لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


بحر الشوق

.,,,^~..ّ~>>ً : بــحر الشــــــــــــــــــــــوق : > (روايتي الأولى) وأتمنى أن تنال إعجاب الجميع بحاول ادخل فيها كل العناصر وماراح تكون كلها حزن و راح تكون أحداث شيقة

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 26-10-10, 04:23 PM   المشاركة رقم: 1
المعلومات
الكاتب:
اللقب:

البيانات
التسجيل: Oct 2010
العضوية: 194795
المشاركات: 31
الجنس أنثى
معدل التقييم: قطورة الندى عضو بحاجه الى تحسين وضعه
نقاط التقييم: 17

االدولة
البلدSaudiArabia
 
مدونتي

 

الإتصالات
الحالة:
قطورة الندى غير متواجد حالياً
وسائل الإتصال:

المنتدى : القصص المكتمله من وحي قلم الاعضاء
Deal بحر الشوق

 

.,,,^~..ّ~>>ً : بــحر الشــــــــــــــــــــــوق : <<ً~..ّ~^,,,.


(روايه رمنسيه )


السلام عليكم

أبحرتُ في حروفً دارت في خاطري
واستسلمت يداي لتكتب أجمل رواية
تحكي لكم أجمل حكاية
في
<< بحــر الشــــــوق >>

(روايتي الأولى)

وأتمنى أن تنال إعجاب الجميع بحاول ادخل فيها كل العناصر وماراح تكون كلها حزن و راح تكون أحداث شيقة وجميله وللعلم ترا الروايه مو طويله مره عشان لاتكون ممله والي حابه تنقل روايتي امانه لاتحرف فيها شي ولا حد يسرقها لاني ماراح اسامحه

الكاتبه :
أَلـــــــــــوب << اخترت هالأسم لان لقبي مشهور وبالمناسبه الاسم غريب ومعناه .السماء دائمة المطر.

... (قطورة الندى )...




^V*V^ البارت الأول ^V*V^

في إحدى الأحياء القديمه
مريم : شوق يلا يابنت تأخرتي على المدرسة قومي
شوق :ليه كم الساعة الحين
مريم :6 وربع
شوق وهي تقوم :ياربي كل هدا نوم خلني اقوم لا تقتلني ساروه
مريم وهي تضحك :بشويش مابطير المدرسه

وفي الحوش شفتهم يفطرون الله ولفطور حتى البيضه محسوبه هههه
شوق :السلام عليكم
بعد ماردو السلام
مريم :تعالي فطري
شوق :لا مستعجله اممم عمي ابي لي 5 ريال
شرق بالحليب وهو يكح :انااااااا كم مره اقولك ريال واحد مافيه غيره
مريم :بس ياوليد طالبين عليها ملزمه تشتريها
وليد :لابس ولا شي
رمى علي الريال وطلع وهو مقهور مدري ليش أحسه مجبورعلي يمكن لانه ياخد راتب ريم كله طلعت ومريت على ساروه الدوبه (سارة بنت حلوه و حبوبه ومرحه بشرتها حنطيه طويله ولا هي ضعيفه ولا هي دبه جسمها متناسق وشعرها اسود لين كتفها )
ساره :أخيرن شرفت الاميره
شوق :سكتي الله يخليك بط جبدي العله ولا ماعطاني الا ريال ماراح يقتله الا هالبخل تخيلي امس شرا ليمون خشه في صندوق التجوري وش قال لانه غلوه يقول 15 ريال كل يوم بيطلع لنا ليمونه على الغدا
ساره وهي تضحك حتى عيونها دمعت
شوق :حشى كل هدا ضحك خلاص فضحتينا الناس تناضر
ساره وهي لساتها تضحك : شوفي الصدف هههه البارحه شاهدة مسرحيه لطارق العلي يقول لحسن البلام عمك ديك السنه ركب له ضرس ذهب قام خش راسه بالتجوري هههههههههه
طول مانمشي وساره تضحكني هي الوحيده الي ارتاح معها حتى مريم بس ساره غير رفيقتي من صغرنا
وحنا نمشي في الشارع سمعنا صوت ورانا
شوق : ساروه بعدي شكلها تريله كبيره (تريله \ السيارات الكبيره مره وتحمل فيها البضائع ) بعدها مشت وراي لان الشارع ضيق زاد الصوت ولا نشوف دراجه ناريه حجمها صغير ولونها اصفر عليها رجالين وسمعت ساروه متفجره من الضحك فشلتنا قدام الرايح ولجاي وهي تحضك
ساره : هههههه كل هالصوت عشان طعامة همبا هههههههههه (يعني نوات فاكهة المانجو )
شوق : ههههههههههههه واني افكرها تريله هههه (حقيقيه صارت لخالتي وبنت خالي ^_^)
دخلت المدرسة وسلمنا على صاحباتنا وجلسنا في اماكنا وجات معلمة الجغرافيا احبها طيبه مرره ولازم فيه أكشن في الحصه
المعلمة : وش فيكم اليوم خاملين قومو تحركو يا ساره سمعينا نكته خلي البنات يصح صحو شوي
وقفت ساره وهي مبسوطه
ساره : فيه نمله تدحرج من فوق الجبل ليش ؟؟؟
شوق وهي تضحك عارفه كل نكتها
لولوه : تبي تنتحر
ساره :لا
وصارت كل وحده تعلق
ساره :خلاص اقــــــول؟
المعلمه : ايه يلا ضاعت الحصه
ساره : تمثل فلم هندي وتحرك حواجبها
الكل ضحك وكملت المعلمة شرح
شوي وجات وحده وقفت عند الباب وسلمت وردينا السلام وحنا نتبسم على شكلها كبيره في السن يمكن في 50 عمرها ولابسه تنوره سودا جلد وضاغطه مررره وقميص مخصر لونه ابيض وعند الكم اصفر وحلق احجاره كبيرره لونه اصفر وميك اب ملطخه وجها وشعرها اصفرر كله سمعت نوره تضحك بقوه ماقدرت تتحمل شكلها وساره شوي وتنفجر معها شفناها رايحه للبنت و!!!!!!!!!!!!

ماصدقت الي اشوفه مسكت راسها وضربته بالطاوله ولبنت تصيح ماصدقت فيه ناس بهالقساوه الكل سكت مصدوم حتى المعلمة وطلعت وتوجهنا للبنت كسرت خاطري من ضربت وجها بالطاوله تصيح ولا رفعته رحنا نشوفها الحمد لله مافيه دم بس صايره مرره حمره بعد يومين تبين لنا انها مساعدة المديره وتدور اي غلط بس تكفخ البنات الله لا يسامحها عشان كدا لقبوها البنات بأسد الجزيره (((قصه حقيقيه كانت بنت خالتي في نفس الفصل وشافت هالحدث بعينها وعلى جيلي ماصارت تضرب تابعو الرواية وتعرفو ليه )))

وبعيداً عن هذه الاجواء
كان جالس في الطائره مشتاق الى أهله وإلى السعودية بكبرها أخيرن خلص دراسته في أمريكا تعب و شقى سنين يدرس ، صار الوقت الي يساعد فيه ابوه على إدارت الشركات
مرت من جنبه بنتين يتهامسون ووحده تناضرفيه و جلسو خلفه
البنت : ايه ورحنا الكفتريا تخيلي وش سوو البنات
شوق : هاه
البنت : لا ابد مو وياي وين سرحتي
شوق : شفتي الشاب الي قدامنا ااااااااااه يدبح كأنه ممثل
البنت : خساره مانتبهت له خلاص لما نقوم اشوفه
حسيت فيها وهي واقفه فوق راسي
شوق تتكلم بدلع : ياحلو ممكن تعطينا رقمك
مره انقهرت وعصبت وش قلت هالادب : استري على نفسك يابنت
شوق وهي حاطه يدها على فمها : يووووه تغريد طلع الاخ مطوع ههههههه
تغريد : هههههههه خلاص لا تضحكيني اخاف تجيني شراره من عينه هههههههه
اشر على المضيفه تجي وطلع من بوكه بطاقته ناضرتها المضيفه وهي خايفه ابتسم لها : تشوفي هالحشرتين الي وراي وهو يأشر بأصبعه مسببين لي ازعاج
قالت : اعذرنا طال عمرك الحين اتصرف معهم
بعد ماامرتهم يغيرون مكانهم وهم يتحرطمو ويهددو رجعت له
حس باحد واقف قريب منه وناضر
المضيفه : تبي شي طال عمرك شاي او قهوى عصير ماي الي تبي جاهزين
رد عليها وهو يأشر بيده :لا شكرن
وصلت المطار ولقيت ابوي وولد خالي فيصل رحت وسلمت عليهم طول الطريق وانا اسولف لهم عن الايام الي قضيتها في امريكا مر الوقت بسرعه بالسوالف وضحك
وصلت فلتنا رفعت يدي أسلم على ابو فتحي فتح لنا البوابه ودخلنا كل شي مثل ما كان انتبهت للزهور المزروعه وبتسمت امي تحب الورد من كنت صغير لما ارجع من المدرسه وحمل معي ورده لها مرررره تنبسط انتبهت لفيصل يقول
: الي ماخد عقلك يتهنا به هههههه
سكت عنه لما شفت امي جايه ومبسوطه وتسلم علي وغامرتنا الفرحه وجات ملاك تركض رفعتها فوق وهي تضحك دخلنا الصاله ولقيت ريوم نازله بسرعه ضحكت لما نطت علي هالمهبوله بغت تطيح
ريم وهي تحضنه : مشعل وحشتني يادب الحمد لله على سلامتك
مشعل :الله يسملك ويسمنك ههههه
شفت جدتي جالسه وتسف خوص رغم كبرها الا انها ماتقدر تجلس بطالي رحت وحبيت راسها وسلمت عليها
الجده : ياقليل الخاتمه وينك كل هالمده عنا
مشعل :انا قليل الخاتمه الله يسامحك هذا وانا جايك بالشهاده الي ترفع الراس
الجده : وينها بشوفها
مشعل : خليك منها بعدين اراويك اياها المهم رجعت بالسلامه
الجده : الحمد لله
مشعل: يمه وش عشاكم مرره جوعان
ريم : كل الي تحبه موجود ههههه
مشعل : يمه ماشوف بدريه ولا البنات وينهم
الام : راحو ابها بعد يومين بيجو




مريم : شووق نادي عمك العشى جاهز
شوق : ان شاء الله
رحت لغرفتهم دقيت لقيت الباب مفتوح لقيته جالس على الارض وحوله اوراق وهو يدخن قلت له ان العشى جاهز بروح بس ناداني استغربت رحت له واني خايفه يضربني وطلب مني اوقع اوراق استغربت قريت من البدايه شكلها وكاله استغربت لما سالته صرخ علي وخلاني اوقع وقعت ويدي ترجف من الخوف لما رحنا نتعشى وشاف الطبخه انقهر في مريم وضربها ليش لان المعطرونه كثير على قولته اسراااف مو حرام يرمي الاكل بزباله الحين هالصحن كثير لو اكله لوحدي ماشبعت الله يهديك ياعمي
عمي : اسمعي انتي يا......... يالي ماربوك وانتي وياها يال.... الي بيعيش في هالبيت يسمع كلامي ولا حد يكبر راسه علي ويعاندني فاااهمين
لازم يسب ويلعن ويده تلعب فينا لو وحده واقفه في وجها ماصار الي صار بس ايش نقول حكم القوي على الضعيف
شفت مريم قايمه سألتها وين رايحه بس ماردت اني خفت عليها ورحت وراها سمعته يقول : ايه لحقيها وفرتو
كل يوم اكرهك اكثر واكثر مادري ليش متحملتنه مريم رحت اشوفها لقيتها تصيح
شوق: مريم
مريم وهي تصيح : لا تقولي شي ارجوك خليني لوحدي
تركتها بهمومها
ماحد خالي من الهموم هدي الدنيا وقسوتها عمي يركض ورى فلوس الحرام وينصب على الناس يحسب انه سعيد في دنيته مايدري ان العذاب جايه لا محال


بعد ايام
صحيت العصر على اصوات حوريه وحنان بنات اختي بدريه
حوريه : الحين هدا خيشت نوم وش يصحيه
حنان :بسيطه هاتي بس كاس المويه اعرف له اني هههه
حوريه وهي تقلدها : اعرف له اني ورفعت يدها مالت بس يادبه اخاف يجينا كم طراق وكم رفسه
حنان : لا اعرفه طيب ومايسوي شي زين منه يهشت ذبانه هههه (يهشت ـ يبعد عنه )
حسيت فيهم يقربون مني وقبل لا تكبه مسكت يدها وصارت تصارخ وهربو ضحكتني اشكالهم بس ماخليهم رحت اركض وراهم
: يالهيوس اجل انا مااهشت حتى دبانه اراويكم
حوريه : خالي والله مو اني كله من حنان
وما اشوف الا الغبار وراهم هههه وانا وراهم طلعنا من جناحي ونزلنا ومن المطبخ خرجنا الزراعه وشفتهم منخشين ورا شجره
حنان وهي خايفه : حوريه شكلنا ضيعناه
مشعل :لقيتكم وصار يرشهم بالمويه
مره انبسط حسيت نفسي رجعت لأيام الطفوله هههههه وخليتهم وكل وحده تتحرطم ورحت الغرفه ابدل ملابسي
ريم : الله مسوين حفله ولا عزمتوني ههههه
حوريه : اي حفله واي بطيخ شوفي وش صار لنا من افكار اختي المصون
حنان : تراش قهرتيني الي مايدي مسكينه البرائه تنقط
ريم : ههههههههه تعالو بس بدلو ملابسكم

 
 

 

عرض البوم صور قطورة الندى   رد مع اقتباس

قديم 26-10-10, 04:24 PM   المشاركة رقم: 2
المعلومات
الكاتب:
اللقب:

البيانات
التسجيل: Oct 2010
العضوية: 194795
المشاركات: 31
الجنس أنثى
معدل التقييم: قطورة الندى عضو بحاجه الى تحسين وضعه
نقاط التقييم: 17

االدولة
البلدSaudiArabia
 
مدونتي

 

الإتصالات
الحالة:
قطورة الندى غير متواجد حالياً
وسائل الإتصال:

كاتب الموضوع : قطورة الندى المنتدى : القصص المكتمله من وحي قلم الاعضاء
افتراضي

 

تابع البارت الاول


الجده : حناااااااان ... يا حنان
بدريه : نعم يمه وش بغيتي
الجده : خليتها تصحي خالها ولا جت
بدريه : الحين اناديه الك ... هذا جا الي تبينه
مشعل : السلام عليكم
بعد ماردو السلام
مشعل : الله وش هالجلسه الحلوه وحلاه بعد
ريم : حياك ذوق طبخ يدي
مشعل : يالعياره هدا طبخك ماتعرفين تسوين الشاي بتسوي حلى
حنان : ههههههه كاشف كل حركاتك
مشعل : انتي بدات اسكتي
اخت لي حبتين حلى وجلست جنب جدتي : هاه يااحلى جده وش بغيتي
الجده : ابيك توصلني لناس
مشعل : يااااويلي جدتي ليكون اعرستي وحنا ماندري
مدت العصى كانت بتضربني هربت وانا اضحك : هههههههه خلاص تووبه
ام مشعل : عيب عليك ياولد احترم جدتك لا والله اعلم ابوك عليك
مشعل وهو يضحك : لا خلاص بتأذب ورحت حبيت راس جدتي
الجده : حبيت الكعبه ياولدي
مشعل : يايمه ليش تبي اوصلك هناك
الجده : بروح لمره تخيط نفانيف وبروح اخليها تخيط لي واحد (نفانيف _ ثوب او دراعه على قولت الاماراتين ^.^)
مشعل :بس واحد خليها تخيط لك 10 تستاهلين يالغاليه بتروحين الحين
الجده : ايه هدي عباتي جنبي
مشعل : يلا اجل مشينا حد بروح معنا
حنان : ايه اني بروح معكم
مشعل : وش هالقافه وش حاشرك انتي
بدريه : وش مسويا فيك مسودة الوجه
حنان : يماا بدال ماتدافعي عني
مشعل : انتي لا بس حوريه ادا بتجي ماعندي مانع
حوره انبسطت : ايه بروح
حنان : وش معنا اني لا وهي عادي
مشعل : مزاااج
حوريه : ريم بتروحي معنا
ريم : مشكل على هالصدعه الي مايدري رايحين الملاهي رايحين الكرنيش وهي تحرك يدها كلها بيت ومافيه الا مره وتخيط حنا وش نطلع الجدران
ضربتها على راسها على خفيف : بشويش يابنت الملك لا تذوبين من الدلع
ريم عصبت : يمه شوفيه
ملاك : يمه اروح معهم
ام مشعل : لا احنا بنروح السوق الحين بيجي ابوك ونروح طيب
ملاك : اااايه ابي اروح بشتري لي شنطه وألعاب
ريم : ونتي ماتشبعين من الالعاب
ملاك : ونتي ماتشبعين من الشنط والميك آب وطلعت لها لسانها
مشعل : ههههههه والله وكبرتي ياملاك
(ملاك بنت حبيوبه جميله وتروح الروضه و تحب مشعل كثير لانه دايمن يالعب معها لما كان يجي وقت الاجازات تحب المدرسه وتستناها بفارغ الصبر السنه الي بتجي بتدخل المدرسه ومجهزا كل احتياجاتها هههههه)
مشعل : يلا ياجده مشينا
مسكت يد جدتي وسحب لي سوج سيارتي الفراري وانا ابتسم
وصلنا السياره وجلستها قدام معي وهي تتحرطم عشان السياره وحوريه وراي مبسوطه
هبلت فيني جدتي وهي توصف لي الطريق اخر شي دقيت على السايق ودلاني وصلنا حي الي منسدح على سياره ولي يغسل سيارته وكل مكان شلة شباب لازم اشوف واحد منهم يدخن وبنات يمشون بس مشاء الله محتشمين وصلنا البيت كان البيت قديم وصغير بعد مانزلتهم قلت لى حوريه تدق على جوالي لمى يخلصو ماتحركت كنت استنى يدخلو البيت وهم واقفين انقهرت لمى طولو مافتحو الباب وجدتي واقفه توني بنزل الا فتحوه لهم وشفتهم داخلين وعلى طول رحت الديوانيه للشباب





جالسه على الارض بهمومها كل شي يوجعني هدا ولا شي غير الالم الي بصدري
ياربي فرج همي وهم هالمسكينه تخلت عن اهلها علشان واحد مايسوى ضفر منها للأسف طلع هدا عمي لو اقدر بس اوصل لعمي صالح اقوله عن كل سواياه بس للأسف مافي اليد حيله صحيت من غفلتي على صوت الجرس هالوقت البيت مايفضي اجلس احبس نفسي في الغرفه ماحب اقابل احد سمعت صوت مريم طلعت من غرفتي وسمعت صووتها كانت في السطح شكلها تنشر الثياب
مريم : اش فيك ساعه الناس تدق الجرس روحي شوفيهم
شوق : طيب طيب له معصبه
فتحت الباب وانا اشوف وحده كبيره في السن مع بنت
بعد ماسلمو جلستهم في الغرفه الي تخيط فيها مريم نضرات البنت غريبه
البنت : انتي سعوديه
شوق تعودت على هالسؤال دايمن ينسال : امي لبنانيه وابوي سعودي
الجده : ماضن مريم لبنانيه
شوق : لا هذي مرة عمي ابوي وامي توفو الله يرحمكم
الجده : الله يرحمكم ويصبرك يابنتي
بعدها جات مريم وراوتها القطع وكيف المديل الي تبيه وشوي شوي جاو الحريم وطلعت مع البنت غرفتي تعرفنا على بعض مشاء الله ناس اول ماتشوفهم يدخلون القلب على طول سولفنا البنت حبوبه ماخلت حد ماسولفت عنه ماحسينا بالوقت سمعنا صوت جدتها تناديها قالت لي
حوريه : يلا استنى زيارتك تجين يعني تجي مالي شغل
شوق : هههه لا والله ماقدر اسمحي لي عمي عصبي ومايرضى اطلع
حوريه : خلاص اجل كل مره تجي جدتي بجي معها
شوق : على خير حياك الله في اي وقت البيت بيتك
سمعت صوت جوالها وطلعته مره حلو شكلهم ناس كباريه حتى شنطتها ماركا
حوريه : هلا خالي
مشعل : خلصتو لو لسه ؟
حوريه :خلصنا توها جدتي تناديني
مشعل : ليش انتي فين عنها
حوريه : جالسه مع بنتهم في غرفه ثانيه
مشغل : طيب دقايق وانا واصل لكم لاني قريب طيب يلا مع السلامه
حوري :مع السلامه
طلعنا من الغرف وخدت جدتها وسلمو وطلعو من البيت
رجعت لغرفتي واني اناضرها فشله ناس اغنياء شايفين هالغرفه وش بيقولو هالسرير الي شوي ويطيح لو تشوف نافده بدون ستاره هههههه فشله ولا اتناضر شكلي اعظم وخس بنطلون جمس طبعن لازم ينمشق عند الركبه كله من خمام الحوش بالعسو ولبلوزه عدمانه وفيها نقطه بالكروركس ان شاء الله مانتبهت لها هههههه توجهت للدولاب وخرجت لي ثوب مخيطته الي مريم ودخلت الحمام اسبح


عند العشى
حوريه : مابتصدقون الي شفته
حنان نطت جنبها : وش شفتي
حوريه : البنت حلوووووه مره تطيح الطير من السما ههههه
ريم : وخير ياطير
حوريه : ايه لانكم ماشفتوها والله انها دخلت قلبي هالبنت
بدريه: ونتي اي شي حلو يدخل قلبك
الجده : مشاء الله عليها جمال و دين واخلاق
في هالوقت جا مشعل : من هذي
الجده : زوجتك
الكل انصدم !!!!!!!!!!!!!!
مو اقل من الصدمه الي جاتني انا اتزوج غير رزان لا والله على جثتي هدا الي ناقص بعد !!!!

من تكون رزان وكيف تعرف عليها مشعل ؟
هل من الممكن يقدر يغير راي جدته ؟
تتوقعون يصير نصيب بين مشعل وشوق ؟


البارت طويل شوي ان شاء الله عجبكم البارت الاول لاتبخلو علي بردودكم الحلوه وعطوني رايكم بكل صراحه
تحياتي
^_^

 
 

 

عرض البوم صور قطورة الندى   رد مع اقتباس
قديم 27-10-10, 01:07 PM   المشاركة رقم: 3
المعلومات
الكاتب:
اللقب:

البيانات
التسجيل: Oct 2010
العضوية: 194795
المشاركات: 31
الجنس أنثى
معدل التقييم: قطورة الندى عضو بحاجه الى تحسين وضعه
نقاط التقييم: 17

االدولة
البلدSaudiArabia
 
مدونتي

 

الإتصالات
الحالة:
قطورة الندى غير متواجد حالياً
وسائل الإتصال:

كاتب الموضوع : قطورة الندى المنتدى : القصص المكتمله من وحي قلم الاعضاء
افتراضي

 

جد احباط مافيه تشجيع معقوله ماحد قراء روايتي

 
 

 

عرض البوم صور قطورة الندى   رد مع اقتباس
قديم 27-10-10, 01:08 PM   المشاركة رقم: 4
المعلومات
الكاتب:
اللقب:

البيانات
التسجيل: Oct 2010
العضوية: 194795
المشاركات: 31
الجنس أنثى
معدل التقييم: قطورة الندى عضو بحاجه الى تحسين وضعه
نقاط التقييم: 17

االدولة
البلدSaudiArabia
 
مدونتي

 

الإتصالات
الحالة:
قطورة الندى غير متواجد حالياً
وسائل الإتصال:

كاتب الموضوع : قطورة الندى المنتدى : القصص المكتمله من وحي قلم الاعضاء
افتراضي

 

^V*V^ البارت الثاني ^V*V^


ابو مشعل : بس يايمه تدرين ان مشعل مسمى لبنت خاله ابو علي من كانو صغار
الجده : ايه ادري بس رزان ماعادت مثل قبل
من سمعت جدتي رفعت راسي وانا اناضرها : شووو
الجده : ياولدي البنت تغيرت الله يستر عليها
ماصدق اكيد تقول كدا عشان اتزوج البنت الي تعجبها حسيت نفسي مخنوق مو قادر اتحمل اكثر قمت وقبل لا امشي : رزان لي وماحد بياخدها غيري
طلعت وانا اسمع امي تناديني ركبت سيارتي ونطلقت للبحر

ربما عجزت روحي ان تلقاكي
وعجزت عيني ان تراكي ولكن
لم يعجز قلبي ان ينساكي >> للامانه منقوله

ريم : الله يعينك ياخوي
حنان : جدتي صادقه اني جلست معها قبل اسبوع
ريم : شفيها يعني وش مسويا
حوريه : قولي وش ماساوت
حنان : جلسنا معها كل شوي تدلع وحتى لبسها مرره فاصخ حتى جدتي نصحتها وقامت تراددها تخيلي تقول لجدي اني حره بنفسي ادا ابوي مامنعني ورفعت اصبعها على جدتي عساه الكسر تقول انتي تمنعيني هذا غير الفضايح الثانيه ولكلام الي طلع عليها
ريم : وصلت فيها المواصيل انها ترادد جدتي بعد لا في احلامها تاخد اخوي هالخايسه
بدريه : جالسين اهني لوحدكم في من تحشون اعترفو؟
حنان : حنا بنات وبينا اسرار عيب تنقال للكبار
بدريه : قومي بس من غير فلسفه ابوكم جا
حوريه : طيب بروح اجيب عباتي من غرفة ريم
حنان : جيبي وياك عباتي


رجعت للبيت وناضرت الساعه لقيتها 2 قبل لا اصعد الدرج سمعت صوت ريم
ريم : رجعت
مشعل : وش تشوفيني يعني
ريم : اجلس بقولك شي طيب
جلست جنبها وانا عارف وش بتتكلم فيه
: مشعل ما تتصور كيف تغيرت رزان اني لو قلت لك عن فعايلها الحين ماراح تصدقني ادري عشان كدا ابيك تراقبها بس اسبوع وشوف بنفسك فعايلها ولا أسأل عنها في الديوانيه متأكده يعرفونها
طررراااخ
نزلت يدي وانا في قمت العصبيه
ريم : اخر عمرك تضربني على وحده ماتسوى
وراحت تركض وهي تصيح ناضرت يدي الي لمست خدها انا وش سويت !



شوق: صباح الخير
ساره : صباح النور
شوق : يادبه اجل تروحي عني هاه رحت بيتكم قالت لي امك انك رحتي
ساره : رحت مع اخوي من وقت مريت بيتكم قالت لي مريم انك ماصحيتي
شوق : اهاا
ساره : يسلمون عليك ناس وهي تغمز لها
شوق ابتسمت : الله يسلمه
ساره : ماتبي اوصل له سلام مني مناك هههههه
شوق : اخاف اعلقه فيني واني اعتبره كأخ الي
ساره تخزها: اخ هاه
الماسه :هاااي بنوتات
ساره : هيات يادبه وينك ماتنشافي
الماسه وهي تحوس بأضافرها : تدري عن مشاغل الدنيا
ساره ضربتها على كتفها على خفيف: مايليق عليك الدلع هههههه
سمعنا صوت الجرس وصفينا وقفت مع فصلي وبتدائة الإذاعه المدرسيه وأسد الجزيره واقفه ورا فصلنا انتبهت لبنت كانت لابسه شريطه على شكل مثلث ورابطتنها على راسها مثل الي يرقصون الراب راحت لها وسحبتها من شعرها : ايش هاذا جالسه علبحر انتي
ضحكتني بس مسكت ضحكتي لما حسيت فيها قريبه مني واني ارجف من الخوف بس لا تكفخني على هالصباح مسكت شباصتي الي في شعري
: هالون الاحمر لا تلبسيه مره ثانيه
تنفست براحه لمى راحت عني ريحت عطرها خياس الله يعينا عليها مسببه لنا رعب اني بدون شي خيوفه بعد تجي لنا أسد
مر اليوم على خير الحمد لله


حاولت امنع نفسي من التفكير عنها بس ماقدرت ساورني الشك مالقت نفسي الا قدام الجامعه معقوله كلام ريم وبنات اختي صح انتظرت ونتظرت واخيراً شفت سايق عمي شوي وتقدمت بنت للسياره ماقدرت غير اني افتح فمي من الصدمه هذي رزان كاشفه وجها الملطخ بميك اب وحمرا لونها احمر صارخ ونضاره شمسيه وشيلتها شوي وتطيح من راسها وشوي من شعرها يطير برا ولا هامها عبايه مخصره كيف تتنفس دي وصدمه الاكبر الي جاتني الشاب الي مر عليها وعاطتنه ابتسامه عريضه باسها على خدها وتكلم كم كلمه وعطاها كيس وهي تضحك له انا ديك اللحضه ماقدرت امسك اعصابي وتوجهت لهم وعلى طول هجمت على الولد بكوس من قوته طاح في الارض وقام وناضرني : من انت تدخل بيني وبين حبيبتي
مسكته من ثوبه : وشو الي كان بينكم اعترف لاوالله اخليك تتعفن في السجن
خاف ورد علي : كان بيننا شي
رزان وهي تصيح : محمد خلاص لا تكمل
مشعل : تدرين ان اليوم قتلتيني وقتلتي قلبي الي مانبض الا لك وحدك قتلتي الحب الي يجمعنا من صغرنا انتي وحده انانيه ماتفكرين الا في نفسك ياحسافه بس اهلك هذي الثقه الي عطاك اياها عمي تاركك اهني في البحرين وحسب انك راح تحافضين على نفسك حالك حال اي بنت تتغرب عن اهلها وترجع وهي محافضه على نفسها بس انتي لا
محمد : اهني وحدك ماسمح لك البنت تبيني انا ماتفهم
ماقدرت اتحمل كفايه ان للحين ماسك اعصابي تهجمت عليه وهو يقاومني ولتمو علينا الناس وبلغو الشرطة



ابو مشعل : وينه مشعل اليوم ما جا الشركه
ام مشعل حطت يدها على صدرها : ياويلي ولدي قلبي مقبوض عليه من الصباح طلع حسيته مضايق حسبت من الشغل
ابو مشعل : هدي نفسك يامره الحين أدق و شوف وينه فيه
دق عليه ولا حد يرد
ام مشعل وهي تصيح : ما يرد صح اني حاسه فيه شي قوم دور عليه
ملاك : ابوي وش فيها امي ليش تصيح
ابو مشعل : مافيها شي بس مضايقه عشان مشعل تأخر علينا
ترررن ترررن
ابو مشعل : الو
: السلام عليكم
ابو مشعل : وعليكم السلام من معاي
: طال عمرك انا الضباط احمد ........ من شرطة البحرين
(الضابط أحمد أبوه يمكلك شركات ويكون صاحب ابو مشعل تعرفو على بعض اثناء سفقه بينهم وتحدو وبنو اكبر شركه بالمملكه في الرياض )
ابو مشعل : ياهلا وغلا اخبارك يا أحمد وش اخبار ابوك
احمد : تمام الحمد لله بس حبيت اقولك ان مشعل معنا
وقف ابو مشعل : نعــم
احمد : تطمن طال عمرك مشعل بخير و الخبر ماراح ينتشر في الجرايد صارت مشكله صغيره بس
ابو مشعل : الحين انا جاي
احمد : لا تتعب نفسك طال عمرك اهو ضيفي يومين ويجيك
ابو مشعل : ونعم فيك بس قولي وش المشكله
احمد : راح لكلية البنات وشاف بنت عمه مع واحد وتهجم عليه
ابو مشعل : لا حول ولا قوة الا بالله عسى ماسوى في الولد شي
احمد : لا الحمد لله ولا تحاتي شي كل شي تحت السيطره وبنت اخوك في بيتها
ابو مشعل : اهتم فيه واي شي محتاجه كلمني
بعد ماسكر عنه توجه لزوجته الي تنتضر اخباره بلهفه وخبرها على الي صار

مر اسبوع كأيب وانا في البحرين كل احلامي تدهورت اليوم برجع الشرقيه لما كلمتني امي اليوم وجلست تحن على راسي مارجعت محتاج اجلس لوحدي اكثر كرهت كل بنت تمر علي كرهت كل شي ماعاد فيني اتحمل اكثر بعد ساعات وصلت البيت متأخر حسيت بحوسه في المطبخ
ريم بفرحه : الحمد لله على سلامتك
مشعل : الله يسلمك ريم انا اسف على الي صار
ريم : لا تفكر في الي راح وقولي وش فيك كدا شكلك مبهدل ولونك مخطوف شكلك ماتاكل شي
مشعل وهو يجلس على الكرسي : يلا سوي لي شي ميت جوع
ريم : اندوي ههههه
مشعل : وش اندومي لا مابي شرايك نطلب لنا من المطعم
ريم : الحين 11 مافيه الامطعم مرتك فاتح هالحزه هههههه
مشعل : ضحكتيني جالسه في البيت وش دراك
ريم : يلا اطلب اجل بس لا تطلب لنا كثير ماحب انام واني منفوخه
ملاك : بووووه وش تسوي ريوم
مشعل: بسم الله من وين طلعت لنا هدي
ملاك : مشعل رجعت وهي تركض جهتا
ريم : بشويش عليه هههه
ملاك : مشعل شفيها عيونك كدا انت زعلان مني
مشعل : لا حبيبتي مو زعلان منك
ملاك : طيب مره ثانيه لا تخلينا عشان لا تصيح امي
مشعل : ان شاء الله يا أميرتي الحلوه
طلبت لنا من المطعم معجنات ومشاوي جلسنا نشرب ببسي وناكل وحنا نشاهد فلم مره حلو عجبني اسمه الفارس التنين انتهى الساعه 3 وشفت ملاك نايمه جنبي وريم شوي وتغفي عينها من النعس قلت لها يلا ريم انا بحمل ملاك ونتي شيلي الاغراض وطفي التلفزين رحت غرفتها وحطيتها على سريرها توني بطل الا شفت امي داخله سلمت عليها وسألتني عن حالي طمنتها وقلت لها بكره اخبرك كل شي طلعت لجناحي ولبست لي سروال البجامه ونمت على طول

رزان : مشعل انا احبك
مشعل مبسوط : فديتك انا الي اموووووت فيك
جا شاب وسحب يدها مني : لا تصدق نفسك هي لي ومستحيل تكون لك هدي زوجتك جنبك وش تبي فيها بعد
ناضرت جنبي شفت بنت لابسه شيله بيضى مامبين منها شي
: مشعل مشعل قوم عشان تتغدا
صحيت مفزوع من الحلم وانا ماسك قلبي
ملاك : مشعل وش فيك
مشعل: روحي انا جاي وراك



ياااااااشوق .... شوووق
: نعم عمي
قالي :ادخلي
ناضرت فيه وانا مستغربه ادخل وين لمجلس الرجال مجنون دا
رد علي وفي وجها ابتسامه : لا تخافي ماحد اهني الرجال طلع
دخلت وراه وفي يدي صينية الشاي وفيها استكانان حسيت بأحد جالس رفعت راسي شفت شايب مبتسم وسنانه صفرا ولي طايح صرخت وطيحت الي في يدي وتكسر كل شي وهربت اركض من المكان سمعت عمي يناديني بس ماهمني دخلت غرفتي وجات مريم وراي
: بسم الله شفيك وجهك كدا مخطوف ايش صاير
بديت استوعب الي حصل ورحت احضنها واني اصيح وهي تهدي فيني
ماحسيت الا عمي ماسكني من شعري ويصارخ علي : كدا يا....... كسرتي ثلاجة الشاي تدري هدي بكم
مريم : وليد اتركها الله يخليك
وليد : فشلتني قدام الرجال
مريم : اي رجال
وليد وهو مبتسم : ابوياسر زوجها
شوق: على جثتي اخد هالشايب
وليد : تاج فوق راسك يا.....
مريم عصبت : تخليها تدخل على رجال غريب ياحسافه فيك بس
وليد : رجال وفلوسه في جيبه بسكنها في عز وش تبي بعد
مريم : اعرفك ياوليد مصلحتك اهم من اي احد لعب عليك بكم فلس ونت على طول وافقت
وليد صفعها على وجها : انتي ماتفهمين اقولك تاجر معه فلوس الدنيا مو مهم رايكم المهم وافقت ونتهى الموضوع وعطيت الرجال كلمه ماترجع عنها لو ايش صار ولملكه بعد 3 ايام وطلع من عدهم
مريم : شوق لا تضايقين نفسك اني بتصرف معاه
ماكملت كلامها الا شوق طايحه على الارض


ايش الي صار لشوق بتتحمل هالصدمه الي جاتها وتتقبل مصيرها ؟؟؟
تتوقعون شوق تتزوج الشايب الي كبر جدها ؟؟؟
ومشعل لساته عايش على حب رزان لو مات الحب مثل ماقال ؟؟؟

 
 

 

عرض البوم صور قطورة الندى   رد مع اقتباس
قديم 28-10-10, 04:34 PM   المشاركة رقم: 5
المعلومات
الكاتب:
اللقب:

البيانات
التسجيل: Oct 2010
العضوية: 194795
المشاركات: 31
الجنس أنثى
معدل التقييم: قطورة الندى عضو بحاجه الى تحسين وضعه
نقاط التقييم: 17

االدولة
البلدSaudiArabia
 
مدونتي

 

الإتصالات
الحالة:
قطورة الندى غير متواجد حالياً
وسائل الإتصال:

كاتب الموضوع : قطورة الندى المنتدى : القصص المكتمله من وحي قلم الاعضاء
افتراضي

 

^V*V^ البارت الثالث ^V*V^


صحيت على مريم ترش على وجهي مويه جلست واني ماسكه راسي الله يسامحك ياعمي 3 ايام وصير ملك رجال ولا اي رجال شايب بعمر جدي ولقهر اسنانه طايحه وبعضها صفرا هذا بذمتكم يتعاشر لو يصلح زوج ليش مايشوف له وحده بعمره والله حرام
مريم : شوق الله يخليك لا تسوي في نفسك كدا
شوق عطيتها ضهري : طلعي وطفي النور بنام
طلعت وطفت النور ضليت اصيح واصيح وينك يايبه تشوف حال بنتك وينك يايمه عني ليش ما اخدتوني معكم ابي اموت ولا اعيش مابي شي من الدنيا انا تعبت مافيني شدة خلاص
تعوذت من الشيطان الرجيم لمى سمعت الاذان ورحت اصلي لمى خلصت رفعت يدي ودعيت
"ألهي كفى بي عزاً أن اكون لك عبداً، وكفى بي فخراً ان تكون لي رباً ، أنت كما أحب فجعلني كما تحب " قول الإمام علي عليه السلام


صحيت من النوم واني مزعوجه من النور : مريم طفي النور بنام
شوي الا وأحس راميه جسمها علي فتحت عيني واني اشوف بنت صغيره عمرها تقرياً 6 سنين وشفت حوريه عند الباب وتضحك
: يادبه شيليها بموت
حوريه : ههههههه خلاص ملاك اني قلت صحيها ماقلت اهجمي عليها
شخبارك ياعمري
شوق : وش شايفه
حوريه : قالت لي مريم ان عمك غصبك على واحد طيب ليش ماتبينه هو شين يعني
شوق : خليني اغسل وقولك كل شي



مشعل بصراح : سلمان مررها لي
سلمان : من عنيا ههههه
انتهى الشوط الاول بتعادل
حسيت بالسعاده وانا العب من صغري متعلق بالكوره حتى وانا في امريكا كنت مشترك في نادي نلعب فيه
انتبهت لجوالي
فيصل : هلوووووها
مشعل : هلويشن
ضحكنا على خبالنا
فيصل : ماتبطل حركاتك
مشعل : انا لو انت ايه تخيل وين انا فيه
فيصل : وين ياباش مهندس ههههه
مشعل: انا في الملعب
فيصل : احلف ياشيخ ولا تعلمني
مشعل : فاتك الشوط الاول بس يمديك تلحق وش اقولك سجلت قول تصدق من قوته طيرت الحارس وشبكه تقول عاصفه مو قول
فيصل : ههههههه من الشلخى اشوف الجدار تشقق
مشعل : ههههههه يلا استناك لا تتاخر


حوريه : الله يلعنه
شوق : حوريه مهما سوى تراه عمي
حوريه : اسفه مامسكت نفسي اجل فيه عم يسوي في بنت اخوه كدا
: احم احم يالله يالله سوو طريق شيختكم داخله
ضحكنا على خبالها
شوق :دخلي ساره ههههههه
ساره : يافضيحتي بين العرب وتعض اصبعها على انها مستحيه هههههه دخلت وسلمت
بعد ماجلست : الله من هالبنوته الحلوه
ملاك : اني ملاك وهديك بنت اختي بدريه حوريه وحنان ماجات معنا جينا مع جدتي
ساره : ابصم لكم بالعشر انها صحفيه
حوريه : ههههههه صادقه
ساره : يادبه ليش اليوم مارحتي المدرسه
شوق : سالفه طويله خليها لبكره اقولك مالي خلك ابي انسى كل شي
ساره : شكلها كبيره المهم ترا جبت الك الدروس الي عطونا اياها اليوم تفضلي
شوق : بارك الله فيك يابنتي >> تقلد طارق العلي ههههه
ساره : ههههههه والله فيه تطورات كأنك جدتي
حوريه : ههههههههه
ساره : ماقلت لك اليوم وش سوو في اسد الجزيره هههههههههه
حوريه : من دي
ساره : الله يسلمك هدي مساعدة المديره تموت على شي اسمه تكفيخ
حوره : من جد تتكلمي
ساره : ايه والله بس اليوم تخيلو وش سوو فيها كانت مكفخا لها بنت امس وجات اليوم ختها وقفت لها وهزءتها تخيلو بعدين اسد الجزيره بتعطي البنت كف على طولت لسانها بس البنت مسكت يدها وعطت اسد الجزيره كف قوي هههههههههه
شوق : قولي والله
ساره : وربي وزيدك من الشعر بيت ان الوزاره مانعين الضرب أكيد اشتكو عليها وهزاتها المديره
ملاك بصوت منخفض : حوريه ابي الحمام
حوريه : شوق وين الحمام
شوق : اطلعي من غرفتي وتلاقيه على يمينك خدي راحتك عمي مايجي الا الليل
ساره : شوق من هالبنت وكيف تعرفتي عليها ولا تقولي لي
شوق : ههههه بياكلك الفضول الله يسلمك هدي جدتها تجي ومريم تخيط لها ثياب وجات معها مره وتعرفت علي وصارت كل ماتجي جدتها تجي معها



مشعل : مابيها مابيها مو غصب
الجده : ليش ماتبيها وش ناقصها مشاء الله جمال وخلاق
مشعل : انا بتزوج وحده متعلمه جامعيه مو ثانوي حتى ماكملت وحده من عائله معروفه
ابو مشعل : احترم نفسك ياولد وكلم جدتك بأدب
ام مشعل : خلاص لا تضغطو على الولد بكره ادور له البنت الي تستاهله
ابو مشعل عصب: يامره انتي ماتدرين عن شي فسكتي احسن الك
ام مشعل : بتزوجونه غصب يعني
الجده : ايه عصبن عنه شوق مافي مثلها مادام راسي يشم الهدوى ماياخد غيرها
مشعل: انا كرهت البنات وكرهتوني في الزواج بضل طول عمري اعزب ولا اخدها ماني بنت تغصبوني على زواج
ابو مشعل عصب : يايمه قولي له
الجده : لالا مووقته
مشعل : ايش الي مو وقته وش خاشين عني عشان تبوني اتزوجها غصب
الجده : ياولدي تزوجها صدقني ماراح تندم
مشعل : الكلام ضايع معاكم
تركتهم وصعدت الجناح هدي مو حاله يعني لو كل بنت بيتزوجها شايب لازم انقذها انا ولا خاشين عني شي بعد خلني ادق على فيصل ويشوف لي حل


شوق : مريم عمي خرج
مريم : ايه توه خرج ليش
شوق : ضايق خلقي بروح لساره
مريم : طيب ولا تتأخري لان المغرب هو جاي طيب وسلمي عليهم

لبست عبايتي ورحت شفت سيارة صقر طاحت دمعه من عيني غصب عني مالنا نصيب
دقيت الباب ياربي ان شاء الله هو خاب ضني واني اسمع صوت ام ساره : هلا وغلا بنتي حياك تفضلي
سلمت عليها وقالت لي ساره في غرفتها تدرس صعدت الدرج وتوجهت لغرفتها مالقيتها سمعت صوت من الحمام شكلها تسبح الله وش هالتطورات هدي غرفت ساره ادكر لما دخلتها من سنه غير غيرت الاثاث شكلها جلست على السرير استناها
سمعت صوت باب الحمام ينفتح : اخيرن خل.........!!!!!!!!!!!!!!!!!
شفته طالع من الحمام وجسمه ينقط مويه ولاف الفوطه على خصره ماقدرت اتحرك من مكاني من الخوف قرب مني وجسمي ينتفض رجعت ورا لحد ماوصلت للجدار
: شوق تبين تتزوجي وتتركيني انا احبك
ماقدرت اتكلم وجسمي يرتعش من قربه وبدت دموعي تنزل :صقر الله يخليك بعد عني
صقر: شوق انااا عشقتك من كل قلبي
شوق ودموعي تنزل: خليني اروح
سمعنا طق على الباب حسيت قلبي بيوقف من الخوف وصرت ارجف لو حد شافني اهني بروح في ستين داهيه خاصه لو درى عمي بيقتلني سحبني من يدي ووقفني ورا الباب
ساره : اخيرن قررت تفتح الباب
صقر : ..............
ساره : بسم الله شفيك فيك شي
صقر: لا مافيني شي وش تبين
ساره : شفيه وجهك كدا مخطوف
صقر بدت علامات العصبيه تبان عليه : اشفيك انتي ماتسمعين مافيني شي وش تبي جايه
ساره : دفتري نسيته في غرفتك باخده
ياويلي يعني هدي غرفته يافشلتي انتبهت انه لساته ماسك يدي حاولت افلت منه بس ماسكني بقوه
صقر :خديه بعدين انا مشغول
وسك الباب
ساره : تسكه في وجهي انا اوريك يا
فتحت الباب
صقر: اااايش قلتي
ساره ابتسمت : لا سلامتك وراحت ركض لغرفتها
ناضرت مني مناك مافي احد شفت وجها للمره الاخيره وربي احبك : انتبهي لنفسك
ناضرت فيني وفي عينها حزن وراحت غرفت اختي وقفت شوي شفتها تمسح دموعها ودخلت


مشعل : ماجبتني الا الملاهي شايفني نو نو
فيصل : هههههههه لا والله بس من جد خاطري العب بعد بس قبل خلنا نجلس في الكفتريا وقولي وش مضايقك
جلسنا وطلبنا لنا قهوى وقلت له كل الي صار معي
فيصل : صراحه انت زوتها
مشعل : على ايش
فيصل : البنت مافيها شي ولا عليها كلام ليش رافضها
مشعل : البنت مو جامعليه واسمها اكرها
فيصل : لمى تتزوجها خلها تروح الجامعه وقولي وش فيه اسمها عشان تكرها
مشعل : شوق
فيصل رفع حاجب : الحين شوق مو حلو
مشعل : كرهت الاسم من ديك البنت وقاله السالفه الي صارت له في الطائره
فيصل : هههههه صدق ماعندك سالفه الحين لو جاك واحد نفس اسمي وصار خلاف بينكم بتكرهني
مشعل : تخيل طلعت لي نفس البنت والله اطلقها في نفس الليله
فصيل : مشعل انت تدري ليش رافضها
مشعل : من الاسباب الي قلتها لك
فيصل : اسمح لي بس غلطان اني اعرفك عنيد وراسك يابس ماتحب احد يأمرك على شي ماتبيه ومغرور شوي
ناضرته مستغرب : انااااا
فيصل وفيه الضحكه : لا اني هههههه ودا فيك خير اركب وراي قطار الموت
شف الدب تركني رحت وراه اركض : اراويك من المغرور يادلوعت امك
ركبنا قطار الموت وصراخ البنات عالي وش هالدلع يخافو لا يركبو ويأذون العالم
بعد مانزلنا راح فيصل يلعب لعبه ثانيه كنت جالس على الكرسي وماسك جوالي شفت بنتين يراقبوني شوي وجات وحده منهم متوجها لي
سلمت ورديت السلام بدون ماناضرها حسيت فيها تقرب رفعت نضري لها شفتها مقدمه الي ورده حمرا
مشعل رفعت حاجب مستغرب : ليش هالورده
: عندك حبيبه
مشعل : ايه
: اجل خد الورده لها
مشعل : ماقدر اشوفها عايشه بعيد عني
: طيب اجل خذها انت حطتها على الطاوله ومشت
ابتسمت بس ماختها ومشيت لفيصل وش هالبنات صدق قليلات ادب ولا يبوني اتزوج بنت الله العالم عنها

شوق : ساره بكره نهايتي
ساره : ياخساره بيضيع شبابك مع هالشايب بكره تطيح باقي اسنانه ونتي عاد اشتغلي بالخلاط اخلطي له الاكل ههههههه
شوق : ساره بلا مصخره من جد مادري شسوي ابي اهرب بس مادري وين اروح
ساره : شوق اوعي تهربي مو شوق الي تسوي كدا
شوق : احترت ياساره والله مابيه عمي طمعان بفلوسه كل مابتكلم هددني
ساره : ياشوق ادا ربي كاتب تتزوجي هالشايب بتتزوجيه والي فيه الخير بيصير ماتدري يمكن خير عليك وترتاحي معاه استعيني بالله ودعي ربك والله يوفقك
شوق حضنتها : خليك جنبي مهما كانت الضروف
ساره : بعد عمري اني معاك وبنضل مع بعض ان شاء الله
شوق : يلا خليني اروح قبل لا يجي عمي
طلعنا وتنهدت براحه ماشفته طلعت من البيت لما قربت اوصل بيتنا شفته جاي لي
صقر : شوق انااا اسف على الي صار سامحيني ارجوك لا تتزوجنه
سالت دمعتي وقلبي يتقطع عليه دخلت البيت وشفت عمي جايني
وليد : من وين جايه حضرتك
سفهتا ودخلت الغرفه ماهمني وش بيجيني فسخت عبايتي وشفته جاي وباين عليه الغضب مسكني من يدي بقوه واني اتألم
وليد : لما اكلمك تردين علي فاهمه
شوق : اتركني لا والله بكره ماتزوج وقول للشيخ كل شي
وليد : تهدديني بعد انا الي اكسر راسك
مريم : وليد اترك البنت وش تبي اكثر من كدا البنت وضيعتها وبكره بتتزوج الي اخترته انت بتعذبها اكثر من هالعذاب الي هي فيه


تتوقعو ايش السر الي محتفضه فيه الجده ومتعلق بشوق ؟
ومن بيمنع هالعقد قبل لا يتم ؟؟
صقر بيرضى شوق تضيع من يده ؟؟؟

 
 

 

عرض البوم صور قطورة الندى   رد مع اقتباس
إضافة رد

مواقع النشر (المفضلة)

الكلمات الدلالية (Tags)
من وحي الاعضاء, بحر الشوق, قطورة الشوق
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:04 PM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال  | شات قلب 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية