السلام عليك ورحمه الله

شدوونه يالغلا تسلمين على البارت الرهييييييييب ما قصرتي الله لايقصر بعمرك

شاهه ولطاااام الله يهداك يا شاهه بطنك قداامك ورايحه مع لطام لا بعد تبي ترجع مع امه
انتي فيك حيل تقومين وتقعدين عشااان تبين تسافرين اقول قضبي ارضك احسن لك
ولطام هذا الي فالح فيه جالس تتطنز عليهااااااا على اساس انها كووره كله من ولك الي مخليهاااا كذا

ام لطاام ياقلبي اشتقتي لشااايبك الله لايفرق بينكم

الجده ام سعد ياحليلك انتي ماتبين عليا تعلم احد عن ولاده امهاااا وهي صادقه اذا كلن درا ان يتحير الضنا بطن امه
ولا يطلع منها الا بالعسر زي ماحصل لي ولبنت عمتي بالموت ولدنا

وعليااا مره نقول انتي لعسااف ومره ثانيه لصقر بس شكلك لفهاااد

حصه رهيييييله جل وحامك جا على تراااااب الله يعينك هالوحاام خبل مثلك انتي ورجلك


شدوونه يابعد عيني كل عاااام وانتي الى الله اقرب

نونه ارحبي انا اللي في بالش بس البخي

السلام عليكم

بعد الغياب عدت لكم ببارت قبل الموعد المحدد

البارت السادس والاربعون
............................................
في المستشفى
بعد صرخات وآهات وآلام وانفاس عميقه
خرج للدنيا بعد ان كان في عالمه الذي لايحوي غيره
ام سعد بفرحه وهي ترى ام شاهه التي طلبت منها الدخول معها قد بدأت تأخذ كفايتها من الراحه والنوم بعد معركتها التي استمرت تسع ساعات:الحمدلله ياربي على سلامتها وسلامته
ام سعد التي تمسك بكف ام شاهه وتنظر للصغير حيث تقوم الممرضه بضرب ظهره وهي توجه رأسه للاسفل ورجليه للاعلى:يادكتور وشلون البزر
الدكتوره:ايه بزر
ام سعد بكره:يوووه انتي من اياهم الطفل الطفل
الدكتوره بابتسامه:وضعه ممتاز ياامي
ام سعد:الحمدلله
الدكتوره:خلاص ياحجه تأدري تطلعي احنا بعد شويا حن نخرجها الجناح
ام سعد التي ترفع عباءتها على رأسها:معليه يابنتي
ثم همست للدكتوره:تكفين يامش الله الله فيها
الدكتوره التي لم تفهم اغلب الكلام:حضر ياستي
خرجت ام سعد متوجهه لحصه في الاستراحه
دخلت الاستراحه حيث تجلس حصه بقلق
حصه التي وقفت بسرعه متجهه لجدتها:ها بشري يمه
ام سعد بابتسامه فرح:ابشري لش برجال
حصه بفرحه عارمه:الله يبشرش بالخير وامي شلونها
ام سعد وهي تجلس بتعب:امش بخير ولا عليها الا العافيه وعقب شوي بيظهرونها الجناح
حصه وهي تضغط ازرار هاتفها:الحمدلله
ام سعد:من تدقين عليه
حصه:على ابي
ام سعد:عطيني انا ابشره
حصه وهي تمد الهاتف:ابشري
ام سعد بصوت الفرح:الو
ابوضيدان بصوت نعسان:هلا يمه
ام سعد بمفاجأه:ابشر لك برجال
نهض بمفاجأه:واربه طيب هو وامه
ام سعد:باحسن حال وجعله يزيد الحساب
ابوضيدان بفرح:الحمدلله البشاره لش ياام سعد
ام سعد بابتسامه:بشارتي سلامته هو وامه
ام سعد بتحذير:لاتعلم ابيك انا اللي ببشره
ابوضيدان ببسمة فرح:ابشري
ام سعد:ها يالله مع السلامه
ثم انهت المكالمه
ام سعد:حصه دقي لي على جدش
حصه:يمه خليه راقد بكره بشريه
ام سعد:ماازين من بشارة الهجاد وانا امش
حصه وهي تتصل على جدها:هاش يمه
بعد ثواني اجابها صوت ابوسعد الذي خالي من النوم:الو
ام سعد:مسا الخير
ابوسعد:هلا ياشاهه ارب مافيكم شي
ام سعد:مافينا الا الزين كله ابشر لك على ناصر برجال
ابوسعد بفرحه شديده:عسا عسا وشلون امه
ام سعد:امه طيبه ولا فيها الا العافيه
واستمرت المكالمه لوقت ليس بقصي
حصه وهي تنتظر اجابة عليا على الهاتف
عليا بصوت قلق:هلا يمه
حصه:انا حصه هاتي البشاره
عليا بفرحه:امي ولدت شلونها
حصه:امش طيبه وجالش اخ ياحلوه
صرخت عليا فرحاً:ياااهووووووو لش احلى بشاره
حصه:ههههههههههههههه وجهه خير ذا الصغير
عليا باستعجال:يالله انقلعي بروح ابشر شوشو
حصه باحراج:علوي لاتدقين ذالحين الفجر تخلعينهم وبس بعدين رجلها اكيد عندها
عليا باحراج:والله انش صادقه خلاص بكره ادق عليها
حصه:يالله باي
عليا:باي
.........................................
اليوم التالي
الساعه التاسعه صباحاً
لطام بفرح:الله يبارك فيه ويجعله من العباد الصالحين
ثم اردف:يالله مع السلامه يبه ببشر اللي عندي
اغلق الهاتف بفرحه وهو يدخل غرفة نومه ويجدها كحوريه متضخمه على سريرها تنام بتعب وتوتر
اقترب منها ليجلس بجانبها:شاهه ياشاهه
شاهه بتعب:اممم هلا لطام
لطام بحب ورأفه على حالها:قومي عندي لش بشاره
شاهه وهي تمد يدها ليساعدها على الجلوس:وش ذالبشاره
لطام وهو يضمها له:ابيش جاله ولد
شاهه وهي تلتفت بقوه وسرعه فظيعه تملأها الفرحه:صدق
لطام:ههههههه ايه صدق
مدت يدها لتأخذ هاتفها وتتصل على جدتها
لطام:من بتكلمين
شاهه بابتسامه جميله تملأ فمها الصغير:بدق على امي شاهه
لطام وهو يقف ويعيد ترتيب جاكيته:اجل يالله انا بروح الدوام تامرين على شي
شاهه:سلامتك
خرج متجهاً لعمله
شاهه بعد مرور الوقت:الوووو
الجده بحنان وحنين:لبى الصوت وراعيته
شاهه بحب واشتياق:لبى روحش فديتش شلونش يمه
ام سعد:انتي اللي شلونش وشلون كرشش
شاهه بفرحه عميقه:انا طيبه ولاعلي الا الغافيه انتو شلونكم وشلون الصغير
الجده:حنا طيبين وصغير طيب وشلون رجلش وعمتش
شاهه:كلهم طيبين
ثم اردفت:يمه امي شلونها
ام سعد:امش الحمدلله طيبه وهذي هي قدامي وولدها في حضنها
شاهه بعجله:عطيني اياها
ام سعد:ابشري
ثم مدت الهاتف لام شاهه:سمي بنتش تبيش
ام شاهه بصوت تعب قليلاً:لبى امي
شاهه بفرحه:لبى صوتش يمه الحمدلله على السلامه
ام شاهه باشتياق شديد:الله يسلمش ويهون عليش ويرزقش الولد اللي مايموت
شاهه:يمه الصغير حلو
ام شاهه وهي تنظر للصغير الذي اخذته حصه:الزين كله نسخة ابيش
شاهه بحب:يووه اجل الزين والقبله
ام شاهه:ههههه يويه عشانه ابيش
شاهه:هههههه اكيد الا وش بتسمونه
ام شاهه:والله يامش الى ذالحين مجا ابيش لاجا بيقول لنا
شاهه بحزن:هاي الله يمه راح الرصيد تبين شي تامريني على شي
ام شاهه وهي تقاوم العبره:سلامتش يامي احرصي على عمرش والله الله في امش ورجلش وسلميلي عليهم
شاهه:ابشري يوصل يالله مع السلامه
ام شاهه:الله يحفظش
تنهدت بحزن واشتياق لتلك الديار ومن فيها
ثم توجهت لتغتسل وتلبس وتخرج تجهز الفطور الذي ترفض ام لطام ان تجهزه
ماان خرجت حتى وجدت ام لطام قد جهزت الفطور وتجلس تنتظرها
شاهه وهي تتجه لها:يويلي يمه جعلني ليه تتعبين عمرش كذا كل يوم
ام لطام:تعالي بس وتريقي ولا عليش
شاهه وهي تقبل جبينها:صباح الخير
ام لطام:صباح النور يامي
جلست بصعوبه لتبتسم وهي تقول:ابشري لش برجال
ام لطام بفرحه:عسا من هو عليه
شاهه:على ابي
ام لطام بفرح مضاعف:جعله مبارك والحمدلله على سلامة امش
شاهه:الله يسلمش ويخليش لنا يمه
ثم بدأواو بتناول الفطور
......................................................
في منزل ابوفيصل
او ناصر:الله يصلحه ويبارك فيه
ابوضيدان:الله يجزاك خير تبشر ابي ولا ادق عليه
ابوناصر بفرح:لا علمه انت احسن
ابوضيدان:اجل يالله مع السلامه
ثم اغلق الخط ليتصل بابو فيصل
ابوفيصل:الوو
ابوضيدان:صبحه بالخير
ابوفيصل:هلا صباح النور
ابوضيدان:يبه
اوبفيصل:لبيه
ابوضيدان:لبيت في منى ابشر لك برجال
ابوفيصل بفزه:جعله مبارك ووضحه شلونها
ابوضيدان:وضحه طيبه
ابوفيصل بفرح:مبروك مبروك وجعله من عباد الله الصالحين
ابوضيدان:الله يبارك فيك هايالله انا حبيت ابشرك وذالحين انا قدني داخل المستشفى تامر على شي
ابوفيصل:سلامتك
ابوضيدان:اجل يالله مع السلامه
ابوفيصل:مع السلامه
اغلق الهاتف ليدخل الغرفه باحثاً عن صغيره ومعشوقته
ابوضيدان:سلام عليكم
الجميع:وعليكم السلام
اتجه ليقبل جبين والدته ويصبح عليها ثم اتجه لآسرته بأربع قيود حالياً
ابوضيدان وهو يقبل جبين ام شاهه بوقار لوجود والدته وبنته:الحمدلله على السلامه
ام شاهه بخجل:الله يسلمك
حصه التي تقبل جبين والدتها:صباح الخير يبه
ابوضيدان:صباح النور يابوي
حصه وهي تمد الصغير لوالدها:يتربى في عزك يبه
ابوضيدان وهو يهيم في عالم الصغير الذي بين يديه:بسم الله عليك
ثم اكمل باستغراب:هو شقومه صغير كذا
ام سعد:وش تبيه يغدي كبر الباب
ام شاهه:ناصر وين عليا وضيدان
ابو ضيدان:جايين مع ابي
اخذ يقبل الصغير وبعدها قربه ليؤذن في اذنه
بعد نصف ساعه كان الجد ومن معه يدخلون
ضيدان وهو يجري متجهاً لحصه التي تحمل الصغير:اثوفه اثوفه
حصه وهي تنزل يديها قليلاً ليرى ضيدان شقيقه:ها شوفه
ضيدان بانبهار:عننووونووو
حصه وهي تقبل خذه:يوه عاد انت اللي كبير
عليا وهي تقبل جبين والدتها:الحمدلله على السلامه يمه
ام شاهه:الله يسلمش يامي
ثم ابتعدت ليقترب الجد ويقبل جبينها:الحمد لله على السلامه ومبروك اللافي
ام شاهه باحترام:الله يسلمك ويبارك فيك
اتجه الجد ليجلس بجانب ضيدان الذي يحمل الصغي بين يديه وحصه تحمل يديه هو خوفاً على الصغير
الجد:يالله اصلحه يالله ثم قبله بحب
ضيدان بغيره:حثه شيليه
حصه باستغراب:ليه
ضيدان وهو يقذف الصغير من يديه لتمسك حصه به بسرعه:هههئئئئ ليه كذا ضيدان
الجده باخفاء عنه:ليه؟ قومه يامش اللي مابعد شفتي منه شي
عليا بضحكه وهي تحمل ضيدان:اصلاً ضيدان احلى واحد عندنا صح ضيدان؟
ضيدان الذي خلص نفسه من يدي عليا ويتجه لجده:ثح
الجد وهو ينظر لضيدان الذي يجلس في حضنه:ذالحين ياالسلوقي قبل اتشحذك تقعد عندي ولا تحبني وذالحين تجري لي
ضيدان بغضب:منو احلى واحد بابا
الجد:انت ومافيها حكي يابيك
عليا وهي تقبل الصغير الذي بين يديها:يوووه ياربي مصغره
ابوضيدان وهو ينحني ليقبل الصغير:الله يصلحه يارب
ضيدان وهو ينزل من احضان جده ليتجه لحضن والده
ابوضيدان:هههههههه هلا هلا بالشيخ
ضيدان وهو يدفع يدي عليا التي تحمل الصغير:يععع وخري هذا
ضحك الجميع على غيرة ضيدان التي بدأت من اولى اللحظات
............................................................ ........
في منزل ابوناصر
ام ناصر:يالله ياجواهر اخيش في السياره
جواهر وهي ترتدي لفتها:هذا انا خلصت يالله
ثم خرجتا متوجهتين لسيارة نايف
.
.
.
.
.
في منزل ام وضحه
ام وضحه بقلق:يابنتي اقعدي ولا راحت لبيتها روحي لها
وضحه التي ترتدي عباءتها:يايمه مافيني شي ولا هوب ظارني مراحي لامي وضحه
ام وضحه بيأس:بصرش
دلال التي تنزل من الاعلى:يالله خلصت
خرجن جميعهن متوجهات للمستشفى
.
.
.
.
.
.
امام مصعد المستشفى
ام ناصر:يويلي يام وضحه ليه ماقلتيلي امرش
ام ناصر:يابنت الحلال خلصت هذا حنا جينا كلنا
ام ناصر:اللي ودش الا البنات كلهن جن معش
ام ناصر وهي تشير لهن:ايه هذي وضحه وهذي دلول
دلول بهمس خجل:الله باخذ العدو كله منش ليه ماعلمتيني
جواهر التي تكتم ضحكتها:وانا شدراني انش بتجين
دلول باستهزاء:ليه مانيب من العايله
وضحه بضحكه:الله اعلم
دلال وهي تتقدم لجانب والدتها:الشرهه علي انا اللي واقفه مع خبل
انفتح المصعد ليدخلوا جميعهم بمافيهم نايف الذي لتوه ينهي مكالمته
نايف:شلونش يمه
ام وضحه بخجل:طيبه فديتك انت وشلونك
نايف:طيب جعلش طيبه
ثم اردف بمزح:ها ارب مهوب ناقص شي على الشيخه
ام ناصر بمزح:الحقي ياام وضحه من ذالحين شيخه الصبح لاخذاها عاف حتى المجي عندي
ام وضحه:هههه يعيفش مثل ماعافتني وضحه
وضحه:انا عفتش يمه
نايف:اوووه ام فيصل يالله حيها
وضحه بحب اخوي:الله يحيي اخي اللي ماعاد ينشاف
نايف بتعذر:ياخيش ذا الدوام مايهدوني الا بطلعة الروح
وضحه:الله يوفقك ويسهل دربك
كانوا متناسين تلك التي اوشكت على الموت بسبب حبس انفاسها خجلاً
انفتح المصعد
ليخرجوا جميعهم ماعدا جواهر ودلال وكان نايف اخيراً لكن هناك من بعده
كان ينظر لهاتفه حين سمع صوت شقيقته:دلول ووجع قطعتي جلدي من القبص
التفت بسرعه باحثاً عن (دلول) هل هي تلك التي في باله ام لا
حين رأى التي تقف بجانب شقيقته مخفضة رأسها بخجل عرف انها هي
تبسم وهو يرى خجلها وربكتها
خرجن جواهر ودلال ونايف يلحق بهن
وصلو لغرفة ام شاهه
نايف:جواهر قولي لهم اني بدخل
جواهر:ابشر
ثم دخلت لتخرج له بعد ثواني
جواهر:نايف ادخل
دخل وهو يخفض بصره عن من كانن يجلسن في الغرفه الاخرى المفتوحه على غرفة عمته
نايف بصوت جهوري:سلام عليكم
تقدم ليقبل رأس ام سعد :شلونش يمه
ام سعد بحنان:طيبه فديتك
ثم استمرت السلامات المعتاده ثم توجه لعمته ليرى بسمتها الخبيثه وهي تنظر للغرفه الاخرى
اشار لها على قلبه بأنه ينبض لتتعالى ضحكاتها
قبل جبينها بحب:الحمدلله على السلامه
ام شاهه:الله يسلمك جعلني قبلك
نايف بابتسامه:وين الشيخ
ام سعد:ياجواهر
جواهر وهي تتقدم من الغرفه الثانيه:لبيه
ام سعد:تعالي هاتي الصغير خلي اخيش يشوفه
جواهر وهي تحمل الصغير برفق:ان شاء الله
مدت اللفه البيضاء لشقيقها الذي نظر لها بصدمه:وش تبيني اسوي
ام شاهه:شله جعلني اشوف عليك عشره مثله
نايف برعب:لا لا لا مانيب شاله اخاف يطيح
ام سعد وهي تقف وتحمل الصغير من جواهر وتضعه بين يدي نايف:خل مني الحكي شل اخيك
نايف بحذر:وش ذا يمه وضحه هذا نتفه
مده على جواهر:هاش هاش بيطيح
اخذته جواهر وهي تقبله
نايف وهو يقف:يالله تامرون على شي
ام سعد وام شاهه:سلامتك اقترب من عمته ليقبل جبينها
ام شاهه بهمس:اربك ماسويت بها شي
نايف ببسمة خبث:نويت بس تعوذت من الشيطان
ام شاهه:عاد دلول فضيحه تشهر فيك عند الكل
نايف:اشوا اني ماقربتها
............................................
بــــــــــــــــقــــــــــــ شـــــــــــادن لــــــــــــم