25 - رواية سمراء الغجرى بقلم / مايا مختار ( مكتمله مع الرابط ) مميزة جدا - الصفحة 288

21-07-11, 10:28 PM

المشاركة رقم: 1436

المعلومات
الكاتب:	حسن الخلق
اللقب:	الادارة مشرفة روائع من عبق الرومانسية كاتبة مبدعة سيدة العطاء

البيانات
التسجيل:	Aug 2009
العضوية:	148401
المشاركات:	25,150
الجنس	أنثى
معدل التقييم:
نقاط التقييم:	137607

االدولة

مدونتي

الإتصالات
الحالة:
وسائل الإتصال:

كاتب الموضوع : مايا مختار المنتدى : روايات عبير الاحلام المكتمله

دعوه لزيارة موضوعي

رواية سوار الياسمين

مساء الابداع و الطيبه .. مساء خاص لمايا الحبيبه

اولا تحية تقدير للمبدعه / احلام المستغانمى التى رافقتنا بكلماتها التى كان لها تأثير كبير فى بداية كل فصل .. بمجرد ما كنت اقرأ المدخل حتى احفز نفسى للقنابل التى ستدوى بعد قليل .. اى انها كانت بمثابة تأهيل نفسى يشحذ الحواس لاستقبال ما هو آتى

شكرا احلام كنتى الغائب الحاضر عى مدار فصول الروايه التى ذخرت بشتى انواع المشاعر التى عرفتها البشرية

مايووووو قدامنا المشوار طويل .. هذه المره هتلاقى معلقه مش تعليق .. يلا نبدأ وحده وحده من بداية التاسع عشر

دخول مثير على الزفاف مباشرة .. يا جامد انت يا كبييير

عندك حق البير فعلا "واخيرا" دول جننونا معاهم يا راجل ..اشكرك لانه لولا مبادرتك بالتنازل عن العرش لكان زمانهم محلك سر لحد دلوقت

طبعا كاى لازم يكون مختلف حتى و هو عريس .. بدل العرسان العاديه دى مش ممكن يلبسها .. دا ازم يعمل لوك جديد للعرسان و يطلع موضه تستمر اعوام خخخخخ

حبيت الحوار بين البير و كاى و احلو اكثر بانضمام غريس اليهم

اوووه يعنى غريس عرفت كاى اول مره فى المستشفى !! دى مفاجأة بجد كنت فكراها تعرف من الاول .. يا عينى الموضوع ده له شقين .. حزين و سعيد بالنسبه لها .. لان ربنا عوضها عن فريدى بجاريد الذى اعطاها الامل من جديد اممممم امال مين الى كان عارف غير فريدى و فليب و ابوهم ؟ الظاهر مفيش حد عشان كده محدش شك ابدا

البير طلع مكار هو كمان طالع لمامته ههههه كويس قوى انه تمسك بفكرة تنازله المزعومه

اكيد العلاقه بين جاريد و البير ما زالت مزعزعه .. عنده حق مش سهل ينسى الى فات و عزلته عنهم مش ممكن يتعود على فكره انه ابوه و يعامله معاملة الابن لابوه بسهوله كده

مشاعر البير الابويه صادقه جدا .. يكفى انه فقد واحد و لازم يحافط على الثانى دا غير دومين كمان .. مفيش فاضل غير جاريد و لازم يصبر عليه و يعطيه فرصه الموقف مش سهل

تتوالى كشف الحقائق هنا و هناك .. جاريد يخرج ما فى قلبه و البير يدافع عن نفسه .. لعل ذلك يخفف المرارة من نفس جاريد و يطفىء ناره على والدته .. نعم كاى محق و صعب يسامح على ما مضى برى سامحت فريدى لانها جربت و عانت معاناته .. اما كاى فيا ويله لما تعرف و اكيد هتعرف

زيارة للقبر و التماس للدعم من شقيقه .. لكن على ظهر نانوش و ببدلة العرس ؟!!

على الجانب الاخر لدينا عروس تختبىء فى الحمام مع علبة سجائر هههه و باقة الزنابق تنتظر .. بيبيتا متعه للناظرين بفستانها الشيفون و زهرتها الصفراء .. لم يفتنى نظرتها المتألمة للزنابق و هى التى تتمناها من البدايه .. اصبرى مين عارف مايا مخبيا لك ايه ؟

برى وصلنى احساسها .. هناك شىء ليس بمكانه و قلبها غير مرتاح .. نعم يا فتاة انت محقه لكن السجن فى الحمام ليس هو الحل .. عروس و تدخن .. اووف اتخيل رائحة الدخان الان و هى تفوح منها .. عريس مجنون و عروسه اجن منه .. اجل هذه هى حفلات زفاف مايا .. لازم تكون غير تقليديه و فيها كل ما هو غريب .. يا اما العروس حافيه يا اما ترتدى ثوب لونه عجيب و هكذا تتوالى حفلات الزفاف الماياويه العجيبه .. انا مترقبه كارثة هذا الحفل يا اما قبله او بعده لما نشوف

لا تقلقى برى من شوفته لك فسوء الحظ موجود طبيعى خخخخخخ جالس على حافة نافذة الحمام امممم يا ويلك كاى انها صاحيه الان و مركزه و انت اخطائك كترت .. هى تعرف نانوش و لم تنساه فلماذا استخدمته الان يا اخى ؟ هو احنا نقصين

الم اقل ان كليهما مجنون .. يدخنان من نافذة الحمام و القصر كله واقف على رجل .. يا رب الرررررحمه

حوار عميق و لكن وقته قاتل و العروس ما زالت بالملابس الداخليه ههههههه يا دى الفضايح يا دى الجرس نعم عيناه يشبهان عينى جاريد .. تقترب من الحقيقة بسرعة مخيفة حتى كلماته تشبه تلك الكلمات التى قالها جاريد ذلك اليوم المشؤم .. خلاص اعتقد يجب ان تذهب الان جاريد ههههههههه هذا وقت العتاب الان !!!!! ماياااا انت جباره دا وقته خخخخخخخ

غريس الله يكون بعونك .. دا انا اتجننت منهم خلاص و لو منك اشيل ايدى و اسيبهم يتفلقوا

سبحان مغير الاحوال .. من اول الروايه دى اول مره اشوف الفريد مراعى و رقيق .. يلا مره من نفسى

اه اخيرا الفستان المناسب للعروس المناسبه .. تستحق ارتداء الابيض الملائكى و تحمل الزنابق البيضاء .. اهلا ال مورينى .. طبعا لازم هم من اوائل المدعوين .. هااااى روبى حمدلله على السلامه هتوحشنا اعراض حملك الغريبه هههههههه .. دارو عيب البنت مش ناقصه لخبطه دلوقت اتلم و اقعد ساكت

حلوه قوى حالة الابتسام المزمن التى اصابت كاى من اول اليوم خخخخخخخخخ

اممم اخروا الرحله لتوقع هبوب عاصفة فى مسار القارب .. انا بقه اتوقع العاصفه تكون فى مسار جاريد اقرب بكثير .. لا لا يمكن روبى تكون طائر بطريق .. دائما ستظل هى حبة البانيتى المجنونه فى نظرنا حتى لو خلفت 10 عيال .. اذن روبى تعلم حقيقة العلاقه بين برى و دومين اممممم

هههههههه لقاء السحاب بين بيبيتا العاصفة السمراء و روبى العاصفة الحمراء .. هااهاههاهاااههههاااااى نعم روبى لقد ربحتى الرهان و بجداره .. يا حمقاء فرحانه عشان يعشقون جر نسائهم خلفهم ههههه طول عمرها مجنونه

يا سلام اول مره ارى دارو مرتبك و متلعثم .. قلها بصراحه و امرك لله يا رجل .. هى الى انفكت عقدة لسانها و رمت الحقيقة فى وجهه و اتت ردة فعله لتثير ذهولها .. و اخيرا عرف سر بعدها عنه .. عادى بيبيتا هما واخدين عليها ههههه عموما ممكن نأجل مناقشة الجزيئات الحيويه شويه خخخخخ .. عناق و اتفاق ثم زواج و لسه هتحلو لكن القيصر دخل و بوظ الجو .. كأنه بيردها له خخخخخخخ مرحبا سيزار فاكرنى انا صديقتك مدمنة الشوكولا ههههه

صارت عائلة مورينى كلها اخطار .. عاصفة و اعصار و قنبله .. مبينفعش معاهم غير نساء خارقات ههههه .. مبروك كسبتى روبى بس فاضل يغير الحفاضات كمان

تستاهل الفريد .. لا تظن انه سيتركك تلهو ببساطه .. لقد عانى منك انت بالذات هو و قومه الكثير

انتهى الحفل بدون كوارث ؟؟!! غريبه مش عوايدك يا مايا هههههه لكن اكيد الكارثه جايه فى الطريق .. لازم يصدع يا عينى اخوك مزنوق و عنده احاسيس متناقضه الان .. فرحان و مرتبك و حزين

كلامها اعاد اليه ارتباكه القديم .. يا حمقاء الم تستطيعى اغلاق فمك .. كل مره تنتهى بكارثة انت حمقاء كليا .. و الان استمعى لكلام هيلين المقيت لانك بصراحه تستحقيه .. زعلتيه و تستاهلى الى سمعتيه منها و لتانى مره يترزع الباب فى نفس الليله .. انت يا حمقاء من افسد ليلة زفافك .. يلا اتخمدى بقه و خلصينا .. سهرت مع دفتر جاريد حتى اخذها النعاس اليه فى الحلم و ها هو عقلها يضع حل اللغز امامها .. لكنها لن تفهم هذه المره ايضا لانها لا تعلم بوجود اخ له من الاساس .. لذلك لن تتوقع مطلقا

تستاهلى برى و لو 100 عقد مش هيأثر معاكى انت من حلب الحنق و الغيظ لنفسك .. واضح انه لم ينم طول الليل .. لفت نظرى ان برى عندما تحدثت عن كاى تقول "زوجى" كأنها ما صدقت و لزقت فيه هههههه .. الان فقط تسامح على كل شىء و كان لزمته ايه من الاول يا بايخه ؟

حصار ثلاثى على فيليب المسكين .. يروح منهم فين دول .. مفيش مفر غير الاعتراف و بسرعه يبلغه فى التليفون .. واااو مكان ساحر فعلا لكن مخيف .. طبعا لانه جاريد يبقى مكانه المفضل لازم يكون استثنائى زيه .. على حرف الجرف اممم اكيد امال هيقعد عادى كده زى الناس العاديين مش ممكن .. وصلت له المجنونه و ههههه هتقتله لو حصل لهم مكروه .. اخ منك يا مايا و من تعبيراتك الاكثر جنان منهم

كان يجب ان تستمع لكلامه و ترى الضعف بعينيه حتى تتراجع عن حماقتها السابقة .. خلعت العقد و اعطته له و هو فاهم معنى ذلك جيدا .. وهبته حياة خالية من الكره و الالم .. خالية من كل شىء الا منه و لا عودة للوراء

فكره خطييييره ان تبدأ حياتهم الزوجية هنا فى عربته الغجرية حيث ينتمى مكان رائع ليعرف جاريد انها المونيشا خاصته .. لقد جن من الانفعال .. انا اترقب ردة فعله هذه من فتره و اتوق لها و جائت كما تخيلت و احسن .. اخيرا عرفنا معنى الكلمه الى حيرتنا .. تراى بيبيتا استغربت لما سمعتها منه اول مره

رحلة عوده مثاليه على ظهر كاى ههههه .. انا اشعر به و اعرف لما هو صامت و يحاول ان يجعل ضميره يؤنبه .. لكن ما حصل كفيل بتعطيل كل مشاعر الذنب .. هى حبيبته هو فقط الان دون سواه .. لكن خذها نصيحه منى كاى .. لا تخلع القميص امامها ابدا

ان افكاره و هواجسه لا تتركه ابدا .. الى متى هذا العذاب جاريد .. الى متى يا صديقى ؟ انا تعبت لك .. انت تستحق الراحه و الهناء

اووووه لااااا .. لا تذهب للغرفة هكذا ارجووووك .. اه يااانى ( مايا انت عارفه طبعا انى بكتب اثناء القراءه .. يعنى معاهم لحظه بلحظة .. دلوقت انا واقفه و الهاتف يرن و جاريد بالمنشفه و صدره عارى و نفسى اقفل عليه الحمام .. نكمل و ننتظر وقوع الكارثة ) وقعتك يا فالح .. معذور ما هو ميعرفش انها شافت الوشم قبل كده و سألت فريدى عنه .. و الان باقى انها تجمع كل معلومه و تحطها حنب اختها و توصل للحقيقه . يا عينى عليك ملحقتش تتهنى .. مايا اصلا من الاول ناويه لك على البهدله و المرمطه .. خليك دلوقت و نروح نشوف بيبيتا .. استنى رجعالك

صد رد كده على طول "هتزوج " ههههه هى دى بيبيتا العاصفة السمراء .. البروفيسير المتعجل لا يضيع الوقت .. حجز الكنيسة قبل موافقة العروس خخخخخ يا سلام على الثقة .. بيبيتا خلى بالك و لا تتزحلقى فى الكلام .. اقفلى فمك الله يسترك يا شيخه .. مفيش فايده .. عموما يمكن اسم والدته يشبه اسم والده كاى .. اتهدى بقه و بطلى
بيبيتا مبروك عليكى الوسيم .. احنا كلنا جايين الزفاف و لا يهمك .. افرحى بالسيد العابث سابقا

فى لحظه جمعت برى المعلومات كما لو ضربت عقلها الحقيقة بدون رحمة .. انا عملت زيها كده زمان و فضلت احلل و ادقق لحد ما وصلت للسر .. يا دى المصيبه اهى عرفت انهم تواءم و قريب قوى تعرف ان واحد منهم توفى اه يانى خلاص هموت .. الافكار تتلاعب بعقلها و تكاد تصل .. بدأنا الكلام الى من تحت لتحت ..ايوه كاى الصراحه .. فاهم حاجه ؟
كانت حجتنا السابقه انها مستحيل توصل لانها لا تعرف بامر التوءم .. لكن مايا الله يخليها لنا خلتها تعرف .. يعنى خلاص الواد هيتكشف هىء هىء يا حبة عينى يا بنى .. امسك نفسك كلنا ورائك جاريدان

( ههههه انا شكلى غريب جدا دلوقت .. قافله على نفسى مره اقرأ كام سطر و مره امسك القلم و اكتب .. و من شويه زوجى دخل الغرفه و وقف ساكت يتأمل حبه و بعدين لقيته مستغرب و بيسألنى .. انت بتعملى ايه ؟ !! من غير ما ارفع راسى قلت له روح دلوقت الله يخليك البت خلاص هتكشفه .. الغريب انه طلع و قفل الباب و راه هههههههههه بعدها انا سبت القلم و فقعت ضحك متواصل على المنظر ده و قلت اوصفه لك و بعدين اكمل )

عدنا بعد الفاصل

اختبار آخر فشل فيه جاريد و اقتربت النهايه اكثر و خطأ تانى " عربتى الخشبيه" طبعا هى استعملت الامر الى بيضايقه و رجعت لموضوع التوسل و الركوع .. لن يتوسل لامر لم يخطىء به .. اسبوعان من العذاب الصامت .. يا الله

ها نحن نلتقى مجددا فى زفاف جديد .. بيبيتا الغجرية الواثقة راح منها التشوش و الارتباك بقوة الحب .. ما اجملها بفستانها الجميل و وردتها المنعشه فى شعرها ..اخيرا مايا جعلتك تحملين باقة الزنابق رغم انف القديسه ساره .. هيا افرحى و بلا دموع .. نفسى مره واحده عروس فيكم لا تذرف الدموع و تفسد المكياج

هههههههه روبى شاطره .. لا تنازل و لا استسلام .. لكن الغريب فعلا انه يحمل لوح الشوكولا فى حيب بدلة العرس هههههههه مش قلت ان مايا افكارها مجنونه من الاول .. و ادى الدليل

لا جاريدان لن يأتى برى فهو هنا بالفعل و انت تشعرين و لا تجرؤين على البوح بذلك لنفسك

اووه الحساء .. يا لهووووووووى .. لازم يعنى حساء فواكه البحر واااع ععععاعاعاعاااااااااهىء

لماذا تركع الان جاريدان .. لمااااذاااا ؟ ليه يا مايا الله يسامحك كل دا ضعف و تخاذل .. لا جاريد قوم و لا تركع ليس الان .. عرفت ما كانت متأكده منه و تهرب منه .. هى لم تكن بحاجه لسؤاله لقد عرفت من الاول . الامور كلها واضحه و لا تحتاج لتفسير

مشهد عبقرى و فى غاية التأثير انا قلبى وجعنى عليه .. جاريدان الشامخ الصامد عندما يضعف هكذا يكون انكساره موجعا .. مفتريه يا ماااااياااا .. كده ؟ تعملى فيه كده ؟ زعلانه منك

و تكمل برى بكلماتها البشعة على الباقى منه .. انا احنق عليها و اعزرها فى نفس الوقت .. شفتى وصلتينى لايه يا مايا .. هى عندها حق تثور فما حدث ليس هينا

مواجهه رهيبه جدا كل كلمه كانت سكينا يغرس فى نفس كلا منهم ..كلاهما عذب الاخر بكلامه .. مايا انت عبقريه خلاص صالحتك .. دا انا بقت تعابير وجهى زيهم مكشره و مذهوله ..شويه اكون مكان جاريد و شويه مكان برى .. اعمل فيكى ايه بس ؟ مش ممكن انت فظيعه << يعنى حلوه على فكره

الفريد الحكايه مش نقصاك خالص .. خليك على جنب و النبى .. و اقعد ساكت .. ثلاث ايام و هى تهرب من المواجهه و من الحقيقة التى عرفتها اخيرا .. هى من سعت بنفسها لتعرف .. لكن لكل شىء ثمن

الصمت هو سلاحها الباقى .. عزلت نفسها حتى لا تصاب بالجنون الفعلى .. لكن كاى مصر فماذا فى يده بعد ؟ .. لعب دور الطبيب النفسى بامتياز لانه يفهمها اكثر من نفسها . اقد اخذنا و اياها الى عالمه .. عالم الامير العاشق .. لكن مهلا جاريد هو شهرزاد هههههههه سأتغاظى عن ذلك مؤقتا

واااو دكتور فى الادب المقارن و اسمه هو .. استنى لما اعد " جاريدان روس تسوناكاى البير غريمالدى " طويل فعلا و اخيرا عرفنا اسمه الاوسط .. طريقته فى محاصرتها مذهله .. لكنها تريد ان تؤلمه .. يا عبيطه الم تكتفى بالالم الذى تألمه الى الان

تعلم نقطة ضعفه .. شعرها الطويل الذى يذكره بوالدته ليس هذا فقط .. هى قالت له عن قسمها بشأن شعرها و المخده و هى الان تريد ان تؤلمه و بشده و نجحت

"قطعة الشوكولا الغارقة فى الحليب " يا سلام على التشبيهات الى تفتح النفس .. على فكره الشعر القصير يحلى ايضا رغم ان الجميع يفضل الطويل .. انا طول عمرى اقص شعرى و كنت مجننه ماما بالحكايه دى و لم اتركه يطول الا قريبا

لقد تمنى و استجاب له الله سريعا .. ها هى تكلمه و تسأله و هو يجيب و يفيض بالشرح و كل كلمه يقولها تمزقه من الداخل .. بر بوعده لاخيه كما هو معتاد و لكن القلب ليس بيده و قد تشرب حبها منذ الصغر على جرعات .. هيا حاكميه برى لو تستطيعى و هو من اعاد لك الحياة و لملم مشاعرك المبعثرة .. لا تنسى انه قال لك سيفعل اى شىء ليجعلك سعيده .. فاحذرى ما تتمنى

اسبوعين آخرين و جاريدان ليس هنا .. انه دائما ينفذ كلمته

عادت الى الحياه بالوانها و بهجتها و لكن ليس بشكل كامل .. ما زال الجزء الناقص مفقودا

لا يا حمقاء انت احببتى العائد الجديد فهو به كل ما تمنيته و هو من تزوجتى منه لا تضحكى على نفسك .. ثم كيف تقولين انه لا اصدقاء لك سوى روبى و الجده .. الم اقل مرارا انك حمقاء كبيره .. السنا اصدقائك يا بنت و يا ما بكينا بسببك .. عجبت لك يا زمن !! هى دى اخرتها .. طب بلاش احنا الغلبانه الى صوابعها انبرت و صواميل عقلها فكت من كتر التفكير فيكى دى مش صاحبتك ؟!! مايا الى جننتيها معاكى و دلوقت ناقص تجرى ورى عربية الرش .. عالم مفيهمش خير صحيح !!!!!!!!

يسلم لى الى راجع واثق .. اه يختى كان بيجهز اوراق الطلاق عايزه حاجه ؟ يلا روحى اتنططى بقه و افرحى بالطلاق الى انت عيزاه .. البنات على قفى من يشيل و دا جاريد يعنى بس هو يشاور

هنا برى تحارب بشراسه .. لكنها لا تحارب جاريد بل تحارب قلبها و تستنكر انه استبدل فريدى بجاريد .. هى تشعر ان قلبها خانها

ههههههه اصبحت تتضايق حين يدق احدهما الباب خخخخخ و تريد الذى يقتحمه بدون استئذان
اهه جه يا ستى و معاه احلى هديه دايما بيحقق لها مرادها قبل ما تطلب .. هههههههههه ناسيه ايه يا ربى ؟ ايه يا ربى ؟ ااااه بسيييطه الاميره حافيه خخخخ كال ده من مونيشا و الله برافو جاريد

واااو مفاجأة تجنن .. لعييب جاريد يتنفذ لها احلامها غصب عنها .. مش ممكن الراجل ده . اهه يا ستى الشغل جالك لحد عندك بلا الفريد بلا بتاع .. خليكى مع جاريد تكسبى

حلوه زوجتى العزيزه و طليقتى المستقبليه .. مش بقول لعييب من الاول .. ايوه ليس عدلا ابدا انا معاكى

الغيره اشتغلت كمان .. تستاهلى مش انت الى طالبه الطلاق .. خلاص استحملى و انا قلت لك البنات على قفى من يشيل .. الترنح و الثماله تفيد احيانا لانها تخرج ما فى القلب .. و الان جاريد لا تماطل فى الاجراءات يا صديقى بستحسن ان تلغيها خالص

حلوه سياسة الاسبوعين التى يستعملها جاريد .. بتجيب نتيجه عال .. حديث كارولين فى وقته تمام و له دلالات خطيره .. داست على الجرح من غير ما تعرف

عاد معذبها فجأة كالعاده .. " ليس من المفترض ان تقبلنى" احنا هنتلكك ؟ دا بيسلم عليكى بس بطلى تماحيك

اخيرا بعض التعقل و التفكير السليم .. الم تطلبى بنفسك تلك الانانية من فريدى ؟ لماذا تلومى عليها جاريد الان ؟ الحياه تستمر ايتها الاميره الحقى نفسك و تمسكى بالسعاده

هههههه نعم طبعا طبعا هى سمعة العيلة الى شغلاكى .. هاتى عينى فى عينك كده

مرحى جاردي انه يتلاعب بها و يديرها كما يشاء .. يلا ربنا يهديكى سافرى عشان كرامتك قدام صديقاتك بس اكيد
خخخخخ يناديها مونيشا مش عاجب .. يبطلها مش عاجب .. هى مش هتتعدل غير لو اداها علقه و ده اخر حل عندى بصراحه

الجو حلو جدا فى الكوخ و كان بيغلى من المشاعر المتطايره فى الجو .. كهرباء عالية الفولت هههه مسكينه برى كل الحب و المشاعر دى حواليها و هى حارمه نفسها .. مايا زنقاها جامد انما تستاهل عشان تفوق

اجابة السؤال عندها .. هى فقط من تستطيع ان تقرر .. و اخيرا توصلت للمعادله الصعبه و جمعت طرفى السؤال فى اجابه واحده .. هى تحبه و لذلك سامحت فريدى .. جواب سهل و بسيط لكنها اخذت وقت طويل حتى توصلت اليه .. منظقى جدا ان يكون حبها الجديد هو امتداد لحبها القديم فالحياة تستمر و لا يمكن الاستمرار بدون ماضى و ذكريات

موقف الانهيار كان ضرورى جدا لا بد ان تراه معرض للخطر حتى لا يكون بداخلها ادنى شك عن مشاعرها تجاهه هو جاريدان و ليس احد أخر
مايا انت مجرمه .. مجررمه .. مجرررررمه .. هه .. بس

ههههههههه دارو لديه الان بارباريا بل و يعمل كجليس اطفال كمان ههههه يا فرحتك يا روبى

غريس هتفضل طول عمرها غريس انا سعيده جدا بوجودها فى الخاتمه وخليها تربى فريدى الصغير ههههه

يعجبنى دائما منطق جاريد و عبارة "شمس عمرنا" تحمل كل المعانى التى قالها

حتى قراره بعدم قبول الاماره حبيته .. فهو محق انه شىء لم يطلبه يوما و هو امير رغم انف الجميع و يكفى انه اعتلى عرش قلبها .. هذا اكثر من كافى .. و محبته لفريدى و تعامله معاه يدلنا على انه يريد محو اخطاء الماضى كلها من خلاله و تعويض كل السلبيات

ياااه يا مايا على النهايه .. مش ممكن .. فعلا و بدون مجامله من البدايه للنهايه الروايه كانت مختلفه فى كل شىء .. حملت من كل النكهات .. حزن و الم و رغم ذلك فكاهة و ضحك .. حب و تضحيه و مشاعر تاهت كثير حتى وصلت لبر الامان .. و اتى جيل جديد يحمل معه امل ينمو مع الزمن

رغم انك كنتى متخوفه من هذه الروايه الا انها ستظل بصمة فى تاريخك و طلعت عمل عظيم يستحق الوقوف امامه و تأمل كل ابعاده و اكتشاف مدى الروعة التى تسكن كل جانب منها سواء الفكره .. الحبكه .. الشخصيات و نضجهم .. الاسلوب و التراكيب .. التشبيهات الدافيه .. مهما تحدثت انت تستحقين اكثر و يكفى ردود الافعال التى اثيرت .. لقد تكونت احزاب .. مؤيدين و معارضين .. و صارت هناك اعتصامات و مسيرات سلميه و غير سلميه تطالب بعودة فريدى .. اظن الان محدش من الاخوه الفريدريكيين يقدر يعترض لان مايا رجعت لهم فرى حتى انه يحمل نفس الملامح

اتمنى ان يحقق الله لك كل احلامك و يوفقك دايما و يرزقك الرضا و النجاح و التألق

شكرا لك صديقتى ..كم انا فخورة بك

دمتى بكل الود و الحب

21-07-11, 10:54 PM

المشاركة رقم: 1437

المعلومات
الكاتب:	engbobo
اللقب:

البيانات
التسجيل:	Jun 2010
العضوية:	175354
المشاركات:	199
الجنس	أنثى
معدل التقييم:
نقاط التقييم:	12

االدولة

مدونتي

الإتصالات
الحالة:
وسائل الإتصال:

كاتب الموضوع : مايا مختار المنتدى : روايات عبير الاحلام المكتمله

اقتباس :- المشاركة الأصلية كتبت بواسطة حسن الخلق
بعد الشر عنك من العياط يا قلبى و انا يخلصنى دموعك .. ابدا و كلا و حاش و ماش انا بنزل رابط تحميل الصفحات فى نهاية كل فصل دايما عشان العامله البايخه دى و ادى الرابط مره ثانيه لعيونك يا قمر ط¹ط±ط¨ ط´ظٹط± - طھط*ظ…ظٹظ„: rar قراءة سعيدة

تسلميلي يا حبي كتير كتير كتيييييييييير

و اسفه جدا والله اني لسه رده عليكي دلوقتي بس والله حصلتلي ظروف خلتني مفتحش الكمبيوتر خاااااالص
وبجد شكرا ليكي حسن الخلق علي مجهودك الرائع

22-07-11, 12:48 AM

المشاركة رقم: 1438

المعلومات
الكاتب:	doll
اللقب:	ليلاس متالق

البيانات
التسجيل:	Apr 2010
العضوية:	160826
المشاركات:	2,636
الجنس	أنثى
معدل التقييم:
نقاط التقييم:	902

االدولة

مدونتي

الإتصالات
الحالة:
وسائل الإتصال:

كاتب الموضوع : مايا مختار المنتدى : روايات عبير الاحلام المكتمله

حقك يا عم تاخد لك شهر اجازة بعد المجهوووود الجباااار مش يومين بس

بس ما تتعوديش على كدة ....عايزاكى تشعشعى و تفرفشى و تصهللى و تنزلى لنا برواية قريب ....يعنى معاكى فرصة لبعد رمضاااان ...و مش عايزين كسل و لا فلفصة

كل سنة و انتى طيبة و رمضااان كريم

موووووووووووووووووووة

22-07-11, 01:16 AM

المشاركة رقم: 1439

المعلومات
الكاتب:	engbobo
اللقب:

البيانات
التسجيل:	Jun 2010
العضوية:	175354
المشاركات:	199
الجنس	أنثى
معدل التقييم:
نقاط التقييم:	12

االدولة

مدونتي

الإتصالات
الحالة:
وسائل الإتصال:

كاتب الموضوع : مايا مختار المنتدى : روايات عبير الاحلام المكتمله

لأاااااااااااااااااااااااااااااااااااااااااا مشممكنننننننننننننننننننننننن هي خلصت خلاص انا كنت عماله أدعي انها متكنش خلصت لسه عشان ألحأ أقراه معاكوا ولو فصل واحد
انا أسفه يا مايا جدا جدا جدا اني مقدرتش أوفي بوعدي وأكون معاكوا فصل فصل لكن والله مكان بأيدي انا من ساعت الفصل التالت وانا الحمد لله معتش بشوف خالص خالص وكان من أكبر الممنوعات عندي هو الكمبيوتر دنا حتي اجلت أول أمتحناتي ولسه يا هادي بدأت أعد علي الكميوتر تاني

بجد انا اسفه كتيييييييييييييير كان نفسي اكون واحده من الملتزمين بالمتابعه معاكي بجد يا مايا
أنتي متعرفيش أد أه انا مديقه لان والله انتي غاليه عندي أوييييييي أوي وكان نفسي أوفي بوعدي
لكن والله والله أوعدك ان شاء الله المره الجيه همشي معاكي فصل فصل و مش هخلف أبدا أبدا
أما حاليا فانا ان شاء الله همسك القصه لغايت مخلصها وانا متأكده انها هتطلع روعه زي صحبتها ان شاء الله

22-07-11, 01:10 PM

المشاركة رقم: 1440

المعلومات
الكاتب:	غرام الدانتيلا
اللقب:	ليلاس متالق

البيانات
التسجيل:	Jan 2010
العضوية:	155453
المشاركات:	263
الجنس	أنثى
معدل التقييم:
نقاط التقييم:	198

االدولة

مدونتي

الإتصالات
الحالة:
وسائل الإتصال:

كاتب الموضوع : مايا مختار المنتدى : روايات عبير الاحلام المكتمله

Please I want a special link to download the book of the novel I am waiting please limit to complete read on the hottest of the hot coals

LinkBacks (?) LinkBack to this Thread: https://www.liilas.com/vb3/t152801.html
أرسلت بواسطة	For	Type	التاريخ
Untitled document	This thread	Refback	17-09-14 08:39 PM
Untitled document	This thread	Refback	22-07-14 06:51 AM