..............................

...............................
اماااااااا عااااااااااد امايه عليها حركات هههههههههه خطيررره كانت تطالع بخالتيه ويضحكن على ارتباك عفوور ونظرات سلطان لها

عفرا تمد فنجان القهوه: تفضل
سلطان يطالعها وهو شوي بياكلها بنظراته : ياحيج والله
فلعته بالغصن الي حذالي: اقوووول حجي سلطان بسك مطااالع
طالعني وانا وسط الشجر: شو تسوووي هناك يالفاااار اقووول من ياكل ورقنا اثاريك انت؟؟!!!!!
قلت له وانا اشوفه ياي صوبي: هيه انا...... المزرعه مزرعتي ولا شو تقولي خالوه
خالتيه: هههههه هيه فديتك خذ راحتك
سلطان يمسك ايدي اون يطلعني: يالله يالله ماشي نحن ماناقصين فيران
طالعته بنص عين: وانت الصادق فار وفاره لان حتى عفور تاكل الورق العنب
ابتسم وشق الحلج وخاز ايده عني: عيل خذ راحتك وان خلصت هاي الشجره بتحصل بذاج الصوب شجره ثانيه
سيف: ههههههههههههههههههههه آه يالملعون

سرت عنه للمطبخ الخلفي عسب اغسل الورق الي مقعته واحطه بسله عسب يجف ... حاليا يكفيني هايلا لبعد العشا ههههه... لحظه جني اسمع حسوس
طليت على المطبخ قبل لا ادش بهدوووء حصلت جسوم وروضه بوضع مخل للادب العام هههههههه
مايصير اعدي هالموقف على خير خلني انقع بهم شوي
دخلت وانا اوني معصب

سيف: شوووو هااااي الي يالس اشوووفه هااااااا!!!!!!!!!!!!
روضه تشهق وتبعد بسرعه عن جاسم: آآآآآ
جسام يحك شعره: هـ هـ لا عميه
كتمت ضحكتي لان شكلهم بصراحه وااايد يكسر بالخاطر: هلا شوووو ..... لك عين ترمس .....من بعد الي شفتكم عليه يالخايسين

طلعت بسرعه روضه من المطبخ خايفه لا اسوي بها جي.... ومن صوبي انا تقدمت لجسوم عسب انقع به زود واسعتبط شويه عليه

طالعته بنظرات كلها عصبيه: شو كنت يالس تسوي وياها؟؟؟ جني شفتك يالس تبوس خشمها؟؟ هو خشمها لو شي ثاني؟؟؟ انت ماتستحي على ويهك تسوي حركات جيه؟

جاسم ومادري شلون طلعت وياه هالجمله: عمي خلاص ماتتكر

..صدق ياهل بدل مايقول لي هاي حرمتي على سنه الله ورسوله يقول لي مابتتكر هههههههه ..

ضربته على كتفه وانا طالع: ثاني مره حبها بخدها احسن لك
جاسم:!!!!!!!!!!!!!!!!!!!!!!!!!!!!

طلعت من المطبخ وانا خلاص شويه وبينفجر بطني ضحك صدددق خبيله هالاثنينه ... خلني اكمل فلم الرعب على روضه اشوف شو بتسوي ...سرت ادورها و حصلتها يالسه بالغرفه داخل ويا البنات

سيف: وينها هاااي هاااااااااا وينها؟؟!!
عفرا زايغه: بسم الله منوو؟؟؟
قلت وانا اطالعها : روووويض تعالي اباااج

نشت من محلها وياتني بخطوات بطيئه وثجيله وعينها منزله على الارض: آمر
ابتسمت بويها: ما يأمر عليج عدو بس اباج تسوي لي كافي
رفعت راسها بسرعها وطالعتني بعينها المليانه دموع: يالخااااااااااااااايس زيغتني
مارمت ايود عمري اكثر وانفجرت: هههههههههههههههههههه والله اشكالكم تنقع ضحك
روضه تسمح دموعها: الله يسامحك
لويت عليها: هههههه امزح وياكم والله هههههه بعد انتو خبيله يعني ماترومو تردو عليي
روضه تبعد راسها عن صدري: والله من الزيغه انربط السان
سيف: هههههه ولا ذاك ريلج شو يقول لي خلاص مابتتكر ههههههههههههههههههههه
ضربتني على كتفي: خوووز والله بزاولك شهر كامل
رديت اطالعها بنظرات عصبيه: عييب استحي على ويهج انا عمج اشوف وايد عطيتج ويه
ضربتني مره ثانيه: لالالالاتناظرنيي جيييه بذبحك والله
سيف: هههههههه قسمن بالله مابنسى اشكالكم ياليت صورتكم

البنات:!!!!.....

..................................

...............................

بطاطس ..... بصل...... طماط ..... اوصال ... لحوم ...

كل هالاشيا كانت حولنا ... عفرا تقطع الطماط ....وسيف وروضه وعبير عليهم الحوم... وسهيل البصل وجاسم يرتب الصحون وام جاسم تسوي محاشي فنانه....... اما شمه مااشي يالسه تحط لها مناكير بعيد عنا ... هالبنت وايد تذكرني بنفسي قبل سنه كنت شراتها بالضبط مايهمني شي غير جسمي وشكلي شقا بيطلع ....واهم حايه عندي ماتعلق ريحه الاكل بملابسي ... اما الحال الحينه وااايد تغير ماعندي شي غير اني اسلي عمري بالطبخ .....
كملت تقطيع البطاطس .........فريت ويهي على راشد
حليله منقعين به وخلوه غصب ييلس يشووي المشاوي على الفحم بالحر
طالعته من بعيد وحصلته يالس يتأفف ويمسح عرقه عن ويهه
.... تركت الي بأيدي وسرت صوبه
طالعني بويهه المحمر .... والله حرام حتى يبهته جنها حد صاكنها بطراق من كثر الاحمرار .... ابتسمت بويهه ومديت ايدي عسب اخذ قطعه الكرتونه الي يالس يحرك الهوا بها .... من شاف ايدي ماصدق على الله وفرها عليي

راشد: خسسسسسسسسكم الله يالوووووووووث يالسسين بالبراااد وانا بالحررر

كلن يلس يتناقع ضحك يوم شافو وجهه.... لبسهم وسار لداخل المبنى هههههه

سيف من بعيد: ريووووم شقااا اخذتي مكانه كان تركتيه عسب يصطلب له شوي
عفرا: ههههههه حرام والله رحمته حليله زين يوم خذت ريومه مكانه ولا كان لعن خير خيرنا
سهيل يمسح دموعه السايحات من البصل: خيبه وين سار
سيف يكمل تقطيع: اكيييد يتسبح هاي لو تنزل منه نقطه عرق وحده يسير يسوي له صنفرا وحمام مغربي
ناصر الي ياي صوبنا وحامل دبه الماي: وين سلطان ماشووفه اكيييد هارب عن لا يشتغل
سهيل: لا بس ساير يتلبس بسوي رياضه
ناصر ييلس حذال سيف: وشو رياضته؟
سهيل: الجري

لمحت بعيني عفور الي يالسه تتبسم هههه اكيد فرحانه لان انضافت معلومه جديده عن سلطان في حياتها الا وهي رياضه الجري.... طلع سلطان بملابسه الرياضيه وطالعنا بأستغراب

سلطان: ماااشاااء الله شو هاي كله .....ماتوقعت انكم بتطبخو تحسبتكم بتاكلو من المطعم
سيف يغسل ايدينه: ههههه ناصر فيانا وتبا ناكل من الطعم
ناصر : شو ياينك على الرياضه؟
سلطان منكس جسمه يحزم خيوط السبورت : زايد وزني عن المفترض .....
ناصر: وين بتجري؟
سلطان: المزرعه تسد بجري دار مدارها ..... الا وين الشواب عنكم؟
ناصر: سارن للبوش

سار سلطان عنا يجري.... ويات عفور صوبي اون تساعدني وعينها متعلقه على سلطان الي يجري بكل حيويه مما يدل ان متعود على هالشي من زمان

عفرا : طالعي ريوومه طالعي شقااا شعره يرقص

ضحكت من قلبي على عفور الي اغراها شعر سلطان اليتحرك مع جريه ... كملنا شغل والحمدلله انتهى كل شي بكيييير يعني ماتأخرنا لان الكل يساعد الثاني وطلع العشاا ترتيييب
... يلسنا نتعشا رباعه بعد مارد سلطان وراشد الي يلس يدلع على امه اون لعنا خير خيره بالشغل هههههه....

ام سلطان: فديييتك كان قطعت بصل بدل ماتشوي

غص راشد بأكله.... وتناقعنا ضحك
سيف: هههههههههه راشد يقطع بصل!!!!اسميج ياخالوه تنكتي
راشد يطالع امه بنص عين: امايه شو اقطع بصل عسب تمسك الريحه بأيدي
ام سلطان: لا شو تسمك تغسل زين بالصابون وماتمسك
راشد: ايييلس بالحر ارررحم من البصل
روضه وهي تنش: بصراااحه وااايد العشااا فنان تسلم اياديكم والله
ام ناصر: شووو ويين سايره فديتج؟؟!!!
روضه: شبعت وايد يدووه
ام جاسم: ماكلتي شي فديتج
سيف: خليها امايه تسوي رجيم عسب عرسها قرب
ام ناصر: ييلسي يالله عن المصاخه وعن الرجيم
روضه تطالع سيف بنص عين : يدووه بسرعه تصدقي رمسته والله ماسوي رجيم بس شبعت
ام ناصر: جسوووم شو فايدتك انت يالله اشوف يلسها ماكلت شي تراها .... واهي وراها عرس يعني لازم يصطلب عظمها
مسكها جسوم من ايدها ويلسها وهو يبتسم: ها يدوه هاي يلست ... القمها يدوه؟؟؟
ام ناصر: هيه انت ريلها شو فيها يعني
ابتسم جاسم بخبث وحط القمه بحلجها شرات اليهال : يالله يالله همممممممم

ابتسمت على ذكرى هالجمله ( يالله ريوومه يالله همممممممم)

كانت هالجمله شي رسمي تنقال لي على اكلنا .... من ابويه كانت ولا من اخويه خليفه
بما اني دلوووعتهم الوحيده

ابو خليفه: فديييتج اباج تاكلي زين هاااا
الريم: ههههه ان شاء الله ابويه بس خلاص تراك من مساع تدووس فيني من هالاكل بعدين بيطلع جسمي مب حلو
بو خليفه: انتي لو تصيرين شرات مريم الغضبان بتظلي حلووه وممحد يوصل حلاتج
الريم: ههههههههههه فديتك ابوويه وااايد ترفع من معنوياتي
خليفه : منو الحمااااااار المحطم معنويات اختيييه الغاليه هااا منوو؟؟
الريم بدلع: امممم واايد بنات يحطمو فيني
خليفه: وحياااااااااتج غيررررره هاااي

بعدت هالذكره عني بسرعه ..... مابااا اذكر خليفه بأي شكل..... حسيت بضيجه بس ماروم انش من على الاكل عسب خالوه ام ناصر ماتزعل مني ... يكيفي زعلها يوم رديت من دبي .... اول ماوصلت العين ماشتهيت اكل شي كل ما اتذكر الموقف الي صار لي من العنود ... كل شي توقعته الا اني بشوفها بالحفله اوو ان تكون العنود بنت عم شمه .... بصراحه قبل سنه ماكنت اعرف شمه وايد غير ان في انسانه اسمها شمه محيره لسهيل وشفتها يمكن مره لو مرتين بالمناسبات الي نتلقى فيها بالصدفه ببيت عمي بو ناصر ..... ولهاي الشي ماكنت اعرف ان العنود تطلع بنت عمها...
هالبنت سالفتي وياها سالفه اخاف اخبركم واطيح طيحه من عينكم وهاااي الي انا ما اباه
بس لاني اغليكم بخبركم وياها
بصراحه انا انسانه وايد مبزايه ودلووعه يعني أي طلب يتنفذ لي بأسرع وقت ممكن ... شفتو شمه شقا مدلعه؟؟؟ انا ازود عنها لان شمه تخااف وتصطلب بس انا ماكان في شي يخوفني ما اسمع غير نفسي وانفذ الي اباه انا وبسس ... وشي طبيعي بيتدرج مع الدلع ( الغرور) مغروره وااايد وخاقه بعمري ودوووم بكل يلسه لازم اطري فيها ابووويه واخوويه وشقا يعاملوني واعتز بأبويه اعتزاز مب طبيعي وهالشي خلا نااس تتلزق فيني ووتسايرني عسب تكسب رضاي وتكسب جم بيزه وهديه ....بس خلا ناااس ثانيه تبعد عني او بالاصح ماتحب ترابعني.....

ومن هالناس كانت العنود ... كنت احس انها تكره سوالفي يوم ارمس.... لاني وايد اعق رمسات على الكل ومايهمني هاي تنجرح لو لا ...... هاي من صوبها اما من صوبي انا
كانت اهي البنت الوحيده الي احاول اتقرب منها ... لان بالعاده اهم الي يتقربو مب انا
.... بس ماحصلت منها غير الصد يعني ماكانت تحب انها ترابعني وهالشي غااايضني وايد وجرح من كرامتي؟؟؟ .......... حاولت اتناساه مع الايام على اساس ان محد يروووم او يستاهل اني اتغايض عسب خاطره
بس بذاج اليوم وبحفله تخرج نسايم ربيعتنا .... صارت بيني وبين عليا ربيعه العنود مشاده كلاميه

الريم: جب ولا كلمه ماايخصج فيني
عليا: اقوول الشييخه ماااا العااالي غيررر الله ونحن كله عبيده يووم تدخلي الجنه قبلي تعالي وخقي عليي جيه زين؟؟ بالعلم اني اشك انج بتدخلي الجنه
الريم: هاااي انتي يالكافره مابتدخليها مب انااااا
هالكلمه خلت العنود تشتط ووتدخل بالموضوع : هيي انتي احترمي نفسج ترى واايد سكتنا لللج زييين تراااج يالسه تعقي رمسات شرات ووويهج

لا ارادي كل الغيض بسبه صدودها الي حاملته بقلبي عليها ....تجمع على شكل كف ياها على ويها .... هالشي الي خلا الكل يشااااهق مصدووم .... صحيح انا جرأتي وصلت اني اعق رمسات بس مب لدرجه اضرب !!!!... بس بصراحه واايد غاايضتني وكنت اتمنى انها ماتدخل عسب لايصير لها هالشي

العنود وعينها تصب دموع: والله يالرييييم ان بييي اليووم الي اردها لج
الريم: اعلى مابخيلج اركبيه اففففففف ناااس تافهه انا شو ميلسني عندكم

.
.

قطع عليي افكاري ووذاكرتي صوت عفرا

( ريووومه امايه ترمسج)

صديت صوب خالوه ام ناصر... الي يالسه تطالعني بعتب

ام ناصر: اماايه فديتج ماشووفج تاكلي شي يابنتيه ....استويتي يلد على عظم مايستوي جيه لازم تاكلي فديتج
سيف المنقذ: الله يهداج شو ياينج على البنات ........بعديين امايه خليهم براحتهم مانبا المزانيه تطيح هههههههههه
ناصر: الحينه المزانيه تطيح يوم تاكل روضه والريم؟ ومابتطيح يوم انت تاكل
سلطان وهو يقسم الخبزه: انا الشي الوحيد الي افكر به الاكل الي ياكله سيفوه وين يسير؟
سيف يبتسم بهبل: الحمام
راشد: هههههههههههههه قصده يطلع ويا ***
تطايرو راشد ووسيف على فلعه صحن معتبره يايتهم من سهيل

سهيل: خسسسكم الله يالووث ماعمري بحصل حد وصخ بالرمسه جيه شراتكم

راشد من بعيد: هههههههه خلاص بنسبحها
سيف يستهبل هو الثاني: منووو؟؟؟
راشد: الرمسسسسسسسه هههههههههااي

ويتناقعو ثنيناهم ضحك ويضربو ايديهم ببعض........ لالا شكلهم بردو شرات ذاج اليوم .... يوم خف عقلهم

ام ناصر تزاعج عليهم: امايه تعالو كملو اكلكم
سهيل: واالله ان ردووو انا الي قااايم
ام ناصر: العن الشيطان شو هالرمسه هاي
سهيل: الحينه انا شو هاي الرمسه .... اما رمستهم عادي؟؟؟
ام ناصر: ههههه يتامزحون فديتهم دمهم خفيف
راشد: خلاص مانبا ... المهم ياجماعه الخير ... يوم تخلصو اكل تعالو بالصاله الكبيره عندي لكم عرض ولالالالا اروع
ام سلطان: وااابويه هالولد مايصدق على الله يدور له عذر عسب ينش من اكله تعااال كل وابوويه عليك
راشد: مابااا امايه بعدين بعدين

اختفى راشد وسيف عن الانظار ... مبتعدين لداخل المبنى...

...............................

................................

انطفت كل الانوار من حولنا.... وماشي شي مشغل غير التلفزون .....
وجهـــــز العرض ... طبعا هذا العرض من اعدادي انا وراشد خخخ
تذكرون يوم يكلمني بالنت ذاج اليوم؟... هاي الله يسلمكم طلب مني شريط تسجيل او أي شي فيه صوت ريومه.... لان خبرني يوم كلم ربيعه الدكتور عن حالتها قال سمعوها صوتها ..... احترت بسبه اهتمامه بالريم بس ماحبيت اوضح له لاني حبيت هاي الاهتمام منه
... طبعا ولحسن الحظ كان عندنا شريط فيديو يوم نسير البر وكان قوم عمي فيانا ...
وبهالفيديو به اشيااا واايد حلوه طالعه بها الريم
... ببدايه العرض شغل راشد شريط لهم وهم صغار عسب الريم لاتنتبه ان الموضوع مخطط له ...

سيف: هههههههههههه سلطون طااالع طاللع ايام المراهقه شقا ويهك طالع جنك خبز رقاق
فلعه سلطان بالمخده الي حذاله: اقوول انطب احسن لك ......على الاقل احسن من ويهك الي جنه صمون

بصراحه بالنسبه لي جالسه اطالع الفيديو بكل تمتع .... لاني يالسه اطالع بسلطان .... يالس اهو وراشد على البحر وكل واحد منهم يفلع الثاني بالرمل ... بوسط الفيديو طلعت شمه بالمايو حقها ... تقريبا كان عمرها بذاج الوقت 8 سنين ... بصراحه الموقف يقفط ... بس منو يقفط شمه؟؟ مسسستحيل ...

شمه: ههههههههههههااااااي فدييييييييتني من يومي حلوه
سيف: قربلالالات العدووو استحي على ويهج يعني هااا غصب طالعو فيني اني انا حلوه بالمايوه
شمه ترفع خشمها: والله بكيفك اذا ماتبا تشوف فر ويييهك..........ز وبعدييين انا يااهل بهاي الفديو يامتخلف
خنفس سيف بويها: انا متخلف يا رجعيه
سهيل يتأفف: وبعدين انت وياه خلونا نسمع
سيف يغمز له: قول خلونا نطالع زين
سهيل بنص عين: بتنطب لو افلعك بعفور الحينه
حطيت ايدي على خصري: لالالالا والله الحينه انا ملعقه لو سكين تفلعوني
سيف: لالالا قلم ههههههههاااي
سلطان بحسه القوي: سيـــــــــــــــف
سيف: خلاص وابويه سكتنا حشى عليكم

خلص شريطهم .... ونقزت اعطي راشد الشريط الي عندي

عفرا: شغل هاااي دخيييلك
راشد اون مب طايع: بفلووووس
عفرا: رشووووود
راشد اونه خاق: فدييييييييييييت اسمي على حلجج

في هالحظه بسرررعه فر سلطان ويهه علينا بنظرات كلها شرار .... هالشي الي خلاني ارتبك اكثر

ضربته على كتفه: وووويعه عن المصاخه وشغله
راشد: ههههه اوكي

سرت مكاني ويلست حذال ريومه وانا ابتسم بويهها وهي تبادلني الابتسامه
اشتغل الفديو على ويه ابويه وهو راقد ويناخر بصوته القوي ....

سهيل ناقع ضحك: هههههههههههههه خييييبه منوو مصور ابويه جييه
عفرا: بعد منو غير سيفوه
سيف الي مارام يستحمل وسار للحمام من زود الضحك: خلالالاص ماروووم مااارووم شكله ينننقع
ناصر: آآآه يالوووتي يالماتستحي على ويهك مصور ابويه وهو راقد تباه يذبحك
سلطان: هههههههههههه ولالا النخير بعد بنغمه مشاء الله عليه
ام ناصر: قربلالالات العدووو يالخايس
راشد: خسك الله ياسواف

انتهت هالقطه على لقطه ثانيه لسهيل وهو يالس ييول على اغنيه حربي العامري

ويلي يا ويلي ويلي يا ويلي
ويلي انا يا ويل
راح القمر عن ليلي يا ليلي ليل السهر يا ليل

برمشه عيونه جتيلي سليلي
حد السفا صقيل
شعره اسود شليلي و يميلي
عوده بدلال يميل

كنت انا الي يالسه اعلق بصوتي بالفديو اون بالفصحى: سهيل يرقص بمناااسبه ان امايه كلمت خالوه بخصوص شمامي

التفت شمه على سهيل بعد ماسمعت رمستي وابتسمت له بخجل ... بادلها الابتسامه من بعيد
.... العجيب بالامر سلطان كان يراقب الوضع !!!!! بس غريبه ماعصب؟!! ...اكيد في شي مستوي من وراي وانا ماعرف

..... خلص هالمقطع وجات القطه المطلوبه ...

.... سيف ماسك ضب مادري سحليه ويركض بها ورى الريم الي يالسه تصارخ...

الريم: امااااااااااااااااااااااااااااايه وابوووويه سوااااف دخيييلك ابعد هالكائنااات المتوحشه بعييد

انتبهت لشخصين نقززوو من محلهم يوم سمعو هالحس
اول شخص الريم يوم سمعت صوتها نقزت ويلست تطالع الفديو بعمق
اما الشخص الثاني راشد!!!.... كان يطالع الفديو وهو بعالم ثاني هههههه لا هالولد شكله ذايب
خصوصا يوم طلعت ريومه بالفديو وهي واقفه اون شرات المطربين وماسكه المايك تغني لعيضه مطربها المفضل وسيف يدق لها الموسيقى على البيانو

الريم :
يا ويل حالي من جفاك و من بعادك و من فرقاك
وانا الذي من زود ما يهواك قلبي على روحي يبديك
لا ما قدرت انساك ذكراك عندي دوم ذكرى
و يحز في نفسي قساك و رغم كل القسا اغليك

طلع سواف من الحمام على حس الريم يصفق ويرقص: هلا هلا عااااشت الررريم ايواااااا

كل الي بالصاله يلسو يصفقو على حس الريم بالفيدو ويقولو فياها كلمات الاغنيه ....

ام ناصر: ياويل حالي ياويل حالي .....فديييييييييت هالحس الغاااوي عاااااااشت الريم هلا هلا
روضه: فديييييتج يالررريم اسسسميه صوووتج يخشششع

اما سيف كان بعالم ثاني ويا اغنيته المفضله هههههههههه يالس يرقص رقص كويتي بما انه مايحب اليوله

يوم وصلت الاغنيه اخر كلماتها

و بالصدق كم خصك و بداك
قلباً تولع فيك يبغيك ما يقدر يخليك

طالع سهيل بشمه يبتسم لها بما معنى ان هالابيات اهداء حقج

هالاغنيه شعللت مشاعر ناس وايدين ..... سهيل وشمه..... جاسم وروضه ونضراتهم الحلوه لبعض بعد ماتراضو من زعلتهم الشينه.....وسيف الي ماعمره حب له وحده بس مادري شقا يحب هالاغنيه.... وراشد الي بروحه بعالم وجو ثاني.....

والريــــــم ..... الريم حاله خاصه مسسسحت دموعها وهي تبتسم بأمتنان لهم يوم خلص الفديو وصفقووو لها واثنو على صوتها بدووون مجامله لان صوت الريم صحيح غاااااوي ونااااعم

التفت لها: والله ريوومه ولهناااااااااااااا على حسج
روضه: هيه والله اسميه طررررررررررر
راشد وهو مشدوه: آه يابنت الايه كل هاي يطلع منج!!!
الكل نقع على رده فعل راشد: ههههههههههه
سلطان يلتفت علي: لمنو هالاغنيه لحنها وايد عجيب

....عفرا الهي انا احم مااااشي رد ....

شمه منقذتي: هاااي لعيضه افا اااخويه ماتعرفها
سلطان: ما حصل لي الشرف
شمه: خلاص بنعرفك عليها عقب
سيف الي يدخل عرض ومايدري شو السالفه: منو هاي الي بتعرفوه عليها عقب.... عرفوني انا عليها احسن تراني لا محير ولا مخطوب و لا احب نظظظظظظظظيف
شمه: ههههههههههههه خسك الله نحن نعني الغنيه
سيف يفر ويهه لي: عفووور نشي اباج

سرت وياه لفوق ..... وكنت عارفه مسبقا شو يبا ....
يودته عباتي وشيليتي ولبسته وياهم ..... وعق الغشوه على ويهه
فلذلك الي يشوفه مايشك ولوهله ان هاي الواقف هو ولد!!! ... الله يخسك ياسواف لاجسم ولا شكل ولا صوت الا شرات البنات هههههههه
....نزلت قبله عسب اشغل الاغنيه ..... الكل مستغرب شو سالفتي نازله بسرعه وعلى طول اغاني خخخخخ

عفرا: طالعو العرض الي بينزل الحينه من الدرج

الكل التفت صوب الدري ... نزل سيف وهو يرقص على اغنيه احلام ....

ناويلك على نيه بس انت اصبر اشويه
اذاماعلقك فيني وهواك يصير بيديه
والله لشغل افكارك واشعل بالهوى نارك
واسكن قلبي بدارك واعلمك الرومنسيه .

بالبدايه محد كان مستوعب ... بس لما انتبهو ان هاي ام عبايه سوده يطلع سيف تناااقعوو ضحك ...
بالنسبه لروضه بسسرعه يودت موبايلها ويلست تصوره فيديو
واما راشد نش يرقص حذاله هههههههه اونه ريال يرقص ويا حرمه وكل شوي يسوي له حركات تنقع ضحك ......مره يمسك خصره ومره ايده
وسهيل شق له مناديل وايد اووون بيزات ونثرهم على سيف شرات المراقص ههههههه

امايه وهي ناقعه ضحك: خسسسكم الله
عبير تمسح دموعها من الضحك: خلالالالاص عميي دخيييلك ايلس ماروم استحمل
الريم حزتها تسدحت من ضحكها .... يوم تضحك من قلب ماتروم تضل يالسه لازم تتسدح ههههه

سار سيف حذال سلطان وهو عاق نص الشيله وويغمز له بعينه

يلس يغني ويا الاغنيه: ناويالك على نيه بس انت اصبر شويه
سلطان يفتح ايدينه له:.....هلا الشيخه هلا
يلس سيف بدلع بحضنه ويلس ينعم صوته زود : آآحم يقولون اسمي عفرا
سلطان يلوي عليه ويلف ايده حول سيف: يامرحبا بها الطاري
سيف: ابا ابا ابا ابا بوسه

خزززيته بعيني هالسباااااااااااااال واااايد قفطه المووووقف .... اوون اسمي عفرا هالحماااااااار ولا بعد ابا بوسه اهئ اهئ الله ياخذك

ابتسم سلطان بخبث وهو يطالعني وباسه بخده: ماااااااااااطلبتي
سهيل: يالشواااااااااااااااااااااااااذ
عبير: وابوووويه خلالالالاص ماروم استحمل ههههههههههههههههه
ام سلطان: ههههههههههههه والله انك يا سواف ماشي شرات سوالفك يالخااايس
عق سيف شيلته وهو حران: وااابووويه حررر شقا تستحملو هالعباه والشيله
روضه توقف التصوير: ههههه عسب تعرفو ان نحن مجاهدات في سبيل الستر
ناصر: يالخاايس شقا تلبس لبس بنات هاي تشبه بالنساء وحرام
سيف: وابويه عليك جيف تفسر الامور ... اخوويه انا مالبستهم على اني مقتنع بهاي البس واني ابا البسه .... انا لبسته على اساس مزح بس
راشد: افحمممممممممممممممته بردك ماروم عليك ياسيف
ناصر: هيه وانت تشجعه اسميكم انتو الاثنينه خرااااب
سيف يلتفت على روضه: ريضااانه
روضه: !!!!!!!!!!!!!! شو هاي بعد ريضانه
سيف شاق حلجه: ادلعج ياحماره عمج
روضه: وابوووويه هاي دلع!!! ولا بعد حماره عمج
سيف: شو رايج بالقلب؟ حلو موو؟؟..... شو رايج تحطينه اسم بلوتوثج ( حماره عمها) ههههههه
روضه: خيييبه اتخيييل
سيف: هههههههههههه لاتتخيلين وايد...... المهم رسلي لي الفديو على فوني اباه
روضه: ماطلبت

خلصت الفعاليات هههههه والمفاجأت.... والكل التهى .....
راشد وسيف وسهيل وسلطان وجسوم سارو للمسبح
وام جسوم وناصر ابو جسوم سارو هم الاثنينه بيتمشو ....ماروووم على الرومانسيه انا هههه
وامايه وخالتيه يلسو ياكلو رطب وقهوه

...اما نحن البنات بنسير نستكشف المزرعه نيهاهاهاهاها ....
بس لحظه مب جنه امايه تناديني
( عفرا عفيير عفيروه ووويعه)

التفت لها: هلا هلا امايه شو؟
امايه: تعالي لحظه( تلتفت على البنات ) وانتن سيرن وبتجيكن عفرا بعدين

سارن البنات وهن يضحكن بخبث وريومه تغمز لي من بعيد... بالنسبه لي انا قلبي زااااغ استفردن فيني امايه وخالوه اهئ اهئ حد ينقذني لاني عارفه لشو مستفرده

امايه فاره ويها على خالوه: هاي البنت حذالج سئليها تراها شرات بنتج
خالتيه تبتسم بويهي: ها بنتيه مارديتي علينا على موضوع سلطان فديتج ترانا مستعيل وايد هههههه
مادري ويهي اصطبغ بلون عنابي ولا اسود ... الي اعرفه بس.... ان حراره متجمعه بويهي
واحس ان في دخان يالس يطلع من اذني عنبو قطار عن غفله خخخخ

نكست راسي وقلت بهمس: الي تشوفونه
خالتيه: لالا ماشي الي نشوفه ... يابنتيه انتي البتيلسي وياه.... مب نحن الي بنيلس وياه ليل ونهار ولا بنحن الي بنام وياه روحنا.... ولا نحن الـ..

قطعت كلامها لاني مابها تكمل وتتعمق بالتفاصيل اسميهم قفطه: آآآ سلطان والنعم فيه
خالتيه شاقه الحلج من الفرحه: يعني شو فديتج؟
عفرا: مـ مـ مـ وافقه
امايه + خالوه: كلوولوولولولولوولوللولولولوولولولوش
البنات الي دخلن بسرعه يصفقن ويغنن ووواضح انهن يالسات يتسمعن علينا اصلن: وعليج سعيد وعليج مبارك وعله يتبارك هلا هلا هلا

شمه الي ماتصدق على الله فجت هالشعر ويلست تنعش: هلا هلا وبيعرس اخويه سلطان
عبير: هههههههههه خلاص وابويه طيرتي القمل علينا
شمه تخنفس بويها: ويعه خليني فرحانه

عفدو عليي البنات كلهن مره وحده اون يباركو لي .. لين ماستويت خبز رقاق هههههههه

.......................................

...................................

مباركين يالمعرس من قدك .... مبروووك ياسلطان مبرووك .. مباركين

هذي الجمل انهارت على سلطان يوم يااتنا شمه صوب المسبح.... كنت بكفخها بس الخبر الي يابته لنا خلاني اتغاضا

( ياشبااااب عفووووووور وافقت وااافقت كلووللولوولولوليشي)

سلطان: ههههه الله يبارك فيكم عقبالكم
سيف: آآآآآآآآآآآآآآآمين
سلطان : طالعو الحمار يبا يعرس
سيف يمسك سلطان اون بيغرقه: تراك للحين ماملجت يعني ارووم اذبحك واختي ماتترمل
سلطان: هههههههههههه عنااااد ببببك باجر الملكه وتشووف ياسوويف
سيف: طالعووو مستعيل هااا يامايعرس مره وحده..... يا مستعيل ومشتط
جاسم: املج احسن لك عسب لحد يمنعك من أي شي تسويه
سيف : ههههههههههههههههههه قول لروحك
سلطان: خلاص جسوم انت من اليوم ورايح ربيعي لان بس انا وانت بنكون المالجين يوم يقرر سهيل بنخليه ربيعنا
سهيل: هههههههههههه ياهل شو تغريني
راشد يتفلسف: الحين وجود سلطااان وعفرا بنفس المحل شبهه.... سيف حط عينك على اختك ...وانا بحط عيني على سلطان... يدا بيد لنحارب الانحراف
سهيل: هههههههههههههههههه خسكم الله
سلطان: ااااه يالحماار هين يارويشد هين
سيف: افا عليك لاتوصي حريص ... هاي ان شاااف زولها بعد هالدقيقه
سلطان بتحدي: تراااااهن؟؟؟؟؟؟؟
سيف: الرهان حرام
سلطان: أي انت الحرام يطلع يوم يستوي الشي ضدك
سيف مخنفس بويهه: اراااهان زييين
سلطان يزاعج بصوت عالي: عـــــــــــــــــــــــــــــــــــــــــفرااااااا......... .... عفـــــــــــــــــــــراااا

الكل كان يطالع الباب ... هل ممكن تطلع عفرا لو لا؟؟؟.... بالنسبه لي ههههههههه غاسل ايدي من اختي عاااادي اتوقعها الحينه بتطلع.... اعرفها حليلها مطيعه حتى لو على حسابها
... دقايق حصلنا عفـــرا وحذالها شمه طالعات من الباب...

سيف يزاعج عليها: شقااااااااا طلعتييييييييييييييييييييييي
عفرا منكسه راسها : آآآآ ناديتوني
سلطان شاق الحلج: مباركين عفووووور عقبال الملجه

....كفخته على كتفه غصب طيب يبا يقطفهااا...
شمه الي لاويه على عفرا: ووويعه توويعكم شقاااا تحرجون البنت جيه شو هالزعيج
طالعتها: هاي اخوج يزقرها
شمه تلفت على سلطان:هاااا اخويه اشوفك من الحينه يالس تتأمر وتزقر على البنت
سلطان : والله كيفي البنت بتطلع باجر حرمتيه
سيف: واااااااااااااااااثق
سلطان: وااااايد والحينه بتشوف

طلع سلطان عنا من المسبح ... هالشي الي خلا عفرا تقفط وتدخل بسرعه لداخل
الله يخسك ياسلطون يقول يستحي يطلع حذالها جيه ابببد ماشي حيا....
خذا فوطه من الفوط المفروره حذالنا وحطها على رقبته ودخل لداخل....

..........................................

...........................................

يلس حذالهم وهو يتبسم بويهم

امايه: سير فديتك تلبس لايصيبك برد
سلطان: مابصيبني شي ... انا ياي اطلب طلب من خالتيه
خالتيه: أنت تآآآمر فديتك
سلطان: تسلمي الغاليه( طالعني عسب ايي ايلس حذاله عسب اكون مناصرته الاولى)
سرت ويلست حذاله وانا اتبسم
سلطان: خالوه انا ابا املج باجر
خالتيه: باااااجر!!!!
سلطان : هيه باجر.... والعرس انتو براحتكم أي وقت تحددونه انا اهم حايه عندي اني املج وتكون عفرا لي
امايه: لا وابويه لاتستعيل عليهم
شمه: امايه شو لاتستعيل.... البنت بنت خالته محد غريب خلهم يملجو احسن لهم
وان ماتبو فتره الملجه تطول حددو وقت الزواج بوقت مبكر
خالتيه: خلاص انت تعال باجر ويا ابوك وتفاهمو انتو الرجال من بينكم
سلطان: حلوووو من باجر الظهر ان شاء الله بنسير دبي نشل ابويه ونرد العين
امايه: لا وابويه انا مابمسك خط مرتين
سلطان يغمز لها: مانروووم على الي تمسك خط خلاص ولا يهمج انتن وراشد سيرن بيت خالوه وانا ارد روحي لدبي اشل ابويه واييكم
خالتيه: حيااااااكم الله بكللل وقت فديتك

فريت ويهي على سلطان وناظرته بنظرات خبيثه.... آآه ياسلطون صددق ان قال كلمه ماتتثنى اببببد ..........قال باجر الملجه وصحيح بتستوي باجر الملجه اسميييك ياخويه امممم شو والله اسميه مادري خخخخخخخخخخخخخخ
سلطان بعد ماعطوه الموافقه على الملجه رد وعق نفسه بالمسبح بحمااااس هههههه

آآآآآآآآآآآآآآآآآآآوآآآآآآآ<< اتثاااائب ههههههههههه
اخليكم بسير ارقد ...........صراحه اليوم يوم شاق ومتعب

.............................................

.............................................

نشيت من رقادي من يوعي ....... يوم ماتاكل زين وووتسبح ........ وترقد بدون اكل
شو يستوي؟؟؟؟

يستوي انك تنش بنص الليل والكل رااااقد ومافي حولك غير حس النخير هههههههه ...... وتسير للمطبخ بكل هدوء عسب تاكل جم لقمه ....بهالحظه لعنت سهيل بخاطري يوم طيرنا انا وسيف من على العشا وماخلانا نتعشا زين

دخلت المطبخ ادور لي شي اكله....... امممم ماشي غير توست وجبن امممم
....تبوو اعطيكم؟؟؟؟؟ سيرووو له تراني يوعان هههه اسميني نذل

وقفت الجمه بحلجي يوم سمعت حس اخيل هايج؟!!!!!!
الخيل بهاي الوقت شو يسوي؟!!
تركت الي بأيدي وسرت بسرعه لبرع اطالع شو صاير؟!!

لالالالالالالالالالالالا الريم ماركبتي الا الأسووود!!!!!! ..........
هالبنت تخبلت راكبه خيل مامروض !!!!!!!

..