كاتب الموضوع :
اوركيد
المنتدى :
قهوة ليلاس
شئ من الطفووله ..
بسم الله الرحمن الرحيم.....مســـــــاءكم الطفوله والبراءه وذكرايـــــــــاتها
بما اني طفشاااانه حدي حابه اونس عمري واونسكم معااي وبطرح اول موضوعاتي واتمنى من كل قلبي يلاقي صداه عندكم وما يكون احد سبقني فيه
...........الطفوله جزء اساسي بحيااه كل شخص واكيييد كل منا مر عليه مواقف حلوه تحتويها البراءه من كل جوانبها منها المضحكه والمبكيه وتكون راسخه بالذاكره نسترجعها من وقت لآآخر
وانا جالسه اتصفح المنتدى قبل ايام فتحت موضوع الرائعه ....زارا ... (قدها والا مو قدهاا)
تذكرت موقف مر علي بطفولتي
.
:
:
:
اترك التعليق ع الموقف لكم :
:
:
كنت اللعب كا العاده مع عيال الجيران بالشارع وطلع ابوي بيروح المزرعه وانا طبعا من دون ما اسال على احد ركبت معه وهو لبى قلبه ما يقول لا المهم جلسنا بالمزرعه شوي الا ويجي ابوي اتصاال من اخويااه انهم على وصول عـــــــاد هنا ابوووي توهق وش يسوي بالخشه اللي معه وانا كاااااشخه لابعد حد << الله لايوريكم ها الكشخه الشوشه طايره والملابس تقل حفاره قبور الله لايبلانا
قال ابوي روحي الجهه الثانيه من المزرعه <<لاحظوا ابوي اسم الله عليه محترم ما قال لي روحي لم الغنم والدجاج ..وانا بنت ابوي واثقه من عمري ثقه عمياء قلت عادي يبه انا ما اتغطى من الرجال
<<نشـــــــبه
قال روحي احسن لك ويااويك لو تجين وانا ما ناديتك
سمعت الحتسي غصبن علي ورحت للمكان المطلوب ... دقيت حنك مع الغنم بعدها سيرت ع الدجاج والاراانب وعزرت فيها شوي
وبعـــــــــــــــــــــــــــــــــــــــــــدها
شفت اخـــــر شئ كنت اتمناه .................(ك ل ب )
وااااو اول ما شفته تقل مشبوكه بكهرب 220 قاااعدتن اتناافض ساااعه كل شئ اختفى بوقتها الا هو كل المزرعه صاااااااارت سوووووووداء ......ونحاااااااااش وعشره ما يلحقوني والكلب يوم شافني اركض يلحقني
انهبلت كل ما الف القااااه وراااي عند كرااعيني واصرخ بكل صوتي
يبااااااااااااااااااااااااه يبااااااااااااااااااااااااااااه والشبشب طاااارت ما ادري وين طست ما بقى ولا شوكه ا لا ودخلت برجوولي ومااازلت مقاااومه واركض ..واركض .. واركض 
كااانت المساافه كبيييره بيني وبين ابوووي تقريبا 800 متر وربي صااارت عندي 800 كيلو والعماال بذاك الوقت ما ادري وين طسو حسبي علييهم واركض واركض والوناااان ما زال شغاال وهو وراي وراي افحط يفحط معي يعني مامن فكه
واخـــــــــــــــــــــــــــــيرا شفت زول ابوي وربعه وهم ينااظروني ما يدرون وشو ها الكائن الحي اللي جايهم دااااعس واجيهم مدرررررررعمه باليااالله وقفني ابوي والا كان ما يردني الا الجدار طردو الكلب وهم يضحكون علي ولو تشوووفون وجه ابوي لحظتها شوي ويتقطع من الفشله وانا لازقه بظهره وابتسي وبعد ربع ساعه تقريبا رفعت عيني ع الرجاااال وااي استحيت من عمري وتمنيت بوقتها الارض تنشق وتبلعني  <<تو تحس
كااانو شئ شييييك واتيكييت وش ساعات وحركاات كشخخخخه بصراااحه ما الوم اوبيي حسيت ع نفسي وقمت اعدل بها الشوشه وانقش الشوك اللي بكرااعيني واعدل ملابسي مع انه مافيه امل وبعد هاليوم حرم ابوي ياخذني معه للمزرعه وهالموقف مستحييييل انساااااه
وتوته توته خلصت الحتوته
اتمنى من كل وحده تقراء الموضوع تحوس بذاكرتها شوي وتطلع لنا شئ من الطفوووله
اختكم :خذني نفس لاضاق صدرك من الآآآه
|
06-12-10, 04:10 AM
جديد مواضيع قسم قهوة ليلاس
العرض العادي
