كاتب الموضوع :
شخباري
المنتدى :
الارشيف
حب وحرب
مهند راجع من العرس وهو محتار من حاله ياه يازمن دوار وهو يمشي على الدرج فتح الباب ودخل ماشاف بيان ضل ساكت بيان طلعت
من غرفتها وهو كان بالمطبخ سكت وخلاها
بيان بخوف:مهند مهند "مااحد رد لان مهند ابتسم بخبث وهو يرفع حاجبه"مين مين سكرت الباب وراحت للمطبخ تبي تاخذ معها شي وهي تناظر لورى وتمشي
مسكها مهند وهو متلثم وطوقها وهي قعدت تصارخ وتنادي مهندكان بينزل اللثمه بس هي اغمى عليها ووقع مالايحمد عقباه
مهند بيان بين ايديه بلا تمرد او عصيان او تكبر منه هو يناظر شكلها وهي طايحه راسها على صدره وشعرها منثور على كتفه انتبه ان البنت
طايحه بين ايديه وهو يتأمل ركض فيها للغرفه وهو يحاول يصحيها شممها عطر ورش عيها مويه بدت تصحصح
مهند:بيان بيان هذا انا مهند اصحي
بيان بتعب فتحت عيونها ورجعت سكرتهم وفتحتهم:مهند
مهند"ياعيونه":بيان اسم الله عليك قومي هذا انا امزح معك
ماتوقع ابد ردة فعلها كان دمعه ورا دمعه وهي تمسك بثوبه بقوه
مهند يخفي توتره وهو يضحك:ياخوافه قومي حتى مادافعتي عن نفسك
بيان قامت وهي للحين مو ثابته قعدت على السرير:انا كان بيوقف قلبي ولا بيزل عقلي وانت تضحك
مهند:ليه ناديتي باسمك
بيان قامت وضربته على كتفه:سخيف وراحت
ضحك وهو يرمي حاله على السرير سكت يتذكر شكلها قلب على بطنه وهو يظم راسه تحت المخده يبعد صورتها وهو يسمع صوتها تناديه مهند
لاشعوري يكلم نفسه تحس بالامان معي ليه تكابر قام على صوتها تناديه بس طبعا النغمه غير
كان بيخطي بالنسبه له ويقول هلا بس قالها بسرعه هاه
بيان ناظرته بعيونها ذات النظره الصارخه لكنها كانت بنفس الوقت تعبر عن انزعاج :مهند مابتاكل معي والله زهقت
مهند ولاول مره يقوم بدون رد وهو يقول بنفسه ابشري
******************
دخل يوسف شاف امه النايمه وعفاف منسدحه وحاطه راسها على المركه وتقرا مجلات اسلاميه لبيان وقف عند الباب وتسند عليه
وهو يتنفس بعمق ولا درت عنه كانت ناثره شعرها حولها ابتسمت على شي قرته يوسف لاشعوريا ابتسم معها ماحست عليه الا يوم سلم ناظرته
وهي تتعدل وردت السلام
يوسف:متى نامت امي
عفاف:خالتي تو نامت
كان يوسف بيمشي بس وقف نزل نعاله عند الباب ودخل جلس جنبها على الجهه الثانيه للمركه ومسك الريموت وبدا يناظر طبعا شكلا وليس عقلا
تنهدت خفيف عفاف وهي تفتح المجله وتسترق النظر له كان قاعد ومتسند على الجدار وحاط رجل على رجل نزلهم وهو يدقق بالمكتوب
للشريط اسفل الشاشه مو قادر يركز تنهد وهو يسكر التلفزيون ويرمي الريموت
عفاف مسويه حالها للحين تقرا انصدمت يوم لقته سرحان ويلعب بشعرها وعيونه بعيد قام فجأه
يوسف:عفاف تعالي بكلمك ومشى لغرفته
قعد على السرير جت عفاف بحيا:هلا
يوسف بجفا:اقعدي بكلمك
عفاف بشوي خوف قعدت:يوسف انت زعلان مني صح؟
يوسف:عفاف ليه تسوين فيني كذا؟
عفاف حطت يدها على فمها وهي تبلع ريقها :وش سويت انا يايوسف وش سويت
يوسف تنهد:كل هذا وش سويتي
عفاف:تبغى مبرر لتصرفاتي تذكر يوم دخلت هالبيت كيف كنت تعاملني وش قلت لي بتزوجني وانا زوجتك"شاف الدموع تغرق عيونها"قلي يايوسف
وش تبي ردت فعلي يوم احس اني تزوجت حتى مو مثل خلق الله تزوجت بالمستشفى والشرطه والبنات بااحلى صاله واحلى ثوب الي تتمناه
كل بنت وانا بنت مثلهم وكرامتي كرامتي يايوسف انا خسرت كرامتي
يوسف:يخسى الي يمس كرامتك
عفاف:يوسف انت ماقصرت معي بشي وانا ماراح اقصر باسرع وقت باطلع من حياتك
يوسف:عفاف وش هالكلام
عفاف:ضميري مأنبني يوسف انت زوجي ولا"ابعدت عيونها عنه"انت ادرى
يوسف:لا عفاف بين الزوج والزوجه مافي هالكلام
عفاف:ياه يايوسف تصدق وهي تناظر عيونه ودموعها تنزل كثير تمنيت الموت اقول ارحم من الحياه ماشفت يوم حلو
يوسف طلعت عيونه:شفيك هيه انت وش هالكلام على بالك انت الوحيده بهالدنيا الي تعذبتي بحياتك انت تيتمتي يوم مات ابوك انا تيتمت يوم جيت
هالحياه صرت يتيم وابوي موجود
عفاف ساكته تسمع وعلى وجهها صدمه من اعترافاته المفاجأه وقف يوسف وخلع ثوبه وفلينته يوريها اثر ضربه على ظهره
يوسف:تشوفين ولا لا هذي لها اكثر من 18 سنه وللحين اثرها بقلبي قبل جسمي والمها يطعن فيني تدرين ليه بس اني يوم كنت صغير اخذت من اغراض
اخواني من ابوي
عفاف:انت عندك اخوان
يوسف وهو يلبس:شفت العجايب
عفاف:وينهم طيب
يوسف:ماادري وين اراضيهم حاولت اني اتصل فيهم او تصير لي معهم علاقات مو حبا بالفلوس الي عندهم وحقي الي عندهم لا بس علشان قطيعة الرحم
ماادري باي ارض من العالم هم الحين فيه
عفاف:طيب كذا والله حرام
ابتسم بسخريه يوسف:ابوي طلق امي وكان يحاول يقهرها"ناظر لها"تصدقين يوم ابوي ضربني علشان امي تشوفه وتنقهر ماخليتها لهاليوم تشوفه
قامت عفاف ليوسف الواقف:يوسف انت ماقصرت معاي بشي كل الي ابيه منك انط تكون بخير وتسامحني انا مااقدر اعيش معك لان سكتت
وهي تنزل راسها
يوسف بصدمه:قولي لان ايش ماتبيني
ناظرته بسرعه والدم تجمد بعروقها ولسانها انربط
يوسف:قولي عفاف انت حره بالي تبينه
عفاف:ليه هي اي بنت انت زوجها ماتبيك مشت وبعيونها وقلبها ولسانها كلام
قعد يوسف على السرير وهو يتنهد :طيب ليه
دخلت عفاف نزلت لمستوى يوسف وعلى ركبها:يوسف اذا"فتحت ازارير ثوبها"هذا الشي يرضيك انا
قام يوسف بسرعه وحط يده على فمها :لاياعفاف انت فهمت غلط الزواج مو بس هذا الشي الزواج الفه ومحبه وعشره وهو يسكر ازاريرها
انت لاتفكرين هالتفكير ابد "سمع امه تناديه"وراح لها رجعت عفاف لغرفتها تبكي
ضياع في زمن قل فيه الحب
ضياع في قلب اثقلته الاوهام
ضياع في جسد انهكته الحياه
*************************
بالمستشفى
نواف واقف وحاط راسه على الجدار ويضربه خفيف ويتكلم بصوت واطي مو مسموع وباين الحزن عليه
بندر باين عليه الصدمه وهو يشوف نواف كذا بين عصبيه وبين حسره على صديق عمره راح لعنده ومسك يده وفره عليه ناضر بعيونه:انت تحبها
نواف:بندر انت فاضي البنت بتموت
بندر:نواف جاوبني والحين
متعب:بندر نواف هدوا شفيكم
نواف نفض يده وهو يشد قبضته اتصال لمتعب رد بسرعه على جواله
ام متعب:الحق يامتعب دلع تبي تروح مع امها
متعب:وين
ام متعب:امريكا
**************
مهند دخل الغرفه شاف بيان نايمه زود ضو الابجوره وفتح درجه يدور على اغراضه لين وصل درج بيان الي معلقه ملابسها فيه
فتحه انصدم عندها بدل كثير وقمصان وارواب بس ماعمرها لبستهم قدامه يعني تلبس البدل عادي ارواب بعد عادي بس القمصان لا ابتسم مهند بخبث بدل ثوبه
ولبس لبس البيت وانسدح على السرير يبي ينام خفت الضو حاس انه دايخ من صجة العرس غمض عيونه حس بشي فتح عيونه وهو يناظر انصدم
بيان تنام بين ايديه وهي تحط يدها عليه وطوقه وهي نايمه مهند لاشعوريا طوقها ونام احساس غريب جميل هو قالها يازينها بدون مقاومه وعناد
****************************
صدمه ان تحب ولا تعرف قدر حبك عند من تحب
متعب:انت مجنونه ولا صاحيه انا ماني موافق
دلع: متعب انت تعيش مع وحده ماتبيك انا ماابيك
متعب بصدمه:روحي يابنت عمي بس طلاق ناظرها احلمي
دلع تنهدت بتعب:خلني ابعد شوي اخذ فرصه اني ارتاح مشت والخدامه وراها شايله شنطتها
ام متعب:ليه خليتها
متعب:خلاص انا تعبت الي مايبينا مانبيه وطلع
هنا كأن الكلام غزا القلوب والجروح شروق قامت وراحت لغرفتها انسدحت وبدون مقدمات نزلت دموعها ماتقدر تنسى صارلها اسبوع من ذاك
اليوم ماداومت حتى بالجامعه غمضت عيونها تسترجع الذكرى كانت قاعده بكوفي الجامعه تذاكر ماحست الا بالي قعد على طاولتها ناظرته
بتهاوشه بس يوم شافته سكتت
خالد:السلام
ردت شروق السلام :خالد لو سمحت وجت تبي تقوم
خالد:لحضه شفيك اقعدي بقولك كلام وانا الي بقوم
شروق بجفا:طيب اختصر
جالد ماعجبه طريقتها:شروق تراني وسكت يتعوذ من ابليس انا كل الي بقوله اني 00 اني وتنهد وهو يناظرها وهي لا بس هنا ناظرته
وحست بعيونه شي تعرف الي بقلبه لها بس هو مايعرف الي بقلبها او حتى شعورها
خالد:لاناظرت بعيونك يروح كل الكلام الي بقوله انا جاي بقولك ترضين فيني زوج
هنا شروق غرقت عيونها بالدموع غمضت عيونها وهي تحك جبينها ناظرته:مهما صار ومهما كان
خالد:انت تشكين لو لحضه بحبي لك
شروق:خالد انا حتى لو اني بس لازم اقولك انا كنت تركي وصرت شروق
خالد:ايش مافهمت يعني كيف؟
طلعت شروق من شنطتها تقرير طبي من زمان ودها تعطيه اياه ودها تعرف موقفه مع انها حاسه بخيبة امل
خالد مو مصدق الي يقراه تعابير وجهه تنذر بانزعاج ناظر شروق:انت صادقه ولا تمزحين
شروق ودموعها تنزل قامت وبسرعه مشت تبي تهرب صارلها اسبوع كل ماتذكرت شكله بكت مسحت دموعها وهي قايمه تفتح الباب:هلا شوق
شوق بشهقه:اسم الله عليك وش فيك
دخلت شروق وقعدت على السرير:ماخليتوني انسجم معكم بعالمكم خلوني بعالمي احسن
حزت بنفس شوق قعدت جنبها وبكت وحضنتها
شروق:شوق شفيك
شوق:اه قولي وش الي موفيني دلع راحت وخلتنا وشادن ماندري وش صار على علاجها محد راضي يعلمنا وفجر دخلت عالم ثاني وانا اه
قطع كلامهم صوت عزوف الي تصارخ فتحت الباب ودموعها على خدها:فجر فجر بتموت فجر بالمستشفى
********************
اليوم التالي
مهند فتح عيونه رفع عينه ناظر بيان لحد الان مستغرقه بالنومه ضل يناظرها شوي وبعد ايده عنها يلعب بشعرها بعدها ضل يناظر للسقف شوي
صحت بيان وتفاجأت من شكلها وبنفسها"ياربي"حمرت خدودها وهي تلم شعرها :صباح الخير
ابتسم مهند:صباح النور لالا تخربينه شكله كذا حلو
بيان شهقت:كذا حلو ياه مهند لاتتريق
مهند:والله عاجبني
بيان وهي تتسحب من تحت البطانيه:لانه متمرد مثلك
مهند:هههههههههه لانه متعجرف مثلك انتي
بيان:انا
مهند يضيع السالفه:ايه صح يوسف عزمنا على الغدا وبما انا تأخرنا خلينا نفطر اي شي علشان مانتأخر
بعد مرور الوقت بيان كانت تتجهز قدام المرايه شالت سلسله ذهب عليها حرف"m"اشترته بجهازها لعرسها تذكرت احلامها مع فارسها مهند
حست بعبره خنقتها نزلت دموعها مسحت دموعها ونزلت السلسله
مهند:بيان ليه تبكين
بيان تنهدت وصدت عليه:هاه ولا شي
جا مهند وصار يمسح بقايا دمعتها على جفنها ورموشها وبعيونها :ليه بيان انا هاه قولي بسببي انا اذيتك بيان صكت على اسنانها
تمنع الدموع الي لو تكلمت على طول طاحت راح مهند للطاوله شاف السلسله بس مانتبه شالها وشاف الحرف ناظرها:ذكرتك بشي
هذي السلسله تكلمي بيان ماتحمل دموعك ليه مالبستيها هذا حرفي صح
بيان ناظرته وهو ناظرها تنهدت بضعف:اجل حرف مين جدي
ابتسم مهند جا وصار وراها على طول ابعد شعرها بيده وهي تحس بانفاسه العاليه ولبسها لها وصدها عليه لمس الحرف على صدرها:ايه كذا صرت احلى
قربت بيان من وجهه:مغرور
توتر مهند حس بالخطر من وجهة نظره ابعد ومشى :يالله انتظرك برا
بيان وهي تشوفه يطلع"ياربي ياحلو ابتسامته اه ولا لابس غتره "وبسرعه لبست عباتها وطلعت
***************************
كانوا كل العيله يجون ولايقدرون يشوفون فجر ابوها كان بينجن فكرة انها بتموت وهي زعلانه منه وغاصبها على شي ماله الحق فيه
بندر للحين مو مستوعب الي صار بيوم العرس العروس تنصاب والادهى ولد عمه يحبها منو الغلطان
متعب زاد الهم عليه اثنين من بنات خالته في عداد المجهول ومرته وحبيبته مو راضيه ترجع له والكل حالته حاله
***************************
جنون العشق والعشق المجنون شيئان لايؤمن فيه الكثير
العشق الحلال العشق المستحب العشق الذي يبحث عنه الكثيرون العشق الذي فرط فيه الاكثرين
نايف قاعد هو ونور على طاولة الاكل جو مليء بالحب مليء بالرومنسيه مضاء بالقلوب قبل الشموع رائحته الحب قبل العطور والورود
نايف:تذكرين يوم لصقنا مع بعض
نور:يوه موقف لااحسد عليه صدق احراج
نايف:كنا قريبين من بعض بالحيل كان عندي احساس ان القدر بيجمعنا بشي ثاني كنت اناظر التحفه اعجبتني حسيتها تعبر عن شي داخلي
نور:ياه يوم قال الدكتور انت ومرتك ماادري ليه جناظرتك مستغربه ماتوقعت القدر يجمعنا
نايف ناظرها وهي تتذكر:نور
رفعت راسها نور وناظرت عيونه:هلا
نايف:تفكرين بالايام الي مضت
نور ابتسمت:لكل لحضه معك ذكرى سواء كانت جميله ولا لا نزلت دمعتها
نايف قام من كرسيه عندها مسك يدها ومسح دمعتها :لانور مابي اشوف دموعك مره ثانيه انت عندي بالدنيا كلها
*************************
بدر:اهلي مايردون علي انا حاس انه فيه شي
سمر:لا بدر انا كلمت اهلي محد قالي شي والا مر طبيعي
بدر:الله يستر بس
سمر ناظرت بدر بخبث:حبيبي بدر
بدر:حياة بدر وناظرها بسرعه وش عندك
تنهدت سمر بحالميه:ياربي كاشفني ناظرته خلنا نروح السعوديه
بدر:كلها كم شهر وبنرجع صعب حياتي الحين وبعدين اخاف ياخذونك مني
قعدت سمر جنب بدر وحطت راسها على كتفه:تدري "بدر بتركيز يهز راسه ايه"كنت اكرهك كره ياه وناظرته تشوف ردة فعله
بدر بقق عيونه:يما ليه
سمر:هههههه مدري حومت كبدي وقهرتني يوم لقيت السلسال وكان ودي اذبحك يوم خطبتني
بدر بفكاهيه:وانا ياحسرتي على حالي وائع لشوشتي
سمر:ههههههههه تصلح مصري
بدر:اخرسي يابت مخاصمك
سمر:هههههههههههه
بدر:ايه خانم سمر كملي
سمر:وانت تعرف الباقي
بدر يقرب من وجهها:ايه وبعدين لازم تعترفين
قامت سمر:بدر
بدر:اه ياعيونه بس انا زعلان نفسي والله اصير زي هالعالم يقولون يتكلمون مافيه فايده وهو يصد الجهه الثانيه
سمر راحت المرايه وكتبت بالروج:احبك يامجنون
بدر رماها بالخداديه:انت المجنونه
*****************************
كان ابو منصور قاعد لوقت متأخر وقاعد بالصاله يفكر بحاله كان ضو الصاله واطي سمع صوت فتحت باب انصدم منو جاي باخر الليل
سمع صوت دندنه وكنه مو صاحي قام متروع وفتح الضو وكانت الصدمه منصور الدلع كله سكران ويغني وهو في حاله يرثى لها
ابو منصور بغضب وقهر:منصور
منصور كان بجزء من وعيه شهق وطاح على الارض مو قادر يقوم بكى ابو منصور هذي اثار الدلال والفلوس بدون قيود او مراقبه قعد على الكنب:ليه يبه ليه تسوي فيني كذا
منصور وهو يبكي وهو طالع لغرفته ومو قادر يصلب طوله
صدمه البنات بالمشافي والولد سكران بعزم المؤمن بايمان المخلص قام توضا وصلى وهو يدعي الي مايسكر بابه يدعي الي ماتنام عينه
************************
في اليوم التالي
في المستشفى
ابو منصور واقف عند العنايه المركزه وبندر معاه مارضوا يخلون الحريم يجون لانهم مايدرون متى بتصحى من غيبوبتها
نواف استوعب الصدمه صار كل يوم يطمن عليها قبل يجي الكل ويطلع لانه مايتحمل نظرات بندر المعاتبه
******************
متعب دخل غرفته فتح الضو شم ريحة الغرفه ريحة دلع قعد على السرير وهو يتأملها كل مكان لها فيها ذكرى مو بس الاماكن لا حتى اللحضات
من يوم ربي خلقها تنهد وهو يقوم لمصلاها ويشمه كان تعبان راح السرير انسدح وحضن مصلاها ونام
***********************
طلع مهند من غرفته:هلا والله بالغالي وباس ابوه على راسه تو مانور البيت
ابتسم ابوه:البيت منور باهله
بيان:تسلم ياعمي قامت وش مابتفطرون مهند وجا يالله قوموا
بعد الفطور قعدوا يسولفون ويشربون شاي قعد مهند جنب بيان وابوه قدامهم
ابو معند:ماوصيك ياولدي هذي بيونه الغاليه ترا ان زعلتها بصير معها وازعل عليك
مهند وده من زمان يسوي هالحركه حط يده على كتفها وهو شبه لاصق فيها:انا يبه وانا انسى وصاتك
بيان ناظرته ودمعه في عينها هو فهمها انها فكرت انه مغصوب عليها جر شعرها بصوت واطي مجنونه لاتفكرين كذا
ضحك ابو مهند وهو قايم:انا بس ابي اتطمن عليكم يالله مع السلامه طلع مهند وصل ابوه للباب ورجع لبيان قعد جنبها وهو رافع حواجبه
مهند:وش هالافكار هاه
بيان:وش افكاره
مهند:انت تعرفين وانا اعرف اني ماني مغصوب بس ابوي طول يوم العرس وهو يوصيني عليك هذا كل الموضوع
قامت بيان وشالة صينية الشاي:وليته ينفع وراحت
مهند بقق عيونه بابتسامه وبنفسه"ياربي بتجنني"
****************************
قلوب بكت وجروح تفتحت فقط تبقى اريج الذكريات
شوق طقت الباب على غرفة متعب الي موصيها تصحيه مارد فتحت الباب شافته نايم وهو محتضن مصلا دلع حطت يدها على فمها ودمعت
عيونها صحت متعب وهي تكتم شهقاتها
متعب بخوف:شوق وش فيه فجر صارلها شي ابوي تكلمي
شوق حضنت متعب :لامافيه شي بس تذكرت دلع
زفر متعب :حرام عليك خوفتيني
**************
خالد قاعد على طاولة الكوفي بالجامعه صارله اسبوع يدورها مالقاها اصلا ماداومت كان معه محمد يهاوشه باين عليه التعب وحتى ذقنه نابت وشكله
باهمال قاعد وباين الي ماله خلق
شروق تمشي للكوفي وتدعي ماتشوفه اول ماطاحت عينها عليه طلبت طلبها كان محمد يسولف على خالد ويهاوشه حتى وزنه نازل وخالد اول
ماشافها وقف وترك محمد لحاله يسولف
محمد:اف صارلي ساعه اكلمك واخرها تمشي وتخليني
خالد:شروق
شروق:نعم ناظرته ارجوك مابي اسمع شي وراحت
خالد يناظرلها وهي تمشي وتاركته حس انه دايخ جاه محمد يركض وهو يناديه ويمسكه صوت محمد كان عالي انتبه الكل مو بس شروق الي صدت عليهم
بصدمه حطوه على اقرب كرسي جا دكتور كان واقف فحص عليه
خالد:مافيني شي
الدكتور:ابعدوا شوي خلوه يشم هوا
خالد كان يناظر بعيونه الذبلانه الي واقفه ودموعها تنزل وتناظره بخوف
الدكتور:لاتدلع علينا ياخالد شوية ارهاق من عدم الاكل
محمد بقهر:جنني يادكتور تدري كم يوم ماياكل الا لما يتقطع من الجوع وشي بسيط بعد
الدكتور:لا مايصير كذا انت دكتور وتعرف مهما صار لاتسوي بنفسك كذا
محمد اسند خالد وراح يوديه للبيت وهو وده يذبح شروق
****************************
كان ابو متعب بمكتبه لما استئذنه واحد بيدخل ماعرف الا لما شافه كان لابس نظارته ويقرا بالملف الي قدامه وهو يرد السلام نزلها وناظر
ابتسم:طولت وانا انتظرك توقعتك تتصل فيني على طول
رعد:الله اعلم بحالي ياعم بس اني قلت انت اخر وجهه اتجهها مابغى منك شي غير وظيفه باي مكان تبيه
ابو متعب:تشتغل عندي بالييت
رعد:هاه في البيت يعني ايش
ابو متعب:انا بأتمنك على بيتي وبعطيك سياره وتصير سواق خاص للبيت
رعد:اي شي اضمن فيه رزق حلال ياطويل العمر
***********************
بعد مرور اسبوع
فجر على حالها ومنصور مو مصدق الي يصير بخواته ونوف شبه اعتزلت الناس نواف اعتذر من بندر ولا وراه وجهه مره ثانيه
طارق يتحسر على حضه كل مابيتزوج تطلع مشكله جديده ,سعد مايدري متى القدر يجمعه بشوق ,متعب احساس بالفراغ والوحده يقتلان لذة الحياة
*****************************
يوسف كان قاعد هو وامه وعفاف قاعده تقرا بكتب الطبخ
يوسف بانزعاج وهو يمسك راسه:عفاف قومي جيبيلي حبة بندول
عفاف ناظرته وهي قايمه:شفيك
ام يوسف:اسم الله عليك توك مافيك شي وش فيك
يوسف:مافيني شي قام راح لغرفته
عفاف جت واعطته كوب المي والحبه وقعدت عنده حست برجفه واحساس غربة المشاعر
يوسف اعطى عفاف الكوب وانسدح:غطيني جت عفاف وغطته
يوسف:عفاف دلكي راسي
عفاف حسته مثل الطفل الي يبي يلفت انتباه امه راحت الجهه الثانيه وقعدت جنبه تدلك راسه
يوسف:لو انك مكاني شسويتي
عفاف تنهدت:مدري جت تبي تقوم بس يوسف مسك يدها:خلاص كملي مابتكلم غمض عيونه بعفويه ونزلت دمعة عفاف على وجهه
يوسف فتح عيونه وناظرها باهتمام مد يده ومسح دموعها:انا اسف ماقصدت
عفاف ساكته وهي ماتناظره
يوسف:عفاف ناظريني"ناظرته"
يوسف تنهد وهو يمسك يدها:اسألك بالله لي شي بقلبك
عفاف بصدمه ترطب شفايفها وهي تناظره
يوسف:انا سألتك بالله
عفاف قامت وهي رايحه:لاتحاول بيوم انك تجرحني زياده الي بالقلب بالقلب وش تقصد يعني بكلامك اني مثلا اكرهك شلون اكرهك وانت
ماقدرت تكمل طلعت وهي تبكي
تنهد يوسف وهو يغطي وجهه كل مايبي يكحلها عماها
*****************************
بدا شغل رعد عند ابو متعب وكانت ام متعب بتتطلع بالسياره اتصلت بالسواق يجهز السياره طلعت وعلى طول ركبت شافت متعب
ام متعب:يما متعب وين السواق ليه انت بتوديني بسيارة البيت
تنحنح رعد:ياخاله انا السواق الجديد انا رعد
ضحكت ام متعب:الله يقطع سواليفك يامتعب تنهدت من زمان مضحكت
رعد:ياخاله انا صادق
السياره انفتحت ابومتعب:ام متعب وش مركبك قدام وليه الخدامه ماتروح معك "رعد نزل راسه"
ام متعب بصدمه:ليه وهذا مين
ابو متعب:هذا السواق الجديد
ام متعب ناظرت رعد ونزلت دموعها احساس انه ولدها متعب ذكرها بالتوائم الي مات
نزلت ام متعب ودخلت داخل ابو متعب:ماعليش انت تشبه ولدي بدرجه كبيره وراح
تنهد رعد وتمنى لو انه ولدهم
*************************
بعد مرور اسبوع بدا شهر رمضان المبارك وكانت له نكهته في كل بيت
رعد تعود عليهم وفرح حس باحساس العائله شروق صارت تداوم وتتحاشى خالد
يوسف وعفاف فقط النظرات تتحدث ولاكن ليس كل الحديث يصل
مهند وبيان
كان جاي من صلاة التراويح دخل البيت حس الجو هدوء والانوار بالبيت خافته حس براحه من الانوار والاصوات ريحة العود والبخور الي يحبها
مهند:بيان
بيان قاعده على الاريكه بغرفتها:هلا مهند انا هنا
مهند دخل وهو مبتسم:مساء الخير
ردت بيان بابتسامه وهي قايمه وتتمغط:مساء النور
قعد جنبها على الاريكه :اقعدي
بيان:بروح اجيبلك حلا
مهند مسك يدها وجرهاوقعدها على رجله:ماابغى حلا
بيان حاولت تقوم بس مهند:وين ولا ماتبيني
بيان حمرت خدودها وبحيا:مهند
مهند:هلا وش بغيتي
بيان:ياربي
مهند قام وهو ماسك يدها ويفتح درجها وهي طالعه عيونها طلع قميص كان عاجبه:البسيه
بيان:طيب ماتبي حلا
مهند:لا مابي ولا اقول انا اروح اصبه ناظرها انتظرك برا لاتطولين علي ولا ادخل انت حره
قعد مهند بالصاله يكذب مايعرف يصب شي
طلعت بيان ويعلوها حياء البنات كانت لابسه القميص كان ابيض ساتان علاق والظهر مفتوح حررت شعرها وحطته على جنب كانت ترفع
غرتها ورا اذنها ويرجع يطيح
ابتسم مهند وهو يقوم طوقها بيده وهم يمشون قعدوا بالصاله راح مهند وجاب قاتو من الثلاجه وحطه على الطاوله
ابتسم :مااعرف اسوي شي تفضلي حطي لنا
جت بتقوم مسك يدها:لحضه ناظرت بيان بعيونه تنتظر وش يقول
مهند:اسف على كل لحضه ازعجتك فيها او ابعدت عنك
************************************
"كل يوم لااراك فيه لاينقص حبك فيه ابدا ويشتعل الحب ابدا ويرتجف الشوق صارخا "
اتصلت دلع بشوق وعزوف وكلمتهم كانت ماتبي تسأل عن متعب بس ماقدرت شوق كانت تبكي وهي تقولها عن حالة متعب الي سريره مليان
صورهم واغراضهم سكرت دلع وبكت كثير هي مو مرتاحه هنا ابدا عادات وتقاليد مو متعوده عليهم اول مره رمضان تقضيه برا ارضها
مو متعوده مشتاقه لهم بس هي تعبت من حياتها خلاص لازم تحط لها حد تعبت من الشقى واليتم بس اهلها تربت معاهم وكأنها وحده منهم
مافرقوها عن غيرها ومتعب اه يامتعب
***********************
مرت ايام رمضان سريعه مليئه بالطاعات هناك اناس اغتنموا هذه الايام واناس ضيعوها
العشر الاواخر
دلع في امريكا كانت تقرا القران ودموعها تنزل من الايات الي تقراها مع انها تختم كل شهر الا انها كل مره تقراه يزيد فهمها له
ولد خالتها مايتحرك من البيت من جت عندهم وامها تلمح انها اذا تطلقت تتزوج عندها ماتدري انها مثل الورده اذا انقطفت ذبلت وماتت
طفح فيها الكيل ودها تتصل على متعب ترتاح لما تسمع صوته بس خايفه يردها وهي الي مشت وخلته
*****************
شادن ويحيى ضلوا في مكه من عرس بندر للين الحين بس بالفندق ينامون صاروا جار للكعبه المشرفه وكانت تشرب مي زمزم وتقرا قران
مر رمضان جميلا على مهند وبيان اليوم عند اهلها هي ومهند وحتى عفاف متغطيه وقاعده بيان تاكل معمول وحاطه تحته منديل
مهند يناظرها:شف الخكريه شلون تاكل شوفي شلون ناكل وبلقمه خلص المعموله
الكل:هههههههههههه
يوسف:اجل ماشفت الي عندي السنه الجايه تخلص
مهند:شالي جايبنا عند هالصعلوكات هذيلي يقول عود اسنان
يوسف ومهند بس:ههههههههههههههه
بيان:ايه لو كنا شوي بس سمان ماعجبناكم والله حاله يبونا زيهم مايطلعون من الباب
******************
بكت ام منصور اليوم من الفرحه لان فجر فتحت عيونها ماهم مصدقين الي صار لها من شهرين بالغيبوبه دخل عليها بندر تحمد لها بالسلامه
فجر كانت تعبانه مره يادوب تحكي ردت السلام بتعب
بندر ماحب حتى يقعد كثير كأنه قاعد على جمره كلماتها لنواف ترن باذانه
ام منصور ماتدري عن شي:اقعد ياولدي
كان بندر سرحان:هاه لالا انا عندي شغل طلع وهو منقهر قهر مايعلمه الا رب العالمين المشكله هو بعد مغصوب بس استسلم للأمر الواقع تعوذ من الشيطان
وحط نفسه مكانهم لو انه صديقه ماراح يقوله انه يحب المره الي بيتزوجها لو انه بنت ماتقدر على ابوها تنهد كل الحالات فيها قهر
طيب ليه ليه تنهد حس انها طلعت من قلبه
****************************
"كلما اطرد محياك عن ناظري
ياتي الشوق الي شاكيا "
دلع كانت نايمه وحاضنه صورة متعب نامت بعد ماتعبت من البكي
متعب زادت حالته الى عدم الكلام نهائيا الا عند الضروره
**************
رعد كان يركب اللمبات بالصاله وابومتعب مخبر البنات ماينزلون لما يخلص
رعد وهو يركب شم ريحه كوفي حلوه مع صوت نعال الي هي عزوف قعدت مومنتبهه يوم شافها كان يسمي عليها بقلبه تنحنح
التفتت عزوف وضحكت:شفيك ياحظي من راحت دلع وانت دورلك شغل ههههههههههه متعب مو لايق صراحه تركب انت اللمبات
رعد ساكت
دخل ابو متعب:عزوف شمقعدك هنا ماتشوفين الرجال
عزوف:خالي شفيك انا ماتغطى عن متعب
ابو متعب:هذا مو متعب هذا رعد "ماحب يحرجه ويقول سواقنا"
هنا قامت عزوف وهي تناظر وراحت حست باحراج او انها مزحه شالسالفه
**************************
في اليوم التالي
عفاف منجنه من يوسف مايكلمها وصار له اكثر من شهر وهو عمال داخله وطالعه ولا احد يرضى يشوف الي يشتغلونه بغرفته
بيان وهي داخله :وش هذا انا كل مااجي القى هالعفيسه وش السالفه
يوسف :قاعد اشتغل بالبيت زي ماتشوفين
بيان:وغرفتك ليه
يوسف بنظرات مسرقه لعفاف:ابي اتزوج
مالذي حدث ومالذي سيحدث
في عالمنا كل شي في علم الغيب
ابطالنا ماذا سيفعلون
توقعاتكم وردودكم
*************************
|
25-04-11, 01:17 PM
جديد مواضيع قسم الارشيف
العرض العادي
