليها براحتها)

بيني وريكاردو..اللي اضفو جو مرح ع الفصل..بيني بالخبر اللسعيد فرحت ايف و حزنتها ع حالها بنفس الوقت... بس طلب ريكاردو ليد بيني تحفة والتحضير للفرح وجو الفرح ..زكرتيني ايام فرحي..ما احلى من هداك اليوم بصراحة كنت حاسة بفرحة بيني وحاسة بزعل ايف اللي فوتت ع حالها هيك فرحة

وصفك للصراع بين ايف ونفسها وتخبط مشاعرها كتير رائع ..احيانا هدا التخبط بيكون مبرر ..يعني صحيح فقدانها لاخوها صعب واكيد خسارة حبها الاول والاخير بسبب سوء فهم كمان صعب..هية حاسة انها لو اطلقت العنان لمشعرها راح بتخون بيلي واحيانا بيكون غير مبرر من خلال اصرارها على وضع الحواجز وتذكر بيلي ..يعني مضت سنين لازم تنسي خاصة انه كل اللي حواليكي بيحاولو يصححولك سوء الفهم....لكن عقل الانثى وقلبها لا يتفقان.. وغالبا القلب هوة اللي بيفوز وبيقول الكلمة الاخيرة ..ولا شو رايك ندوش؟ واحنا بانتظار الكلمة الاخيرة اللي راح تكون لقلب ايف منتصرا على عقلها

الرسالة اللي اجت لايف كنت حاسة انها مش من لوغان..لانه جواله كان ضايل وغير هيك هوة لو بدو اياها لامر ضروري كان اتصل مش بعت رسالة..فيسي العبقينو

بتعرفي ندوش كنت متوقعة انه لازم يصير اكشن وقتال وضرب سواء من الفرد او ادوارد..زبطت مع فيسي العبقرينو
بس كنت متوقعة انه لو اتاذى لوغان كانت ايف راح تعترف له بحبها..كسفني فيسي العبقرينو
كتير انبسطت من بيغي اللي قررت انها تحكم ضميرها وما تكمل لعبتهم...وصفك للاحداث اللي صارت بالمكتب كانها فيلم اكشن حسيت اني شايفة الفرد وهوة بيهجم حتى يطعن ايف واوغان يبعدها ويتلقى هوة الطعنة..برافو ندى

احلى احسان انه الحبيب يفتدي حبيبه بروحه..اعتقدت ما في اقوى من هيك تعبير عن الحب....مبدعة يا ديو

نيجي لكاسي...حاسة هالست راح ييجي من وراها متاعب...بصراحة انا متعاطفة معها...بس يا ست كاسي طالما كنت عارفة انو في طرف تاني وحب اولاني ليش عذبتي حالك ولوغان واولادك معك...صحيح ما الحب الا للحبيب الاولي
زكريات كاسي عن الصورة اعطتنا لمحة من الماضي وضحت لنا صدق لوغان مع نفسه ومع كاسي..كمان وضحت لنا حب كاسي العميق للوغان واللي خلاها تتزوجه بالرغم من معرفتها بحبه لايف

ستيفن...هدا الولد مش بسيط..كمان حاساه راح يسبب المتاعب..اما اليقطينة ابي ولا الها بالدنيا..ما في احلى من براءة الاطفال

ايف بالمستشفى ..بتعرفي المشهد قطع قلبي ..تعبيرها عن حزنها كتير مؤثر بكاء ونحيب صامت و وضع ظفر ابهامها في فمها جدا جدا مؤثر...بداية الفصل كنت دائمة الابتسام..ومع تطور الاحداث شوية واعيط.هههههههههههه

اخيرا قررت ايف انها تريد الاجابات ...وراحت للي راح يفيدها ومش راح يكذب عليها لانه طرف محايد على ما اعتقد..لوكا
طبعا القرار متاخر سنين..بس الحمد لله متاخر احسن من بلاش

ندى؟؟؟كاتي وماكس الهم علاقة ببيلي؟؟؟ولا ما الهم علاقة بالرواية اصلا؟؟؟ههههههههههههههههههههههه
فيسي اللي يتفلسف ههههههههههه

ما شاء الله عليكي ندى...الفصل اكثر من رائع..مع اني الي عتب صغييييييييييير..الفصل كان قصير..اهئ اهئ اهئ
بانتظار يوم الجمعة القادم بس اوعى تتاخري ؟؟والا بشد لك ودانك..فيسي الصارم
اصلي اسمعت اشاعة بتقول انك خايفة ومش عارفة تكتبي...خايفة الفصل القادم ما يكون على قد المستوى
بس انا بقولك اتوكلي على الله لانه اللي بدا رواية بهاي القوة اكيد مش راح يخذل متابعينه..واحنا متابعينك للنهاية وانا على ثقة انك ابدا ما راح تخذلينا .....بالتوفيق حبيبتي