كاتب الموضوع :
هبـه الفــايد
المنتدى :
روائع من عبق الرومانسية
اقتباس :-
المشاركة الأصلية كتبت بواسطة katia.q  |
السلام عليك
أنا بما انني جيت متاخر لقيت كل الأسئلة اللي الواحد فكر فيها موجودة
يا عيني عليك يا عبد الله
ده مش استضافة ده استجواب في نيابة
هههههههه
أكمل انا بقي الاستجواب
هل في شخص انت نفسك تكون مثله؟؟
أدبيا أو شخصيا
في حاجة في شخصيتك ما بتحبها وتتمني تغيرها؟؟؟
انت قلت انك ما لك أصدقاء فهل جزء من اللوم يقع عليك؟؟؟
مفيش مرة عملت حاجة وندمت عليها جدا وتمنيت انك تغيرها؟؟
بالنسبة للزوجة
أنا مش هأعلق علي المواصفات الأكثر من مثالية اللي انت بتتمناها بس هأقولك خد بالك انت هتتزوج بشر مش ملاك
بس عندي سؤال لو انت اخترت واحدة وظاهريا ما بيها عيب و والدتك ما ارتاحت لها نهائي ... هل تصر عليها؟
ايه هي أفضل فترة في حياتك؟؟ الثانوي ولا الجامعة ولا مش حبيت الاتنين خالص
كفاية كده عليك أسئلة بس كنت عايزة أقولك حاجة
انت بتحب كفر الشيخ؟؟؟؟ لا لا لا
في حد عايش في اسكندرية يبص حتي لكفر الشيخ
خلاص خلاص أنا ماشية
يا بخت من زار وخفف
والسلام ختام
|
ههههههههههههههههههههههههه اهلا بالنيابة
لا متأخرة و لا حاجة
دا احنا لسه بنسمي
يالا يا ستي هاتي اسئلتك ...... بسم الله :
1) انا نفسي اكون كويس بس و الله يا كاتيا ....... ادبيا و شخصيا ...... يعني نفسي ابقى احسن من دلوقتي ....... ابقى راضي عن نفسي و دا صعب جدا سواء ادبيا او شخصيا .....
عامة علشان مبقاش رذل في اجابتي و ممل هجاوبك مباشرة : حاليا شخصيا نفسي ابقي مزيج بين عمي الكبير و والدي ....... و ادبيا مزيج بين فاروق جويدة و انيس منصور و احلام مستغانمي و دان براون هههههههههههههههههههههه و الله ياريت .
2) اه طبعا فيه الاستهتار بالامور الهامة - عدم ترتيب الاولويات في حياتي بصورة جيدة - غضبي السريع - ترددي الدائم ...... وحاجات تانية كتيييير ( اذا بليتم فاستتروا ) ...... ^_^
3) طبعا اكيد جزء بيقع عليا ...... مبحطش ثوابت محددة في اختياراصحتبي ..... عاطفتي هي الحكم ..... اللى بحبه بصاحبه و بخلصله جدا فده بينتج عنه اختيارات خاطئة .....
4) فيه اكيد ......... اني مذاكرتش كويس في ثانوي عام ....... و فيه انسانة انا غلطت في حقها جدااااااااااااااا و هي سامحتني لكن انا بقول ياريتني ما زعلتها كده .
5) انا بعترف انها صفات تقترب الى المثالية ....... لكن لو لاقيت من الصفات دي الاهم فالمهم هتقدم لها ان شاء الله ........ و بالنسبة لرأي و الدتي ....... سأحاول ان اتكلم معها ونصل لحل اما اقنعها او تقنعني ...... لكن لو هي مش مرتاحلها نهااااائي اكيد هرفض الزوجة ارضاءا لامي حتى تسير الحياة بين زوجتي القادمة و امي لما لهذا من اهمية كبرررررررى .
6) الفترتين نقيض و نقيضه : اسوأ فترة في عمري الثانوية العامة , و افضلها على الاطلاق هي فترة الجامعة ....... ففي الجامعة عرفت الصداقة و خيانة الصداقة , عرفت الحب او الاعجاب و الفراق , عرفت التفوق و الفشل , عرفت لاول مرة اني امتلك موهبة ما .
بالنسبة لكفر الشيخ ....... انا ذكرت اني اصلا من مواليدها ...... اعز عمي ليا محاسب هناك و عمتي مش برتاح الا لما تخبز لي العيش الفلاحي و تتمشى معايا وسط الارض الزراعية و نقطف جوافة و موز من عالشجر و ركوب الحصان في القرية ..... و استيقاظ عمتي في العيد الفجر علشان تقلي البطاطس و البيض و تخبز العيش و تعمل القشطة و الرقاق ........
الفلاحين حياتهم بسيطة جدااااااا يا كاتيا و انا مش اسكندراني اصلي , انا برغم عشقي للاسكندرية الا ان الحقيقة انني من جذور الفلاحين ..... كفر الشيخ ..... و رغم انه محافظة سيئة الحضارة و الرقي الا ان ناسها طيبين و خاصة كبارها مش الشباب ....... ^_^
نورتيني و اسئلتك ممتعة و لذيذة بجد يا كاتيا
تسلمي اختي ^_^
|
23-11-11, 09:17 PM
جديد مواضيع قسم روائع من عبق الرومانسية
العرض العادي
