يعطيكم العافية.. لفت نظري الموضوع وحقيقة أول مرة أشارك بالقسم..
معليش راح ادخل الكلام ببعض وانا قرأت تعقيباتك المتعددة بكامل الموضوع وراح أركز على بعض الأشياء..

اقتباس :-   المشاركة الأصلية كتبت بواسطة مالي شبيه

معك حق اخوي المجنون مجتمعنا مب واعي لهدرجه بس فيه بنات مضطرين وربي جامعيه تصرف على بيت كامل وماتشتغل بشهادتها تشتغل في مجال مختلف تماما في الاستقبال اخوانها عاطلين عن العمل رضت بالمهانه عشانهم لاتحكمون على البنات انهم كلهم يدعون للبراليه والعلمانيه وفصل الدين عن الدوله وتجريدها من هويتها والتحرر والاختلاط ووو..الخ وربي في بنات كثير تفكيرهم ابسط من كذا ( انا ابي اعيش وبس) وجهة نظرك اخوي وانا احترمها والله يستر علينا وعلى بنات المسلمين ويركد هالشباب اللي عندنا ويهديهم ولا تجيبلي دلائل ولا شي انت مجرد ناقل للسبق ولست محررا له وتبي تسمع راينا وانا مش ضدك ياخوي انا احاورك بس

اقتباس :-   المشاركة الأصلية كتبت بواسطة مالي شبيه

اخوي المجنون انت وش هدفك من هذا السبق انك تبين ان المراءه العامله السعوديه بالذات عرضه للتحرش اينما عملت !!!! لان اذا كانت مدرسه تحرش بها السواق واذا كانت في مستشفى تحرشوا بها المراجعين وان كانت بفندق تحرشوا بها النزلاء طيب لامدرسه ولا موظفة استقبال ولا دكتوره عشان مايتحرش بها واحد من المرضى اجل شنشتغل ؟ ولا عشان تبين ان الرجل السعودي متاخر عقليا والمره عنده = علاقه وانه نادر مايشوف المره = موظفه كفؤه جايه تشتغل وتاكل عيش مب تغازل وانها اذا اشتغلت في مكان مختلط كان لسان حالها يقول يارجال تعالولي ولا تبي تبين ان المراءه تحجبت وتسترت ولا لا كله واحد دامها عامله في مجتمع ذكوري ولا تبي تقول ان المره ماتنفع للشغل في اي مجال مختلط دام ذول رجالنا؟

بصراحة أتفق تماما تماما مع كلام الأخت مالي شبيه.. >> أنا شبيهتها..
البنات ما فكروا هذا تغريب وهذي علمانية وهذا غزو فكري وهذا مد صهيوني وهذا تيار ليبرالي وهذي مدري ايش..
البنت تبحث عن وظيفة طيب اللي كثر كلامهم واعتراضاتهم في التليفزيون والنت على كل شي ابتعدوا واحذروا طيب جيبوا وظايف ما فيها اختلاط؟؟
مدارس أهلية = ذل..
بنك= واسطة..
وظايف حكومية= ننتظر موت يا حمار حتى يجيك الربيع..
خدامة بمدرسة= الله لا يحوجنا لها يارب..
تسويق سواء بالنت أو بين الصديقات= تحتاج علاقات اجتماعية واسعة ومهارات وظروف خاصة وتعاون من الأهل مو أي بنت تقدر تمشي بها الشغلة..
الحين البنات مريحين روسهم وعلى طول أي وحدة تتخرج تفكر وش اسوي وش اسوي اها خليني أكمل دراسات عليا لأنها فاقدة الأمل في الوظيفة..
بالنسبة للشغل مو شرط اللي تبي تتوظف انها تكون محتاجة لكن البنت ممكن تريد تحس بتحقيق الذات تثبت نفسها تنصدم بالواقع طيب تحاول هنا وهناك وإن وجدت وظيفة أفضل بالتأكيد ما راح تكون كاشير إلا إن كانت تريد المشاكل لنفسها.. >> أعرف زميلات يعملون بالاستقبال يتعرضون لأسئلة ومضايقات وهم بجد متضايقين من شغلهم لكن ما لقوا شي ثاني!!
وبالنسبة للاستفتاء ان نسبة التحرش في السعودية ثالث أعلى نسبة في العالم!! >> ترى مفهوم التحرش في السعودية يختلف عن الدول الأخرى.. (أعتقد ما تحتاج توضيح) لكن اللي يروجون لهذي الاستفتاءات ويلفتون النظر لها يتجاهلون هذا الأمر.. يتجاهلون نقطة ماذا يقصد بالتحرش بالسعودية وعندهم..
وأركز أيضا على كثرة الأخبار اللي يحاولون يوصلون من خلالها معنى معين.. >> الأخبار اللي حصل كذا وكذا يعني كأنهم يقولون هاه شفتوا وش صار شفتوا النتيجة هذي آخرتها.. يعني بالعربي اجلسوا لا تشتغلون..
الكلام اللي في اقتباسي الثاني من رد الأخت فعلا هذا اللي يبون يوصلون له..
وأعتقد أن الأهم من (ما رأيك) هو أن نقول ما الحل؟؟؟ ما البديل؟؟؟ الحل بيد من؟؟؟ هل نسبة الناس الذين سيقومون بالمقاطعة ستكون نسبة كافية لجعل المتاجر تتوقف عن هذا؟؟ هل فعلا تعتقدون أن الحل بالمقاطعة؟؟؟ نحن إن قاطعنا سنجعل المتاجر تتوقف عن توظيف البنات كاشيرات لكن هل سنجد وظائف للبنات؟؟؟؟؟؟؟؟؟؟؟؟
مشكورين وبارك الله فيكم..

السلام عليكم
وحياكم الله

اقتباس :-   المشاركة الأصلية كتبت بواسطة Queen of the feeling

ليييتهم بدل مايرفعون الحكم للافتاء ويحدثون ضجة ..~ يرفعون طلب للنظر في وزارة العمل والخدمة المدنية ..~ اذا تم توظيف آلاف الفتيات المتخرجات في أماكن تليق بهم لما تم اللجوء الى هذه الوظائف ..~ لما لم يتم احداث كل هذه الضجة الإعلامية عند ظهور نساء سعوديات يعملون كخادمات في المنازل ؟؟..~ أو عند رؤية نساء يقفون في عز الظهيرة ليحصلو على فضلة من غيرهم :( المشكلة اننا ننظر للافتراضات والتوقعات ونترك الواقع نفترض انو عملها حيجلب لها الفتن والتحرش طييب وواقعها تمووت من الجوع هيا وأهلها علشان يمكن يمكن يتم التحرش فيها ترى البنت اياً كان دائما مايتم التحرش فيها .. عندك مثلا الهاتف كم واحد يعبث بالأرقام ويتصل على بنات الناس ويتحرش فيهم ..؟ هل هذولا البنات عملو شئ دفع هذا الشاب للتحرش فيهم ؟؟ جالسين في بيتهم ماخالطو أحد ومع ذلك تم التحرش فيهم .. اوك ناخذالامور بهدوء وحده وحده هههههههههه بالنسبه للمرأه ارى ان عملت او جلست بالبيت ماتفرق معاها كثيرا لانها معاله اصلا وهذا الشيء كفله لها الشرع فهناك اب واخ وزوج وابن مسؤل عنها اما اذا كانت بحاجه ماسه فتبحث عن عمل يرفع من قدرها ولا تمتهن باعمال ليست من مقامها ولا من قدرها وليس مجالها اصلا فالرجال هم القوامون وهم احق بهذه الاعمال واذا اخذت شهاده وجلست بالبيت وما حصلت وظيفه مو معناته انها تشتغل اي شغله وهذي مسؤلية وزارة العمل ووزارة الماليه بالنسبه للتحرش ممكن يصير في اي مكان ووسائل الاتصال كثيره وانا معك ولكن اي وسيله ممكن ان نتحكم فيها ممكن البنت تقفل الهاتف او تغير الرقم والخيارات كثيره ويمكن تكون حاله واحده وتنتهي لكن كونها موجوده كاشيره يمر عليها باليوم عشرات الرجال على اختلاف اشكالهم والوانهم وطبائعهم حتى لو كانت محتشمه الا راح تواجه السفيه والجاهل والمدمن والحقير وووو الخ فيابنت الحلال ما فيه مجال للعواطف عند الامور الي ينخاف منها وينخاف انها تتطور للاسوأ طييب .. خلينا نأخذ الموضوع بشكل عكسي .. لنفترض أنو أنا ذحيين رحت السوبر معايا الوالد بس الوالد طلع قبلي وقالي حاسبي وتعالي لنفترض >> علشان ما تكفروني :) (في صحيح مسلم عن ابن عمر بلفظ: أيما رجل قال لأخيه: يا كافر، فقد باء بها أحدهما. وزاد مسلم في رواية: إن كان كما قال؛ وإلا رجعت عليه. وفي لفظ آخر عند مسلم: إذا كفر الرجل أخاه فقد باء بها أحدهما. ) واحنا لا نكفر احد ولا نشهد لاحد لا بجنه ولا نار قال تعالى : (فمن يعمل مثقال ذرة خيراً يره ومن يعمل مثقال ذرة شراً يره ) انما نريد اصلاح المجتمع والحفاض على هويتنا الاسلاميه لاعتقادنا انه هو الاصلح والامثل للبشر كونه دين سماوي نزل على اشرف الخلق ورب العباد اعلم بعباده هل يعتبر اني اصبحت فااجرة لما رحت عند الكاشير الرجل وخليته يحاسب ؟؟ هل يعتبر اني اصبحت في موضوع اختلاط يدعو للفتنة ؟؟ انتي جيتي مره وحده يمكن بالشهر ومشيتي انما البنت الكاشير موجوده كل يوم في نفس المكان ومعرضه لانواع الاساءه مقارنتك غير مناسبه ابدا واحنا مانتهم البنات انما نقول هي بتتعرض للاساءه اكثر من غيرها طيب نقطة ثانية .. من أكثر من 10 سنوات واحنا نشوف النساء يبسطون في الشوارع الشعبيه ويبيعون .. حتى في الجنادرية دايماً نشووفها ..طيب ليه ماقلتو اختلاط وحرام .. ولا ازيدك من الشعر بيت ايام الجنادريه يجي المذيع ويسوي معاها لقاء ويفتخر فيهم... وينتشر على كل الملا ويينكم ماقلتو شئ عنهم ولا علشانهم نساء كبار ليسو محل للتحرش والفتن والكاشيرات بنات معرضين للفتن والتحرش :) والله انتي قلتيها العجايز ماحد ينظر لهم والبنات اكيد وضعهم يختلف بعدين العجايز في الجنادريه وغيره في الاسواق الشعبيه بتعتبر موسم كم يوم وخلاص ويمكن ماترجع السنه الجايه يعني مو بصفه دائمه ومو كل النسوان بينعمل معهم لقاءات فيه منهم بترفض وبعدين من قال لك انو احنا راضين على الي بيصير لا والله تراك غلطانه طيب نقطة ثالثة .. الشباب اللي يبيعو في محلات نسائية خاصة .. ليه ماحد حرم عملهم ماعنو ذا الموضووع أكثر موضووع يثير الفتنة ..؟؟ ياريت تروحي مجمعات نسائيه افضل او يكون معاك محرم انتي تاخذي الي بدك وهو يحاسب مافيها شيء واحنا نقول اكيد الوضع مو صحي ونطالب بمزيد من المجمعات النسائيه أنا اعتراضي مو على الحكم الصادر من الإفتاء .. لأنو مهما كان هما ناس اكبر علم مني واحترم قراراتهم جداً ولهم كل الشكر ..~ اعتراضي على موضوع الكاشيرات النساء بغض النظر عن الحكم الصادر .. واعتراضي على بعض وجهات النظر اللي قرأتها :) اذا مو معترضه على الحكم الصادر من الافتاء معناته انك مايده منع النساء من العمل كاشيره تمنياتي بمستقبل مشررررق :)

سهل الكلام من أبراج عاجية ...
اللي يقول نموت جوع ولا نشتغل كاشير

سؤال بس
ذقت/ي الجوع ؟؟؟
صرخوا عيالكم منه ؟
انقطعت عليك كهربا بسبه عدم السداد ؟
انطردتوا من شقة لانكم ما سددتوا ايجار...؟
ملاحظين غلاة المعيشة وإلا ؟
نتيجة طبيعية جدا إننا نشوف الحريم يدرون اي مكسب عيش بمجتمع كل واحد فيه نفسي نفسي
ترى فيه بنات باعمار العشرين تعول عوائل وعايشين على ضمان و صدقات اهل الخير اللي باي وقت ممكن تنقطع... الحل مو انه تصدر فتوى بس بتحريم ونقفل الباب ونمشي ..
دامكم شايفينها اختلاط وما تبغون الاختلاط لا تتركون له مجال !!!
اسواق منفصلة و مستشفيات منفصلة و دوائر حكومية منفصلة و عاد بعدين الواحد يتكلم ويذم ويقول لا ما تخلونها تشتغل كاشير!!
الموضوع مو دس واهانة وتغريب لصورة المرأة المسلمة , ترى صورة الرجل المسلم أولى تتطالع...محد قال وش صاير فيهم اللي شبابه وحتى شيبانه اغلبهم إلا من رحم ربي ما شاف طرف شي اسود إلا قام يلاحقه!!
يعني مثلا ذي صورة الرجل المسلم؟ مصيبة !!
لو كنت احتاج اشتغل ولقيت وظيفة كاشير باشتغل و ما بموت جوع وبابحث عن وظيفة اخرى براتب افضل اكيد ..ما راح انتظر رأي ناس تحكم علي من وضعها الخاص ولو طلبتهم يصرفون علي شردووووووووووووواااا

ما اشوف لنا حق اننا نتكلم ونحكم واحنا ما نساعد العوائل المحتاجة بما يكفي ولا احنا اللي جالسين نطالب بأنه تنفتح لهم مجالات ونجي نذم يوم تشتغل الوحدة كاشير ؟

والله اللوم مو عليهم اللوم على اللي مخليهم بحاجة هالشغل !!..اللوم على الرجال اللي ما يخافون الله ويمشون بطريقهم بدل التلقف ...


ثانكس عالطرح ،،،على فكرة سبق مو مصدر موثوق ابدا ..كلامها كله خرطي :)

- هل تؤيد عمل المرأه كاشيره في المجمعات التجاريه ؟


اذا التزمت بالحجاب الاسلامي ووضعت ربها بين عينيها ليش لا-
هل يعتبر عمل المراه في المجمعات التجاريه اساءة لها ؟
لاتعليق[COLOR
- هل تعتبره او تعتبرينه نوع من انواع الاختلاط ؟
ع حسب التزام المراه منهن المتحفظه ومنهن العكس بحيث تضع حد بينها وبين الرجل-
ماهي نظرتك للمرأه العامله في هذا المجال ؟
في بعض النساء تكون في قمة الاحتياج لكسب المال ولظروف خارجه عن ارادتها تعمل هذا العمل فقول لها الله يوفقها

- ماهي افضل الطرق بنظركم للخروج من هذه الازمه ان صح التعبير ؟
[COLOR="darkred"]افضل طريقه هي توظيييييف المتخرجات
وفتح مجالات اخر للتوظيييف

ويسلموو ع الطرح الرائع
دمت بحفظ الرحمن