ايه ده اتكلمتو كل ده وانا مش معاكم يعنى عشان انا عندى امتحان بكرة ومش فاضية اتناقش معاكم تقولو كل ده لوحدكم ماااااااااااااااااااااااااااشى
بس فى داهية الامتحان مقدرش اشوف عيونى مرجوجة وحبيبتى نلو بيتكلمو عن الرواية الرائعة احتضننى اللهب ومتكلمش معاهم مممممممم بصو بقى
اولا يانلو حرام عليكى انى كنتى قاسية اوى على الرواية ده انا ومرجوجة كنا طايرين بيها على العموم ده طبعا رايك واحترمه جدااااااا
اما عن رايى انا فا انا شايفة ان الرواية روعة جدا ورومانسية جداااا ومنقدرش ننكر ان فيه حب من اول نظرة
وموجود فعلا مع انى للاسف عمرى مجربتو لانى ضده بصراحة بس موجود وشفناه كتير فى روايات عبير ومش لازم يكون الرغبة بس هى الى بتتحكم فى النوع ده من الحب لا بيكون فيه سحر خاص اتربط بين الشخصين بدون كلام حاجة ربطت بين القلبين حتى من غير مايعرفو بعض ولا اتقابلو قبل كده . اما عن الجزء الخاص انها كانت معاه على الشاطىء وهى مخطوبة هى فالكاتبة من اول الرواية وضحت انها مش بتحب خطيبها وانها وجدت نفسها مدفوعة فى الرتباط بخطيبها . فى الوقت الى قابلت البطل وحصل بينهم السحر والحب الفورى بينهم حست انه هو ده حبها المنشود . طبعا لازم نراعى هنا واحنا بنناقش روايات عبير ان ده مجتمع غيرنا واحنا بناقشها من منظورهم الاخلاقى لان لو اتكلمنا على منظورنا احنا الاخلاقى سدقينى كانت روايات عبير محكوم عليها بالاعدام الا قليل منها بس. فاخلينا نتكلم على مجتمعهم هما
اثر فيا اوى موقف يوم زفافها ساعة ماعرف البطل انها خطيبة اخوه كان موقف لايحسد عليه . وكان واضح ليا من الاول انه اجبرها على الزواج منه عشان بيحبها مش عشان يحمى اخوه منها .
بس بصراحة هو ظلمها كتير واتهمها كتير وكله بسبب ابوها المختل نفسيا
معجبنيش موقف البطلة لما بباها جالها وطلب فلوس وسرقت فلوس من جوزها وادتهم لبباها موقف خاطىء طبعا يعنى هى عارفة انه بيشك فيها تقوم تاكد شكه وكمان لما شافتها الخادمة مش تقولها انه بباها
بس صعبت عليا جدااااااا لما طردها وعاشت لوحدها فى الفقر ورفضت انها تبيع الخاتم
بصرف النظر عن المقاطع الى خلت وشى يقلب الوان انما فى العام الرواية رائعة ومشوقة جداااا