| المعلومات |
| الكاتب: |
|
| اللقب: |
عضو راقي  |
|
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
المنتدى :
المقبلات والسلطات
أم رنا وأحب الليل,,تفضلوا ,,بهارات المجبوس القطري بالصور,,روعه لاتفوتكم ..
السلام عليكم ورحمة الله وبركاته ,,,
حبيت أشارك أعضاء المنتدى الغالي على نفسي بطريقة البهارااات الروووعه هذي ,,, وصدقوني ماقلت عنها روووعه ,, إلا لأنها فعلاَ كذلك ,, أعطتني اياها وحده من معارفنا ,, ومن يومه وأنا معتمدتها ,, وقبل رمضااان لازم أسويها وأوزع منها ,,, ريحتها مافي أحلى منها ,, ولين سويتي المجبوووس ,, تأكدي انو جاراتج بيسألونج عنها ,, عاااد هنيه لازم يكون عندج كمية في الفريزر تعطينها منها ,, ههههههه
طريقة حفظها : تقدرين تكيسينها وتحفظينها في الفريزر ... والحين تفضلوا الطريقة ... 1- فلفل أسود ~~~ 1 كيلو[
2- كزبرة (( جلجلان )) ~~~ 2 كيلو
3- كمون (( سنوت )) ~~~ 1وربع كيلو
4- كركم ~~~ 1كيلو
5- دارسين ((قرفة)) ~~~ 35 غرام
6- مسمار ( القرنفل ) ~~~ ربع كيلو
7- عرق الهيل ( خولنجان ) ~~~ ربع كيلو
8- زنجبيل ~~~ ربع كيلو
9- هيل حبشي ~~~ ربع كيلو
10- فلفل أحمر ~~~ 1 ونص كيلو ( المدور ,, الظاهر أسفل الصورة )
11- ينسون ~~~ 100 غرام
12- حلوة ( الشمر الحلو ) ~~~ ربع كيلو
13- ورق غار ~~~ 100 غرام
14- حلبة ~~~ 150 غرام
15- هيل + حبة البركة ~~~ مقدار كوب أو كاسة ماء تقريباَ
وهذا الهيل 
ملاحظة مهمة ::
تشفشفين أو تحمصين الينسون والكمون والفلفل الأحمر فقط ولفترة بسيطة وحاسبي لاتحترق .. ولما تحمصي الفلفل البسي كمامة لأنة يحرق شوي ,,,
بعد ما تجمعين هالبهارات وتنظفينها .. مع انها عادة تكون نظيفة خاصة اذا شريتيها من المجمعات الكبيرة ,, تقومين بطحن البهارات وانا أوديها للمكان اللي يبيعون فيه البهارات أو القهوه وهم يطحنونها ,,أدري بتقولون الكمية كثيرة لكن أنا ماقدرت أخلي المقدااار للنصف.. لكن انتو ممكن تنصفوون المقداار ,,
وهذي البهاارات هي نفسها البهارات المشكلة اللي نشتريها من السووق ,, لكن هذي أنظف وريحتها واااااايد حلوة ,,, وعليكم يالعافية ...
وهذي صورتها ,,, شوفوا لونها الحلو ,,,
وهذي صورة ثااانيه ,,, ريحتهاااا تهبل ,,,
وهنا كيستها وصااارت جاااهزه للحفظ بالفريزر ,,,
عاااد الله الله بالردود الحلوه اللي تفتح النفس عشااااان أتشجع وأنزل مواضيييع ثانية...
التعديل الأخير تم بواسطة احب الليل ; 06-06-11 الساعة 11:34 PM
|
31-12-10, 01:23 PM
المشاركة رقم: 1
جديد مواضيع قسم المقبلات والسلطات
العرض الشجري
