ويزيد بي آلصوع بذكرى كنت بهآ آلمنهآني

20-12-10, 10:42 PM

2 links from elsewhere to this Post. Click to view.

المشاركة رقم: 1

المعلومات
الكاتب:	آكبر طآف
اللقب:

البيانات
التسجيل:	Dec 2010
العضوية:	208303
المشاركات:	87
الجنس	أنثى
معدل التقييم:
نقاط التقييم:	124

االدولة

مدونتي

الإتصالات
الحالة:
وسائل الإتصال:

المنتدى : القصص المكتمله من وحي قلم الاعضاء

ويزيد بي آلصوع بذكرى كنت بهآ آلمنهآني

ويزيد بي آلصوع بذكرى كنت بهآ آلمنهآني

روابط البارتات من البارت الاول للحادي عشر

ويزيد بي آلصوع بذكرى كنت بهآ آلمنهآني

ويزيد بي آلصوع بذكرى كنت بهآ آلمنهآني

ويزيد بي آلصوع بذكرى كنت بهآ آلمنهآني

البارت الثاني عشر

ويزيد بي آلصوع بذكرى كنت بهآ آلمنهآني

البارت الثالث عشر

ويزيد بي آلصوع بذكرى كنت بهآ آلمنهآني

البارت الرابع عشر

ويزيد بي آلصوع بذكرى كنت بهآ آلمنهآني

البارت الخامس عشر

ويزيد بي آلصوع بذكرى كنت بهآ آلمنهآني

البارت السادس عشر

ويزيد بي آلصوع بذكرى كنت بهآ آلمنهآني

البارت السابع عشر

ويزيد بي آلصوع بذكرى كنت بهآ آلمنهآني

البارت الثامن عشر

ويزيد بي آلصوع بذكرى كنت بهآ آلمنهآني

البارت التاسع عشر

ويزيد بي آلصوع بذكرى كنت بهآ آلمنهآني

البارت العشرين

ويزيد بي آلصوع بذكرى كنت بهآ آلمنهآني

^ ^

عــفــت الــغــلا .. عــفـــت الــغـــرآم وروآآجـــــه
ودرب يـــوديــــنــــي عـــــلــــــى بـــــــــــاب بـــيــــتــــك

تـبـيـعـنـي فــســـوق الـغــيــاب .. وحــراجـــه ؟؟
وآنـــــا خــســـرت الـعــمــر .. حـــتـــى شــريــتــك

ضـحـيـت لــكــن تضـحـيـاتـي .. ســذاجــه ؟؟
وانـــــا احــســـب انـــــي .. فـالــغــرام اهـتـنـيـتــك

لــــو آن يــــدي تـحـتــاج .. وتـصـيــر حــاجـــه
بـقــطــع يـــــدي وآمــــــوت .. ولا رجــيــتــك ؟؟

حـــــــلاك صـــايــــر فـــــــي عــيــونـــي ســمــاجـــه
وغـــلاك مـــا يـشـفـع .. مـــا دآآآمـــي لغـيـتـك

شــربــت مــــن ضــيــم الـمـعـاتــب .. هـمــاجــه
وغـفـيــت فــيــك .. ولـيـتـنـي مــــا وعـيـتــك ؟؟

لــــو قـلـبــي مــجـــرح .. وعــنـــدك عــلآآآآجـــه
نـصـيــت كـــــل الــنـــآس .. ولا نـصـيـتــك ؟؟

الـقـلــب كــنــت آنــــت .. الـسـبــب فـابـتـهـاجـه
واليـوم صـرت انـت .. السبايـب بكيتـك ؟؟

امسيت .. ما آبغي من ورى الناس حاجه
وآصبحـت .. متحـسـف عـلـى انــي جنيـتـك

حـكــرت شـوقــي وســــط .. عــنــق الـزجـاجــه
واهـلـكـتـنـي ضــامـــي .. وآنـــــا قـــــد سـقـيـتــك

بـكــره لـيــا هـبــت عـلـيـك . . العـجـاجـه ؟؟؟
ونــســوك خــلآنــك .. لا تــرجـــع فـديــتــك ؟؟

هــدمــت عــرشـــك وآنـكــســر عـــــز .. تــاجـــه
وانـــا قـرصــت اذنـــك . . ويـامــا نهـيـتـك ؟؟

يـذبـحـنـي .. إنــــك شــخــص عــلـــى مــزآجـــه
ويـذبـحـنـي .. انــــك يــــوم تـطـلــب عـطـيـتــك

كـنــت آحـســب انـــك .. للـمـضـيـع ســرآآجــه
وآثــــرك لــيــل " .. لـيـتـنــي مـــــا سـريــتــك ؟؟

الـــــى طـلـبـتــك مــــــن غــــــلاك .. آنــتــوآآجــه
سـقــت الـعــذر .. وتـــروح مـــآآ عـــآآد ريـتــك

كـــآنــــك تــحـــســـب إنــــــــي آحــــبــــك لـحــــاجــــه
انــســى الـمـحـبـه .. وآعـتـبـرنـي نـسـيـتــك ؟؟

تسآندت على آلكرسي آخر شي وآنآ متضيجه وآلقهـر ظآرب عدآده ويآيه .. هآلمدير آلسخيف مدري شوه مشكلته ويآيه ... آنآ مب مرتآحه ويآه .. مب مرتآحه موليه .. بس مرتآحه بطبيعة شغليه .. ومآآتوقع آنيه بلآقي شغل آحسن عنه ..
تنهدت .. و تبعت تنهيدتي تنهيده ثآنيه آمممم خففت منيه آلقهر آللي آستحل قلبي .. آلتفت بسررعه على آلبآب آللي جنته آنفج .. ومآلحقت على آلسفيه آللي فجه من غير آستآذآن .. ولكني لحقت على كلمة " آسف "
عدلت من وضعيتي على آلكرسي .. و مديت يدي ل سمآعة آلتيلفون ..

: مكتب طيرآن آلآمآرآت .. آهلآ و سهلآ ..
: هلآ آخويه .. لو سمحت آبآ آتنشدك عن موآعيد آلحجوزآت للملكه آلعربيه آلسعوديه ..
: تكرم عينك .. آمممم في عندنآ آليوم آلسآعه 7 آلمسآ .. و فيه بكـرآ آلسآعه 10 آلصبح .. و في عندنآ بعد آلجمعه 9 آلمسآ ..
: آيوآه .. خلآص على خير ..
آلعآمل : بدك آيآني آحجز لك .. لآنو بصرآحه عندنآ ضغوطآت بآلحجز .. و يمكن آلسستم و مآبيقبل يقبلج ؟؟
: آمممم خلآص آوك .. آحجز لي 3 تذآكر بآسم مهآ سيف آل .. على حجز يوم آليمعه ...
آلعآمل : وتككككككككرم عينك .. آمتى بدك تشرفينآ ؟؟
: آلحين عنديه دوآم ..بخلص دوآمي آلسآعه 2 و بمر عليك ..
آلعآم : و نحن في آنتظآرك ..

سكرت عنه .. وطآحت آنظآري على آلسآعه جفتهآ آلسآعه 12:30 .. يعني وقت آلصلآه ..
تنهدت .. و قمت يدآ آلدرج وطلعت لي آلسيآده و عدلت وقآيتي ويلست آصلي فرض آلظهر ..

وآثنآء صلآتي .. حسيت آن آلبآب آنفج .. و آلخطوآت تجدمت مني ..
آرتعبت شوي ..
بس حآولت جد مآآقدر آنيه آكون طبيعيه وآركز في صلآتي ..

تشهدت .. و ختمت صلآتي بدعآء آفضل يكون بيني و بين ربي .. و قمت و آنآ آطوي آلسيآرده ..
لفيت على آلبآب .. و آنصدمت بوجود غآنم في آلمكتب .. و آللي آربكني آكثر آن بآب آلمكتب مسكـر ..
توني آبآ آرمس هزني صوته بنبر آكرهآ ..

غآنم : آنتي شوه سآلفتج تعآندين و لآ تعآندين ؟؟؟
طآلعته بستهزآء : مآبيين و بينك آي شي عشآن آعآندك ..

مآحسيت آلآ بصرخه هزت آلمكآن وهزتني ويآهآ ..

غآنم : سببببببببببببببببببببق وحذرتج من هآلحركآت آلسخيفه و لكنج مآسمعتي آلكلآم .. تحريني دوووم بسكت لج .. دوووووووووووم ..

: مآجبرتك تسسسسسسسسسسكت .. تبآ تفصلني مآقلت لك لآآآ ..

عطيته ظهري و آنآ حآسه آنه مب نآوي على خير موليه آليوم ..

غآنم: جم مررره حذرتج من آن آلبآب مآيتسكــــــــر .. فآآآضي آنآ لج و لحركآت آلمرآجعين آلسخيفه .. فلآن يشتكي .. و علآن يشتكــــــــــــي .. تحريني فآضيلج ..

: مآلك حق تحآسبني علي تسكيري للبآب في وقت صلآتي ..

غآنم : لآوآلله .. مآلي حق يوم مآآسمع منج آي شكوى .. بسسسسسسسسس دآم آلمرآجعين آيونج ويلآقون آلبآب مسكر لي حق فآآآآآآآآآآآآآهمه ..

حطيت آلسيآده في آلدرج: وآلله يآ آخ آذآ آنت ريآل ومآيعيبك شي .. فآنآ حررمه .. و آدنآت آلقليل يعيبني .. صح آنيه آعبد ربي .. بس مآحد يعلم شوه في نفوس آلنآس ..

حسيت به وقف ورآي و مسكني من زندي و لفني يدآه .. و همس لي بهمس بسيط ..

: مب نآويه تعقلين آنتي ..؟؟
طآلعة قبضة يده .. وبعدهآ آبتسمت له بستهزآء : آلحمدلله آلله مآخلقني مينونه ولآ حتى نآقصه عقل ..

طآلعني بنظرآآآت كرهه .. آقدر آميزهآ عن بآجي آلنظرآت ..
حسيتبه شآل منيه كم من آلقهر .. ولو شوره بس يجرب يدينه من منحريه ويجتلنيه ..

بجذب عليك لو قلت لكم آنيه مب خآيفه .. آلخوف كللللللللللله صآر لآجئ لي ..
بس مدري من وين يمعت آلقوه كلهآ وسحبت يدي عنه ..

: يآليت لو تحآسب على لمسآتك ثآني مره ..

ومريت من حذآله .. وتوجهت للبآب ..
وفجيته و تميت مآسكه مقبض آلبآب ..

: وصلت آللي عندك .. خلآص تفضل لمكتبك لو سمحت ...

طآلعني لفتره من آلوقت .. مدري جم تعدت ..
بعدهآ تجدم مني ووقف مجآبلني وهمس لي بهمس بسيط جدآ جدآ ..

غآنم : بس لو آعرف هآلقوه من مولفتنهآ كلهآ ..

وروح عنيه ..
وسكرت آلبآب ورآه ..
ترآخيت على آلبآب و آنآ ميته من آلقهر ..
و آلخوف كله مشتعل فيني ..

غمضت عيوني و آنآ مآزلت مترآخيه على آلبآب ..
يآ آلله جم آكررهه هآلآنسآن ..
مب مرتآحه بوجودي ووجوده في نفس آلمكآن ..
مب مرتآحه ..
بس مرتآحه لطبيعة شغليه .. مآفيه تعب ..
مآيترآكم آلشغل ..
و مآآتوقع بلآقي شغل مثل هآلشغل يريحني ..

تميت لدقآيق و آنآ على حآلي .. بعدهآ فجيت آلبآب و رجعت لمكتبي ..
آنهيت آشغآلي كلهآ من هآلوقت لين آلسآعه 2 ..
وبعدهآ آنتهى وقت دوآمي .. و قمت من على آلكرسي و لبست نظآرتي آلشمسيه و شليت لآبي و تيلفوني و سويج موتريه و روحت ..

طلعت للبآكن و حطيت آغرآضي في موتريه آلدوج آلرصآصيه على آلكرسي آللي ورى وتحركت ... مريت على مكتب آلتكت وخلصت آلآجرآءآت ورجعت آلبيت . كآنت آلسآعه 3 ..

حدرت آلبيت و مآلقيت آي حد موجود ..
تحركت لغرفتي .. و فريت آغرآضي.. حدرت آلحمآم آلله يعزكم .. وبعدهآ فريت عمريه على آلكرفآيه ..

ويت ويت لآتتوقعون آنيه على تعبيه هذآآ برقد .. آصلآ آنآ مآآحب رقآد آلظهر .. مآورآه غير آلظيج و آلتعب و آلنفسيه آلززززززفت ..

تميت منسدحه على ظهريه .. سحبت آللآب و يلست آلعب عليه ...
آمممم مدري آذآ غفت عيني آو لآ ..
بس من جفت آلسآعه آنصدمت .. كآنت آلسآعه 6 ..

قمت و صليت فرض آلعصر و طلعت للصآله .. جفت ميود و حمود يآلسين في آلصآله يلعبون بلي ستيشن .. و مآ شآء آلله كل سبل آلرآحه موجوده ..
بقآيآ آكل من آلكفتريآ مفرور في آلصآله ..
بقآيآ غرآش ببسي و مآي ..
آشرطه شرق و آشرطه غرب . ( آفلآم آلبلي ستيشن )
آنتبه لي ميود ..

ميود : مرحبآ مرحبآ بملكة آلسآآآآآآآآآحه .. مرحبآ ببنت آلعم .. نورتي آلبقعه ..
آبتسمت له : آلنور نورك ..
ميود : يآخي وينج آنتي موليه مآنجوفج ..
: ههه آللي يبآ آلصلآه مآتفوته .. آمممم حمود ويت آمآيه ؟؟
حمود : رآحت عند يدوه ..

طلعت من آلصآله ..
هبت عليه نسمه من آلهوى .. طيرت قذلتي .. آبتسمت .. على حرورتهآآ آلآ برودتهآآ تظرب على خدودي ..

طلعت آتمشى في آلزرآعه ... تذكرت رآشد ..
طلعت فوني و آتصلت به ..
كلهآ ثوآني و هو دآق لي مره ثآنيه ..

: هلآآآ ..
رآشد : هلآ هلآ حبي .. شحآلج ..
: تمآم طيبه .. آنته شحآلك ؟؟
رآشد : من سمعت صوتج بخير و لآ من بونهآ آلعآفيه آمره مآوطتني ..
: هههه آويه لهآلدرجه مفعولي قوي ..
رآشد : هههه حيآتي آخبآرج ..
: آممم لآ بآس ..
رآشد : آسمعج مجآبله آلمهب .. وين ؟؟
: طآلعه آتمشى في آلحوش ,,
رآشد : حبيبي منوآ يطلع في هآلحر ؟؟
: مآعليه بآس .. آممم مآقلت لك .. بسآفر للسعوديه ..
رآشد : تعتمرين ؟؟
: هيه ..
رآشد : يآحيج وآلله .. منوآ بيروح ويآج ؟؟
: آممم آنآ و آميّيه و آبويه ؟؟
حسيت من نبرته آن تضآيج : و خوآنج ؟؟
: آمممم آللي يبآ يروح حيآه .. مآبمنع آي حد آنه يروح ..
رآشد : تبين آلصدق ؟؟
: آذآ معآرض روحتيه آمره لآترمس ..
رآشد : هيه معآرض ومآبآج تروحين ..
: رآشد سبق و قلت لك مآآحب آي حد يتحكم بحيآتي ..
رآشد : آذآ تسمين حبي و خوفي عليج تحكم شي رآجع لج ..
: رآشد ..
رآشد : تدرين مهوي .. آنتي جي على طول .. ومآ عمرج مآبتتغيرين ..

ودفنه ويهي ..
لآتستغربون من شي موليه ..
هذآ هو آسلوبنآ آنآ و رآشد ..
نحب بعض ..
بس آلتفآهم مفقود من بينآ ..

آنآ آحب آكون حرره ..
مآآحب حد يتحكم بي ..
ورآشد يبآني ملكه ..
ويفرض رآيه عليه ..

تمشيت في آلزرآعه .. و تذكرت مهآري فديتهآآ .. بآجر عرسهآ ..
وآتصلت بهآ ..

مهره : هلآآآ آلقآطعه ..
: هههه حرآم عليج مب قآطعه آنآ .. دومني آتصل بج ..
مهره : هههه شحآلج ؟؟
: تمآم طيبه .. آنتي شحآلج ...
مهره : منيحه .. وبنشكر آلله ..
: هآآه شوه آلنفسيه بآجر آلعرس ..
مهره : هههههه سكتي آلله يخليج ... آرمس ربعيه يقولن لي كلهن يكونن خآيفآت من هآليوم .. آلآ آنآ عآدي آعتبره و آلخوف معدوم ويآيه ..
: هههه لآزم عآدي .. آذآ آليلسه في آلميلس بآلسآعآت و يآ هآلسآلم ... و آلطلعه لآبد منهآ كل شهر .. و آلتيلفون مآيتوقف موليه ..
مهره : هههه آنزين آحبه شسوي ..
: سكتي سكتي آلله يخليج آنتي تبين تخربيني ..
مهره : آممم آكيد بتين مهووي صح ..
: آكيد .. وآول آلمعآزيم بعد ..
مهره : يآحيج ..
: تعآلي مآقلت لج .. تظآربت و يآ غنّووم آليوم ..
مهره : هههه مآشي يديد .. هذي آنتي .. من آشتغلتي و مآعندج شغله غير آلمظآرب ويآ غآنم .. آممم شحقه ؟؟ شوه آلسبب آليوم ؟؟
: مآيبآني آقفل آلبآب ..
مهره : آممم آي بآب ..
: بآب آمكتب ..
مهره : جنه سبب سخيف شوي ..
: مب شوي وآآآآآآآآآآآآآآآآآآآآآآآآآآآآيد .. بعد حجزت لي تكت للسعوديه ..
مهره : وآلله .. يآآآآآآحيج وآخيرآ بتروحين ..
: هههه هيه وآلله مآبغيت ..
مهره : بروحج ..
: نو مآآم آند بآآب ..
مهره : و آخوآنج ؟؟
: آممممم مآلي خص فيهم .. مب نآشده عنهم .. آللي يبآ حيآه .. بيزآته في مخبآه و يحجز له . .آلطيآره فيهم و بلآهم بطير ..
مهره : هههه آنتي قويه تدرين ..
: هههه يب يب آي نوو .. آممممم آقلج بخليج آلحين آوك ..

سكرت عن مهآري و رجعت للصآله .. يلست على آلكنبه و شغلت آلتيلفزيون .. و حمود وميود يآلسين يلعبون ب تيلفونآتهم ..

جفت عبيد و حميد نآزلين من فوق ..
ومطقمين بملآبسهم ..
كل شي فيهم يقول آنهم توآم .. وغصصصصصصب يخلون عمآرهم توآئم و هم مب توآئم ..
مع آن فآرق آلسن من بينهم آلآ مآبين موليه ..
عبيد 23
حميد 21 ..
بس آفكآرهم متجآربه .. و مآيحبون آلطلعه آلآ ربآعه..

لمحت آلعصبيه ف آسلوب عبيد : حموووووود ..
محمد : هآآآآآه ..
عبيد : شووه مسوي بآلغرررررررفه آلهرم ؟؟
محمد : قلت لهآ ترتبهآ مآطآعت ..
عبيد : كلمتين و بقولهن مآبثنينهم فآآآآآآآهم .. آلغرفه آللي موصخنهآ آنت ترتبههآآآ .. مب آلبشكآره آنته ... وصدقني يآويييييلك آن يتني مره ثآنيه تشتكي منك .. وقسسم بآلله و هآي حلفه بآلله آذآ يتني يوم من آلآيآنم تشتكي منك يآويلك ..
محمد : عيل شحقه مآتي ترتب آلغرفه .. يعطيهآ آبويه آلرآتب بلآآش .. لسوآد عيونهآ .. ؟؟
عبيد : يوم آنت تعطآهآآ آنت آلرآتب قول هآلكلآم .. و يوم آنه غيرك آللي يدفع لهآآ حط لسآنك في حلجك ..
محمد : عيل شحقه مآترتبهآآآ ؟؟

صرخ عبيد صرخ بلدتني في مكآني : ويوووووووم حضرة جنآبك تنش آلعصر آمتى ترتبهآآآ لك .. نش مثل آلخلق و عليه آنهآ ترتب لك آلغرفه ..

تعيبني شخصيه عبيد ..
بس دوآمه وآيد مآثر على حيآته ..
رتبته وكيل .. و متعود آنه يصدر آلآوآمر و غير قآبله لآي نقآش .. وتغلب عليه آلقسوه ..

عبيد : وولد عمك ويآآآآآآآآآآآآآآك صح ؟؟
ميود : هيه ..
عبيد : وقسسسسسسم بآلله آنيه طآلع آلحين لغير آن رجعت و لقيت آلغرفه على حآلهآ بزوآلكم آنتوآ آلآثننين .. آلملآبس آللي مفررينهن تلمونهن آنتوآ للكبت .. و آلعفسسسه كلهآ هآييج آنتوآ ترتبونهآ .. و خل آجووف آي مشكله ثآنيه صآيره و يآ آلبشكآره بسببكم آنت ويآه .. وآلغرفه آلحين ترتب .. مفهوووووووووم ..

ميود و محمد : مفهوم ..

نشوآ من آلدعنه و روحوآ آلغرفه ..

حميد : مهوي وين آمآيه ؟؟
: آممم يقلي حمود آنهآ رآيحه عند يدوه ..
وجه آنظآره لعبيد : شوه آلرآي .. نسير لهآ ..
عبيد : آن سرنآ لهآ يدوه بتمسكنآ .. وبنتآخر على آلشبآب .. آممم مهوي خبري آمآيه آنآ روحنآ قطر آوك .
: آوك ..
حميد : يآلله عيل ..
: آممم وييت لحظه .. حبيت آخبركم .. ترى حجزت لي تكت و للمآيه و آبويه للسعوديه .. وآلسفر بآليمعه آن شآء آلله ..
نبرة آلعصبيه في صوت عبيد نرفزتني : وآنتي لييييييييين متى بتمين جي .. تسوين و لآ تشآورين حد ..
: من آمتى و آنآ آشآور آي حد .. قرآرآتي آنفذهآ بروحي و بدون مشوررتك و مشورة غيرك .. وهآلآسلوب ترى مآيمشي ويآيه .. لآتنسى آنك آنت في آلبيت .. في آلبيت مب في آلدوآم وجدآم آلشبآب وتصآرخ علينآ بهآلآسلوب ..

صآح تيلفونه و قطع عليه من آنه يرد عليه ...
آستحل حميد مكآنه وطآلعني ..

حميد : مآعليه .. آليمعه آلصبح نحن موجودين و بنتفآهم على هآلشي .. آمممم لآتنسين تخبرين آمآيه ..

روحوآ عنيه .. و آنآ تميت يآلسه في آلصآله آتآبع آلتي في ..
مدري جم من آلوقت مر .. بس حدر آبويه آلصآله . سلمت عليه و يلس ويآي ..

: آممم آبويه ترآني حجزت آلتكت ل آلسعوديه ..
آبويه : حق منوآ ؟؟
: آنآ و آنت و آمآيه ..
آبويه : و آلحلآل يآ آلغآليه .. مآيصير نخليه بلآ حد ..
: آمممم مآعليه آبويه يومين مآيغنن عن حآيه .. بعدين خوآني هنآ .. آمر عليهم شوه خآنتهم عيآلك بلآش ؟
آبويه : خوآنج مآبروحون ؟؟
: آممم لآآ ..
آبويه : عيل يآبتني مآيصير ..
: آبويه آلله يهديك عيآلك يحومون ومب مخليين بقعه .. و هه آلحين رآيحين قطر محد قآلهم لآآ .. وحتى مآتنشدوآ عنكم .. شوه تبآبهم .. بعدين آبويه ترآك محصل تكت بلآش و سفر بلآش.. شوه تبآ آكثر جي ..

مب قصدي آلمذله .. بس من بآب آلسوآلف .
حتى آنيه قلتهآ له بمزح و آنآ آضحك ..

آبويه : ههه على خير آن شآء آلله ..

روح آبويه يدآ غرفته يتسبح لآنه توه يآي من آلعزبه .. و آنآ رحت آتيدد للصلآه .. صليت آلمغرب .. و لبست عبآتي و شليت سويج موتريه و مريت على غرفة آمآيه آللي مآزآلت على سيآدتهآ ..

آمآيه : هآه غنآتي شوه فيج ؟
: آمآيه آنآ بروح آلسوق آوك ..
آمآيه : برآيج آلغآليه ..
: آممم مآبتروحين ويآي ..
آمآيه : لآ لآ مآفيه هبه .. آنتبهي على عمرج بس ..
: آن شآء آلله .. بس مممم خبرج آبويه عن روحة آلعمره ..
آمآيه : هيه مآيه خبرني .. آلآ مآيصير نروح عن خوآنج ..
: آمآيه آلله يهديج خوآني بيدبرون عمآرهم .. مآحد فيهم صغير ..
آمآيه : و حمود ؟؟
: حمود مآعليه بآس .. خليه يقر في آلبيت خلآآف حآتيه .. وآذآ خوآني يبون يروحون مكتب آلطيرآن عندهم .. آلطيآره فيهم و بلآهم بتطير ...

روحت لموتريه .. و توجهت للسوق . .

شريت لي شوية آغرآض ..
جنزآت .. بلوزآت .. جوآتي .. وفصلت لي عبآيآ .. و مريت على محلآت آلعربيه للعود و خذت مجموعة عطور لمهآري .. و غلفتهن في بوكس حيلو .. ومريت على سوق آلصحون و شريت لآمآيه شوية صحون .. من نرجع من آلعمره آكيد يآرآتهآ بين يسلمن عليهآ ..
وآكيد بتحتآي آمآيه لوعآيين يدآد ..

رجعت وآنآ هلكآنه من آلتعب ..
طنشت آلسآمآن .. و كل شي ..
ومآنزلت و لآ آي حآيه من آلموتر ..
غير آني شليت بعمريه و روحت يدآ غرفتيه و رقدت فيهآ و آنآ ميته من آلتعب .. هبآبني بس صليت ..

بآلبآجر في آلدوآم ..

خلصت آلمعآمله آللي في يدي .. آقصصد آللي رجعهآ ليه آلسخييف ..
و شليتهآآ و روحت لمكتبه .
دقيت آلبآب و حدرت ..

آنصدددددددمت بوجود بنوته يآلسه على آلكرسي .. و غآنم يآلس على آلكفر مآل آلكرسي .. يعني جريب منهآ وآيد ..

هه هآي نهآيتك يآ غآنم ..
رآعي بنآت ؟؟
هه ولآ بعد في آلشركه ..

آممم مآبجذب صرآحه آذآ آنآ بنت وعيبتني حلآة آلبنت .. شقآ غآنم بيقدر يقآومهآ ..

هه .. دنيآ ..

تغنجت شوي .. مب لشي للقهر بس : سووري .. مآكنت آدري آن عندك ضيوف ..
غآنم : روآضي مب ضيفه .. روآضي رآعية آلمكآن ..
: مرحبآبهآ .. آمممم بس ممكن توقع لي على هآلمعآمله ..

مد يده وخذآهآ عنيه ..
لآ لآ آليوم فقمة آلآحترآم .. كله و لآتتشوه آلسمعه جدآم صآحبة آلسمو ..

: آممم لو سمحت آستآذ من يروحون ضيوفك تعطآني خبر .. آبآك في موضوع ..
غآنم : قلت لج روضه مب ضيفه .. قولي شعندج ..
: آممم آبغي آجآزه ..
غآنم : آسف ..
عآندته : وآنآ آبغي آجآزه .
غآنم : و آنآ قلت آسف و نسي آلسآلفه ..
: لآ وآلله ..
غآنم : مآعندنآ آي مجآل عشآن نعطي آي موضف آجآزه ميره عندهآ آجآزة وضع .. و سيف معرس ومآآقدر آخليه يدآوم .. و علي مب موجود في آلدآر ..
: مشكلتكم آذآ مب منظمين آلخطه آلسنويه .. و آنآ آجآزتيه بآخذهآ بآخذهآ ..
غآنم : آربع آيآم و مآلج غيرهن ..
: آسبوع ..
غآنم : آربع آيآم ومآبرد بكلآمي ..
: آوك آنجلع .. لآتحسب حسآبي آدآوم .. آذآ آنت مآوآفقت على آجآزتي .. بوآفق عليهآ بروحي .. آممم لآتنسى آدور آي موضف عشآن يدآوم بدآلي ..

روحت عنه ..
حدرت مكتبي و يلست فيه .. كهآ دقآيق وفوني يصيح ..
جفت رقم حمود ..

: هلآ محمد ..
محمد : هلآ مهوي .. و ين آنتي ؟؟
: وين يعني .. آكيد في آلدوآم ..
محمد : تدرين شوه قآلي توه ميووود ؟؟
: شوه قآلك ميود يآلرويتر ..
محمد : قآلي آن آبويه من زمآن كآن محيرنج لسعيد ولد عمي مهير .. و آليوم عمي يآآآ عند آبويه يبآآآ يملج آلحين قبل رمضآن ..
: آنزين ..
محمد : يعني بتملجين آنتي .. و نآآآآسه مهوي .. وآخيرآ بتعرسين ..
: آقلك حمود .. سير عند ميوود و قله يخبر سعيد آن بنت عمه مآتبآ تعررس .. وآحسن له يكنسل لآ يرجع منكوس آلرآس ..

ودفنته في ويهه ..
لآتتوقعون آنيه حررجت عشآن هآلسآلفه ..
بآلعكس آلبرود هو آللي مسيطر عليه ..
مآتستآهل آعكر مزآجي عشآن هآلشي ..

خلص دوآمي ورجعت للبيت ..

تجلبت على آلكرفآيه و آنآ حآسه بملل و عظآمي تعورنيه .. نشيت من على آلكرفآيه و نزلت تحت .. جفت آمآيه توهآآ يآيه من برى ومآسكه دلة آلقهوه و آلهيل يفوح منهآ ..

: مسآآج آلله بآلخير آمآيه ..
آمآيه : هلآ آمآيه شوه آمسيتي ؟؟
: بعآفيه .. آممم آمآيه عرس مهآري آليوم بتروحين ويآيه ..
آمآيه : لآ فديتج .. مقيله صآيمه .. و بفطر و بروح وبتوآطآ حيرتيه و برقد لين آلعشآ و بصلي و بتخذهآ حده لين آلصبح ..
: آم مهآري بتزعل آمآيه ؟؟
آمآيه : وجودج بيكفي ..

روحت غرفتيه و تسبحت على آلسريع ..
وطلعت و آنآ لآبسه آلروب مآلي ..

سشورت شعوريه ..
مآبقولكم آنه طويل ..
لآنه طوله على جتفيه ..
سشورته .. وركبت لي بوف عليه ..
وخطيت لي كرستآله بآللون آلفضي ..ز

آمممم يلست آجوف فستآني ..
شوه آلبس آلآسود و لآ آلوردي ..

آلآسود ملك آلآلوآن .. و آلودي ملك آلآنوثه ...
آستقريت على آللون آلوردي لآن آلمكيآج آللي في بآلي هو بآللون آلوردي ...

تمكيجت .. >> مآعليكم خبيره في آلمكيآج ..
ركزت على آللون آلآسود و آلوردي في مكيآجي ..
وحطيت لي روج بآللون آلآحمر آلصآرخ .. مدري ليه آحب حط هآللون .. يمكن لآنه يبرز جملي آكثر من بآجي آلآلوآن ...
خذت كرستآله بآللون آلفضي و بلمعه قويه على شكل دمعه وحطيت على لحيتيه 3 تحت بعض ..
لبست فستآني آلوردي ..
كآن عآري .. ومآفيه غير حمآلآت على آلرقبه ..
لبست آلعقد آللي يآيبنه ليه حميد علنيه فدآه ف يوم ميلآدي لذيج آلسنه ..
كآن خفيف بس حييييلو ..

لبست عبآتي آلجتف .. و شليت شنطتيه وحطيت فيهآ عبآة آلشل و مريت على آلكعب مآلي و لبسته و نزلت تحت ..
ركبت موتريه .. و تجهت للقآعه ..
آنصدمـــــــــــــــــــــت بآلزحمه آللي كآآنت جدآم آلقآعه ..
مآعرفت آبركن موتريه في آي بقعه ..

جفت مسآحه جدآم آلصآله .. وبركنت فيهآ .. و نزلت من موتريه .. روحت يدآ آلقآعه .
وقفت في غرفة آلتبديل و غيرت عبآتي و لبست عبآتي آلشل آللي تليق في مقآم آلآعرآس .... و تبين آلفستآن و آلكشخه ..

حدرت و سلمت على آلحريم آللي ف آلآستقبآل .. لين مآجفت آم مهره .. سلمت عليهآ و بآركت لهآ ..

آم مهره : آسميهآ آلآ مهره محتشره .. مآذتني قآلت لي آمتى مآيت بنت سيف آدخلينهآ عنديه ..
: ههههه حليلهآ. و ينهآ هيه ..
آم مهره : تعآلي بوصلج لهآ ..

وصلتني آم مهره لغرفة آلعرآيس و جفت مهره آللي صآير ملكة جمآل مآشآء آلله عليهآ ..
يعني جد جد آول مره آجوف مهآري بهآلحلآه ..

تجدمت منهآ و بستهآ على خدهآ ..

: هآآه آلعرووس شوه هبآتج ؟؟
مهره : سكتي مهووي وآلله آلحين حسيت آنيه بعرس .. خآيفه ..
: ههههه يآلله يهآلآستيعآب آلبطيء ويآج ..
مهره : ههههه وآلله جد خآيفه بآلقو ..
: مآعليج آنتي .. سآلم مب غريب عشآن تخآفين منه .. هو يحبج و آنتي تحبينه .. وآكيد بيدآريج ..
غطت ويهآ مستحيه : وآنتي كله كآآآآآآش في آلويهه .. يآخي آستحي وآلله ..
: ههههه يآحرمه مب رآكب موليه ..
مهره : هههه آنتي قوليلي شوه مستجدآتج ؟؟
: آممم تظآربت و يآ غآنم آليوم ..
مهره : مآشي يديد ؟؟ غير بعد ؟؟؟
: لآتقهريييييييينييييييييييييييييي لآ آكفخج آلحين .. يكفي مقهوره من ذآج آلسبآل ..ز
مهره : هههه شوه سوآبج يديد بعد ..
: مآطآع يوقع لي على آلآجآزه ..
مهره : ههه شحقه ؟
: شغلة نذآله .. يحب يعآندني .. يحب يقهرني ..
مهره : عيل شقآ آلسفر آلحين ..
: مآعليج جآن آآدبه آلهررم .. قلت له وآلله يآنيه مآبدآوم .. وجآن تبآ آدور غيري يدآوم في آلمكتب يدور .. ولآ آلشغل بيترآكم آلشغل ..
مهره : هههههه حفله وآلله ..
: عيل بذمتج يبآ يعطيني 4 آيآم و مآيبآ يعطيني آسبوع ؟؟؟
مهره : آنزين آنتي 4 آيآم يكفنج ..
: يكفن بس آنآ مآبآ .. مثل مآقلت لج .. شغلة عنآد ..

صآح تيلفون مهآري .. وجآن آخوهآ يقلهآ لآزم تحدر آلقآعه و يبون يحدورون عندهآ شوي ..

جآن آطلع من آلغرفه .. وطلعت للقآعه ..
كنت آحس عمريه ملكه و آنآ آمشي .. ونظرآت آلنآس كلهآ آطآلعني ..
حسيت فيه هيبه غريبه ..

طآلعت طآوله آيلس عليهآ .. و مآلقيت غير طآولة آلفي آي بي و رحت لهآ ..
يلست عليهآ .. ومن غير سآبق آنذآر تسكرن آلليتآت .. ومآكآن غيربقعه من آلضوء توجهن للبوآبه .. و ليتآت لليزر آللي مب مستقرآت في مكآن وآحد ..

آنفجت آلبوآبه ..
وحدرت مهآري ..
وكآنوآ خوآنهآ و يآهآآ ..
بحذب عليكم آن قلت لكم آن آلرؤيه كآنت وآضحه عنديه ... مآكنت آجوف عدل و آلسبب آلنقص في آلنظر ..
بس من تجربوآ .. بدت تتضح لي آلرؤيه ..

خوآن مهره حذآلهآ .. حد على يمينهآآ .. وحد عللى يسآرهآ .. و خوآتهآ عآشوه و ميثوه جدآمهآ و يرقصن ..

كل مآتجدموآ كل مآزآد آتضآح لي آلرؤيه ..
بس لين آلحين مب قآدره آميز ..
لين آلحين مب مبينه ويآيه ملآمح آلويه ..
آللي آجوفه بس كآئن آبيض و يتحرك خآلي من آي ملآمح ...

بدوآ يتجدموآ آلجمآعه ..
وآآنآ آرآقب تحركآت عآشه و ميثه ...
عيبتني حركآتهن .. لآنهن متقنه من آلخآطر ..

بدت تتضح لي آلرؤيه كآمله من ركبوآ على آلكوشه .
كنت آلمح آلآبتسآمه و آلضحكه في ويه مهآري فديتهآ ..
صحيح آنهآ كآن مرتبكه .. بس خوآنهآ من حولهآ هم آللي مهونين عليهآ ..

يقولون آلدنيآ نظرة عين ..
مدري شوه آللي خلآني آلف يدآ خوآنهآ ..

وطآحت آنظآري عليهم ..

ويت ويت ..
يمكن لآزلآت آلرؤيه عندي مب وآضحه ..
هذآ ..
هذآ ...
آمممممم هيه هو نفسه .. مستحيل آغلط في هآلويه ..
مستحل آغلط فآللي معيفني حيآتي ..

هذآ هو ..
غآنم ..

بس شوووه مدخله في آلقآآعه .. شووه علآقته بمهآري ..
آصلآ مآيحق له موليه آنه يجوف مهآآآري ..
مب محلل عليه ..مب محلل عليه ..

بس يآ مهوي خذيهآ بآلعقل .. مآحد غير آخوآنهآ و ريلهآ آللي محلل عليهم يجوفونهآ ..

غمضت عيوني بآلم ..
طول هآييج آلفتره تجذبين عليه يآ مهره .. هذي يزآتي فيج ..
هذي يزآتي فيج يآ مهره ..
تسمعيني آحترق .. و آنقهر .. من سبب هآلغآنم ..
وتصدميني آليوم بآنه آخوج يآ مهره .. آخووووووج ..

مدري آذآ كآنت آلرؤيه مب وآضحه لي من سبب نقص آلنظر ..
ولآ آن هآلشي نتيجه لتيمع دموعي في عيوني ..

عدلت غشوتي . .
وآنآ آبآ آهرب من هآلمكآن .
آبآ آهرب من هآلوآقع آلمؤلم .
آبآ آهرب من غآنم ..
آبآ آهرب من مهره ..
آبآ آهرب لكل من حولي ..

شليت شنطآي آبآ آطلع من آلقآعه كآمله ... وفي طريجي آستوقفتني آم مهره ..

آم مهره : وين رآيحه آمآيه ؟؟
: خآلتيه بررجع .. بسني هبآبني وآلله ..
آم مهره : آفآ يآ بنيتي ترضينهآ في حقي و حق ربيعتج توصلين ولآ تتعشين من عشآهآ ..
: خآلتيه و آلله قدرج آنتي و مهره على آلرآس بس ...
قآطعتني : لآ بس و لآ شي .. تعآآآلي ..

ومسكتني من يدي و قودتني للطآوله .. كنت آتحآشآ آوجه نظرآتي للكوشه .. كفآيآ آللي صآر كفآآيآآآآآآآآ ..

آم مهره : يآبنيتي شحقه مآكتي شي من هآلآكل . مآآجوفج كشفتي شي منه ..
: علنيه فدآج يآ خآلتيه آلآكل موطآي .. وآمتى مآبغيت بآكل .. و ترى مآحد يستحي من آلآكل ..
آم مهره وهيه تفج لي صحت آلتبوله و آلخبز و آلحمص : عيل يآلله آكلي و لآ تزعليني منج ..
: آن شآآآآآآآء آلله من هآلعيووون .. آلآ آنآ خلآص مآعليه بآس روحي جآبلي معآزيمج ..
آم مهره : معآزيمي مآعليهم بآآس .. كلي يآمآيه آنتي .

مآقآلت جي آم مهره آلآ بصوت نآعم من ورآي .. لآ آردي آلتفت ..
وليييتني مآآآتفت ...
تدرون منوآ ؟؟
روضه .. روضه آللي آليوم جفتهآ في آلشركه ويآ غآنم ..
رجعت عيوني للطآوله ..

روضه : خآلتيه آمآيه تنشد عنج ... مغيبتنج ..
آم مهره : هيه .. عآد آنآ يلست عند ربيعة مهره .. مهآ ... تعآلي يلسي ويآهآ مآيصير آتم بروحهآ .. و آنآ بسير آجوف آمج ..
آحتجيت بسرررررعه .. آنآ مب قآهرتنهآ .. بعد تقلي تيلس يآيه ..

: لآ لآ خآليته .. وآلهن لآ آنتي و لآ روضه .. روحن جآبلن معآزيمكن .. و آنآ مآعليه بآس ..
آم مهره : عيل يآلله سمي و مدي يدج للآكل ..
: آن شآآآء آلله .. من هآلعيون ..

روحت عني هآم مهره .. و ويآهآ روضه .. وجهت آنظآري للكوشه ..
جفت آلآخوآن مآزآلوآ متوآجدين فوق آلكوشه ..
آممممم هذآ شكله آحمد ..
مبين عليه و آيد حنون ..
هو هذآ آللي دآيمآ مهره تمدح فيه .. ودآيمآ يحن عليهآ ..
تميت آجوفه وهو يآلس حذآل مهآري .. و يضحك ويآهآ و يسولف ..

وجهت آنظآري مره ثآنيه للبنوتآت .. عآشوه وميثوه آللي مآزآلن يرقصن ..
تميت آجوفهن .. لآن بصرآآحه عيبني رقصهن ..
رقص متقن من آلخآطر ..

مدري شوه آللي خلآني آلف بآنظآري ل غآنم ..
جفته وآقف على طرف آلكوشه و يرمس بآلفون ..
جفته يطآلع بين آلحريم .. مدري وين آنظآره كآنت في آي مكآن ..
بس كآن تجريبه منيه ..
جفته يآشر ب آوك .. وهو يضحك ..
بعدهآ آنمدت له عصآ من آلطآوله آللي جدآمه .. و يلس آيوول بآلعصآ ..
شآركته عآشه آخته يولته بحيث آنهآ
كآنت يآلسه تحت و تيبس ..
وهو فوقهآ و آيبس ..
عيبتني آلحركه .. لجينه تميت آطآآلع ..

هه آكييييييد مب مكفتنه روضه يبآ غير روضه ..
يبآ يطيحج كل آلبنآت آللي في آلقآعه ..

صآح تيلفوني .. و جفته رقم رآشد .. بس مآرديت عليه ..
مب زعلآنه من آللي صآر آمس .. عآدي متعوده ..
بس لآني مآبسمع صوته .. لجي قلت بتصل به يوم برجع للبيت ..

رجعت عيوني للكوشه مآجفت غآنم و لآ آحمد ..
آممممم مآآهتميت ..
وفي نفس آلوقت يآبوآ آلعشآ ..
غرفت لي في صحن صغير .. و آكلت منه عن خآطر آم مهره ..
شوي و صرحـوآآن آلمعرس بيدخل ..
مدري جم من آلوقت طآف ..
بس آللي جفته هو غآنم و آلمعرس حآدرين ..

تميت آرآقب آلوضع ..
جفتهم تجدمـوآ من مهآري .. آللي آنبآن آلآرتبآك عليهآ بشكل ملحوووض ..
وتجدم منهآ سآلم و بآسهآ على خدهآ و على رآسهآ ..

يعبني هآلموقف في آلآعرآس ..
آن آلريآل يحب حرمته على رآسهآآ ..

آحس آن للحرمه هيبه ..
آن للحرمه قدر ..
على عكس آلريآل ..
آللي ينزل من غروره و كبريآئه ..
وينجبر يحب حرمته على رآسهآ ..

يلس سآلم حذآلهآ ..
وقررت آنيه آنآ آنسحب و آروح للبيت ..
قمت من على كرسيه و نآ حآطه آلغشوه فوق رآسي .. و شليت شنطتي ..
وروحت ..
يلست آطآلع لآم مهره .. لكن مآجفتهآ ...
جفت روضه كآنت آقفه وترمس بآلفون ..
تجدمت منهآ .. وسآلتهآ ..

: آممم روضه آم مهره وين ؟؟
روضه : آممم و آلله مآعرف .. من شوي جآيفتنهآ هنآك ..

وشرت لي على آلمكآن ..

روحت عنهآ و آنآ آطلع لآم مهره ..
لين مآجفتهآ .. و روحت لهآ .. كنآ في نص آلقآعه ..
في نص آلممر ..

: عآد آلحين يآ خآلتيه سمحيلي .. لآزم آروح ..
آم مهره : وين رآيحه يآ آمآيآ .. يلسي شوه كآضنج ( مستعيل بج ) ..
: هههه خآلتيه بسنآ .. آلوقت تآخر ..
آم مهره : آنزين يلسي شويه ..
: خآلتيه و آلله خآطري هآلآ ورآي سفر بآجر .. لآزم آسير آرتب آغرآضي ..
آم مهره : آلله يوصلج بآلسلآمه .. آنزين مآتبين تسلمين على مهره ..

مآقآلت جي آلآ بصوت آعرفه زييين يزقرهآ ..
لفت لمصدر آلصوت ..

آم مهره : هآه آبويه عونك ؟؟
غآنم : بوغنيم يبآ يزف حرمته ..
آمهره : حرمته ومآلنآ فيهآ رآي ..

جفته يتجدم آكر .. وآكثر . وآكثرر ..

طبعآ مآكنت متغشيه .. كنت متلثمه بطرف آلغشوه ..
آكييد آنه مآعرفني ..

غآنم : آنزين يعني نرخصه ..
آم مهره : رخصووه . هبآبهم نآشيين من آلصبح و تعبآنين ..
غآنم : آنزين ..

روح غآنم و لفت يدآي آم مهره ..

آم مهره : مآبتسلمين على ربيعتج قبل لآتروحين ..
: آممم خآلتيه ريلهآ ويآهآ .... فضيحه ..
آم مهره : لآ فضيحه و لآ حآيه ..تعآآآلي تعآآلي

وآلله آم مهره مآسوّت لي شور موليه ..
مسكتني من يميني وسحبتني ورآهآ ..
حسيت شكلي غللط وحده هبله ..

سلمت على مهره بسررعه .. كنت نآويه آقلهآ حآيه عن موضوع غآنم .. بعدين مآهآنت عليه ..
مهمآ يكون هيه ربيعته ... و ختيه .. و مآيهون عليه آخرب عليهآ ليلتهآآ ..

نزلت و سلمت على آم مهره وروحت ..
مريت على غرفة آلتبديل .. و بدلت عبآتي بعبآة آلجتف ..
وفي نفس آلوقت وصلني مسج من عند رآشد ..
يلست آقرآه و آنآ مب منتبهه للدرب آللي جدآمي ..

مدري كيف ..
بس آللي حسيتبه هآييج آلسآع هو دعمه دعمتهآ للشخص آللي جدآمي ...
آترفعت عيوني للشخص آللي جدآمي ...
وجفته غآنم ..
يآلله يهآلآنسآن..
وآلله يآنه مثل آلسبآل ... مآيقر في آلبقعه .. كل شوي في بقعه ..
يتنطط من بقعه لبقعه ..

همس لي : مهآ ؟؟؟
طنشته : آلسموحه مآآنتيهت لك .. ممكن آلطريج ..

ترآجعت لورآي لآني قربيه منه ..

عآندني وحسيت بآلخبث بكلآمه : عندج آلطريج من على يميني و من على يسآري ..

آتربكت .. و لكن حآولت مآآبين آرتبآكي .. عدلت غشوتي آللي حسيتهآ يتطيح .. و لفيت آبآ آمشي من على يسآره .. و لكن صدمتني يده على معصم يدي ..
مدري آذآ كنت آتوهم و لآ لآ ..

غآنم : آلممر كله ريآييل .. مآبتقدرين تمرين ..
: شي مآيعنيك ..
وفجيت يدي عن يده ..
وتجدمت خطوتين ..
وفعلآ جفت آلممر كله ريآييل ..
كنت نآويه آرجع على ورآي .. آرجع للقآعه ..
بس مآحقيتهآ على عمريه آنزل من غروري وكبريآئي جدآم غآنم ..
تجدمت خطوتين زيآده ..
ومآحسيت به آلآ مآسكني من نفس آلمكآن ..
سمعت همس بسيط من عنده وجنه كآتم على غيضه : آنتي شوه مشكلتج .. تعآندين و لآ تعآندين ..

سحبني ورآه .. و جني جد جد وحده هبله ..
خوز آلريآييل من آلدرب ومشآني ورآه ..

بس ويت ويت . .
آنآ شوه آسوي ..
يآلسه آتبعه وجني موآفقتنه ..

شليت يده عن يدي مره ثآنيه ..
وهمست له قهر : حآسب على لمسآتك ثآني مره ..
تجدمت عنه .. و شكله آليووم آلمود رآيق بس للمعآند ..
رجع و مسكني من يدي و طآلعني ..

غآنم : وين موترج ؟؟
مهآ : مآآحتآي لآي مسآعده منك ..
غآنم : ولآتجبريني آطلع غيضي فيج .. ويييين موترج ؟؟؟
عآندته زود : قلت لك مآآحتآي لآي مسآعده ..

طنشني و سبحني من يدي ورآه لين مآوصلنآ للموتر ..
غآنم سآحر ..
سآحر من قوم آبليس ..
شقآ عرف موتريه ..

غآنم : وين آلسويج ..

فجيت يدي من يده و دخلته في آلشنطه وطلعت آلسويج و فجيتهآآ و ركبت و سكرت آلبآب ورآي ..
كنت ملآحظه آنه لآزآل وآقف في نفس آلمكآن .. ومجتف يدينه .. و يطآلع آلموتر ..
لكن صدمني آكثر وآكثر يوم فج آلبآب وتجدم مني ..

طآلعته بصدمه ..
ولكن آلتزمت آلعصبيه و آلجد ..

: لو سمحت آلشيخ ترآهآ هآلحركه على خوآتك مآبترضآهآ ..

وسكرت آلبآب .. و من سكرت آلبآب حركت موتريه متوجهه للبيت ..

مدري ليييييييش دموعي نزلت ..
مدررررري ليش ..
كرهت دموعي ..
كرهت مهره ..
كرهت غآنم ..
كرهت روضه ..
كرهت كل حد ..

بس آبآ آعرف شوه آلعلآقه آللي تربط بينهم ..

وصلت آلبيت .. ومآلقيت آي حد في آلصآله..
بس مدري صوت آمي من وين آوقفني ..

آمآيه : آمآيه مهآآآآآ ..
لفيت للصآله آللي تحت و آنآ في نص آلدري : عونج آمآيه ..
آمآيه : تعآلي آبآج في سآلفه ..
: آجلي آمآيه .. تعبآنه و هبآبني آصلي ..

روحت للغرفه .. و فريت عبآتي .. مسحت مكيآجي .. بدلت .. تغسلت .. توضيت . صليت .. و في آلنهآيه رقدت ..

LinkBacks (?) LinkBack to this Thread: https://www.liilas.com/vb3/t153105.html
أرسلت بواسطة	For	Type	التاريخ
Untitled document	This thread	Refback	19-10-14 02:29 AM
Untitled document	This thread	Refback	21-12-10 07:51 AM

روابط البارتات من البارت الاول للحادي عشر البارت الثاني عشر البارت الثالث عشر البارت الرابع