بنااااااااااااات شو الروايه الي بتناقشوها انا ما عرفت قولولي

دليله الروايه اتى ليبقى عساكي قريتيه عشان نناقشها معك

السلام عليكم
كتبت كلام طويل عريض بس للأسف طار ..
أولاً عجبني كلام ريهام عن الكاتبات وطرق كتابتهم وعن دور النشر وتحكمهم بنمط معين لازم يمشو عليه الكاتبات كلهم .. بعدين ماني عارفه ليه آخذين الجانب المتحمس للرواية كأنني ومرجوجة بنهاجمها أنا ماقصدت الإساءة لشخصيات الرواية انه البطل سيء أو ان أختها وحدة شريفة ,, لأ ,, لأني لو فكرت بدا الشي ماقرأت روايات غربية أبداً لأنهم كلهم من عالم منحل أنا بآخذ اللي يعجبني و أترك اللي يخالف ديننا وعاداتنا .. لكن اللي بأنتقده هو حبكة القصة في نقطة نسيانه ما عجبتني ليت الكاتبة قالت انه كان مخمور أو ان حادثة أخوه تاني يوم أثرت في ذاكرته من الصدمة أو أي مبرر منطقي مقبول لكنها تركت لنا علامة استفهام محيرة عشان كده كنت و لازلت شايفتها نقطة سوداء في الرواية لكن دا ما يعني انها ما تعجبني لأنها من الروايات اللي أحبها بالرغم من نقدي لها لأنها عادتي حتى في نفسي وشخصيتي أنقدها مع اني أحب نفسي زي أي انسان , لكن أعرف ان فيا نواقص ما تعجبني و أتمنى اني أعدل من طبايعي لكن ما يعني دا اني متحاملة على نفسي أو أكرهها ,, لكني بأعبر عن رأيي ..

وبمناسبة التعبير عن الرأي أول مادخل الدش بيتنا والقنوات الفضائية أكتر حاجة لفتت انتباهي وعجبتني هي برامج الحوار المصريه ..زي برنامج كان عن الشباب لما يلقوهم في الجامعة أو في أي مكان يوقفوهم ويسألوهم رأيهم في أي موضوع لقيت انهم فوراً يتكلموا بحرية وكل واحد ووحدة لهم آراءهم كيف ماكانت بس محد يسكت ويخجل ويتلعثم أو مايفهم أو مايعرف حسيت انهم شعب مثقف حر فأحترمتهم جداً .. حتى برنامج كان يجي المذيع فيه يسأل الطفل عن حاجات غريبة عليه كبيرة على عمره نادراً ما تلقي طفل يسكت الكل يقول أي شي يعبر عن رأيه كنت أتجنن منهم طعمين جدااااااااا
مع حبي للجميع
نلو