كاتب الموضوع :
هبـه الفــايد
المنتدى :
روائع من عبق الرومانسية
اقتباس :-
المشاركة الأصلية كتبت بواسطة doll |
احم احممممممم....دستوووور ...حد خالع راسه....هههههه
أولا انا آسفة جدا جدا على التأخير فى الرد...والله يا دودو كنت بامر بمشاكل بايخة جدا كانت مخليانى ماليش نفس اعمل حاجة خالص...لكن الحمد لله الامور عدت على خير...
ثانيا..اتفضل يا عبد العال..مافيش حد من الحريم خالع راسة ولا حاجة...ههههههههه
ست ماااايا....( ست دى اقصى صيغة احترام بحبها اكتر من دكتورة مهندسة....الخ...شفتى الاحترام بيشر منى ازااااى...ههههه) بعد ما اتعرفت على كينونتك الشخصية اللى فعلا رائعة و مطرقعة ....( بس ابقى اسألى السؤال لجوزك و يا ستى مش عايزة اعرف الاجابة ...شفتى الطيبة ....ههههه) و يا ريت تفضلى دايما كدة على طوووول ...
يا ست الستات انا بموت فيكى لو قلتى اى حاجة عسل وشهد على قلبى..انتى ماتعرفيش انا باحبك قد أية؟؟؟....موووووة
ان شاء الله هفضل كدا..لانى اظن انى مش هعقل ابدا...خخخخخخخخخ
بالنسبة للسؤال..اسسسسسسكتى مش سألتة..يومها قللى طيبب روحى اعمليلى شاى وانا اقولك..جريت اركب الريح وفرحانة..وعملت الشاى وبالقرنفل كمان..مزاج عالى يعنى...هههه
وعطيتة الشاى..واستنيت مابيردش؟؟؟؟..ضربت بالقدم على ارضى الرخمية الباردة ورقدمى وجعتنى..وقلتلة من بين اسنانى..قول بقا...
رفع أيدة وحك ذقنة فى تفكير عميق تضيق عيناة بريبة..بصى يمين كدا..بصيت..
طب بصى شمال كدا..بصيت وانا خلاص على وشك الانفجار..
قاللى بعد فترة صمت ..امممممم..شايفك طويلة..أوعى بقا علشان ماتش الاهلى بدأ...
شفتى الكارثة يا دوك..شفتى خيبة اختك ..أل وانا مكستنية كلام غزلى ارض جو يوصفنى ويقوللى فية شايفنى ازاى..انا مش هنكر انى طويلة..لكن اكيد فييا حاجات تانية غير الطول..يللا..يجازى الصابرون بغير حساب....اهىء اهىء..اهييييييعاعاعاعاعااهيهيهيىءىءىء..هه..بس..
نتنقل على مااااايا الكااااتبة...
ننتقل...ومالة..هو احنا صغيرين...
دايما افكارك جياشة المشاعر من كلا الطرفين ...البطل و البطلة...وتنهيدات بتطلع من اعماق الاعماق.....كأنك بتفتحى دماغ كل قارئة و تعرفى هى نفسها فى ايه و بتحققيه من خلال كتاباتك..بتكتبى بقوة و ابداع و بكل تفصيلة و لو كانت صغيرة ....فبتخلقى عالم من الرومانسية كلنا فيه بنحلم بتبادل ادوارنا مع البطلة...هل ده ما تتمناه ست مايا تعيشه ؟؟؟؟ و لا دى فعلا حياة عايشاها او عاشتها فى فترة الخطووووووووبة؟؟؟مع العلم ان السؤال ده اختيارى مش اجباااارى بيكفى تتنحنحى و انا هفهم على طووووول...هههههه....فيس لطيف مع الضيفة لان وشها احمر....
لا والله وشى اخضر مش احمر..ههههاهاهى..بصى يا دودو..انا رفضت زواج الصالونات بتاتا..عارفة الباتاتا..ماكنتش باستحمل اقعد قدام حد يفصصنى وافصصة..شىء بايخ ومرهق جدا للاعصاب..علشان كدا صممت اتجوز عن حب..وحاربت علشن اللى باحبة...
وبلا شك عشت معاة لحظات جميلة تشبة الى حد ما ما كتبتة..ههههه..لدرجة انى من كتر ما انا من ابناء روايات عبير واحلام المخلصين..صممت انة يشيلنى يوم فرحنا..وقلتلتلة يا تشيلنى يا اروح على بيت ماما عدل...ههههه..وكنت ايامها عاملة رجيم قاسى علشان فستان فرحى فكان الامر بسيط وشالنى...
يعنى بالمختصر كنت باحاول اعيش حالة الرومانسية واشجع زوجى عليها قدر ما استطعت...اتمنى اكون ارضيت فضولك كويس يا دوك..فيس بيقول الصدق من قلبة وبيغمز غمزاية على الماشى...م
ن خلال اسئلة البنات عرفت دوافعك للكتابة و حبك ليها منذ الصغر...عشان كدة ندخل على طووووول فى الجد
الروايات...
برأيى انها مش روايات عادية ...ممكن نقول مفرقعات ...قنابل موقوتة من ضحك حزن غضب كتل من المشاعر المتضخمة الجميلة...ديناميت ينفجر بوجه القارىء باحلى الاحاسيس المجنونة و الرقيقة...
دا لانى اندفاعية وانفعالية ولسانى طويل وعندى لماضة رهيبة منذ صغرى..يعنى مافيش ريحة العقل والرزانة..بصراحة مش باحب الرزانة وهى كمان مش بتستلطفنى...خخخخخ
ندخل فى الجدددد...
كل مفرقعاتك ...اللى هى الروايات ...اخدة الطابع الفكاهى ...حتى فى احلك اللحظات...هل دة نابع من شخصيتك اامرحة ولا لانك بتحبى تخففى من شدة الموقف بشىء من الضحك؟؟؟؟!!!!
انا اكيد باحب الضحك..أضحك مع اصحابى المقربين فى لحظات اجتماعاتنا واهلى واخواتى ..باحب تكون فية بسمة مرسومة على وجوة من حولى..كما انى احببت تعويض الحميمية والوصف العاطفى الجرىء بشىء يجذب القارىء..وهو زيادة جرعة الرومانسية بلين السطور..كمان مش باحب الغم قوى فى المشاهد لاننا بنقرا لنستمتع ونسعد..لا لنبكى ونحزن..واتمنى اكون وصلت لدا ولم تكن رواياتى كئيبة حتى فى المشاهد الدرامية..
اول معرفتى بالروايات المكتوبة من كاتبات عربيات كانت من خلال اسيرة الشيطان ...كان مجرد اسم الرواية نازل مع روايات احلام ...شدنى بشدة الاسم ....و الملخص كان زى اللغز ....هيت و ليان...ثنائى الطفولة مع القوة و الجبروت...كيس الاحجار مع هيت و كيس الثلج مع ليان...يعنى افكار جديدددددددة و غير متكرررررة و بمنتهى القوة و الجرأة ...
السؤال هنااااااااااا.....ما هو الحدث الذى اثار عقلك فأدى الى اندلاع هذه الافكار النيرة؟؟؟؟!!!!!
الرواية عندى بتبدأ زى ما قلت قبل كدا بمشهد مجنون..رغم انو دا سر المهنة لكن هحاول قول على قد ما اقدر دون كشف مصادرى..ههههه..مثلا اسيرة بدات فى عقلى بمشهد عرض نفسها علية للزواج امام الجميع بالكنيسة..ودا كان بداية الرواية كلها...لكن قبلها كنت راسمة البطلة اللى بتحمر حتى اخمص قدميها..
الهمسات اول مشهد أضاء فى عقلى كان جلوسها امامة على المكتب وجعلة يشم عطر اللامار بالقوة..
ليلة باردة..اول مشهد فكرت فية..اكتشافة لها فى خزانة المعاطف...وماستى كان اول مشهد..رؤيتة لها بتغرق وانقاذها...
كل دى المشاهد اللى زودت قبلها وبعدها لبناء رواياتى...
اما سمراء فهيكون مشهد جميل جدا فى الفصل الثانى..هو اللى بدأت بية واتمنى ارسمة جيدا..طولت عليكى مش كدا؟؟؟..سامحينى..هههههب
معنى ايه الموقف اللى لما شفتيه خلى فكرة الاكياس و الندبة و العقد المتكرر يبلور فكرة الرواية من الاساس؟؟؟؟
امممممم..دا صعب جدا افسرة..لانو احيانا الفكرة بتضىء من اللاشىء وهو دا سر الانسان اللى عندة ملكة تعبيرية او ابدعية..مش محتاج معظم الوقت لشىء يثير افكارة لانها بتنبع منة بشكل تلقائى..
هيت و هى لابسة بدلة حمرا و راكبة موتورسيكل و بتسابق الريح عشان توصل فى ميعاد الفرح .....اشمعنى موتورسيكل مش عربية سبووور مثلاااااا؟؟؟؟؟
لانو العربية السبور فيها شىء من الاعتيادية والرفاهية..وهى انسانة الى حد ما غير معتادة وكمان حياتها لم تكن مرفهه معظم لوقت لوجودها بصحبة الجد الكسندر فى رحلاتة الاستكشافية بالصحارى والمناطق الاثرية..ودا كان احدى نقاط ضعفى فى الرواية..كان يجب اظهار الدراجة النارية فى اكثر من مشهد..لكن احيانا رغما عننى اندمج فى الاحداث الاخرى لانسى اظهار بعض التفاصيل الصغيرة التى اضفتها فى البداية..وهذا لانى ايضا مازلت هاوية ولست محترفة بعد...
سبب اختيارك للاقحوانات السريعة التلف؟؟؟؟؟؟و الاحمر ايضااااا؟؟؟؟؟
كان هذا من البداية اختيار جوليانو ...لانة هو من اختار هذة الزهرة لزراعتها..
اجابة السؤال كانت بين السطور..الاقحوانات الحمراء كوجهها الذى يحمر خجلا..ولانها دليل على الفراق والعذاب فى الحب..وسريعة التلف لان هيت رغم طبيعة عملها الا انها هشة وسهلة الكسر..
فاااااااصل و نواااااصل
|
ماتعرفيش اد اية استمتعت بالاجابة على اسئلتك الجميلة بجد عسلاية...اشكرك يا قلبى على كل كلمة تعبتى نفسك وكتبتيها دا شرف لييا كبير جدا اهتمامك ومشاركتك للمرة الثانية هنا معى..
دامت مودتنا وصداقتنا لا تشوبها شائبة أبدا..يارب..مووووووة
|